本帖最後由 puzzle0101 於 18-5-25 11:25 編輯
12.4 終於見周醫生了由打電話去book開始,日日都好擔心內診時會唔會順利,始終我有陰道痙攣...
當日9am先去18/F 登記及老公去驗精,老公finished後,我地去附近M記食早餐,
11:45am再返去17/F填Form量血壓度高磅重,之後拎飛仔等見周醫生(幫我度高磅重個姑娘話我身型標準可以佗b,唔洗減肥,咁我都放心d)
12pm終於入去見周醫生了,之前睇d jm都話周醫生cool cool地,講野好急,
但我既感覺又唔係喎~~入到去已經覺得佢好有笑容,
我講左我既陰道痙攣情況比佢知,佢都係建議我自己用手指/道具練習,
心理障礙是要自己克服,佢只可以幫我用人工方法令我成功懷孕,同佢傾既過程都好舒服~~
之後周醫生話要內診睇下可以做咩方案
首先去隔離除晒下身,姑娘會比塊野我遮下(感覺好貼心無咁尷尬)之後再訓係張床度''腿張開'',
周醫生講解會做3樣檢查之後就開始了...
第一個檢查--放手指,佢一放,我已經驚同痛到個人側晒身,姑娘同周醫生不斷安撫我叫我放鬆下先再入,
之後順利完成,周醫生話我陰道夠闊,之後佢問我有無信心再做埋下個檢查,嗯,點都要頂硬上!
第二個檢查--check宮頸,周醫生知道我既case所以用最細的鉗,呢個檢查我覺得最痛,直情慘叫左幾聲,
我老公嚇到衝左入黎(事後佢話我慘叫到似生仔咁)
之後周醫生話第三個檢查會容易d--照陰超,
可能上一個檢查實在太辛苦,對比下又真係易接受d,起碼我無典床典蓆先,不過有舊野放係下面點都唔太舒服,
周醫生叫我睇下個mon睇下自己個子宮,佢話有個圓形物體可能是息肉不過現階段唔洗處理住,而內膜厚度亦正常,
卒之完成所有檢查了,但個人仲驚到好震,周醫生同姑娘好nice咁讚我已經好叻,
我雖然無內診經驗,今次係第一次,我覺得係痛,但周醫生檢查既手勢我個人覺得係''快狠準'',
令痛既時間好短同過程好順暢,
下次覆診再內診時希望自己學會放鬆無咁辛苦啦..
之後周醫生講埋精子報告--唔合格兼差,
所以佢叫老公下個月再驗多次精,叫佢戒煙食多d蔬果希望會好d~
佢話如果到時都差,要考慮做iui/ivf..omg我地唔想ivf呀~~~~~
之後約埋覆診日子比埋錢就走得lu,
離開診所後,老公話會改善自己既生活習慣,佢話見到我咁辛苦都好心up,
經過今次檢查,我真係好佩服各位媽媽,特別是順產的媽媽....
希望下次覆診精子分數靚仔d啦~~~
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
