想生BB 今日: 6|主題: 109646

收藏本版

發帖

返回列表

跳至頁

查看: 30029 | 回覆: 177

求B之路~送子鳥ivf

[複製鏈接]

12 3 4 5...9

PENNYWONG299

大宅

積分: 1484

1^#

發表於 15-4-20 15:26 |只看該作者 |倒序瀏覽 |打印

本帖最後由 PENNYWONG299 於 16-10-24 16:45 編輯

我本身係一個好鍾意小朋友既人，所以由10年頭(當時32歲)已經自己開業發展童裝事業，11年中(當時33歲) 生意已經開始穩定，就打算同拍左拖4年既未婚男友開始計劃生小朋友，又量體溫，又走去買一大堆紅D驗排卵，之後發覺自己好似做咩都冇乜用咁，12年頭(當時34歲)就走左去睇家計會不育科，當然又要驗血，又要驗尿，做左一堆檢查，醫生就安排我4月去照輸卵管，由照輸卵管開始就係我在生B過程開始痛既一刻出現了(因為我本身係唔怕打針抽血)，但當醫生灌藥水入去時會有極強m痛feel，照完之後仲痛左幾日，報告出左發現一邊塞左，5月又去見家計會醫生時，醫生話冇野幫到我，話iui你都唔洗諗架啦，叫我直接去做ivf，我當時都唔知咩叫ivf同iui，我返到屋企咪同男友講左我好難生小朋友呢件事，佢當時反應點解會咁架，點知佢同月就話我地性格不合要分手(我估佢嫌我冇仔生)，我傷心到想死，已經冇仔生架啦，三十幾歲人仲要比人拋棄，之後經朋友同家人既關心决定重新振作，就在收拾心情期間，好無聊地玩手機交友，識左而家個c6，剛相識時我已經同佢講明我好難生小朋友，你唔介意先同好我拍拖，點知佢話愛我，就愛晒我的所有，因為c6係基督徒，所以我地拍左拖1年半度，覺得大家相處得好好便决定13年10月(當時35歲)結婚了，結婚後14年頭，我又再排期睇家計會拎不育証明，打算去排廣華ivf，點知廣華嫌我高齡唔收我，我只好去瑪麗排ivf，結果瑪麗肯收我，但一排要排到去16年6月先有得睇，所以我同c6决定去私家做ivf，但經資料搜集成功率同價錢之後，决定在14年10月(當時36歲)飛去台灣送子鳥做ivf同開始食葉酸500mcg，但送子鳥要求我要出示公証過的結婚証書，我又碌左去金鐘整左半日，終於等到第一次去初診啦，去到一見到賴醫師，感覺佢非常專業，一睇我2年前既輸卵管片，就話我輸卵管唔止係塞仲有積水，要求我先把一邊輸卵管切除，因工作關係c6下次不能陪我抽卵，所以當時已把精子交低送子鳥冷凍，我即刻拎埋針藥返香港，經朋友介紹搵左仁安嘅周敏姬醫生幫我安排11月做腹腔鏡手術切輸卵管，順便切埋一粒位置係子宮口3cm大既子宮肌瘤，手術後係我第二次感到痛了，呢次係輸卵管位痛，痛左大約1至2星期，不過休息左1個月之後，同周醫生商量過決定12月就可以即刻開針，面對第一次要自己幫自己打針都好驚，不過為左生B唯有頂硬上，鼓起勇氣桔落自己個肚度，桔左落去之後發現原來好簡單姐！哈哈！送子鳥要求我抽血驗AMH，結果有成28.6pmol/L即係我卵巢功能指數都算唔錯，之後再飛去送子鳥進行全身麻醉抽卵，因為抽卵前後卵巢受刺激所以子宮位勁痛好似谷m咁，但比谷m痛好多，而且痛左成2至3星期，係我第三次覺得痛，結果抽到9粒卵，有6粒成功受精成為胚胎，再培植到day5得返3粒成為囊胚，結果係4BB,4BC,4BC,賴醫師話放雪胎成功率比較高，所以唯有先返香港等到15年1月(當時37歲)再同c6一齊飛台灣送子鳥放雪胎，同c6商量後，因為唔想中空寶，所以決定放2粒雪胎，但放胎前要先在香港仁安照內膜厚度，結果得7.8mm,周醫生話比較薄，最好係要over8mm,結果由果日開始就惡補啦，食85%黑朱古力，鴻福堂花膠湯，自制花膠燉鮮奶，每日烚蛋白2隻，去到放胎當日心情反而非常輕鬆，過程冇麻醉但唔痛既，5分鐘就完成左，仲剩左一粒繼續雪左係送子鳥，我在1月16日放胎，一直都恨生BB恨到發燒既我，可能比c6信仰影響左我，唔知點解有住好安穩既心，到1月24日早上我發現我流左大約半塊護墊咁多既深紅色血，我好有信心呢啲就係傳說中既著床血黎，我覺得今次一定會成功既，
1月27日心思思開始用過左期成年嘅綠D黎驗，結果好明顯係雙線，已經好開心，但因為綠D係過期既，都有啲唔實在既感覺，所以第二日再用購自台灣新買既棒棒去驗，結果又係明顯雙線，之後連續幾日每日都有用過期綠D驗，雙線一日比一日加深，直到等到1月31日送子鳥要求我去抽血驗HCG，但由於當日是星期六要等到，2月2日先有驗血報告出，點知一收報告見到個數字是5187.74已懷孕4weeks，我
自己都比個數字嚇親，等到2月17日再去仁安周醫生度照心跳，終於見到亞B心跳既感覺，真係好感動呀！直至今日亞B已經16weeks了，而且已經知道係男仔！希望亞B健健康康地出世啦！