心聲留言 今日: 0 | 主題: 17570

積分: 52

1^#

發表於 19-5-28 20:13 |只看該作者 |倒序瀏覽 |打印

先講講，呢篇野會好長好長。因為係結合咗我呢12年既經歷，
忍咗12年
如果5係我到咗崩潰邊緣我都5會係網上面講。
因為當我識既人都覺得件事冇救個陣，
我只好係網上問下解決方法。
其實我都5係一個乖乖女。

講下父母背景先。
兩個都係東南亞國家出世（祖籍中國）
老豆窮，阿媽富二代。
老豆係大仔性格比較文靜同顧家，
阿媽係中間然後巴渣，屋企冇人敢逆佢，大學個陣好鐘意收兵，仲同我講過佢曾經比人飛完因為條氣5順而乞求人地復合，復合一星期復即飛人。
兩人一見鍾情之後去咗澳門一齊共患難。

0 0 0

私人傳訊

Poyau

積分: 293161

母親節2025勳章 2025勳章蛇年勳章 2023年兔年勳章

2^#

發表於 19-5-28 20:18 |只看該作者

回覆樓主:

待續······

私人傳訊

積分: 52

3^#

發表於 19-5-28 20:22 |只看該作者

我細細個個陣已經知道我媽同我嫲關係5好
（我爸個邊後來移民去香港）
原因好似係兩家關係好差喔
（我婆過身之後兩家先再見面）
我媽5會俾我見我爸個邊既人（佢自己都5會一齊食飯），唱衰佢地，甚至有次我同老豆個邊一齊食飯，我父母又吵然後5俾我叫佢地。
之後冇幾耐我老豆外遇，我比我媽早一兩年知（大概小學四五年級）
因為個陣我夜晚要同人訓先訓得著，但當我同我老豆訓個陣佢會半夜出去（而我又係易醒既人）
打俾佢佢話一陣番黎，然後我等咗成晚都5見佢。而且5止一次。
但我一直驚我媽傷心而冇講任何野
直到我中一個陣我老豆親口同佢講。
（依家諗番起個陣講其實理所當然）

私人傳訊

積分: 52

4^#

發表於 19-5-28 20:34 |只看該作者

我阿媽知道咗之後成個崩潰咁攬住我喊，我因為一早知道而比較冷靜
一兩個月之後我媽夜晚飲洗潔精自殺，好彩個時有請工人，工人搞隔離屋門幫手報警，我自己同我媽上教護車去醫院同落口供同打俾我老豆
呢件事後來成為我心理陰影。
之後高中之前我父母成日吵又扔野亂叫，係高中個三年兩個人先變番好d

私人傳訊

積分: 52

5^#

發表於 19-5-28 20:45 |只看該作者

但又5代表情況有好轉，因為我成日聽到我老豆同個女人傾電話（聽語氣+我一行埋去就收線）
但我又扮咩事都冇咁
然後因爲個陣我聽我媽成日因為升學問題而吵起黎（當然仲有佢成日買名牌既事），老豆變咗做調解個個（以前佢地兩個吵個陣我做開）所以我媽以為我爸同出面個個女人分開咗。

私人傳訊

積分: 52

6^#

發表於 19-5-28 20:51 |只看該作者

補充一下我初中個三年記憶特別模糊，基本上除咗好特別既事咩都5記得
（去差館報案（我媽話比個工人威脅），老豆欠人債要我媽賣金飾還債同埋我父母吵得好勁）
我媽話我個時成日叫佢離婚但我真係冇記憶

私人傳訊

積分: 52

7^#

發表於 19-5-28 20:57 |只看該作者

後來我出國讀大學個四年幾乎每一年我媽都要同我講佢要同我爸離婚（原因5係二奶），然後佢同老豆會分別打黎問我點做。然後我俾咗建議之後佢地又5做，搞到件事冇彎轉又黎問我點做
大佬我講又5聽？？
我每一年都要同教授講我有可能要番去處理d事，結果鬧完一大輪又5離？？搞咗幾年（依家都係）都話離又5離？？（聽過狼來了既故事未？）

私人傳訊

積分: 52

8^#

發表於 19-5-28 21:04 |只看該作者

大一大二都係咁
大三個年成年事由花生變爆谷
我媽有一日收到二奶既message叫我老豆5好再煩佢兩母女
我媽5識睇中文所以send黎問我咩意思
個下我真係5識點答。
之後5記得點，但總之我媽知道咗然後就發癲，
我就一副「都十幾年啦點會冇細路啊」既樣對待件事
（個靚妹細我十二三年，所以極大可能因為咁我老豆係我十二？十三歲個年講）
我老豆都係十幾年黎第一次同我講佢有二奶

然後又問我點做好。
離婚啊仲可以點？？？

私人傳訊

積分: 52

9^#

發表於 19-5-28 21:10 |只看該作者

本帖最後由 reia_memoria 於 19-5-28 21:11 編輯

當然啦兩個又5聽我講
我媽話5想輸比個二奶我爸話對我媽仲有感情

嗯？？？？玩野？？？
我媽又會跟蹤我老豆去個二奶屋企然後吵
然後同我講個二奶點點點，我咪話離婚囉
「5得啊個二奶咪攞數著數？」
跟著佢又會話個二奶係大陸人點點點文化差啊咁
睇到呢度你地以為oh都係一件大婆同二奶之爭？？
之後呢單花生要變爆谷啦

私人傳訊

積分: 52

10^#

發表於 19-5-28 21:19 |只看該作者

上年我婆過身，我阿媽因為返工所以我比佢先，於是我打俾我老豆喊住咁講阿婆走咗（我爸去接我媽）
個晚我媽喊住同我傾電話立即請假訂第二日既機票
好正常係咪
結果我爸第二日打黎話我媽係去香港機場個陣發癲大吵大鬧話5番去
因為我爸5跟佢番去所以佢5想番（驚我老豆搵二奶）
我呆咗陣話下佢阿媽走咗喎？
第三日仲勁，我媽打黎同我講佢好悶冇人陪佢去街
我話依家你阿媽走咗啊你仲有心情去玩？？？
之後有次我媽憂鬱症發作我去搵我媽個邊既人幫手之後得知一件事情
我媽係鄉下個陣原來有幾次發癲話我老豆5要佢點點點，佢屋企人要打去搵我老豆。所以我媽個邊既人叫我幫我媽搵個心理醫生因爲佢地都冇辦法

私人傳訊

積分: 52

11^#

發表於 19-5-28 21:26 |只看該作者

花生就係由個度開始變爆谷
因為二奶係短期逗留所以要兩星期返上去一次，番底個靚妹自己係屋企一係我爸睇住一係送佢去香港俾我阿嫲睇住。
有一日我媽打黎同我講佢去咗見個個靚妹，一見到就想殺佢點點點
但佢又講咗句
個靚妹好似我
嗯？？
然後有一日突然打黎同我講佢同個靚妹食飯。話個靚好好食得辣野
嗯？？？？
然後有一日佢話佢好悶所以跟住我老豆同個二奶同個靚妹去行街去夾公仔
嗯？？？？？？？
人黎幫我同貼個張樹熊咬住塊葉既圖出黎

私人傳訊

積分: 52

12^#

發表於 19-5-28 21:38 |只看該作者

事情去到今年三月我畢業個陣，我堂妹同我父母過來睇我畢業典禮。
因為佢地都係訓我屋企所以我用我打工既錢去幫佢地買枕頭之類既野。（本來諗住俾佢地訓我張床但佢地嫌我床太軟）
個幾日夜晚我媽一訓著既話會突然尖叫嚇醒我同堂妹，然後睇住佢行去老豆個邊話好驚點點點成個人粘住我老豆
（個時佢已經好明顯有重度憂鬱症，睇社工同醫生都5得，叫老豆送佢入院佢話自己會搞我媽）
而我老豆呢。盡顯渣男本色。
佢帶得個一兩千蚊港幣過黎，餐餐要我媽幫佢俾錢（我幫手夾錢），買野都係我媽出錢。
佢甚至有次好明顯想買個公仔比個靚妹，但因為佢冇錢+我媽5肯而冇買。
但係
因為我後來要番一番澳門（因為我係外地搵到野做）佢就打黎同我講
「喂你番黎係咪要買下野送俾人？」
（言下之意叫我買野俾個靚妹）

私人傳訊

積分: 52

13^#

發表於 19-5-28 21:55 |只看該作者

好啦我心軟我買咗。

然後今次番澳門係我最depressed既一次。
第一日番到去我媽接我，一齊番到屋企樓下個陣佢突然開始大喊大叫，一直番到屋企都係咁。
佢喊住問我覺5覺得佢好恐怖，我話5會啊其實心入面超驚。
之後佢因爲番夜而有幾晚5係屋企，但只要佢係屋但就會大叫，有陣佢會因為我係度而話出一出去，跟著係走廊同樓下大叫。
但只要我老豆係度佢就會變番正常。
跟著佢好似同曬全澳門既人講佢屋企既事，事因我只要同佢去到邊一定會有人過黎話「你個女啊？」「你多d番黎見你阿媽啦佢好慘嫁」
有次一齊去按摩佢突然發作然後同當場所有人講屋企既事。
但只要佢同老豆一齊就冇事。
佢成日朝早7點起身就會起身發作話老豆係咪5要佢5愛佢（事實上老豆番緊工放朝早7點），然後落去等我老豆。
呢個時候我老豆會打俾我媽，我一接電話佢就知咩事，我都同佢講阿媽落咗去。
阿媽番黎我就同佢講老豆打黎，我同佢講你落咗去，佢就打俾老豆話佢冇落去。
係我返去個個朝早，佢突然起身行去窗邊講阿女我走啦阿女我走啦。我嚇到拖住佢隻手問佢做咩。
我叫我媽食藥，迫佢食佢5食
叫老豆送佢入院佢又話5洗
而我本身錢又5算多咩都做5到。我番去以為陪我媽既話至少我媽會好d，結果我係度同5係度冇分別。

私人傳訊

積分: 52

14^#

發表於 19-5-28 22:10 |只看該作者

最後補充下
•其實企邊邊我真係5知。
我老豆話我阿媽會當佢神咁拜，少少事都會跪低認錯，我老豆陪佢既話佢會話多謝你陪我（拜拜既手勢）；而我媽話我老豆成日罵佢，成日都話要去二奶個度，仲話我老豆份糧全部係俾曬個二奶
•關於我同外面個二奶
我今次番去我去第一次見個兩個。真心聽到佢地叫爸爸個陣其實個心好複雜。但係真心覺得佢對我爸既態度同我媽以前對佢既態度好5同（雖然5知係咪做戲）
•其實真心好累
我一直叫佢地離婚，一個5認輸一個話有感情然後5聽我講。我曾經單對單咁傾過都冇用。勸又5得罵又5得，而且今次番去覺得自己可有可冇，頭家散曬。我認我出國係想離開個家。
一方面擔心屋企人，但一方面5想自己賠上成個人生。我本身都有輕微憂鬱，每次佢地出事我做曬和事佬，我一句「想死」得番黎既係一句「5好咁諗啦」，所以有時都覺得自己講咁多無謂。特別當同我媽講
「你其實有冇諗過自己都有可能有問題嫁？」
「咩啊？我咁好人！我全世界最好嫁」一副認真既樣咁同我講
其實真心好累
我呢幾排仲要岩岩出黎做野
對住佢地日日一個發癲一個咩都5理。
真心我怕我有一日會捱5住
好啦講完啦多謝各位收睇

私人傳訊

積分: 52

15^#

發表於 19-5-28 22:21 |只看該作者

仲有一點
因為佢地兩個都覺得我企佢地個邊所以咩都會同我講
我老豆曾經同我講過佢包過三奶。

私人傳訊

Poyau

積分: 293161

母親節2025勳章 2025勳章蛇年勳章 2023年兔年勳章

16^#

發表於 19-5-28 22:33 |只看該作者

回覆樓主:

仲有三奶

私人傳訊

crystal媽咪

積分: 347223

馬年勳章 2025中秋節勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章 2018復活節勳章 2018母親節勳章 2018父親節勳章牛年勳章 BK Milk勳章畀面勳章環保接龍勳章

17^#

發表於 19-5-28 23:44 |只看該作者

reia_memoria 發表於 19-5-28 22:21
仲有一點
因為佢地兩個都覺得我企佢地個邊所以咩都會同我講
我老豆曾經同我講過佢包過三奶。 ...

你係咪冇兄弟姊妹呀？
頂得好辛苦上網傾訴下

不要從別人的嘴裡去認識我

私人傳訊

積分: 52

18^#

發表於 19-5-29 18:37 |只看該作者

回覆 crystal媽咪的帖子

冇啊係獨生女

私人傳訊

crystal媽咪