少年成長 今日: 0 | 主題: 16133

積分: 2229

1^#

發表於 05-4-25 14:07 |只看該作者

點樣教佢呀

教小朋友真係好辛苦, 尋晚我個仔向屋企吐口水,咁我咪
打佢個咀咀, 打左三下, 佢跟住就唔睬我, 向度喊, 咁我奶
奶就錫返佢, 我奶奶話"你唔好咁啦, 如果唔係媽咪就打你勒"
其實我應該點樣教佢,點樣講佢先至會明白,跟住到夜晚佢又
唔肯訓覺我奶奶又同佢講"你仲唔訓覺媽咪就會打你架勒",
每個媽咪都好想自己既小朋友會聽聽話話,但有時我覺得真
係好難,好似我老公因工作關係,有時成個禮拜都唔向屋企,
我一個人教佢覺得好辛苦,想問其他媽咪有無咩教子方法.

:cry: :cry: :cry: :cry: :cry: :cry:

私人傳訊

SUSANNA

伯爵府

積分: 17464

好媽媽勳章 BK Milk勳章

2^#

發表於 05-4-25 14:20 |只看該作者

Re: 點樣教佢呀

我諗你首先要做既事係吾好再比奶奶講"媽媽會打你", 這句話會好影響你係個仔心中形象, 下次個仔曳, 你不如試下同佢行埋一邊, 或入房同佢講下道理, 吾好隨便打佢, 打得多佢根本吾怕, 或你可以用講故事型式, 將佢D曳行為投謝落D故事主角度, 然後問仔仔, 個主角岩吾岩, 等佢自己分拆下.

私人傳訊

IRON

男爵府

積分: 8513

好媽媽勳章

3^#

發表於 05-4-25 16:59 |只看該作者

Re: 點樣教佢呀

我覺得有老人家一齊教仔就好麻煩, 前幾日同婆婆出街食飯, 茶芥有碟炒花生, 我叫仔仔只可食幾粒因好熱氣, 佢食左又要我又俾多幾粒跟住羅開, 但婆婆就趁我唔覺一陣又醒幾粒俾佢, 等我見到後又即刻再俾幾粒跟住話食埋呢幾粒好啦唔係一陣媽咪又鬧(都唔知食左幾多??!!)......搞到人地聽到好似我唔肯俾野個仔食咁, ok卒之第二日仔仔同我講咀咀痛, 開口見牙肉腫晒又有飛滋, 同佢講媽咪唔係唔俾你食, 而係有d野只可食少少, 食得多就咀咀痛啦, 佢先至係咁點頭; 不過我真係好想剷我阿媽(無奈中~_~)

私人傳訊

謙謙媽ME

積分: 2229

4^#

發表於 05-4-26 16:54 |只看該作者

Re: 點樣教佢呀

我都係咁話,話佢地又唔係,唔話佢地又唔係,好似我囝囝返playgroup咁,佢地話因為佢唔識聽英文,playgroup既導師
全部講英文,所以話唔啱佢返,結果返左一期就無返,我而家
好想帶佢返,因為我囝囝勁怕生保.加上我住向D圍村度,無咩
小朋友同佢玩,呢樣野亦係我最擔心既.

私人傳訊

Teresa

珍珠宮

積分: 35965

畀面勳章

5^#

發表於 05-4-26 19:31 |只看該作者

Re: 點樣教佢呀

我呀媽以前做過幼稚園嬸嬸, 見唔小好似你小朋友一樣既細路鐘意吐口水 (吐落地, 吐落同學仔度). 無論老師點警告/勸阻/罰, 都唔收效. 當然要執手尾既就係我呀媽.

跟住我呀媽就出招, o係個細路面前舖哂報紙o係地下, 叫個細路盡情吐口水, 唔阻止佢. 佢吐完換報紙, 由佢吐過.

只係試左3日, 個細路覺得冇癮, 以後都冇吐口水喇.

私人傳訊

積分: 76971

6^#

發表於 05-4-27 11:31 |只看該作者

Re: 點樣教佢呀

我之前在某處睇過有個女人以前下下都係打仔無理過小朋友感受, 仲之見到佢唔啱唔係打就鬧, 但後來佢讀左個課程提升左佢自己d eq後都懂得和小朋友溝通, 我覺得好啱你應該要問下個仔點解要吐口水先, 睇下佢有咩解釋其實細路仔有時拽係想引大人注意, 所以每當佢地做錯時我家陣都學會問原因先, 再分柝唔聽先打打鬧鬧都未遲.

私人傳訊

積分: 3783

畀面勳章

7^#

發表於 05-4-27 14:11 |只看該作者

Re: 點樣教佢呀

我囡囡剛剛5歲,佢係超級反叛,自我,野蠻,亂發氣,操老,又吾聽教的女孩子,在學校佢已經係數一數二被老師罰的一個,我軟又試過,硬又試過,講道又試過,送貼紙又試過,但係乜野方法都吾work,吾通真係要勁勁地打佢一穫至得咩,但我又吾想用到lee個方法. 佢既班主任已經好吾滿意佢,我囡囡好似開始連老師都吾怕,可能佢都被老師罰到都冇哂感覺,冇哂自尊la. lee輪我個囡仲玩埋攻擊人lee科,佢一d吾滿意就打小朋友,我同佢講道理佢仲用對手摭住對耳朵,話吾想聽我講野,我真係好煩,我真係吾識教.都想睇下有冇媽咪可以俾d意見. 囡囡由bb到e +都係我自己揍大的,點解會搞成咁呢,仲係越大越衰tim,都5歲喇,都吾知仲有冇得教,我真係就快痴線喇:-( :-( :-( :-( :-( :-( .

jjhwong

要忘記傷痛,係時候要重新振作起來,可以嗎?

私人傳訊

積分: 76971

8^#

發表於 05-4-27 14:27 |只看該作者

Re: 點樣教佢呀

我估你可能唔經唔覺寵壞左佢而你自己唔知亦無人提點你啫, 但家陣五歲都真係可以話佢定左你型, 不如試下搵一個你個女又鍾意又會聽佢話既人同佢講下, 又或者你在假日帶佢去d佢想去既地方玩跟住慢慢同佢一路行或一路搭車時傾下心事, 問佢有咩唔開心點解成日打人呀, 你知唔知打人好痛架, 你想唔想試下比人打下既滋味呀?

你睇下佢點答你, 我覺得現時呢個階段你係要建立好同佢既關係, 否則再大d佢有咩都唔同你講呀!

私人傳訊

cocoWong

積分: 4906

9^#

發表於 05-4-27 18:11 |只看該作者

Re: 點樣教佢呀

jjhwong~
我個仔都係同你情形一樣,都係5歲,我有時都好沮喪,咁你個囡成績如何?我個時好時懷,咁細個已有吾合格,但係我係屋企已同佢溫了好多次,都ok識,但都係吾合格,我真係吾知點教,老公又吾理,我遲早精神崩潰. :-(

私人傳訊

大小不梁

男爵府

積分: 7539

10^#

發表於 05-4-27 22:37 |只看該作者

Re: 點樣教佢呀

教小朋友真係一個好高深ge學問.....我教左幾年了...人都殘了,不過個你都係咁....乜事都可以喊一餐....實在無能為力!!傾又傾過,罵又罵過,'乙水'又'乙水'過,打又打過.....差唔多咩都試過,真係令我有小小想放棄ge感覺......情緒一日差過一日,脾氣一日比一日大..... :-( :-(

私人傳訊

積分: 3783

畀面勳章

11^#

發表於 05-4-28 00:42 |只看該作者

Re: 點樣教佢呀

cocoWong,

其實係正常既情況下應該係男仔反叛個女仔,但我lee個女就例外. 佢e+讀緊k2,佢間學校係活動教學,所以我暫時都冇乜壓力亦冇測驗,所以佢d成績就仲未睇到,不過每次叫佢做功課我就要好似個惡到成個傻婆咁佢先至肯做,仲係好似好吾意咁,d字就寫到好似鬼畫符,總之就好勞氣,一d吾鐘意就發脾4,好似佢係亞媽咁. 你老公就話吾理傘,但我地倆公婆想理都理吾到,所以我真係吾敢諗以後條路點行. 點解個女會係咁,係吾係我有問題呢,係吾係真係要打去d父母熱線到搵人幫幫我呢

jjhwong

要忘記傷痛,係時候要重新振作起來,可以嗎?

私人傳訊

積分: 3783

畀面勳章

12^#

發表於 05-4-28 01:00 |只看該作者

Re: 點樣教佢呀

ringoivy,

其實你都講得冇錯,可能以前我不知不覺寵了她所以就搞到e + lee個田地,諗諗下我真係教得吾夠好,我衰心軟亦吾夠firm,我記得以前就算佢做錯事,我都吾會好認真同佢解釋或者要佢自己反醒,我只是告訴給她知道件事係錯我覺得就ok,我亦從來吾會勁打佢即使有時佢好頑皮,我實在太寬鬆了. 我都有試過同佢講如果佢俾人打都會好痛嫁,叫佢吾好再打人,但佢係吾會聽,當係耳邊風,話完佢又再犯. 我e +真係好想補救但係吾知係吾係已經太遲了 :cry: :cry: :cry: :cry: :cry: .

jjhwong

要忘記傷痛,係時候要重新振作起來,可以嗎?

私人傳訊

積分: 3783

畀面勳章

13^#

發表於 05-4-28 01:12 |只看該作者

Re: 點樣教佢呀

大小不梁 ,

你都要放鬆d呀,吾好俾自己咁大壓力,雖然講就易做就難. 學我亞媽話齋,有個好或者聽話既兒女係由天賜,亦要睇你有冇兒女褔份,又係事實喎,我眼見有d父母真係吾洗點教,點勞氣但佢d仔女真係好乖好聽話,有時我亞Q起來既時候就唯有嘆一句自己冇lee d 褔份law ! 我都好似你咁,真係乜方法都試過,都係冇改善,咁可以點呢???????????

要忘記傷痛,係時候要重新振作起來,可以嗎?

私人傳訊

saralingling

複式洋房

積分: 128

14^#

發表於 05-4-28 12:02 |只看該作者

Re: 點樣教佢呀

我囡囡就快四歲, 但已經同你哋D小朋友一樣, 好難頂, 成日發脾四, 我咩方法都試過, 好傷心, 我知係我同湊大佢嘅姨婆寵壞咗佢, 但我都唔想, 因為佢爸爸走咗, 令佢要喺一個單親家庭生長, 我覺得好對唔住囡囡, 所以有時不自覺咁遷就咗佢. 再加上我成日都唔開心, 因為又要返工, 又要做家務, 又要照顧小朋友, 因為囡囡開始返Nursery, 所以姨婆走咗無幫我湊, 淨返我哋兩個, 我知我嘅一齊會直接影響囡囡, 我唔開心, 佢亦都會跟住唔開心, 我已經盡量表現得好好, 無奈有時心情Down到唔知點算好, control 唔倒.
我囡囡乖時, 真係好得人錫, 樣又靚又可愛, 又好聰明, 人哋仲話佢係’資優’兒童, 但比我揀, 我想要一個成日都好乖嘅, 脾氣又好, 仲成日氹我開心嘅囡囡喇.

私人傳訊

積分: 76971

15^#

發表於 05-4-28 14:22 |只看該作者

Re: 點樣教佢呀

其實我好明白現今社會每個父母都想比最好既自己個小朋友,
當然我亦都唔會例外所以我老公話我個女太物質主意了, 但我個人認為償罰要分明, 錯就要鬧乖就要讚, 做父母唔可以盲目順從子女, 有時真係唔可以心軟的, 你估我鬧女同打女時我唔心痛咩? 但過後才鍚番黎補夠囉, 俗語有云一啖沙糖一啖屎我就係用呢套方法的, 有d人唔使太費神d仔女都好聽話, 而我亦覺得我都算係個種人之一, 但你地都可以做得到就係硬心腸你只須試幾次就夠, 日後就會自自然做得好, 起初係會心痛架啦但無法為左自己為左佢地我真係覺得要咁的, 有d小朋友可以傾得, 但對住d野蠻既小朋友就要用我個套方法的, 即管放心去試 "親" 佢地仲細, 否則大到十零歲有自己既朋友就真係無得救了.

另外saralingling我覺得你個concept錯左, 在單親家庭長大既小朋友唔一定會唔開心的, 最重要係你比d咩思想佢, 你唔可以話佢無爹地係你既錯, 欠佢既係佢爹地先啱, 佢仲有無盡爹地既責任放假帶佢去玩下呀? 倘若佢無, 我覺得你要父兼母職, 放假有多d親子活動, 例如佢想去公園玩你就同佢一齊去玩仲要玩埋一份, 咁佢自然會覺得你鍚佢, 唔會記住自己無爹地好淒涼, 因為佢仲有個媽媽鍚, 但若果佢想點就點咁樣對佢只有百害而無一利, 再落去佢仲會唔將你放在眼內添, 所以由現在開始你要同佢玩多d, 傾多d計, 輔導佢多d先可以, 千其唔好再盲目寵下去, 咁讓只會害人害己.

私人傳訊

saralingling

複式洋房

積分: 128

16^#

發表於 05-4-29 11:08 |只看該作者

Re: 點樣教佢呀

ringoivy,

Thx your advice. 其實依家我已經無亂咁遷就佢喇, 我知道如果繼續係咁, 到佢大過咗就好難改, 到時長大成人就好難同人相處, 依點係我最concern嘅, 所以我一定會盡力協助&教導佢點去control自己嘅情緒. (其實我都係學習緊, 因我都覺得自己EQ麻麻). 我都有成日同佢玩架, 屋企玩玩具啦, 去公園玩啦, 去親戚&朋友屋企玩啦, 講故事啦等等…, 依家淨得佢同我, 我唔陪佢, 邊個陪佢喎. 仲有佢無扭計乖嗰時, 我哋會成日攬攬錫錫&每晚都會攬住瞓架, 我仲成日同佢傾計, 比佢知我係好關心佢, 好錫佢. 但每次當佢扭計時, 就好似失控咁, 其實每次我都有同佢解釋番佢唔啱, 唔可以咁扭計, 佢事後都會知錯, 可惜下次又重覆再犯. 就算平時, 我都有成日提點佢架, ‘你千其唔好咁, 如果唔係就唔乖喇, 無VERY GOOD喇, 媽咪就唔鍾意唔開心喇等等’.

私人傳訊

積分: 3783

畀面勳章

17^#

發表於 05-4-29 11:09 |只看該作者

Re: 點樣教佢呀

ringoivy,

好多謝你的分享,其實我自己真係衰心軟,吾夠堅定,囡囡先至會咁,鬼叫自己個囡吾係可以講道理就可以好聽話個種咩,所以我以後都要試下另一個方式去教導佢,真係希望可以有改善,我都知道如果 e +吾教,真係怕再大d就吾會再俾你教,我會繼續努力

.

Bye,
jjhwong

要忘記傷痛,係時候要重新振作起來,可以嗎?

私人傳訊

積分: 76971

18^#

發表於 05-4-29 12:22 |只看該作者

Re: 點樣教佢呀

係, 大家d小朋友仲細仲有得救的唔好咁快判左自己死罪又或者判左佢地死罪認為無得救

其實你地有時同小朋友去街時見到其他小朋友拽你地都可以同佢講, 你睇下佢地幾醜怪周街扭計, 又比媽咪打同鬧你想唔想好似佢咁, 通常都會答唔想, 咁你即刻話咁你要記住啦千其唔好學佢地, 佢地係唔啱的我地比個交义佢呀. 又或者問下佢地意見, 見到咁既情形你地有咩反應? 開唔開心或鍾唔鍾意好似佢地咁? :wink:

私人傳訊

謙謙媽ME

積分: 2229

19^#

發表於 05-4-29 13:53 |只看該作者

Re: 點樣教佢呀

我老公話個小朋友咁大脾氣係因為我陀佢既時
候成日發脾氣,我有時候都覺得佢講得啱,咁你地
陀BB既時候有無發脾氣呀?究竟係咪媽咪陀得開心
仔女的脾氣亦會好D呢?

私人傳訊