本帖最後由 csir3290 於 18-10-13 10:42 編輯
另外一個我覺得家長常出現嘅溝通問題就係假民主。有陣時有啲嘢我哋好似想同仔女一齊傾，咁自然仔女就會期望我哋會尊重佢哋嘅諗法。但係其實原來家長心中都有自己嘅一套想法，只不過係想仔女達到自己嘅想法按照自己嘅想法去做，咁樣嘅溝通其實有冇效呢？我哋要同仔女溝通 就要放開自己嘅心，尊重仔女嘅諗法，喺許可嘅情況之下 都嘗試俾仔女做決定，喺做決定嘅過程中，我哋只要給予仔女適當嘅意見，同佢哋傾各種做法可能有嘅後果，然之後專重佢哋嘅決定。好多時做家長為咗慳時間就自己決定曬一切，又或者驚仔女做錯嘢，所以就幫佢哋決定曬所有嘢。仔女覺得我哋冇得傾自然就唔會同我哋傾，亦都唔會同我哋溝通，所以要同仔女溝通另外一個有效嘅方法就係要尊重佢哋嘅諗法同埋尊重佢嘅意見，唔係得把口講嘅尊重，而係真真正正畀佢哋去做決定尊重佢哋嘅諗法。決定錯咗唔需要鬧佢，只係需要去承擔番個結果，汲取呢次嘅教訓下次再做好啲囉。最唔好係都未知結果就以經鬧定先。只有當仔女知道父母係真真正正嘅專重同支持佢哋，佢哋先至會願意放開自己嘅心同父母溝通，做父母好多時 都會帶好多批判嘅諗法，其實好多時溝通係唔需要批判嘅 ，我哋嘅伴侶又好，仔女又好，好多時都只不過係想我哋去聽佢哋講佢哋嘅感受佢哋嘅諗法，如果我哋事事批判，甚至乎事事都覺得佢哋係錯嘅話仲邊有人願意佢同自己溝通呢？
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
