昨晚我又如常的說睡前故事。
睡前故事是很隨意的，有時唱歌，有時說故事，有時諗弟子規或三字經。
本應是延續前晚的木偶奇遇記，但兩小口子爭竉關係，哥哥要聽兒歌，細佬要講故事。
我: 唱完歌講故事得唔得呀？
細佬: 唔得，要講故事先﹗跟住勁喊~~
我: 講完故事唱歌得唔得呀？
哥: 唔得，我要唱歌先﹗跟住又勁喊~~
我: 你地已經激嬲我，咁就算我唱歌或講故事任何一樣我都唔會做得好﹗我唯有返入房訓覺。說罷我起身就走，入房鎖門。
只聽到兩個在我房門外嚎哭‥‥ 哭得淒涼，淒涼得滿以為已收工，早早上床休息去的工人姐姐都走出來，在門外不停拍門問我咩事。
五分鐘後，聽到: 媽咪，我唔敢啦‥‥
於是，我開門，再向他們重申，大人話做乜就做乜，唔到小朋友話事，知唔知道？
兩個仔即刻回答知道，攬住我話以後唔敢。最後，昨晚我諗了一篇長達十五分鐘的弟子規完場。喊到攰哂的小戰士，很快便聽到他們呼呼大睡的聲音。
孖仔愛爭竉，久不久我就要忍心出招，讓他們哭個飽。而每次事後，我都可以維持數月有安寧好日子過。
老公成日話對仔成日"痴"住我，又擦我鞋。他們小時候很難控制，但隨著年紀越大，開始明白我的要求，我從來唔會討好佢地，而係要佢地討好我。可以的話我會給他們極大自由度，讓他們建立自信，他們在家中無時停，時跑時跳，甚至會打架，但打到喊，我只會說:"早告知你打架係會痛架啦。入房喊，喊完自己抺乾淨先出返黎。"近半年，一講呢句，佢地都好識做咁自己攪掂。但如果被人打果個無還手，打人果個就一定要受酷刑，跪地十分鐘。
上兩星期，阿哥唔肯寫字，寫亦寫得好差，我沒有擦他的字。但只要我話佢哪個字唔靚，佢就會自己擦，再過幾天，他說老師在學校駡他寫得唔好，他回家不但不願寫字，還不願上學呢。於是，我在他寫得很差的一頁字上面，找出一個寫得最好最靚的讚他，還在旁邊給他畫了一個心。自始之後，哥哥便很用心寫字，還執筆手勢都明顯改善了。^^但現在每天回家一進門，我就多了一個首要工作，就是從他們的功課中，找出最靚的一個或數個字，跟著我才有機會放下手袋去洗手。
不過我是有錯必罰的，小錯唔啋佢，大錯要跪地; 做得好有奬，小奬一個讚，大奬有水果或糖果(限兩日一粒)作奬勵。
好明顯，最近他們外出，真的乖了很多，連緊張大師的爸爸都讚呢。在家中，亦會晚晚幫我揼骨‥‥嘻嘻。
幼稚園生活還可以，但上到小學真係唔敢諗，記得以前幫人補習教小學生功課，我會即場設計遊戲，邊玩邊教。但對住自己個仔，仲要似乎已開始有腦退化的我，究竟仲有無咁好耐性和創意？我都唔敢諗‥‥
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
