心情已跌到谷底, 冇地方呻, 試個位黎……
老公失業已2年, 其間都有工返過, 但份份都做唔過probation, 份份都話辛苦, 又冇一技之長, 所以想當司機, 貨運又話唔鍾意排倉, 客運又嫌要shift, 時間長, 一d又話遠, 一d又話人工少…… 一家三口仲有我阿媽, 共4人就靠我幾千蚊去維持, 個個月都會用到”儲備金”的, 但儲備金快將變0了! 我可以點? 一直以來我都冇俾搵工壓力佢, 佢反而話想死左佢, 唔駛挨喎, 但我何嘗不是日日在挨? 放工仲要買送煮飯、洗衫抹地…… 總之佢回家只係食同睡, 都要話辛苦。我在公司一日八個鍾都講唔夠十句野(因公司只有老闆同老闆娘), 回家又倏賓妹, 一日見面的時間就只有大概2小時; 我公司冇同事, 冇人可以呻, 又唔想同阿媽講令佢擔心, 普通朋有是有的, 但一聽到我的經濟狀況都閃開晒了, 真心的朋友又唔多, 亦唔想一見面都講d唔開心既野….. 所以借個空間俾我呻下, 因為自己都知心情已跌到好盡, 再唔呻下好驚會黐線。我張保單係唔包精神病架。
孩子之心有如泥膠，當它還是柔軟可塑時，請好好把握時間，塑造你心中所愛。「忙碌」、「疲倦」永遠不是好借口，孩子大得很快，今日拿不出時間會變成明日的遺憾！
這又辛苦, 那又辛苦, 又冇專長, 講真, 現今有誰工作不辛苦 :cry: 為了生活, 有工就要做架啦, 我覺得你老公搵很多籍口把責任推去你身上, 我覺得有點過份, 我有一個朋友, 佢老公都唔係好好學歷, 佢都係做運輸, 每日一早6點就出車, 夜晚8點幾先收工, 又要搬又要抬, 由一做到六, 有時星期日有野車都要開工, 每月都係得8千咋, 什麼福利都冇, 佢個衰老細仲冇幫佢供MPF, 今年仲 CUT 個雙量, 佢仍做, 為咩? 都係為佐個家. 
發表於 
你要將你感受講比丈夫知, 表明現在已到山窮水盡的時候, 和你身心都好辛苦, 試圖比返一d 責任給他, 要佢知道呢個家佢都有份. 
希望你老公有改變, 試下同佢講下你感受, 不過經濟壓力真係會令人透不過氣, 希望你夫妻同心捱過難關, 1個養3個又真係好吃力, 無野做既男人係好麻煩, 快d推下佢去搵野做, 點首許冠傑既"莫大毛"佢聽 
返回列表
