＋
Baby Kingdom - 親子王國 香港 討論區 › 首頁 › 心聲留言› 終於炒大獲

心聲留言

收藏本版
發帖
返回列表
跳至頁
終於炒大獲 [複製鏈接]

首頁
12

尾頁
   0
同同


男爵府

積分: 6151


1#
發表於 04-11-13 04:10 |只看該作者

終於炒大獲

忍左咁耐我終於忍唔到老公既行為同佢炒大獲。
開頭我比機會佢問佢有冇野厄我，佢話冇，我問左佢次佢都話冇..咁我就開始黎火。我話係咩~你當我白痴定傻ga..厄我一早拎左人地icq，厄我同佢日日講電話仲要次次都講成個鐘一日最少4-5次，食藥都冇咁準la~老公冇出聲，我話..做咩唔出聲？比我講中左？你唔好為我乜都唔知..其實我乜都知..我做到唔知係想睇下你厄我幾耐..但我估唔到你好似真係想厄我一世....幾個月..日日都係咁打電話叫佢起身返工。做咩喎人地屋企冇鐘呀？冇鐘我送個比佢。跟住都係鬧..一路講我一路開始喊，人人以為我好幸福但唔係..我係最可憐果個。.........老公係咁話對唔住冇下次(但佢都係話只係朋友關係)而個女仔係佢係game收既所謂契妹............
我一路喊一路鬧一路打，我覺得我好似癲左咁..個心好痛..就算再鬧一千次一萬次我都係吾會忘記..點解要厄住我同個女仔講電..仲要講到日日打...當我知到坐月時老公早上幫我餵bb同時又打比佢個所謂契妹叫佢起身返工真係想殺左佢地。
老公點都係話佢地係朋友..佢仲好愛我叫我原諒佢(佢話唔會再理個女仔)..結果我心軟了..但係而家仲好唔開心..晚晚喊..點解會咁..我真係忘記唔到...點做點做？
點解d男人咁喎..我問佢點解你返工仲可以打比條女咁多次..佢話悶..我話果陣我大住個肚你返夜我一個係屋企我又驚又悶你都唔打比我要打比條女..有咩咁好傾？佢答我唔到....
我琴日好想帶咪個仔走..但我太累(喊到累)結果冇走到...
我真係嬲到同老公講離婚law..咁你唔使打比佢叫佢起身返工la..你同佢一齊住咪得law.............

總知而家都係好唔開心..條女仲話想見我個bb..我見到佢我真係會星爆佢:evil:
私人傳訊

haileymama


水晶宮

積分: 67068

好媽媽勳章 醒目開學勳章 畀面勳章 hashtag影視迷勳章


2#
發表於 04-11-13 09:16 |只看該作者

Re: 終於炒大獲

你想老公好過份啊！趁老婆大住肚去
私人傳訊

mycathy


子爵府

積分: 12599


3#
發表於 04-11-13 10:00 |只看該作者

Re: 終於炒大獲

依家真係好多d男女係網上玩game跟住識女仔, 我身邊都有咁既case, d女仔仲send埋相俾人睇(唔知真定假, 唔知想點), 我有個對朋友(佢地係男女朋友), 拍左六年拖, 住埋年幾了, 男果個日日上網玩game, 識左個女仔, 仲叫人做老婆仔, 我個女仔friend同我講, 佢地拍左咁耐拖, 佢男朋友都未試過叫佢做老婆仔, 佢好傷心。
最過份係個男仔上來我屋企同我老公玩, 介紹埋個女仔俾我老公識, 跟住俾我發現我老公同個女仔傾過電話仲要連傾幾日, 有d俾個女仔打來, 有d係我老公打過佢, 我果刻真係好hurt, 雖然我老公知錯(開頭話我小題大作, 純粹吹下水喎, 跟住我反問佢我同網上識既男仔日日吹水得唔得, 佢話唔得, 跟住我問佢點解你得我唔得, 佢無出聲, 個心係度諗緊野, 但我知佢明),但其實我心入面己經有一條刺係度。
我知我老公係好珍惜我既, 希望佢明白我既底線。

妳老公既行為好似過份左d, 希望佢會珍惜妳改過, 因為有時男人係控制唔到自己既, 如果我唔係發現得早, 我真係唔敢諗。我地既哩個小風波俾左好大既警號我, 要居安思危。
唔好意思用妳個topic講左咁多野, 我只係想講, 男人唔chong得。

祝好!
您好！由於親子王國及教育王國已禁止用戶於簽名檔內張貼來自其他網站之網誌、facebook群組或相簿等之連結，因此閣下簽名檔內容已被刪除。
私人傳訊

kakamei04


大宅

積分: 1446


4#
發表於 04-11-13 10:07 |只看該作者

Re: 終於炒大獲

同同

妳現在要小心身體... 因這而是事實.妳要勇敢面對將來.
妳老公係一個唔負責的人, 老婆幫佢生bb 佢居然這樣..
如果我係妳...我不會再向老公面前哭鬧啦.....我會要求對方以後不要踏入這個家....因這個家巳被你弄破了...以後日子靠自己養大bb!!


私人傳訊

同同


男爵府

積分: 6151


5#
發表於 04-11-13 12:41 |只看該作者

Re: 終於炒大獲

mycathy
唔緊要..我好想知多d好似呢d咁既事..因為我真係唔知點做..原諒左佢但我而家仲係好唔開心........................./.\
私人傳訊

slk


大宅

積分: 2763


6#
發表於 04-11-13 13:03 |只看該作者

Re: 終於炒大獲

可能我咁講,會有好多人反對,但真係要冷靜啲先囉.
雖然你老公係好過份,但我覺得佢答咗你係朋友關係,你就只好信住先,如果你唔信,呢段婚姻係唔會長久.你如果想繼續段婚姻,就千祈唔好離家出走,咁只會令個女人乘虛而入,倒不如睇緊啲個死佬.話俾個死佬聽,呢個已經係你嘅底線.俾多個機會佢,睇吓佢點先啦.唔好太衝動呀.我諗你個死佬都係因為貪新鮮啫,新鮮嘅嘢你係無得俾佢架嘛,男人係咁賤架啦.唯有冷靜,給佢一個明白事理嘅老婆先,千祈咪上當呀.個bb啱啱先出世,你亦啱啱生完,小心身體呀.唔好俾啲狐狸精入到位呀.
[email protected]
私人傳訊

Kiwizaki


等待驗證會員

積分: 1323


7#
發表於 04-11-13 17:35 |只看該作者

Re: 終於炒大獲

同同,我都認為為左bb,妳應該原諒佢,但係妳要做d野,妳一定要清楚講佢知,佢唔可以再同呢個女仔contact,以後如果俾妳知道佢再打一個電話/send一個icq message俾呢個女仔,妳就要同佢離婚,一定要佢知驚,妳知嗎,原來男人以後老婆tum下就冇野,妳老公有左老婆同bb仲搞咁多,根本真係應該星佢兩巴,妳再唔企硬真係冇位企架啦! 話原諒左佢,但妳都清楚其實件事未解決,係咪? 所以妳個心仲會唔開心!
bk閒人
私人傳訊

同同


男爵府

積分: 6151


8#
發表於 04-11-13 22:28 |只看該作者

Re: 終於炒大獲

佢話唔會再係咁....我都好似你地咁講..再有下次離婚咁...
其實我都信佢真係會改..因為佢喊曬口咁叫我原諒佢..
佢而家同我掉轉電話號碼用...仲有佢話icq呀game呀都唔會彩佢..仲話我鍾意點對條女都得。
私人傳訊

koderek


別墅

積分: 839


9#
發表於 04-11-14 00:03 |只看該作者

Re: 終於炒大獲

我都同意slk所講o既信住妳先生先, 睇吓佢跟住o既表現; 唔好話男人會幫返男人, 只不過太衝動o既話返唔到轉頭啫.
私人傳訊

Capuccino


複式洋房

積分: 388


10#
發表於 04-11-14 00:09 |只看該作者

Re: 終於炒大獲

同同:
我覺得slk講得有道理, 你仲好愛你老公格!
私人傳訊

mycathy


子爵府

積分: 12599


11#
發表於 04-11-14 00:24 |只看該作者

Re: 終於炒大獲

同同, 我同妳一樣, 依家諗起個心都仲有d唔開心架, 不過我相信如果妳老公肯改過, 妳哩d唔開心就會慢慢淡去, 祝妳一日比一日開心。
您好！由於親子王國及教育王國已禁止用戶於簽名檔內張貼來自其他網站之網誌、facebook群組或相簿等之連結，因此閣下簽名檔內容已被刪除。
私人傳訊

slk


大宅

積分: 2763


12#
發表於 04-11-14 00:57 |只看該作者

Re: 終於炒大獲

同同:
好高興知道你無事,我今日回應咗後,睇咗好多次,但你都未回覆,好擔心你呀. :-x 係我出自真心架. :-P 希望唔開心嘅日子,會隨時間一齊流逝啦.
仲有,你既然決定信佢,緊記若鬧交時,之祈唔好返舊帳之餘記緊保持開朗呀. :mrgreen:
祝你永遠幸福快樂. :wink:
[email protected]
私人傳訊

0519


民房

積分: 8


13#
發表於 04-11-14 17:04 |只看該作者

Re: 終於炒大獲

同同:
我發生左d事同你差唔多,我老公佢時晚歸,而佢比我發現左佢幾次係洗手間細細聲同人講電話,重係好關心佢哥隻.
我終於忍唔到佢既行為同佢炒大獲。我問佢係邊個佢唔肯講只係話係朋友,之後我問佢6-7次佢叫乜名.佢唔肯講,只係話我唔識ga.
我比左禁多次幾會佢,佢亦唔肯講佢叫乜名,之後我就入房換衫,and嬲到同老公講離婚,佢先肯講叫乜名.如無野洗乜禁密實,連名都唔比得人知.(但佢都係話只係朋友關係)
佢死口都係話只係朋友關係,我真係有條_,到而家我日日cake佢電話,但佢電話無打出打入ga 記錄,佢係自己刪除左,我好驚佢係我訓左後同佢傾電話!
:-( :-(
私人傳訊

banana_bird


民房

積分: 15


14#
發表於 04-11-14 17:48 |只看該作者

Re: 終於炒大獲

你既故事好似我個個，
但係唔同既就係，
我係另一位女主角
私人傳訊

小manman


翡翠宮

積分: 88151


15#
發表於 04-11-14 18:49 |只看該作者

Re: 終於炒大獲

我覺得依架d女仔真係好cheap~~~
依架資訊發達,好多男男女女都鍾意透過網上遊戲、icq、聊天室.......識男仔/女仔,當中有d係認真,有d擺明係玩既~~~
我同我honey係icq相識的,但我地係認真既,而且初時大家都驚對方係壞人or係玩玩下,所以都好小心~~~
我honey既初戀情人就係我,但佢係識我之前都有玩開icq,但無同人見過面,亦都無同人交換過電話,純粹係icq傾下,佢當然都無send過相比人喇!!!
但佢就話比我知佢識我之前都有同一個女仔玩過icq,佢地純粹係朋友,佢比我睇過個個女仔send過比佢的相,睇完之後,我覺得依架d女仔真係不知所謂,又唔識人,都可以隨便send相比人,仲要係著三點式的泳衣相,真係唔明佢地乜野心態~~~
仲有,我識得有個21歲的同事,原來佢男朋友都係icq識既,當我地知道大家都係icq識自己的另一半時當然特別好傾喇!!!
我同我honey係同對方玩左個幾月icq先交換電話;而我同事玩左一日就傾電話;我同我honey傾左個幾月電話之後先send相比對方,之後約出黎見面,跟住第2次見面佢先拖我隻手正式開始拍拖;但我同事就同佢bf傾左一日電話就見面,第一次見面就拍拖~~~
我聽完之後,問佢點解咁大膽,唔驚對方係壞人比人呃咩???佢竟然答我點會有壞人呀???驚乜野呀???仲有,原來我同事話比我知佢同佢bf拍左兩個月拖就同居,佢識佢bf個時,已經知道佢bf同佢以前gf仲有來往,仲有時唔返屋企訓,去左佢以前gf度,我問佢唔介意咩???佢竟然話唔介意喎!!!聽完之後真係覺得依架d女仔好開放(可能係我比較保守喇)
所以話呀,根本依架d女仔就唔會理你有無gf,亦唔會理你有無老婆,因為佢地唔識個男仔都可以同個男仔來往,你地話依架d女仔幾開放呀!!!
佢地的心態就係玩左先算,唔會理人感受~~~
私人傳訊

士多啤梨


別墅

積分: 908


16#
發表於 04-11-14 19:02 |只看該作者

Re: 終於炒大獲

[size=medium]agree!! 小manman~~

[size=medium]請不要破壞別人家庭, 好折墮ga..個小朋友仲無辜.. :-(


[size=small]同同..如果佢真係改過, 俾次機會大家law..
你ge故事同我個好似..但分別係我老公毫無悔意, 所以
我成為了單親媽, 我們分開了...[size=medium]
私人傳訊

小manman


翡翠宮

積分: 88151


17#
發表於 04-11-14 19:51 |只看該作者

Re: 終於炒大獲

0519:
我有個fd佢係第3者黎架!!!
佢同一個已有gf的男仔拍左差唔多一年拖,佢gf係點發現架呢???就係check佢bf手提記錄時,發現無打出打入的記錄,正常的點會完全無打出打入的記錄,一定係delete哂先會無,咁無喇喇做乜要delete哂d記錄呢???一定係身有屎喇!!!
就係咁發現佢bf有d古怪~~~
私人傳訊

Kiwizaki


等待驗證會員

積分: 1323


18#
發表於 04-11-15 01:10 |只看該作者

Re: 終於炒大獲

小manman:

其實妳仲乜要特登出黎講妳同妳honey既野,又講妳女同事壞話呢? 同呢個topic有咩關係?

要講有d女仔鍾意搶人男友,我諗,未有icq前n年已經存在呢個問題. 好多年前d男男女女已經成日認契哥契妹,拍唔成拖就契~

況且,我覺得,有心呃人,唔係講幾個月電話就信得過,放長線釣大魚大有人在,係真心做朋友,識一日傾電話又有咩問題,呢d野都係碰運氣,講彩數.

睇報紙都有啦,情場騙子,都係慢慢釣魚,所以先有咁多女人俾人欺騙感情,連識得真人都呃呀,何況icq/講電話.
bk閒人
私人傳訊

小manman


翡翠宮

積分: 88151


19#
發表於 04-11-15 21:49 |只看該作者

Re: 終於炒大獲

delete
私人傳訊

小manman


翡翠宮

積分: 88151


20#
發表於 04-11-15 22:03 |只看該作者

Re: 終於炒大獲

Kiwizaki :
我唔係好明我講的野有乜野問題呀???
我只係有感而發咋喎!!!
無乜特別目的/意思~~~
依個topic係"同同"話佢老公係online game識左個女仔,又同個女仔玩icq,又傾電話嘛,咁所以我咪講依架有好多女仔都好cheap鍾意搶人男友or老公~~~
你都講得好啱,未有icq前n年已經存在有d女仔鍾意搶人男友呢個問題,但資迅發達左,多左個係網上識男仔/女仔的途徑,我見好多topic都係有媽咪話佢地老公係玩online game識到女仔,又玩icq,又傾電話咁~~~
所以我只係覺得依架真係好多女仔唔理人地有無老婆,佢地係想玩完先算,就算係icq傾左一日就已經可以唔知人地乜樣乜背景就同人見面,真係好兒嬉(可能我比較保守)~~~
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy