心聲留言 今日: 0 | 主題: 17574

積分: 7783

1^#

發表於 04-10-25 13:10 |只看該作者

我...唔知點講!!

我...唔知點講!!
我同老公結緍了幾年, 同佢家人一齊住, 有佢家姐細妹, 有時佢老豆即我老爺會一個月有一星期在這裏, 我有個三歲半的女兒, 其實基本上在這家庭若只有我, 女兒和老公, 問題便不會有!!

我不明白佢家人為何要跟我們一齊住, 家用又唔係多, 租屋都唔夠, 又搞到間屋污穢不堪, 家務又唔做, 最叻就係回家煲電話粥, 洗頭水牙膏用完又唔買, 又無手尾....一句講晒, 好過份! 最慘就係老公話左佢地都係咁, 唉.....!! 簡直係無得救. 我要同佢地一齊住到幾時呢????? 我地間屋得兩房一廳, 我女兒老公屈在一大房, 佢兩姐妹一間房, 大的三十幾歲, 細的28歲, 女兒要上學一定要早睡, 佢兩個夜夜回家, 關房門又大聲拆天, 開到全屋係燈, 電費又唔比, 離譜!!

天呀! 我想生多個bb, 到時有2個細路, 唔知佢地會唔會識做搬走呢?!

私人傳訊

積分: 24705

好媽媽勳章

2^#

發表於 04-10-25 13:55 |只看該作者

Re: 我...唔知點講!!

daichoigo！
妳只是要同佢家姐、細妹住，佢地都有出嫁的一天，你就已經講到好慘。咁這裏好多姐妹要同老爺奶奶住，她們起不是要去自殺......想開些吧！
不過，既然妳想過二人(同BB)家庭的生活，當初結婚時為何沒有同老公達成共識?

"家用又唔係多"...
都吾錯啦，重有比家用！我老公(以前)又喺比細老妹住佢屋企，佢地家用就全部比老爺奶奶，一毫子都無比過我老公。

私人傳訊

積分: 7783

3^#

發表於 04-10-25 15:23 |只看該作者

Re: 我...唔知點講!!

ac321:
您又係這樣要和老公家人同住, 其實真係好煩! 始終我覺得唔係自己親屋企人, 咁您仲慘過我呀!
我地為有睇開d!

私人傳訊

Mime

積分: 924

4^#

發表於 04-10-25 16:06 |只看該作者

Re: 我...唔知點講!!

真係要自己睇開D.
我屋企得三間房, 初初買樓時奶奶同姑仔都話唔搬入黎住, 點知入伙時奶奶仲早個自己搬入去, 老公係獨仔(又唔想奶奶唔開心), 算數啦奶奶之前幫我揍大女, 仲好好心機又唔計錢(但我都每年年尾都俾筆錢佢). 點知一齊住個零月個癲一次, 勁嘈大炒大鬧, 2女得個零月又唔理, 又唔俾印印理, 成日洗咗個工人送飯俾佢個女(中午), 成日話我女唔食奶, 3個幾月就要入醫院, 佢又唔幫手. 癲咗一排連細姑都搬入黎住,家用唔俾都算中成日乘機撘單買野唔俾錢, 如果叫佢地走其他姑仔同老爺又會嘈. 最近中話早知買大D, 佢又唔諗吓邊個供樓, 好似唔洗錢咁, 而家供樓,印印, 供書教學, 水電煤全部都係我同老公的. 錢可以解決到都無所謂, 最慘係奶奶成日癲, 都50幾啦仲更年期咩. 我初初睇唔開, 成日頭痛要食鎮定劑. 而家, 佢做咩我都唔理, 只是睇住2個女.

私人傳訊

積分: 24705

好媽媽勳章

5^#

發表於 04-10-25 16:20 |只看該作者

Re: 我...唔知點講!!

daichoigo
我比妳好彩(吾知係吾係)
佢細佬妹又係好過份，間屋住到好以垃圾堆，連女/男朋友的"吾等洗"的雜物都堆係佢屋企，所以我同佢拍拖時甚少去佢屋企，多數都係佢過我屋企。
所以我結婚時講到明吾會同佢家人住，於是我老公就答應同佢地買返間差吾多size，係屋企對面的新樓比佢地住，入伙前重用佐二十幾萬同佢地裝修好，每個月重幫手供一部份，而間屋我講到明吾會要。
吾知係好彩定吾好彩，我只可以說，我地用$$買了自由！不過好再我又吾係太care$，而且我覺得我老公很有責任感(對佢父母細佬妹)，所以將來都應該會對老婆仔女好好！

你有冇同老公好好地談過？可吾可以每月幫佢地少少$，叫佢地在左右租間屋？(重每人都有間屋！)

私人傳訊

積分: 24705

好媽媽勳章

6^#

發表於 04-10-25 16:44 |只看該作者

Re: 我...唔知點講!!

Mime
原來最辛苦係妳.....
同老爺奶奶住就話係獨仔的責任，但重要加埋個細姑，如果佢重係dependent都算啦，但如果佢係成人就真係好過份！(重好厚面皮！)

私人傳訊

積分: 7783

7^#

發表於 04-10-25 17:30 |只看該作者

Re: 我...唔知點講!!

唉, 原來個個老公包括我老公都是很有責任感的, 不過叫佢兩姐妹搬走都好難, 佢地都無想過結緍, 結緍重皮嘛, 在我和老公這裏有我做家務, 每月比千幾兩千就OK, 平到笑! 比到的又不是比我老公, 比佢老豆做零用錢, 我老公和我就每天辛苦出去工作, 回來我要照顧女兒, 睇功課溫書, 我都倦的, 但老爺同佢兩姐妹都唔諒解, 一個只是識開口要錢, 另外兩姐妹就當我這裏是酒店. 唉, 同佢地講都無用.

私人傳訊

積分: 7783

8^#

發表於 04-10-25 17:32 |只看該作者

Re: 我...唔知點講!!

所以我現在常買六合彩, 睇下幾時有運, 中二奬或三奬都好, 都唔想在這裏呀! 我一定帶女兒老公搬走.

私人傳訊

tinyee

積分: 525

9^#

發表於 04-10-25 17:35 |只看該作者

Re: 我...唔知點講!!

ac321 寫道:
Mime
原來最辛苦係妳.....
同老爺奶奶住就話係獨仔的責任，但重要加埋個細姑，如果佢重係dependent都算啦，但如果佢係成人就真係好過份！(重好厚面皮！)

其實大家是否覺得獨仔就要同父母住呢? 又冇人話獨女應該同父母住的噢. 唔怪得中國人咁重男輕女啦.

咁d唔想同老爺奶奶住的人係埋唔應該嫁獨仔, 或者應該嫁一個父母已殁的呢? ?-(

私人傳訊

tinyee

積分: 525

10^#

發表於 04-10-25 17:38 |只看該作者

Re: 我...唔知點講!!

daichoigo 寫道:
所以我現在常買六合彩, 睇下幾時有運, 中二奬或三奬都好, 都唔想在這裏呀! 我一定帶女兒老公搬走.

我都係呀, 而家期期都買六合彩, 發夢都想中六合彩. :lol:

私人傳訊

may123

積分: 6788

好媽媽勳章

11^#

發表於 04-10-25 19:09 |只看該作者

Re: 我...唔知點講!!

咁d唔想同老爺奶奶住的人係埋唔應該嫁獨仔, 或者應該嫁一個父母已

私人傳訊

calcal

積分: 6227

12^#

發表於 04-10-25 19:36 |只看該作者

Re: 我...唔知點講!!

hehe~~我都成日買六合彩，求人不如求己啦~~

私人傳訊

Mrs.Chan

公爵府

積分: 26464

13^#

發表於 04-10-25 20:35 |只看該作者

Re: 我...唔知點講!!

我插咀說句, 你們的case像我朋友的翻版故事, 她的屋才400多呎(兩房), 住了她兩公婆及兩個小孩子, 即一家四口, 本應夠住. 但她的老爺奶奶/姑仔會突然去她家小住一頭半個月, 老爺奶奶當然不會付任何家用, 姑仔也不會付家用, 她們一家四口迫在一間房. 還要招呼姑仔膳食+洗熨服務, 我教她叫佢老公出聲拒絕姑仔來住, 說小朋友己長大, 需要分開房睡......等, 朋友說:「是老爺奶奶叫姑仔來住, 這間屋是老爺奶奶買的, 她倆公婆無話事權

」

恭賀新禧，迎春接福！

私人傳訊

stellafu

複式洋房

積分: 203

14^#

發表於 04-10-25 23:06 |只看該作者

Re: 我...唔知點講!!

[quote]
may123 寫道:
咁d唔想同老爺奶奶住的人係埋唔應該嫁獨仔, 或者應該嫁一個父母已

私人傳訊

20010425

等待驗證會員

積分: 33

15^#

發表於 04-10-26 15:12 |只看該作者

Re: 我...唔知點講!!

我都係唔想同奶奶老爺住, 相見好同住難, 有時老公會做左中間人都唔知幫邊個, 做女嫁左人就是這樣!!

私人傳訊

Mime

積分: 924

16^#

發表於 04-10-27 11:09 |只看該作者

Re: 我...唔知點講!!

ac321

多謝你回應, 有時吐吓苦水又有人支持吓會唔咁辛苦.
講到姑仔, 有時我老公都話想一腳申佢出門口, 不過話晒都係一家人, 佢出聲叫我奶奶同姑仔走都可以, 都係驚怕我比奶奶及其他姑仔嘈, 越鬥越激唔知點收科.
我個細姑仔成27歲人, 古古怪怪廿幾歲人仲要人當佢係bb咁揍, 無男朋友又唔同朋友出街, 出街要用錢要阿媽家姐俾, 自己都大學畢業(just) 係大會計師樓做野. 係屋成日同我女争糖食. 成日話想結婚又唔打開生活圈子, 成日話而家d男仔又細粒又樣衰, 我都唔知佢想找個點的老公.

私人傳訊

我愛小叮噹

洋房

積分: 440

17^#

發表於 04-10-27 12:40 |只看該作者

Re: 我...唔知點講!!

Mrs. Chan,

如果你個朋友間屋是老爺奶奶買的, 她倆公婆係真的無話事權架喎, 不如叫你個朋友自己出去租屋住未仲好. 未唔洗比老爺奶奶姑仔佢地當阿四咁點啦.

Mrs.Chan 寫道:
我插咀說句, 你們的case像我朋友的翻版故事, 她的屋才400多呎(兩房), 住了她兩公婆及兩個小孩子, 即一家四口, 本應夠住. 但她的老爺奶奶/姑仔會突然去她家小住一頭半個月, 老爺奶奶當然不會付任何家用, 姑仔也不會付家用, 她們一家四口迫在一間房. 還要招呼姑仔膳食+洗熨服務, 我教她叫佢老公出聲拒絕姑仔來住, 說小朋友己長大, 需要分開房睡......等, 朋友說:「是老爺奶奶叫姑仔來住, 這間屋是老爺奶奶買的, 她倆公婆無話事權」

最開心就係同埋我個囝囝一齊去街街 & 錫錫佢個面珠登, 我個囝囝係我嘅寶貝呀 :-D

私人傳訊