吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 覺得自己好無用丫...

心聲留言今日: 2|主題: 17574

收藏本版

發帖

返回列表

跳至頁

查看: 1147 | 回覆: 11

覺得自己好無用丫... [複製鏈接]

火火山

大宅

積分: 4754

1^#

發表於 04-10-29 10:44 |只看該作者

覺得自己好無用丫...

唉...今日覺得自己好無用!! 我老公身體一直身體唔好,我諗住煲多d湯水比佢飲就會令佢身體好d啦, 點知今日天氣變凍左, 佢又開始病啦. 我覺得自己好無用, 點解連小小野都做唔到...我係度諗係唔係我煮的食物有問題呢, 我一星期都煲三至四次湯, 通常都煲魚湯, 淮山茨實湯, 合掌瓜栗子湯等等, 晚餐次次都係有菜有魚有小小肉, 我諗極都諗唔明點解會噤....究竟我要點做先可以令佢身體好d....

私人傳訊

MaMa^-^Ada

子爵府

積分: 12555

2^#

發表於 04-10-29 10:51 |只看該作者

Re: 覺得自己好無用丫...

你唔好咁諗，你己做得好好架啦，

點解唔去睇醫生檢查清楚，或睇下中醫。你要努力 :mrgreen:

[size=small]My little baby Vivian ！

私人傳訊

Mummy

男爵府

積分: 5874

3^#

發表於 04-10-29 11:08 |只看該作者

Re: 覺得自己好無用丫...

火火山, 你已經盡左力架啦, 點會冇用呢? 你老公身體唔好應該去睇醫生, 睇中醫調理囉。有時唔關係煲咩湯事, 係佢自己生活習慣, 飲食習慣都有關係, 例如氣管唔好, 就唔好食煙飲酒, 如果佢明知自己有問題都仲要食煙飲酒, 你整幾多補品都冇用啦。

美甲達人俱樂部私家BlogHERE

Judy's Nail 美甲相集HERE

Judy's Nail Web PageHERE

私人傳訊

charlene

大宅

積分: 1152

4^#

發表於 04-10-29 11:12 |只看該作者

Re: 覺得自己好無用丫...

似乎唔係你的問題喎!
"你老公身體一直身體唔好",咁佢自己又做了些甚麼去改善自己的身體狀況呢?
湯水多唔係唔好,但有無去找出"根本的問題"

去對正下藥呢?
如果佢身體沒有甚麼大問題,可以做運動的話,你就應鼓勵佢多做運動.

我都係身體唔好的人,無論吃甚麼"好"野都無用.
當我決心做運動之後,才見有改善.
要"持之以恆"咁做,間中病了可以停一停,但唔可以放棄.
要將做運動培養成"生活習慣",係生活的一部份.
仍能"起來"做點運動的話,小病是褔.
其次亦可考慮用中藥調理.
但做運動係最實際的自我"身心調理" :idea:

私人傳訊

LittleSheep

大宅

積分: 2442

5^#

發表於 04-10-29 11:45 |只看該作者

Re: 覺得自己好無用丫...

首先, 千祈唔好怪晒自己.

老公身體唔好, 做老婆照顧佢係理所當然既事 (相反老婆病, 老公亦須擔當照顧既角色, 係唔係, 係相向既!).

我好欣賞同羨慕你; 欣賞你肯花心思時間1星期煲幾晚湯水, 你絕對唔係無用, 羨慕你既係你可以做全職mama。

個人認為有家人照顧係重要, 不過就唔可以完全依賴囉。自己首先要搞好自己身體, 注意個人飲食同習慣, 做下運動。

私人傳訊

火火山

大宅

積分: 4754

6^#

發表於 04-10-29 12:29 |只看該作者

Re: 覺得自己好無用丫...

78ada, Mummy

　　前個排佢都有睇過中醫，因為傷風，睇左一個月之後好左，之後就無睇啦，因為好貴。我都曾經話不如睇中醫條理下身子，但佢就話遲ｄ先再睇，一來好貴，二來唔想見到我噤辛苦，日日要煲葯......跟住就無左回事

Mummy,

　　佢無不良嗜好唔飲酒唔食煙，只是慶祝節日先會飲小小酒，平時佢的飲食都好好，唔食雜食只食三餐(返而我食雜食，身體好似仲好過佢噤，可能我年青過佢啦)，不過唯一一樣我覺得好有問題的就是，佢媽媽要我一個月煲四次涼茶（金銀花菊花甘草，佢媽媽話好喎）比我老公飲，但係我覺得一個月四次會唔會多得滯呢？而且我老公係唔食熱氣野（如薯條，蝦片之類的），同埋我老公可以一日飲幾杯花其參，我覺得噤樣飲法好有問題，但同佢講，佢又講我識咩丫，身體係我架，我自己知啦......佢成日都唔信我講既野，佢成日覺得佢自己的方法先至岩既...所以我都好無奈...

charlene,

　　佢身體係無咩大問題, 只不過天氣變或者多人病個排, 佢就跟住病遮, 好似無咩抵抗力噤, 所以我好擔心. 做運動佢就好鍾意, 但要人陪, 因為佢講自己一個好悶, 但我又唔鍾意運動, 而且我又要返三晚學有時真的好累, 不過有時我都有陪佢, 但就唔係成日囉, 所以佢都無心機做...我諗我都要努力d先得啦...

LittleSheep,

　　妳都唔駛羨慕我, 因為我係要返工同夜晚要返學, 一個星期仲要返三晚添, 其餘的日子我就會煲湯, 不過都係我早d起身用壓力煲煲的, 放工返到屋企先用火再煲下它, 都幾辛苦架, 不過無辦法啦, 鬼叫佢身體唔好咩.....

************

無論如何，都好多謝妳們，有妳們的鼓勵，我都無噤down啦！我會努力架啦......十萬個謝謝！！

私人傳訊

rachaelmama

複式洋房

積分: 319

7^#

發表於 04-10-29 14:33 |只看該作者

Re: 覺得自己好無用丫...

火火山，你已經好叻，仲係一個好太太添。其實，會唔會係你先生休息唔夠呢? 因為除左食、運動、充足睡眠好緊要。另外，佢有無食生果? 涼茶方面，我又覺得OKAY喎，但係花期蔘茶，就一定要買有字號的，平個D，藥性係相反架。

努力啦，做人老婆係禁。不過，唔好自已'咩'禁多野上身羅。

為我地一班做人老婆的飲杯，加油加油。

私人傳訊

火火山

大宅

積分: 4754

8^#

發表於 04-10-29 14:56 |只看該作者

Re: 覺得自己好無用丫...

rachaelmama

　　佢以前成日都十二點一點成訓，而家我成日煩到佢十一點半前就訓（佢成日話駛唔駛噤早訓丫，但佢一上床就訓到成隻豬噤）。其實我覺得佢係睡眠不足同埋佢份工好辛苦，因為佢份工要一星期出三至四天地盤工作，仲要由早上九點做到夜晚五點幾，之後又要係office做文件野，之後成八點幾九點先返到黎，有時仲十點先返黎，有時仲要帶埋返屋企做。所以我覺得佢要多休息，但佢就唔係好鍾意。
　　ｄ花其參我係惠康同百佳買的，好似叫美國花其參，係切好一片片就噤沖架，我諗唔會有問題掛？？

私人傳訊

monchan

男爵府

積分: 7751

畀面勳章

9^#

發表於 04-10-29 15:31 |只看該作者

Re: 覺得自己好無用丫...

火火山,
唔好唔開心啦.....呢d係個人嘅體質問題,唔關你事嘅....我覺得你巳經好照顧倒老公吖....無謂自責啦....不如試吓睇中e...調理吓身體啦

私人傳訊

rachaelmama

複式洋房

積分: 319

10^#

發表於 04-10-29 16:58 |只看該作者

Re: 覺得自己好無用丫...

火火山：根本你老公同我老公一樣，最根本問題係有得

私人傳訊

waisiuchuen

男爵府

積分: 7446

11^#

發表於 04-10-29 17:08 |只看該作者

Re: 覺得自己好無用丫...

火火山 :
不要怪我多事,某類人的體質(G6PD)是不能飲金銀花的,會減低抵抗及免疫能力.以我和我兒子為例如不慎飲了就會病架啦.
現今所有新生嬰兒都會知道有沒有這先天病(因一出世醫院會驗的),但年長一輩的人是要自己去驗血才可証實.看你先的情形很像我當初,到生了兒子才知為什麼原來我也是G6PD.請考慮跟進一下.

私人傳訊