心聲留言今日: 0|主題: 17558

收藏本版

發帖

返回列表

跳至頁

查看: 1573 | 回覆: 4

又係老爺奶奶呀!! 搞錯...... [複製鏈接]

penpen

子爵府

積分: 13681

開心吸收勳章認識瑞士牛牛第二回貓狗褓姆畀面勳章

1^#

發表於 04-10-20 09:25 |只看該作者

又係老爺奶奶呀!! 搞錯......

越來越唔妥我老爺奶奶,
明明係我老公唔啱都好似係我唔啱咁! 歪理!
尋日我奶奶知道我老公要拎野俾我老爺,應該唔會返屋企食就打俾我話俾我知, 我話應該係佢自己打番黎, 阿奶奶唔係你幫佢打黎(因之前果晚佢上咗去幫我老爺整野我完全唔知,響果度食飯又唔打番黎話我知, 我發脾氣,再之前仲鬧緊交),有嘜理由咁大個人唔返屋企食飯唔識打返屋企咁唔負責任, 好啦~ 算喇~ 收左線, 跟住到晚八點半咁上下, 老爺打黎話佢剛剛放低野走左, 仲要響度講一大輪廢話咩佢哋屋企阿邊個邊個成日唔返屋企食飯都唔打電話, 一向都係咁! 剩返d餸未第二日食囉~ (佢地係我奶奶差唔多每日遂個打俾佢哋問佢哋返唔返去食飯, 我一直都認為有冇搞錯) 咁我未話冇理由因為佢哋唔負責任就要屋企人第二日食佢哋唔食既餸尾, 佢仲要響度哦! 我嬲到同佢講左句我講咩都冇用就cut咗佢線(仲有呀!佢地一向遲返屋企食飯都唔會另外夾起d餸留,係之前佢地食完留番響原本個碟度架! 我都唔鍾意好似食餸尾咁! ), 都唔知係唔係佢地d潮州人個個都係咁定點, 冇錯, 佢地算係鍚我,但係我講d野佢哋成日都自己有自己果套, 好似前排我老爺個大伯響第二度飛黎香港, 佢響機場等好耐唔見, 打返黎屋企(果時仲同佢地一齊住)又冇黎到, 驚到報警, 我話會唔會去咗酒店, 我奶奶淨係話唔會唔會, 我心諗點唔會呀! 唔通撞機咩~ 頂丫!! 又唔同佢哋響機場果邊等緊既人講下, 終於響兩三個鐘後證實佢地去左酒店,無啦啦驚餐死!

近既就早一兩星期, 我奶奶響屋企俾隻蜂針咗一野, 理應即刻去睇醫生, 佢就咁搽d白醋(佢前排聽人講同體驗過俾蚊針咗搽白醋有用就當咗d白醋好似萬能咁!), 叫佢去睇佢又話冇野既, 到第二日我咁啱上去睇佢地, 見佢隻腳都仲腫同埋佢話夜晚sleep果陣好痕,瞓得唔好,咁我再叫佢去睇, 佢同老爺兩個就話以前響鄉下成日都會, 咩有人俾針到成面腫晒都冇事, 終於都會退晒,唔洗睇, 又'毆'多晚, 跟住果日黃昏我奶奶就打俾我話去左睇急症,因為之前果晚又好痕, 成晚都冇得瞓,到左急症室幫佢打左支止痕針冇事, 俾左d抗生素佢, 佢仲話未食藥, 大佬呀! 抗生素醫生俾你之前叫你一定要食晒架啦~ 跟住我都冇咁好氣, 淨係叫佢一定要準時食晒去, 以上既奇事唔祇10單8單, 有時真係唔知點頂!! :evil: :evil:
多謝你地咁有心機睇晒我長篇大論!