吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 究竟係我小器or我嬲得好無謂?

心聲留言今日: 0|主題: 17558

收藏本版

發帖

返回列表

跳至頁

查看: 1319 | 回覆: 4

究竟係我小器or我嬲得好無謂? [複製鏈接]

Michelmcy

公爵府

積分: 27370

認識瑞士牛牛第一回熱血勳章好媽媽勳章畀面勳章

1^#

發表於 04-10-6 17:23 |只看該作者

究竟係我小器or我嬲得好無謂?

bb就快滿7個月, 在5個半月時開始食糊仔, 剛開始時, d糊仔都係稀稀地, 但唔夠1個星期就已經要bb食幾杰的糊 (4安奶+6匙米糊), 佢話bb仲易吞, 每次我唔小心只是開稀左少少(d米糊有一兩匙唔覺意無裝咁滿), 都比佢"丙"到九彩. 今個星期一突然話煲粥比bb食, 好在個電飯煲仔一早已經買左, 但都要比佢鬧 "點解唔一早洗定個煲"

但佢竟然要我地整d爛飯仔比bb食, bb都係7個月咋, 咁快就要佢食爛飯仔, 有無搞錯, 又話煲粥?-( 佢堅持己見, 如果唔順佢意, 更難聽既說話佢都可以講得出, 甚至乎做得出.

今日仲離譜, 昨日和今日都係買大魚腩在蒸熟之後, 加落d"粥"度, 整左兩日之後今日我負責整, 我準備蒸魚之際, 佢突然話加d鹽同糖落條魚一齊蒸, 我即反問:"bb未食得調味喎!" 佢仲話"你地d大人食魚唔落鹽糖, 你都唔食啦" 我即反駁"咁bb係唔可以食調味料" 呢一刻我真係嬲到震 :evil: :evil: :evil: 咁即係話, 昨日你整條魚既時候, 你都加左d鹽糖落去啦.....枉我信任你, 你竟然為左個bb一定要食到你整既魚粥, 就"不擇手段"; 因為佢試過蒸左條魚後, 諗住bb一路食糊糊, 就一路比魚佢食, 但當時bb一d都唔肯食, 全部吐晒出來. 我真係好嬲呀 :evil: 嬲到震!!!!!
跟住我無再出聲, 走入廚房, 反而仲比佢話我, 無端端比面色佢睇, 見到d"粥"煲好, 就擺款話"我走喇, 返屋企, 唔係度食(lunch)喇" 個一刻, 我真係好想佢走, 但比姐姐叫住, 最後咪又留低係度,

呢個人~~~~就係bb個婆婆, 即係我阿媽!

[size=medium]天啊! 點解我會有個咁既阿媽!

私人傳訊

racar

子爵府

積分: 10379

2^#

發表於 04-10-6 18:20 |只看該作者

Re: 究竟係我小器or我嬲得好無謂?

Michelmcy
HI!
我對你有印象!
因為你個bb勁得意!

我記得你個阿媽好重男輕女的!
有時上一代諗法同我地唔同!
佢會話'車~~~你地都係咁揍大架咋!!!!''
但佢地唔明白時代已經唔同，連揍bb既方式亦都唔同!

不過你媽咪真係有點兒那個了!
畢竟bb只得7個月，胃仔未能消化飯仔，魚等固體!!
要慢慢來麻!
我諗就算你講10萬次，你媽咪都唔會聽你講的了!
最好搵d專業人士黎同佢講!
例如下次去健康院乘機帶埋婆婆去，咁你又借d意問姑娘，由姑娘解釋比婆婆聽，佢可能會受落d!

唔好唔開心，佢始終係你阿媽!
佢都係想bb好!不過方式錯左!

私人傳訊

tsznok

侯爵府

積分: 21494

好媽媽勳章

3^#

發表於 04-10-6 18:43 |只看該作者

Re: 究竟係我小器or我嬲得好無謂?

原來呢個就係你同媽咪唔開心既原因。

其實我咁睇,你&你媽咪都係好錫Alex,都係想Alex食到肥肥白白、快高長大!但係要諗番一樣野,上一代既女人湊仔方式同而家我地新一代既媽咪好唔同!以前社會環境唔好,理得你岩唔岩食,食得飽你養得大就算,都唔得閒去想"究竟bb食唔食到呢種食物呢?","bb食唔食得調味料呢?",另外我地而家呢一代知識水平高左,生活質素都好左,對於養bb既方式亦比以前嚴謹...就係因為咁,你同呀媽就會o向呢件事上有分歧!而你呀媽黑面既原因都走唔出:"你個衰女!我咁辛苦煲粥你個仔食,你又呀之呀左!又話呢樣唔得果樣唔得,我以前都係咁整粥俾你地食啦,食到你今日咁大個黎鬧番我...你估我唔想你個仔好呀?!"

唔太應該做既都做左喇,有味既粥仔都食過喇,而家要做既唔係去嬲(不過嬲都係人之常情...),不如諗下點樣教育你媽咪湊bb,你試下用一d溫和d既方式講:"...你湊Alex當然湊得好啦!你見佢而家肥肥白白幾得意! (老人家都係鍾意人地認同) 不過咁呀,之前有醫生講暫時Alex唔食得一d太傑&太濃味既食物傢!不如你試下唔好落味煲丫~!"...總之有d乜都推落去d專業人士意見身上,千其唔好話"我要你咁咁咁呀、我要你呢樣果樣呀",因為佢地會聽唔入耳!

之前我同我呀媽都有類似你遇到既情況,用上面既tone去同佢溝通後,而家一樣攪得掂!你試下啦~!

§ 為左食得好又健康啲，靚太橫行廚房中… §

私人傳訊

minna12

大宅

積分: 2583

4^#

發表於 04-10-7 00:37 |只看該作者

Re: 究竟係我小器or我嬲得好無謂?

Michelmcy
你個Alex勁得意呀!
你可以同你媽咪講BB仔個胃同腎未發育好, 況且佢未食過啲咁"好味"既嘢暫時未會選擇

私人傳訊

Michelmcy

公爵府

積分: 27370

認識瑞士牛牛第一回熱血勳章好媽媽勳章畀面勳章

5^#

發表於 04-10-7 00:42 |只看該作者

Re: 究竟係我小器or我嬲得好無謂?

racar, tsznok,

好多謝你地開解我.

係, 我都知佢其實都好錫bb, 除左佢既方式之外, 同佢相處都係一大難題, 佢唔係咁容易接受人地既意見, 即使係d專業人仕, 佢淨係buy 佢後生時係九龍醫院d老姑娘同佢講既說話, 又或者一d佢認為信得過既人, 同埋佢係一個逢事必鬧先(即所謂先發制人), 好似我生完bb從醫院回家之後, 由於我係提早開刀生的, 有d野買唔切, 例如揹帶, 因為當時要準備第二日去健康院, 老公回家後知道左, 就話出去買, 咁我阿媽又係度話"點解唔一早買定" 無端端我兩公婆比佢"丙"左一輪, 到我地話唔買住la, 又比佢"丙"多一次, 最後我老公都係出左去買. 我老公都勁唔happy, 我老公唔係咁易發脾氣的一個人, 成日比人話佢"無厘火氣", 同佢相處左十幾年, 我諗佢發脾氣的次數都唔超過十次, 但佢對我阿媽都頗有微言.

我都試過平心靜氣同佢講, 但佢都係聽唔入耳, 佢只會認為凡事佢都係no. 1. 唔知你地有無睇過"大宅門", 我同姐姐都覺得佢自己就好似裏既斯琴高娃一樣, 高高在上, 任何人都只可以聽佢講, 聽佢吩咐, 唔可以駁咀, 即使係我奶奶, 佢試過好多次口不擇言咁話我奶奶, 個一刻我同老公都聽到, 佢就好唔高興, 我就真係想搵"lone"捐. 打場牌ge, 人地比唔到牌你食, 可以鬧到人咁盡. 我又記得當時我仲大緊肚, 有一次我只係講笑咁同佢講, 乜咁大碟七彩炒米粉, 佢又即刻變臉, 又話我係度鬧佢, 仲話"唔鍾意食就唔好食啦"