＋

心聲留言

收藏本版
發帖
返回列表
跳至頁

首頁
12

尾頁
   0
celia_ip


大宅

積分: 3129


1#
發表於 04-9-3 03:26 |只看該作者

好唔開心呀,老公借咗加車俾表弟,而家撞咗,你哋會點做??!

好忟呀~~ :-x
我老公成日借加車俾佢表弟(已經四年啦),我一向都已經表明咗立場話唔鐘意借車俾人,萬一有咩事都唔知追唔追究好,由於份車保只係填咗我同我老公個名,萬一其他人駕車而又撞咗,墊底起碼起五,六萬.但我老公依然係成日借車俾佢表弟,有時我都會扮唔知,唔出聲,但有時真係好過份,一星期借幾次,我就會忍唔住頸,話我老公,唔知點解佢表弟成日都會有野要搬,一時又話又要車人,唔通我地無車,佢就唔駛搬野o既??!我唔知佢係咪攞我地架車去溝女.....
今個星期又係咁,今晚已經係連續第三晚借車啦,頭先瞓到二點幾,我老公個電腦響,原來係佢表弟打黎話撞咗車......
:-x 有無攪錯呀~ 借人車仲要撞埋,我知佢係唔想o既,但我架車仲有一個月先供完架,我哋仲諗住換車架,而家架車唔係直版,點都賣唔返咁多錢啦......
早三年前我係停車場撞花咗度車門少少,俾我老公鬧到飛起,仲差d分手咁濟...... 而家佢表弟撞咗就好似好合理咁.......
如果係你,你會點做呀??!
[url=http://www.baby-gaga.com/][/img]寶寶,願你身體健康,心靈快樂,向美麗前景踏出信心的步伐.</b>
私人傳訊

calcal


男爵府

積分: 6227


2#
發表於 04-9-3 07:46 |只看該作者

Re: 好唔開心呀,老公借咗加車俾表弟,而家撞咗,你哋會點做??!

會叫佢表弟俾維修費，如果佢無得俾，(惟有自己o更)，但以後唔會借車俾佢，或講悔氣說話(教訓下你老公)：話架車唔駛整啦，索性唔要車，亦唔會再買，等你老公無得借俾人~~自己又無車用
好似我姑奶成日問我o地借相機(佢影得仲多過我)，之後佢整壞o左，姑奶叫我老公揀過一部，等佢"津貼"我老公買喎，我話唔駛啦，以後各自買一部，唔再借來借去好過。
私人傳訊

mjzz


別墅

積分: 900


3#
發表於 04-9-3 08:10 |只看該作者

Re: 好唔開心呀,老公借咗加車俾表弟,而家撞咗,你哋會點做??!

照計墊底唔使5~6萬, 咩車款呢? 一路都冇NCB咩?

不過小心一件事.... 如果撞傷人, 後果可大可小~
我們應該感恩 神的話語令人清醒
私人傳訊

歲月如詩


複式洋房

積分: 204


4#
發表於 04-9-3 09:42 |只看該作者

Re: 好唔開心呀,老公借咗加車俾表弟,而家撞咗,你哋會點做??!

我唔借車俾人架, 妹都唔借.......費事煩......
現在你都冇麼辦法, 我估你先生表弟一定冇錢賠俾你地....... 唯有希望你老公經此事後, 可以有籍不再借車俾人啦.......男人有時面子上好難同人講不借.....
相信你老公好肉痛啦, 你係咁易鬧下佢算啦

[size=xx-small]生命點滴匯成流金長河, 握你的手到天荒地老歲月流金, 年華老去, 心中的詩仍是溫柔的你.
私人傳訊

糯米B


男爵府

積分: 7908


5#
發表於 04-9-3 09:51 |只看該作者

Re: 好唔開心呀,老公借咗加車俾表弟,而家撞咗,你哋會點做??!

叫佢表弟條茂李供埋條尾期, 之後叫佢比錢"笠埋"部車, 自己出過部新如果佢無錢就話佢 "做人要負責任".... 不過我估條茂李都係無錢嫁啦, 而妳就唔好再由朝到晚嘈妳老公啦, 佢呢次都好煩, 等佢地兩條友自己處理"應負既責任囉。
我部車都係買全保, 所以我絕對唔會借車比保單上無list 既司機......費時煩, 其實咁樣都係一個唔駛借車比人既理由。
私人傳訊

該用戶已被刪除

6#
發表於 04-9-3 10:47 |只看該作者

Re: 好唔開心呀,老公借咗加車俾表弟,而家撞咗,你哋會點做??!

提示: 作者被禁止或刪除 內容自動屏蔽
私人傳訊

阿早!


子爵府

積分: 11405

好媽媽勳章


7#
發表於 04-9-3 11:52 |只看該作者

Re: 好唔開心呀,老公借咗加車俾表弟,而家撞咗,你哋會點做??!

我都唔贊成你鬧你老公, 不過都要同佢講呢個已經係容忍限度, 係底線.

我老公之前都整過鑊粥比我. 事源佢d同事好鍾意劈酒, 仲要溝酒飲. 佢酒量唔好, 成日都醉(不過都可以自己搭到的士返屋企, 唔駛人扶), 我都成日同佢講唔好飲咁多. 有一次終於出事.....

佢醉到不省人事, 訓左響蘭桂坊, 半夜3點幾佢其中一個同事(佢都wing下wing下)打比我, 話我老公醉左, 叫我即刻出去. 我飛"的"出去, 叫個司機幫手抬佢入瑪麗. 佢當時嘔到成身都係, 連底衫, "物"同鞋都有. 我無出聲(其實已經嬲到標眼淚), 只係幫佢換左d衫, 洗乾淨對鞋, 等佢醒. 佢醒左, 我無話佢, 只係問佢好d未, 幫佢辦出院手續. 佢之後好後悔好後悔, 仲叫我鬧佢, 佢覺得對我唔住. 我只係同佢講, 我下次會熄電話同"炆"走電話線. 佢之後到而家都好乖, 無再去Pub.
私人傳訊

Martina


男爵府

積分: 5081


8#
發表於 04-9-3 12:21 |只看該作者

Re: 好唔開心呀,老公借咗加車俾表弟,而家撞咗,你哋會點做??!

男人呢d死性不改. 我老公成日借車比個侄用. 保單上只有佢哋兩個名. 冇我份. 仲比埋車鑰匙 (另做$500条)佢, 结果佢個侄自出自入我屋企攞車. 連我都唔知. 保佢大買架二手車比佢, 佢都仲用我哋車 - 因為唔駛油, 隧道, 泊車咭..全部都唔駛佢比.

有一次佢係燈口撞到個亞婆, 我老公唔係香港, 我哋都唔知, 又冇報保險. 佢後來先識驚, 即刻搵律師問點做...好彩係亞婆冇告佢, 如果唔係我哋都一身潺.

但之後我老公照樣比佢用車, 前世欠佢. 今個月我問佢攞番車匙, 理由是我条匙壞咗, 我要車小朋友出入. 终於结束10多年痛苦. 我老公唔出声, 我咪出馬比佢個侄說話聽
私人傳訊

cmama


大宅

積分: 4751


9#
發表於 04-9-3 13:41 |只看該作者

Re: 好唔開心呀,老公借咗加車俾表弟,而家撞咗,你哋會點做??!

My hubby's friend also borrowed our car very frequently. The car's enginee was blown at the end because he kept on driving even when it was very hot. We asked him to share the money to change the enginee. Since then, he seldom borrowed our car. Sometimes it's really difficult to reject his friends, especially he's my hubby's friend.
But now, no more trouble because he had sold our car!
私人傳訊

lovebobo


翡翠宮

積分: 93781

2026勳章 2024年龍年勳章 2023年兔年勳章 2018復活節勳章 開心吸收勳章 最關心BB問題熱投勳章 認識瑞士牛牛第二回 認識瑞士牛牛第一回 育兒性格勳章 畀面勳章 環保接龍勳章 BK Milk勳章


10#
發表於 04-9-4 02:09 |只看該作者

Re: 好唔開心呀,老公借咗加車俾表弟,而家撞咗,你哋會點做??!

唔好咁忟啦, 件事都發生左, 你點鬧你老公都冇用! 佢架車比佢表弟撞成咁, 佢係最心痛果個

你果架係咩車呀? 墊底費都要5, 6萬咁多

如果我係你, 一定叫你老公個表弟賠錢呀! 你借得人地架車, 撞左就預左要賠錢啦, 無錢都係咁話呀! 最多叫佢每個月還返d錢比你地囉! 仁至義盡嫁la :evil:

仲有呀! 佢撞左車後仲有冇手尾跟呀? 例如有冇撞到人? 撞到其他野? 撞到政府公物? 有冇人目睹件事既經過? 等等....

架車撞左, 你話已經唔係直版, 我諗都撞到好大鑊下喎 其實有d車房可以幫你整返好架車, 而又驗唔出撞過嫁
私人傳訊

phoebe^^


子爵府

積分: 13842


11#
發表於 04-9-4 16:55 |只看該作者

Re: 好唔開心呀,老公借咗加車俾表弟,而家撞咗,你哋會點做??!

celia_ip
算啦唔好甘忟啦...好彩都係借俾自己人姐....
3年前我試過搵左我朋友個boy fd幫我老公夜晚揸車...因為佢男朋友想搵多d錢...而我老公又想搵人幫手揸車...而揸果架係租返黎0既van仔...甘諗住大家一場朋友啦..話晒我同我個fd識左十幾年喇.所以冇簽d咩野文件...架車用我老公個名租啦....甘講好
左人工就開工啦...點知返左工1,2日...我朋友開始現形喇...打黎話要日日出糧....好似驚死走左佢甘...ok...甘我地就日日出糧俾佢啦....好唔好彩...佢男朋友返左工3日咋...就即刻撞左架車喇...係佢男朋友唔0岩...出路口有讓線位都唔停直衝出去...攪到對方架車totoal lost..而我地租果架van就地台縮埋...門都爛晒...甘我地楔係諗住佢自己撞人架車就自己賠...依架van仔整0既錢就一人一半啦....點知我個fd打黎嘈生晒...又話要我地賠晒...又話佢男朋友黎幫我地揸車係搵命博.....佢男朋友本身都日日揸住自己架車ga啦....最後因為係佢揸架車而撞0既...所以都係要佢自己賠返錢俾人...而依架車整左6000,我地俾晒先..佢之後話肯分幾期拎返3000出黎..之後點知仲失踪埋tim....甘0既人真係賤到嘔...唔怪之得要日日出糧啦....我自從甘之後都冇再搵依個所謂朋友....真係好心俾個機會佢男朋友搵錢姐...點知到頭黎攪到一鑊泡...識著依d fd真係慘...仲冇啦啦累老公唔見6000
私人傳訊

喱喱豬


複式洋房

積分: 399


12#
發表於 04-9-4 17:13 |只看該作者

Re: 好唔開心呀,老公借咗加車俾表弟,而家撞咗,你哋會點做??!

一人做事一人當
佢當事人比返維修費囉
私人傳訊

viginninia


複式洋房

積分: 379


13#
發表於 04-9-4 18:35 |只看該作者

Re: 好唔開心呀,老公借

梗係叫佢表弟整番架車啦~~~
紫妍囡囡豬@豬脾王國
私人傳訊

littlebobo


複式洋房

積分: 184


14#
發表於 04-9-4 19:02 |只看該作者

Re: 好唔開心呀,老公借

你唔好咁嬲喇，你攞番條匙就好喇
私人傳訊

celia_ip


大宅

積分: 3129


15#
發表於 04-9-4 19:13 |只看該作者

Re: 好唔開心呀,老公借

多謝大家俾咗咁多意見,今日蘋果都有報道,內容大約如下:
[size=large]情侶車禍牽手安慰 ~附圖
昨晨二時半,一輛豐田私家車沿元朗朗天路往天水圍,駛至元朗公路橋底一個右彎,懷疑高速掟彎失控撞左邊石躉.私家車車頭毁爛,擋風玻璃飛脫,姓李(二十二歲)男司機手面擦傷,驚魂未定,第一時間握住女友手安慰.他稍後報警送院,敷治後無礙,惟酒精測試超標涉酒後駕駛被捕.

睇到個標題,眼火"飽" :evil:

我架車款係 AE111, 屬跑車款,單門,所以燕疏(三保)都要一萬元,而家佢表弟 唔夠牌齡,唔夠年齡,唔係車主,保險無落佢名,每樣三萬,合共十二萬 墊底....... :-x
而家酒后駕駛,保險公司無需要付上任何責任,~
昨晚同我老公傾過,我話部車我就唔要啦,供咗四年(尚欠二個月),供滿后十四萬,我明白就算新車一落地都會跌價,由於我哋都打算供滿后會賣車,倒不如而家俾埋架車佢,整好唔整好,唔關我事,麻煩俾番三萬蚊+黎緊O個二期供款,共三萬六仟元,我覺得已經人智義盡..... :-|

不過到目前為止都無人問過架車會點......
本來依二日我都好嬲,但今日同我媽咪傾計,佢話有時D野真係整定,要撞點都會撞,或者佢唔撞,會係我同我老公撞呢,咁咪仲大鑊...... 我哋仲有囝囝要照顧,咪當佢同我啦擋咗一劫
[url=http://www.baby-gaga.com/][/img]寶寶,願你身體健康,心靈快樂,向美麗前景踏出信心的步伐.</b>
私人傳訊

糯米B


男爵府

積分: 7908


16#
發表於 04-9-5 00:10 |只看該作者

Re: 好唔開心呀,老公借

哦......原來係 AE 111 "Levin"........重係22歲既牛奶仔開車.......唔怪之得啦, 呢d牛奶仔成日覺得開住部跑車就天下無敵囉, 唔係黑心.......遲早西遊, 不過, 叫條牛奶仔俾三仟或者有d可能, 三萬就好"文"囉......
私人傳訊

雨霖鈴媽媽


別墅

積分: 894


17#
發表於 04-9-5 00:27 |只看該作者

Re: 好唔開心呀,老公借

AE 111真係好重皮,我老公以前都係用呢款車,
不過正因為保險加得貴,佢先轉用YRV...方便外母型...
佢話又有TURBO又夠快喎,拍得住AE 3條1架,
[size=small]唔好咁傻啦~佢酒後駕駛,就擺明係佢錯啦~你自己都唔會咁唔小心啦~叫佢賠囉~~男人黎架,自己做錯一定要負責任,唔係出事就拖住條女就得架....懶浪漫
:party: :-D
私人傳訊

該用戶已被刪除

18#
發表於 04-9-5 05:09 |只看該作者

Re: 好唔開心呀,老公借

提示: 作者被禁止或刪除 內容自動屏蔽
私人傳訊

雨霖鈴媽媽


別墅

積分: 894


19#
發表於 04-9-5 12:09 |只看該作者

Re: 好唔開心呀,老公借

han@happyforever,
聰明~~有錢都唔係亂咁"SIDE"架嘛...
$5000用部車10個月都抵丫~
celia,
[size=large]一人做事,一人當~~一定要叫佢分期還~[size=medium]如果你心軟的話,會教壞小朋友,以為做錯事會有人幫佢頂~仲會令你老公個表弟唔識改過,繼續飛車~
:party: :-D
私人傳訊

該用戶已被刪除

20#
發表於 04-9-5 13:55 |只看該作者

Re: 好唔開心呀,老公借

提示: 作者被禁止或刪除 內容自動屏蔽
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy