吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 好唔開心...覺得好對個囡囡唔住.... (忍唔住喊...) ...

心聲留言今日: 0|主題: 17573

收藏本版

發帖

返回列表

跳至頁

查看: 2546 | 回覆: 12

好唔開心...覺得好對個囡囡唔住.... (忍唔住喊...) [複製鏈接]

stephenietam

侯爵府

積分: 23056

1^#

發表於 04-9-2 21:12 |只看該作者

好唔開心...覺得好對個囡囡唔住.... (忍唔住喊...)

我係一個教師, 囡囡歲半, 唸住比佢去daycare, 等佢可以同小朋友玩, 希望佢會開心.... 我專登係開學前1星期同佢開始, 等我可以陪佢識應, 佢開頭當然有喊下啦, 但係都ok, 我都開始放心開學...

今日係第一日番學, 由於我番得早, 唔可以自己送佢去, 就叫佢daddy送佢, 點知我一落車, 佢就喊到咩野咁.... 我都同自己講, 佢要d時間適應姐... 我中午都去接佢 (因為我好擔心...) 番到我媽媽度, 我"暗"佢訓左我又趕番學, 點知佢醒左周圍找我... 猛叫住媽媽咁喊...... 我番到黎, 佢就腩住我唔放, 連同佢沖涼都唔肯落水.... 我好心痛, 好似呃左佢, 好對佢唔住咁..... 佢會唔會"angry"我, 唔再鐘意我呀? 我覺得好對個女唔住, 我係咪應該唔做, 番屋企照顧佢呀??

我真係好心痛, 我可以點呀?

私人傳訊

肥師奶傲雪

大宅

積分: 1481

2^#

發表於 04-9-3 00:32 |只看該作者

Re: 好唔開心...覺得好對個囡囡唔住.... (忍唔住喊...)

肥師奶返黎喇！！∼
小朋友梗要返學架啦！係遲定早既姐，你早ｄ比佢習慣返學咪仲好！∼識多ｄ朋友小朋友都會開朗ｄ，唔通佢返學喊你就以後唔比佢返學咩？媽媽鍚ｂｂ係正常，但不能過份溺愛，會寵壞佢架！過多幾日佢識到朋友仔日日要你快ｄ帶佢返學玩添呀！傻豬唔好亂諗野，我個女過多幾個月我都要帶佢返學，我完全唔擔心，因為遲早都要家嘛！係咪＾＾

我和肥b女的相相

私人傳訊

sweetma

別墅

積分: 930

3^#

發表於 04-9-3 10:07 |只看該作者

Re: 好唔開心...覺得好對個囡囡唔住.... (忍唔住喊...)

Don't worry.

I think your baby just need a transitional period. Once she realise school is part of her life and you love her as much as before. And she can come back home and play with you after school. She will start to enjoy school.

I feel what you need is to let her understand why she needs to go to school and what is so interesting about school. Children are clever. She will understand and be happy then.

私人傳訊

BBHim

大宅

積分: 2553

4^#

發表於 04-9-3 12:36 |只看該作者

Re: 好唔開心...覺得好對個囡囡唔住.... (忍唔住喊...)

你係唔係突然失蹤個隻呀，呀女訓醒發覺唔見左媽咪，比係你都會好驚啦，你每次需要離開佢，記緊要比心理準備佢，話媽媽要去邊，幾時會返，唔好比時間，要比實際情況，例如今晚食飯時會見到媽媽架，唔理佢明唔明都要講低聲．．．
返學慢慢會習慣，除了間學校對佢唔好啦．．．　

私人傳訊

tammysin

別墅

積分: 771

5^#

發表於 04-9-3 12:41 |只看該作者

Re: 好唔開心...覺得好對個囡囡唔住.... (忍唔住喊...)

stephenietam: 其實你囡囡返學時, 佢爸爸係唔係陪同一齊定佢自己? 其實歲半還是個bb, 佢地係害怕陌生人, 佢地係好需要佢地最信任最愛的人係身邊, 要佢地獨立係要安步就班, 照你所說我覺得你以嚇怕了你囡囡啦, 你囡囡好驚你放低佢, 佢所以係都要攬實你. 好似我囝囝(21個月) 係婆婆湊日頭, 每日都對住8 個鐘啦, 但每日早上我交囝囝比我媽咪, 佢都係唔很還會大大聲喊.更何況你囡囡去到一個新環境面對陌生人.

私人傳訊

jk67jk

子爵府

積分: 10867

6^#

發表於 04-9-3 12:45 |只看該作者

Re: 好唔開心...覺得好對個囡囡唔住.... (忍唔住喊...)

stephenietam,

你的情緒很正常, 我同你都一樣！

由仔仔bb的時候開始, 到他現在都3歲半了, 如果他哭的原因是我要離開他 (i.e.返工, 去街...etc.) 我都忍唔住會喊！ :cry: 因為我理想是做全職媽媽, 奈何不能！ :-( 所以, 內心的罪惡感很重！好像對不起兒子, 又擔心兒子覺得我不愛他, 所以將他交給別人照顧！

這些情緒問題, 要自己積極去刻服！不要太唔開心, 少少唔開心可以, 但不要被它影響你的健康、你的生活。

bb及小朋友的戀母情意結是天生的, 父親離開他不會有太大反應。內心喜愛家庭多於工作的女性, 相信會被自己的兒女牽動情緒比較大, 老公是不明白的！

「多元社區，和諧並存；你我出手，聾健共融」

私人傳訊

姬

大宅

積分: 1427

7^#

發表於 04-9-3 13:03 |只看該作者

Re: 好唔開心...覺得好對個囡囡唔住.... (忍唔住喊...)

你唔好唔開心啦, 雖然我囝囝唔會好似你囡囡咁(佢從小就在託嬰院長大, 直到依家上K2 佢都冇問題, 可能習慣), 但你要明白, 終有一日, 囡囡都要上學, 你都是教書的, 你應該明白架, 就像我囝囝學校D小BB, 得二歲到, 從開學第一天(8月9日開學)哭得要命到現在笑著跟爸媽揮手, 你囡囡的情形就像我們大人第一天上新工一樣, 總有點不安和不習慣, 你給囡囡一點時間,盡量晚上跟她談多D她有學校的生活, 好似, 今日有冇唱歌歌呀..其實學校的生活很精彩的, 也許再過不久, 你囡囡會每天嚷著要上學

私人傳訊

衍衍媽媽

大宅

積分: 3033

8^#

發表於 04-9-3 13:30 |只看該作者

Re: 好唔開心...覺得好對個囡囡唔住.... (忍唔住喊...)

非常同意, 我都要返工, 覺得自己同B仔的時間太少, 我都覺得好內疚, 但無辦法, 如果經濟如何, 我相信大家都想做全職媽媽

私人傳訊

gavial

別墅

積分: 894

9^#

發表於 04-9-3 14:03 |只看該作者

Re: 好唔開心...覺得好對個囡囡唔住.... (忍唔住喊...)

我都想唔做野, 但係又驚到時經濟壓力太大, 攪到父妻不和、個女無得上pg,無得選擇俾個女讀私校.... :cry:

私人傳訊

joey04141967

別墅

積分: 748

10^#

發表於 04-9-3 14:06 |只看該作者

Re: 好唔開心...覺得好對個囡囡唔住.... (忍唔住喊...)

hi stephenietam
我bb7個月大,早幾日番左育嬰院,係全托過夜個種.我你同一樣心痛~~開開下工眼鼻都紅哂@.@好掛往個囝,慘過失戀^.^
但當我睇完你的情况(局外人)我會覺得因這個是自己的宝貝所以會鑽左牛角尖(特別傷心)如換轉是你學生的家長這樣,我
相信你會發揮你的(專業)去處理呀
我們做媽媽的要努力.堅強.理智啊++++
做個好榜樣呢..bb睇你頭架 :evil:

私人傳訊

luibb

男爵府

積分: 8285

11^#

發表於 04-9-3 14:44 |只看該作者

Re: 好唔開心...覺得好對個囡囡唔住.... (忍唔住喊...)

Hi Stephenietam,

我囝囝同你個女係同年同月不過唔同日出世，我個仔係細你個女 1 日，我而家先開始考慮帶佢返o下 playgroup o乍，我覺得 1 歲 5 個月實在真係仲細，我完全冇考慮比佢咁早返學，亦唔捨得佢，我覺得佢都唔明白咩叫返學，只係知道自己比爸爸媽媽抱住去到一個陌生環境，然後爸爸媽媽將自己交比一個陌生人手上，就走o左，所以一定好驚，唔喊至奇 ! 同埋咁細個都唔識得點同其他 bb 一齊玩，都係自己有自己玩o下 ! 我覺得應該等到佢差不多 2 歲先比佢返 pre-school / nursary 就差不多 !

o既然已經返o左，你咪比佢試多一星期，如果情況真係冇改善，就唔好比佢返 la ! 唔好嚇驚o左佢呀 ! 細路仔如果嚇親成日夜晚會發惡夢就好麻煩，好容易生病o架 ! 所以唔得就唔好免強 !

私人傳訊

cherrybibi

侯爵府

積分: 20954

12^#

發表於 04-9-3 17:06 |只看該作者

Re: 好唔開心...覺得好對個囡囡唔住.... (忍唔住喊...)

Stephenietam,
這個時間是一個過度期, 眼見她哭得那麼厲害, 當然心痛,
妳多些用正面的說話對她說, 例如: 番學好開心, 老師與
妳跳舞, 講故事, 可以同其他同學仔玩玩具....., 話比佢
知媽咪去番工, 放工番來陪佢玩..., 這個時間妳一定要堅持,
如果妳現在放棄, 下次去再去番學, 又是那樣哭, 只會將這
件事重演...., 加油呀.

私人傳訊

stephenietam

侯爵府

積分: 23056

13^#

發表於 04-9-3 19:06 |只看該作者

Re: 好唔開心...覺得好對個囡囡唔住.... (忍唔住喊...)

好多謝咁多位媽媽的關心同安慰, 我已好左好多啦.... 都知道自己係鑚左牛角尖, 但係真係控制唔到, 我最唔應該就係等佢訓左走, 等佢以為我出賣佢, 今日我學你地咁講, 話佢知媽媽要番工, 放工就會番黎同佢玩, 佢今日雖然都有喊, 不過比尋日好左好多, 又肯玩, 又肯食野, 我都冇咁擔心啦~~

真係好多謝你地~~~

我都十分同意.... 如果可以, 邊個會唔想做全職媽媽, 成日陪住bb, 睇住佢學野呀..... 不過佢有一日都要大個, 咁到時我地又點呢.....