Baby Kingdom - 親子王國 香港 討論區 › 首頁 › 心聲留言› 自作孽

心聲留言

收藏本版
發帖
返回列表
跳至頁
自作孽 [複製鏈接]

首頁
123

尾頁
   0
mjzz


別墅

積分: 900


1#
發表於 04-7-8 12:17 |只看該作者

自作孽

問責制2年, 失高官3人...... 23法, 買車, 沙士......

一般情況炒個普通官員可以隨時更換補上, 香港人才, 真正出色有幾多個? 雪廠街一年可以生產幾多個可以有帶領能力o既官員? 今日係好似好好玩, 一味又嘈又插, 以為推倒一個官員好過癮...... 放長小小時間睇下香港日後發展, 大家便會清楚有冇"自作孽"....

好似先前兩人離去, 有冇作為? 有冇咩對香港好處?? 唔知, 睇唔到~

純粹"個人心聲"本人跟手唔會回應, 喜歡可以自由發表, 吐出心聲~
我們應該感恩 神的話語令人清醒
私人傳訊

Wingtung-MaMe


大宅

積分: 1724


2#
發表於 04-7-8 12:27 |只看該作者

Re: 自作孽

我覺得, 點解我地香港 d 不知所謂o既議員成日唯恐天下不亂咁, 搞搞震, 成日利用香港市民的聲音, 佢地搞咁多野都係想為o左大家投佢地一票o者?
試問一下, 發生 sars 時, 佢地又死晒去邊? 做過 d 嘜野對 sars 病人有幫助? 人地搵緊對策時, 佢地又o係邊呢? 換著比佢地做? 全香港死晒都似…….

好似今日報紙中胡應湘的說話, 我真的很認同, 佢話: 如果一有病人死o左, 就要搵人賠償, 咁仲有人肯做醫生咩?

最後, 我覺得而家o既問題並唔o係要搵人問責, 落了台又點? 不如等佢地諗多 d 應變措施好過啦……唔好中 d 不知所謂o既議員計, 佢地剩係識成日o係度嘈嘈閉, 佢地呢 d 真o係叫”搞搞震,無幫襯”以及”有破壞無建設”喇~~~~ 都唔明佢地, 既然佢地成日咁多”馬後砲” 何不切切實實幫手用o下個腦諗 d 真係幫到市民o既野仲好啦! 佢地如果真係做到呀, 你估我地 d 市民唔支持佢咩? 大力支持都o黎唔切啦~~~~

係咪? 各位!
以上只係小女子有感而發, 如有得罪, 多多包涵!
私人傳訊

chuchumui


複式洋房

積分: 498


3#
發表於 04-7-8 12:38 |只看該作者

Re: 自作孽

痛心的是好多港人都得很淺薄，看事情眼光不夠遠大。
大部份人都不覺得自己也有一份責任，處事方式也欠詳和體恤。
問題發生了，一定是別人的錯，一定要找個人來承擔問責
這種風氣下去，只會見香港持續沉淪，結果就真o係只有50年玩啦。

我都同意胡應湘的說話，好想多些這樣識
私人傳訊

JJ13


禁止訪問

積分: 528

好媽媽勳章


4#
發表於 04-7-8 13:00 |只看該作者

Re: 自作孽

提示: 作者被禁止或刪除 內容自動屏蔽
私人傳訊

emmypun


珍珠宮

積分: 37585

畀面勳章 大廚勳章


5#
發表於 04-7-8 18:23 |只看該作者

Re: 自作孽

一個又一個咁相繼'下台', 會否只換來/助長日後其他在任官員'少做少錯, 唔做唔錯' gei 處事態度嗎? :-(

女人是很脆弱, 但媽媽卻很堅強:)
私人傳訊

Joy


子爵府

積分: 12241


6#
發表於 04-7-9 16:52 |只看該作者

Re: 自作孽

所以我一直不讚成7.1去游行. (老公話我是左派) 跟本不是左不左的問題, 而是看不慣有一些人用民主做籍口去搞亂香港人心. 團結才是力量, 有些派別的人總是在搞搞震. 做人應有的寬大為懷去了哪里? 真心為香港好就不要空叫口號, 而是真真切切坐下來寫一份香港前景規劃建議. 提出好的建議, 齊心共創美好香港.
(以前英國統治時, 為什麼就不說英國干涉香港? 97年的經濟泡沫是英政府一手安排, 為什麼沒有人游行抗議?) 如果香港好, 統治又有何不可? 新加坡不也是嗎?
經濟好, 人民生活的好, 不就是最美好的夢想嗎?
再這樣下去任誰上台也是一樣下場.
我係天天豬, 爸爸媽媽好愛我呀!
私人傳訊

wawamama


大宅

積分: 2807


7#
發表於 04-7-9 19:50 |只看該作者

Re: 自作孽


Joy 寫道:
真真切切坐下來寫一份香港前景規劃建議. 提出好的建議, 齊心共創美好香港.


講得好呀!邊方面呀?你有做嗎?做左政府又會聽嗎?

老實講果次楊局長好激動咁鬧話"d錢邊度來，石頭爆出來?樹生出來?唔係呀嘛!" 我心想，嘩，好呀!鬧得好呀!終於有人好有勇氣企出來講真果句。好!好!好!

結果佢因為無政黨背景要下台...
laughin' to keep from cryin'
私人傳訊

CCKCmama


等待驗證會員

積分: 349


8#
發表於 04-7-9 22:03 |只看該作者

Re: 自作孽

我都同意各位所講.

大部份所謂為民請命既議員, 只懂批評, 但無建議.
即係講廢話, 馬後炮, 無風作浪.

直情浪費納稅人錢 ! :-x :-x :-x

唔該佢地諗下, 某某辭職下台, 係咪你地去做呀, 你地係咪做得會更好先 ? :evil:
:wink: cckcmama :wave:
私人傳訊

SandyKL


琥珀宮

積分: 167668


9#
發表於 04-7-11 01:06 |只看該作者

Re: 自作孽

其實我覺得最自作孽係老董，係佢當初及班智囊團及部份議員贊成行高官問責制，佢地當初係志在剷除前朝餘孽---政府高級公務員，好囉，依家咪剷走哂佢d心愎，老懵董冇政府智慧又一證明。

講開果班受SARS影響嘅人，群情兇湧咁鬧政府，話點解當時唔即時關閉8A病房，某某漠視廣東疫情，大佬呀，一向香港同大陸都冇傳染病通報基制架，而且香港已經好多年冇經歷疫症，即時關閉病房，到時原來係流嘅，社會又有人走出嚟鬧，話政府做事魯莽，小事化大，攪到人心惶惶，嚇親D威院班病人，香港人事後孔明就至叻，我絕對相信當時邊一個做局長都係咁做。

事實講，當年香港死於肺癆點止299人呀，雖然冇統計數字，但係相信冇一萬都有幾千，香港好多年前都試過瘟疫啦，死咗以千計人口，政府先將d人搬到兵營集中，以免再傳染，香港當年同依家人口比，差好遠啦，香港人口依家都有7百幾萬，只係死咗299人，而當年人口得果2、3百萬，死千幾比例仲大啦，所以我覺得政府做嘅防疫措施已唔錯。

市民成日怨政府，d傳媒係咁潑，班廢柴議員淨係識係選舉前攪小動作，特區政府又冇政治遠見及智慧，再加上軟弱，成日pro班商家佬、有錢人，互動關係一環扣一環。依家人人只想攞政府著數，但係冇諗吓自己有嘜貢獻，真係唔敢想像我地下一代會點，冇眼睇，相信唯一拍爛手掌果個，一定係英國佬。
私人傳訊

chan803


翡翠宮

積分: 83155

貢獻勳章 BK猜猜猜慶中秋 +5熱血勳章


10#
發表於 04-7-11 09:37 |只看該作者

Re: 自作孽

SandyKL 寫道:
....

事實講，當年香港死於肺癆點止299人呀，雖然冇統計數字，但係相信冇一萬都有幾千，香港好多年前都試過瘟疫啦，死咗以千計人口，政府先將d人搬到兵營集中，以免再傳染，香港當年同依家人口比，差好遠啦，香港人口依家都有7百幾萬，只係死咗299人，而當年人口得果2、3百萬，死千幾比例仲大啦，所以我覺得政府做嘅防疫措施已唔錯。

...


做防疫措施已唔錯 香港是死得第二多人的地方，你的說法對得起死者及他們的家人嗎?你不如以中世紀的鼠疫作比較?

楊永強早於去年沙土完結時就應走。
私人傳訊

k-k-mummy


男爵府

積分: 5048


11#
發表於 04-7-11 10:40 |只看該作者

Re: 自作孽

個人認為,楊永強真的要為那句"....沒有在社區爆發..."負責。
要點負責?!未必係辭職,唔在乎係sars剛過或今時今日先辭職,更唔係話不知過失賴死咁話"..堅守崗位..",點解唔可以道歉?明明係講錯左,錯就要認要改,繼而再將功補過。
當然明白死者家人會話"..人都死左,道歉有什麼用...',但係佢既辭職對死者又有什麼用呢?但呢個道歉係最最最基本0既。
一個人最緊要知錯能改,而人家願唔願意再俾機會,已經係第2個層次。
回應標題"自作孽",是孽是福,誰可定???難道擁護23是積福?
"沒有社會經驗被煽動"呢句與民x聯前主席講市民被誤導有分別嗎?
←My little Son
私人傳訊

minatheone


大宅

積分: 1853


12#
發表於 04-7-11 11:08 |只看該作者

Re: 自作孽

因為班高官真係無能
留番佢地係度
只會令香港更衰過人,不如搵賢能上台!係民主派想做都無得做,高官係政府委任ga!佢民主派做就好,佢地d政治sense起碼好過班左狗多多聲!
只要經濟,不要民主?
未免太短視啦
我未見過一個政府同d左派議員成日比人當笑話咁睇囉!
佢地做得好,就唔會有幾十萬人咁扯火啦!班官員同左仔一年起碼有一單大結野!
中國以為用自由行同cepa可以令我地香港歸順佢,不斷進一步強姦民意,你比我食又點?係咪一個老細比一個女下屬有飯開,就代表可以強姦佢先?
後生果班出黎攪社會運動,唔代表佢地唔成熟,睇中學生聯盟就知!我識佢地班人,佢地做事係好理智!
重有,依家傳媒好多轉了左,如果比人誤導係都變左啦!
話民主議員攪事?對香港有壞處!對唔住,我未見過因為香港政府紛爭令到香港股市下跌!如果佢地唔出黎,23條成立,中央進一步強姦我地,到時我地成隻狗咁,有得食飯,無得出聲!
香港的民主制度根本唔完善,咩野區議會委任5成議員,功能組別,400人選個特首!(其實直接d講,係江生欽點)
民主最大功用唔係推一個賢能上台,係拉一個好似董班子的無能更府下台!
話咩口號攪亂人心,點攪亂人心法?我認為有佢道理係度,
如:爭07/08普選:普選特首,無得普選的話,比梁振英同唐英年呢d人做,香港重駛要?梗係由人民選出賢能啦,就算個特首pk,都好快下台,唔駛好似董生咁,趕左7年都唔走!取消功能組別.令到立法會全面直選,令香港更加民主,唔會出現官商勾結!
還政於民.喂,共產黨政綱都有話中國係人民的國家,人民有份話事,有咩唔妥?
話民主派唔識建設,佢地不嬲有政綱架!
做順民,只會比中央強姦!

唔該各位仁兄仁姐,做下資料搜集,先好教d孩子何謂政治!
老公對老婆要做o既係: 由而家開始只係可以錫我一個, 要縱壞我,唔可以話我 有人恰我要第一時間出黎撐我,我開心你要戥我開心, 我唔開心你要"tum"我開心,唔準恰我鬧我, 發夢都要諗 起我,仲要永遠覺得我最靚 ^O^
私人傳訊

月如


複式洋房

積分: 447


13#
發表於 04-7-12 00:08 |只看該作者

Re: 自作孽

minatheone 寫道:
唔該各位仁兄仁姐,做下資料搜集,先好教d孩子何謂政治!


大家政見唔同,但唔好又拉埋下一代黎講,唔該!
有人支持民主派,有人唔支持(我係其中之一),但唔支持民主派既人都唔一定係左派.

論政都唔駛咁扯火o卦.
林月如
私人傳訊

月如


複式洋房

積分: 447


14#
發表於 04-7-12 00:13 |只看該作者

Re: 自作孽

Joy 寫道:
所以我一直不讚成7.1去游行. (老公話我是左派) 跟本不是左不左的問題, 而是看不慣有一些人用民主做籍口去搞亂香港人心. 團結才是力量, 有些派別的人總是在搞搞震.


呢幾句我好同意.
一直覺得蘋果日報真係走火入魔,日日打開報紙都覺得佢係同中央對著幹,我唔係支持中央,但都覺得扯到好"行",報導完全唔中立. rubbish.
林月如
私人傳訊

ivory


洋房

積分: 193


15#
發表於 04-7-12 00:28 |只看該作者

Re: 自作孽

好讚同你呢個point,政見人人不同,如果下下扯曬火,又拉埋有冇資格教仔呢方面黎講,咁同嗰班維園亞伯有乜分別 ?-(
月如 寫道:
[quote]
minatheone 寫道:
唔該各位仁兄仁姐,做下資料搜集,先好教d孩子何謂政治!


大家政見唔同,但唔好又拉埋下一代黎講,唔該!
有人支持民主派,有人唔支持(我係其中之一),但唔支持民主派既人都唔一定係左派.

論政都唔駛咁扯火o卦. [/quote]
私人傳訊

Ita


大宅

積分: 1167


16#
發表於 04-7-12 00:35 |只看該作者

Re: 自作孽

月如 寫道:
[quote]
minatheone 寫道:
唔該各位仁兄仁姐,做下資料搜集,先好教d孩子何謂政治!


大家政見唔同,但唔好又拉埋下一代黎講,唔該!
有人支持民主派,有人唔支持(我係其中之一),但唔支持民主派既人都唔一定係左派.

論政都唔駛咁扯火o卦. [/quote]

完全 agreed 月如嘅見解
私人傳訊

SandyKL


琥珀宮

積分: 167668


17#
發表於 04-7-12 00:46 |只看該作者

Re: 自作孽

chan803 寫道:

香港是死得第二多人的地方，你的說法對得起死者及他們的家人嗎?你不如以中世紀的鼠疫作比較?

楊永強早於去年沙土完結時就應走。


香港係最接近源頭----中國大陸嘅城市，死第二多人一d都唔奇，如果唔係香港將沙士通報出去，睇吓其他城市又會唔會好似香港同大陸咁吖。香港每年死於肺炎嘅人有約3千，咁佢地又點?又係邊個嘅錯，其實沙士係天災，冇人想發生，我依家分析件事，完全冇個人感情成份加入去，亦唔係話佢地死得有道理。

楊永強幾時走，我冇意見喎，邊個做都死架啦，我唔針對人嘅，只針對事嘅啫，總之我同意咁嘅政治環境氣氛下，有能之人都唔入政府做，好似羅范椒芬咪醒囉，佢冇轉到做問責高官，好似楊永強咁，如果當初唔做局長，出嚟開診所，搵到嘅錢仲多啦，洗嘜俾人丙啫，咁冇尊嚴。

奉勸香港精英，係入政府做高位前，真係要三思，唔係他朝君體也相同架咋。
私人傳訊

琛爸


複式洋房

積分: 228


18#
發表於 04-7-12 01:49 |只看該作者

Re: 自作孽

民主最大功用唔係推一個賢能上台,係拉一個好似董班子的無能更府下台!

同意,雖然minatheone小姐0既語氣可能激動0左D.
不過,民主制度最優勝之處就係可以換人嘛.
悟空問路頭一請 懷抱嬰兒肘頂山
私人傳訊

chuchumui


複式洋房

積分: 498


19#
發表於 04-7-12 11:59 |只看該作者

Re: 自作孽

minatheone 寫道:
我未見過一個政府同d左派議員成日比人當笑話咁睇囉!
佢地做得好,就唔會有幾十萬人咁扯火啦!班官員同左仔一年起碼有一單大結野!
中國以為用自由行同cepa可以令我地香港歸順佢,不斷進一步強姦民意,你比我食又點?係咪一個老細比一個女下屬有飯開,就代表可以強姦佢先?


見解不同，其實也用不著扯火。相信很多發言的爸媽很大程度上都是不認同這種處事態度的。

日常生活中與別人不同見解的事又何其多呢！

如果再看深層一點，可會發現火的種子其實多是埋在發火的人心裡，而是與客觀事實關係反而不大。將事理無限上剛、極端化甚至達到有點扭曲的程度很多時只會惡化事件，不能解決問題。(不是文革和紅衛兵o麻)。我們應該花點時間認識自己、認識心中的火源。

父母能實踐心平氣和解決問題的態度就是貢獻社會。對下一代實踐身教比甚麼都重要。
私人傳訊

minatheone


大宅

積分: 1853


20#
發表於 04-7-12 12:49 |只看該作者

Re: 自作孽

各位:
我承認下一代果到我係失言,在此道歉!

點解唔會咁扯火?見到中央同特區班廢柴攪到hk咁!

而我想問,口號點攪亂人心?唔該具體講講!佢地都係想要真真正正的完善的民主制度!你知唔知特首點選出黎架?係由中央委任400條友出黎,選d由中國官員推介d友仔,董生係江澤民推介,比著我係果400條友,我都擇老董啦!其他果d都係中央d二打六推介,鬼有人選!根本就係係江生欽點!咁樣,你地認為選到賢能咩?老董做哂樣啦!
係,唔支持民主派未必係左,無錯呀!
左派的真正意思係解改革派,!點解叫土共做左派,就要睇睇國民黨同土共果段歷史!
真正攪亂果d人係民建聯---支持23條,人大釋法否決普選,支持加功能組別議席,入面好多友仔係人大
特區----出賣港人,不爭取民主,連番施政失誤!
七一遊行,你知唔知外國人點睇呢單野,讚我地香港人高素質呀!人民力量不可擋,一遊完行,廿三條就講88!
話民主派攪亂hk,佢地做咩要攪亂自已地方呀??爭權?哈!你做中央隻狗咪重有權,做人大,一齊釋法,去大陸做生意唔駛比錢班貪污官員!一年又有2千幾萬,請人食蛇宴,工x會有d課程都有同大陸有政治勾結,先可以獨攪!
而民主派?佢地d經費都係好辛苦先籌到,since七一,連保險公司都唔同佢地做生意,d網站又成日比人攻,比人恐嚇!!咁辛苦為咩,為權呀,係都做民建聯啦!邊有人咁白痴呀?

我係度想講一句:[民主萬歲!我愛余若微!]
老公對老婆要做o既係: 由而家開始只係可以錫我一個, 要縱壞我,唔可以話我 有人恰我要第一時間出黎撐我,我開心你要戥我開心, 我唔開心你要"tum"我開心,唔準恰我鬧我, 發夢都要諗 起我,仲要永遠覺得我最靚 ^O^
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy