心聲留言

跳至

首頁
12

尾頁
   0


大宅

積分: 4929


1#
發表於 04-6-17 13:25 |只看該作者

如果你地係我...你地會點呢?

我係同奶奶姑奶一齊住, 但係我姑奶....可以用唔係人黎形容佢! 佢完全當我係工人.....實在太過份啦! 以下係佢既過份行為

1.一日起碼換一至2套衫, 幾日換一次床單, 掉晒係度等我洗!
仲要m黎整dirty左d床單同被都係照掉係度自己唔洗

2.我有左bb都係我面前食煙

3.係屋企四圍掉垃圾

4.食完d野(例如零食既袋) 唔掉...又就咁放係table面, 煮完野又唔洗...又唔會洗返用過既野

5.去完toilet整到個toilet濕晒(無論佢係洗面定係沖涼, 但係我地係用浴缸...有浴簾的) 又唔拖返個地, 我試過好多次差d因為咁樣而成個"線"低

總之佢就有好多好過份既行為.....但係我奶奶又唔會話佢...有時仲會幫佢執野添....但係我覺得...佢真係當我係工人咁....如果你地係我..你地會點?!


侯爵府

積分: 23932


2#
發表於 04-6-17 14:32 |只看該作者

Re: 如果你地係我...你地會點呢?

你姑仔唔係當你係工人
佢根本係比你99縱壞
有冇你佢都係咁dirty架啦

你咪自已小心d個washroom
見佢smoking,閃羅
你又唔係佢工人,駛物同佢洗埋衫呀
粗身大細,唔好理佢啦


等待驗證會員

積分: 27318


3#
發表於 04-6-17 15:32 |只看該作者

Re: 如果你地係我...你地會點呢?

我都覺得佢未必當您係工人, 我姑奶同您姑奶差不多, 咁"lei fei"!!! 我就好彩d, 佢嫁左, 唔係同我地住!!!
個陣佢未嫁, 我無理佢ga, 等佢亞媽幫佢執咯! d 底褲又咪係就圍放... 我咪當"時運高" 睇唔到!!! 除非您自己唔抵得咯.


複式洋房

積分: 447


4#
發表於 04-6-17 15:34 |只看該作者

Re: 如果你地係我...你地會點呢?

先呻一呻...想睇hybb個message時,張個綠色廣告係度阻住晒,上上落落,好辛苦先睇得晒,而家我reply佢又係度上上落落,真係好annoying!

hybb,俾著我係妳,我都唔會幫佢做野,佢話妳咩,妳咪話自己大肚,唔係好舒服囉!
佢阿媽唔話佢,冇法子,因為話晒係佢地屋企.

妳唯有自己小心d,特別係入toilet. 慢慢行呀.

個姑奶食煙,妳一係行開,一係話佢知妳大肚,唔吸得二手煙. 同妳先生講下啦.

林月如


大宅

積分: 2928

畀面勳章


5#
發表於 04-6-17 23:45 |只看該作者

Re: 如果你地係我...你地會點呢?

我都覺得你姑拉係被縱壞左!如果係我唯一可以做既就係同個老公講,睇下佢有乜反應同撐唔撐你先,如果連個老公都唔覺有問題,咁你就唯有望佢快D嫁去出la!


男爵府

積分: 7395


6#
發表於 04-6-17 23:53 |只看該作者

Re: 如果你地係我...你地會點呢?

1. 如果你同老公既經濟許可既話, 就搬出去住囉!
2. 如果經濟唔許可, 咪買部細電視放係房度, 食完飯執完碗咪返入房囉! 對其他野不聞不問囉!

如果有人話你, 你咪話自己大肚唔方便做粗重野咪得囉....總之自己出入廁所時樣樣小心


複式洋房

積分: 144


7#
發表於 04-6-18 00:13 |只看該作者

Re: 如果你地係我...你地會點呢?

由 carol_kk 於 2004-06-17 23:53:07

1. 如果你同老公既經濟許可既話, 就搬出去住囉!
2. 如果經濟唔許可, 咪買部細電視放係房度, 食完飯執完碗咪返入房囉! 對其他野不聞不問囉!
我好應同carol的說法.最緊要小心個肚,知唔知呀!
^-^


男爵府

積分: 5107

好媽媽勳章 BK Milk勳章


8#
發表於 04-6-18 02:28 |只看該作者

Re: 如果你地係我...你地會點呢?

哈哈
呢d情況我都親身經歷過

算啦 呢類人冇得醫呀
佢更污糟都得呀,佢都唔知咩叫衛生

你最好唔好理咁多 自己既範圍乾淨就算啦
快d搬出去係唯一解決既辦法

題外話:我想問佢係唔係天秤座呀


大宅

積分: 4929


9#
發表於 04-6-18 08:15 |只看該作者

Re: 如果你地係我...你地會點呢?

其實我姑奶係比我奶奶寵壞左....我老公d手尾都唔係好好, 但係比我話得佢多之後....佢都改善左好多, 但係佢係我姑奶...無得話!

我今朝起身...又見到table面有一碟佢食完既雞同埋d骨係度....真係完全當屋企係街咁...食完野就行左去 :-x

我老公都有叫佢唔好係我隔離食煙ga....但係我老公唔係度佢又係係我隔離食煙...好討厭 :-x :-x

另外我老公都有叫我唔好理佢...唔好幫佢洗衫....同埋執野....不過有時係我唔抵得....但係我同我亞媽呻...佢都叫我唔好執....所以黎緊我會堅持ga la

moonhome,

佢真係天秤座ga...我老公都係...點解咁問既


男爵府

積分: 5107

好媽媽勳章 BK Milk勳章


10#
發表於 04-6-18 15:04 |只看該作者

Re: 如果你地係我...你地會點呢?

我就快稱得上神婆呀
天秤座既女人好懶呀,佢絕對唔會為你而改變
除非佢like你囉,否則同佢相處既日子係非常難受
========
題外話,你係唔係金牛座呀?


珍珠宮

積分: 48499

2018復活節勳章 好媽媽勳章 畀面勳章 BK Milk勳章


11#
發表於 04-6-19 02:28 |只看該作者

Re: 如果你地係我...你地會點呢?

你姑奶咁似我亞哥既,佢又係 D 衫著完掉晒係度等我亞媽去洗,煮完野食完又唔洗,去完toilet沖涼整到個toilet地下成地都係泡 (我地係用浴缸...但冇浴簾,) 又唔沖返個地 !
仲有就係成日係度 R 腳,R 到成地都係腳皮又唔抹番!

仲有好多,要講講到出年都講唔哂!



愛 我 就 別 傷 害 我


伯爵府

積分: 18774

好媽媽勳章


12#
發表於 04-6-19 19:42 |只看該作者

Re: 如果你地係我...你地會點呢?

其實我都是一個不愛干淨的人 其實,佢有自己的生活方式,如果唔影響到你,你大可不理!若佢真當你工人,你可以先同佢講你唔會幫佢執野,另外佢d衫或食剩的你可以放回佢brdroom或視而不見,而洗手間題你可以用暗招........扮滑到然後扮肚痛 :-P :-P 你係大肚婆你明啦!重要全世界在時你先做,我相信佢下次都唔會啦!
全世界都在看你家的笑話,騙不過天地,沒不了良心。即管繼續下去,總有一天自己受!


大宅

積分: 4929


13#
發表於 04-6-20 16:04 |只看該作者

Re: 如果你地係我...你地會點呢?

moonhome,

我唔係金牛座ga...我係水瓶座的

我有個ex-bf都係天秤座...但係佢好tidy ga.....一定唔會dirty..or整dirty d地方....

不過我老公都係天秤座...但係佢就無乜手尾....其實我真係覺得佢地呢d咁既習慣係我奶奶幫佢培養出黎!


大宅

積分: 4929


14#
發表於 04-6-20 16:07 |只看該作者

Re: 如果你地係我...你地會點呢?

see,

我都明白每個人生活方式唔同, 但係同埋一齊住...真係頂佢唔順, 由其是我個bb就快出世...佢咁樣整dirty d地方....會有蟻同埋小強, 你覺得bb係呢d環境長大會係一件好事嗎? 如果佢唔係咁過份我都唔會咁嬲...

講返佢果張有m既被...我奶奶幫佢洗左...但係果日我趕住出門口...無拎去晒...我寫左張紙係度叫佢晒...佢掉左張紙當無睇過(當然無拎去晒啦) 我覺得呢d野係一個人有無責任感既問題....佢自己用過既野都唔自己執返.....仲要人地幫佢...我覺得好過份


別墅

積分: 951


15#
發表於 04-6-21 04:37 |只看該作者

Re: 如果你地係我...你地會點呢?

hybb,
我多咀講句吸2手煙真係對個b唔好,你有冇風sin仔, 每當佢食煙咪搵風sin仔吹返佢轉頭囉,唔好激氣,對個胎唔好! 衫唔好同佢洗, 前世未做夠咩? 由佢自己黎, 佢自己唔黎佢阿媽都會做, 你洗返自己個d味夠囉! 佢無責任感你無計架喎,你係無改變其他人既習慣, 咁你一係忍左佢同佢做,一係就唔做, 俾我就唔做囉, 我嫁俾個男丁唔係幫佢屋企人執屋囉,大家一齊做又唔驅, 剩係自己做真係成世都執唔晒d野呀!


伯爵府

積分: 18774

好媽媽勳章


16#
發表於 04-6-21 12:09 |只看該作者

Re: 如果你地係我...你地會點呢?

唉,咁又真係好難攪,如果係我一定鬧到佢死!不過,我又唔係你......... :-(
全世界都在看你家的笑話,騙不過天地,沒不了良心。即管繼續下去,總有一天自己受!


大宅

積分: 2310


17#
發表於 04-6-21 14:27 |只看該作者

Re: 如果你地係我...你地會點呢?

hybb,

同d自私自利的人住埋一间屋真头痛!你姑仔年纪多大?佢有能力请工人吗,到时咪连香烟都有工人帮佢点埋lor(讲笑)。。。bb真系好需要一个干净的环境。冲凉房可以铺止滑地垫,厅装抽风机。


大宅

積分: 4929


18#
發表於 04-6-24 10:53 |只看該作者

Re: 如果你地係我...你地會點呢?

各位,

我姑奶今日又有新野...我就快嘔血ga la....

佢竟然係屋企剪頭髮...仲要整到一地都係...佢真係當呢度係街呀??????? :-x :-x


男爵府

積分: 5107

好媽媽勳章 BK Milk勳章


19#
發表於 04-6-24 22:35 |只看該作者

Re: 如果你地係我...你地會點呢?

咁佢仲會唔會唔除鞋就入屋,仲要係剛剛拖好地呀>
可能有一樣野已經好好彩了,
佢唔係養動物(貓,狗等之類既野),否則你仲辛苦~~~~~~~~~


男爵府

積分: 6219


20#
發表於 04-6-24 23:10 |只看該作者

Re: 如果你地係我...你地會點呢?

如果我是你呢,就唔理佢啦...咁大個人都咁做,究竟佢有無受過教育架,你奶奶就佢,我覺得還可原諒(始終老人家,鍚自己仔女系正想)當佢無到算吧...至於d床單,衣服,我寧願比人洗,d地方dirty...唔好幫手執..地方佢都有份用架..等佢自己都頂唔順...奶奶執得多...點都同佢講吓掛...總之唔好影響心情..如果心情唔好,bb都感覺到架.... ..
這是不可能的,其實"凡事都能"...................

首頁
12

尾頁

跳至
Presslogic Logo
Baby Kingdom Logo