心聲留言

跳至

首頁
1

尾頁
   0


男爵府

積分: 6321


1#
發表於 04-6-8 10:53 |只看該作者

開冷氣比老公鬧!

我個仔呢兩日有D感冒發燒,我老公就鬧我,話我好成日開冷氣,晚晚訓覺都開冷氣,攪到個仔病,真係激死我!唔通佢地出哂汗都唔開咩?就算開住冷氣,佢地都會成頭汗,唔開?!到時生哂熱痱又話我啦!
總之我老公姓 "賴" 的, D仔一有咩事就賴哂我,真係谷鬼氣! :-x


侯爵府

積分: 21395


2#
發表於 04-6-8 11:03 |只看該作者

Re: 開冷氣比老公鬧!

D男人就係甘架啦, 有事就賴你. 呢個天氣有時好熱, 有時又涼d, 好易病架. 小心d

甘仔仔好返d未?


子爵府

積分: 12712


3#
發表於 04-6-8 11:32 |只看該作者

Re: 開冷氣比老公鬧!

同意, 我老公又係咁架, 個仔有咩事一定賴晒落我度架, 我都叫佢改姓賴就真係冇錯


男爵府

積分: 7665


4#
發表於 04-6-8 12:28 |只看該作者

Re: 開冷氣比老公鬧!

唔好咁嬲啦^^~可能佢做野辛苦..發下脾氣架ja~


複式洋房

積分: 261


5#
發表於 04-6-8 13:06 |只看該作者

Re: 開冷氣比老公鬧!

我會同我老公講:唔一定係因為開冷氣冷親先會病, 太熱/焗都會病, 你平時唔揍仔梗係唔知啦 :-x


洋房

積分: 82


6#
發表於 04-6-8 19:54 |只看該作者

Re: 開冷氣比老公鬧!

我個女發燒時,如係summer就最好開冷氣,但一定保持係26~28度,咁就最好,係我bb入院時d姑娘同醫生講咖。
所以我room度會有温度計咖!!!! 其實你都可以打去健康院問下意見咖...佢地好好人咖!


禁止訪問

積分: 36506

好媽媽勳章 畀面勳章


7#
發表於 04-6-8 22:56 |只看該作者

Re: 開冷氣比老公鬧!

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽


大宅

積分: 1272


8#
發表於 04-6-9 01:03 |只看該作者

Re: 開冷氣比老公鬧!

所以做左人地阿媽既....有好多野都要承擔,芝麻綠豆事都要捱話~~~~ 唔通個小朋友淨係女人先有份咩~~~咁男人用黎做咩架~~~~~


別墅

積分: 900


9#
發表於 04-6-9 09:30 |只看該作者

Re: 開冷氣比老公鬧!

angellaw, 比老公誤解係比較唔happy, 不過有冇諗過咁呢? 一般開冷氣時, 我會比小朋友著長袖睡衣, 另外平日比佢食多一點生果, 吸收維他命或魚油丸等, 保持抵抗力, 而且每星期清潔冷氣同換床單及窗簾布, 雖然好似好濕碎, 但好多朋友以前都有同樣問題發生, 經兩~三週如上進行, 情況確是有明顯改善~
我們應該感恩 神的話語令人清醒


別墅

積分: 761


10#
發表於 04-6-9 10:26 |只看該作者

Re: 開冷氣比老公鬧!

唉! 好彩我老公係好怕熱果d人, 連我話唔使開, 他都話要開.

不過我發覺病同開冷氣不是有必然關係.

因為我由四月尾開冷氣睡, 直到依家, 個四歲女又只是傷風過一次 (touch wood).
但她的5歲表哥一定不開冷氣睡(因他父母怕他冷親)就傷風,發燒過唔只一次.

平均來說, 我個女同表哥病的次數差不多, 但我家一到比較熱, 就一定開冷氣, 而表哥仔屋企不到勁,勁,勁熱都不會開的, 所以我覺得病同開冷氣是沒有必然關係.


子爵府

積分: 13681

開心吸收勳章 認識瑞士牛牛第二回 貓狗褓姆 畀面勳章


11#
發表於 04-6-9 11:08 |只看該作者

Re: 開冷氣比老公鬧!

搞錯呀 ! 真係賴先生喎! 又唔見妳開左冷氣果陣佢叫你唔好開, 聽聞熱得滯都會睡得唔舒服同出汗都會焗病架喎! 分分鐘冇開驅蚊器仲會俾蚊咬添~ 唔驚登革熱咩?! 我老公都係唔鍾意開冷氣既人, 但係佢就知道阿囡怕熱同埋我地住樓層低,D蚊容易飛入屋,所以就算得果廿六七度我唔開佢都會開俾個女瞓覺架喎! BB一出世響醫院就已經嘆冷氣啦~~ 我反而覺得keep住一個溫度唔洗一熱一冷仲冇咁容易病喎!!


大宅

積分: 2820


12#
發表於 04-6-9 11:50 |只看該作者

Re: 開冷氣比老公鬧!

著件長袖衫訓覺。我屋企好誇張,我媽平時開冷氣,我估只有18℃左右,我囡都係一件短袖衫咋。

首頁
1

尾頁

跳至
Presslogic Logo
Baby Kingdom Logo