論盡家傭今日: 1|主題: 134113

收藏本版

發帖

返回列表

跳至頁

查看: 811 | 回覆: 3

原來姐姐之前試過交通意外，我可以點做？ [複製鏈接]

redredjasmine

別墅

積分: 556

1^#

發表於 16-4-2 00:01 |只看該作者 |倒序瀏覽 |打印

話說上星期姐姐感冒頭暈，叫佢睇醫生先知佢血壓好高，唔係第一次度到好高，因之前睇過3次醫生，每次都偏高，所以今次醫生寫紙建議入院，當晚入院，照過x光同驗血都無事，第二日出院及有2星期血壓藥要食

好啦！食左1星期藥，到今日佢又嘔又頭痛頭暈，嘔水，無嘔吐物，即帶佢睇醫生，今次仲左邊手麻脾，再問清楚佢先知原來佢係前年係香港自己休息時間試過交通意外，撞傷過個後頭，當時都有入院，check左無事，只係起左個大腫瘤同擦傷，右腳受傷行唔到，我同老公O左嘴，但今次為左安全起見，醫生又話佢D表徵有可能似中風迹象，所以老公叫左佢再入院睇醫生check清楚...但請佢前agent 同前僱主話佢好少病...無受傷意外

其實雖然未知姐姐咩事，但我同老公都覺得好難再用佢，除左佢今次唔舒服外，佢平時做野都麻麻，例如以下事項：

1.佢差不多做左1年，唔舒服永遠唔出聲，要我們次次察覺同問佢先承認唔舒服，仲試過因為咁而傳染左比我個女，當時阿女得2個月大，比佢攪到發高燒同食抗生素

2.佢話右手成日痛無力，話之前做傷左隻手，咁依家阿女開始大，又重，佢都覺吃力話抱唔掂

3.有偷過奶奶D錢同野食、鞋⋯⋯洗BB野都偷懶，明明無做比我們發現仲死撐講大話...

4.去年我未生時請佢，果時佢在家中工作量不多，大仔4歲返全日班，佢又唔駛點理，但自從阿女出世後開始無心機做野，成日發夢和好攰，但奶奶已經幫左佢好多，基本上佢都無乜點湊過B，主力都係做家務同煑餐飯，有時提佢又唔鐘意同黑面

5.份人好古惑，有時趁奶奶沖涼摷佢D袋同物品，因奶奶見過，問佢做咩？佢話執野

仲有好多細項，整爛野唔出聲唔講對唔住...

其實之前都同agent傾過，有話過下佢，但好似無乜改善，未病之前佢都提過叫我炒佢，依家佢咁情況，屋企有老有嫰，講真真係無能力再照顧番佢轉頭，最怕佢在家暈左...

各位有經驗既JM，我應該可以點做，請賜教