Hello yanliao280000, 健康院一般建議BB大約6個月大開始嘗試進食固體食物, 當BB能夠挺起頭、靠著椅背坐、懂得伸手抓物件或者見到大人食物時表露出想嘗試既樣子, 就可以開始比BB食固體啦, 如果媽媽想早d比BB試固體, 一開始份量要好少開始, 可能只係食到1-2 啖, 觀察住佢嘅吞嚥能力, 慢慢增量, BB幾大呢?
Hi lucky-happy ，初嘗固體一般由稀而幼滑食物質感開始，媽媽用1茶匙純米糊加4茶匙BB飲開嘅奶奶(1茶匙份量=5g/ml)，每次試1-2茶匙，留意BB節奏，每次份量唔好太多/太快，連續試2-3日，如果BB無過敏反應，就可以嘗試菜蔬/水果類食物，例如加香蕉/蘋果蓉、瓜/菜蓉。BB幾大開始左食固未呀?
lucky-happy 發表於 19-8-14 07:55
謝謝你意見。
BB 依家五個半月，打算六個月開始加固的。
想問瓜/菜蓉做法如何？用攪拌機攪爛變蓉後就即餵 ...
唔好客氣，建議媽媽選擇易D磨成泥/蓉狀既嘅瓜/菜，例如南/冬/節/合掌瓜(刨絲/磨板磨成蓉後煮熟或者煮熟後用濾網過濾壓成泥/蓉狀)、菜心/菠菜/莧菜(將菜葉煮熟切碎用濾網過濾壓成泥/蓉狀)，煮熟嘅瓜/菜會略帶水份，一般壓成泥/蓉狀時唔需要加水架。媽媽係咪已經有攪拌機?
lucky-happy 發表於 19-8-15 13:41
謝謝
未買攪拌機 有咩好建議？
但不想買專比bb 用既蒸攪拌機 因為用得唔耐
BB食固體質感由開始時稀和幼滑、隨住口肌發展會轉為較稠身和搗碎、繼而轉為柔軟和剁碎(有小顆粒)、去到兩歲時可以食到切成小塊嘅食材。小石磨/攪拌機/磨板/磨棒都可以磨碎食物架，如果購買攪拌機，媽媽比較返唔同產品價格和功能，睇下邊個適合自己呀。
發表於 
返回列表
