吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 單親小朋友會否比學校標籤??

單親天地今日: 0|主題: 18401

收藏本版

發帖

返回列表

跳至頁

查看: 7848 | 回覆: 18

單親小朋友會否比學校標籤?? [複製鏈接]

YYYO

民房

積分: 15

1^#

發表於 05-9-28 23:56 |只看該作者

單親小朋友會否比學校標籤??

各位單親媽媽,我仔仔今年就讀小一,還未到一個月就收到老師電話和手冊上投訴仔仔未能守校內行為,本來我不打算告訴學校仔仔是單親家庭,因怕佢比學校標籤,但仔仔因行為問題被主任問家庭生活,仔仔告訴了主任媽媽和爸爸己經離婚了,今天收到主任電話,她覺得仔仔有問題,好似過度活躍,和佢行為問題都是離婚所引至的!其實我己帯佢看過健康院,姑娘話佢好正常無問題,不是活躍,現在很煩,究竟仔仔幾時才可以習慣小學生活?老師主任會否標籤仔仔? :-(

:pint:

私人傳訊

eeyore_fy

大宅

積分: 3362

2^#

發表於 05-9-29 00:24 |只看該作者

Re: 單親小朋友會否比學校標籤??

其實你又唔晒咁擔心!我自己本身都係單親家庭長大,現加同我男朋友都未結婚.我個阿仔剛剛讀 N:1 我填學費減免時都要寫封信話係單親家庭,我又唔覺得佢地又岐視,但我之前報名都好驚有咁嘅問題,但我身邊嘅朋友都叫我唔好咁擔心,因為其實依加都好普通唔同我地細過過陣時邊會話比人聽.不過我自己都應為父母嘅分開唔多唔少都對小朋友有影響!我覺得你要同佢傾吓了解吓佢,其實佢依加咁嘅行為都係想引你地兩個注意,你不仿同佢傾吓,聽吓佢個內心世界係咩!

私人傳訊

wingmonly

子爵府

積分: 10073

3^#

發表於 05-9-29 04:22 |只看該作者

Re: 單親小朋友會否比學校標籤??

平等機會委員會！

私人傳訊

信媽

男爵府

積分: 7676

4^#

發表於 05-9-29 08:50 |只看該作者

Re: 單親小朋友會否比學校標籤??

yyyo,

我同形況一模一樣, 剛小一開學已見了6 次家長仲見埋校長, 懷疑是過渡活躍, 跟住就透過小兒套我家庭背景, 一開始我無強迫小兒提無爸爸, 順其自然, 因為一有事就賴你係單親.

我是醫院管理級職員, 我用我專業知識說服學校, 我小兒是頑皮不是活躍症, 並且單親又有什麼問題.

我專登選這間基督教學校, 他們肯聽意見和講道理, 後經社工評估, 初步証實是資優天才兒童, 因為上堂他很快明, 無事做便攪攪震, 學校不抗拒這個答案, 並且會設計一套特別常規去管教和裁培他, 待他穩定適應後會給他跳班.

yyyo,你也嘗試找學校社工傾傾, 帶他去做智力評估.

私人傳訊

信媽

男爵府

積分: 7676

5^#

發表於 05-9-29 09:22 |只看該作者

Re: 單親小朋友會否比學校標籤??

在我們那一代, 單親甚至無親都無問題, 因為父母都要勞力賺錢養大一堆化骨龍, 自己放學後跟祖父母或流連公園都無事, 父母只要比飽飯我地食已盡了責, 何來現今講求親子嘜嘜物物, 心靈裁培物物, 我地小時咪一樣咁乖!

現在物質充裕, 家庭知識水平提高, 出生率少每個小孩已變了公主或王子, 小孩有事一定是父母錯, 單親更加是有錯, 就算新移民已受到尊重, 單親就缺少社會和政府支援.

誤導令人一想起單親, 便想到一大堆, 貧窮, 無專業地位, 綜緩, 問題兒童, 家庭暴力或爭吵......等....佢地叫負面訊息.
其實單親才是最負責任, 付出最多的家庭.
各位單親媽媽更要加油努力, 正面面對, 省靚個招牌比人睇.

私人傳訊

wingmonly

子爵府

積分: 10073

6^#

發表於 05-9-29 13:10 |只看該作者

Re: 單親小朋友會否比學校標籤??

贊成！單親唔係罪過，只要自己肯自強不息就冇人敢看小，我都係單親甚至係未婚重無親無故tim，咁又

私人傳訊

已刪除用戶

已刪除用户

積分: 292

7^#

發表於 05-9-29 20:36 |只看該作者

Re: 單親小朋友會否比學校標籤??

提示: 作者被禁止或刪除內容自動屏蔽

私人傳訊

YYYO

民房

積分: 15

8^#

發表於 05-9-29 23:13 |只看該作者

Re: 單親小朋友會否比學校標籤??

信媽,
真係同你一樣,仔仔學校主任係套我個仔講佢家庭背景,但我其實一早已經話左比仔仔知佢父母已經離左婚,幼稚園老師個個都知道,(因佢老豆帯佢女友到幼稚園),幼稚園老師仲對仔仔好好,可能要比學費,所以佢地無歧視.
但昨天仔仔主任開頭態度好差甘同我講野,可能佢當我係新移民,貧窮, 無專業地位, 綜緩人民呱!後尾佢知道仔仔有賓妹照顧同私人補習,態度就變得好點!
今日我至電佢跟進仔仔功課同行為,佢態度仲好好!

:pint:

私人傳訊

yukimama

洋房

積分: 54

9^#

發表於 05-9-30 00:11 |只看該作者

Re: 單親小朋友會否比學校標籤??

我個女今年五年級,由小一俾老師話佢唔專心同活躍,上堂周圍行,但每年都十名之內,個個老師都話佢聰明,以佢的學習態度竟有此成績.牙尖嘴利,但又氹得老師很開心,老師對佢又愛又恨. 一開始我已經向學校表明我地係單親,我仲成日搵註校社工傾吓個女的近況.很多老師都會明白我地做雙職媽咪的困難,會用多一點愛心和耐性教導個女(可能因為係基督教學校).雖然學校只係屋村學校,但我唔覺學校有歧視我地.今日剛去完家長會,新老師都仍然話佢係咁心散,但成績也不錯,而且行為已比以前有改善.平時多提醒佢,有進步要多讚許,應該會有改善.

開開心心與女兒過每一天

私人傳訊

Lusita

複式洋房

積分: 215

10^#

發表於 05-9-30 14:49 |只看該作者

Re: 單親小朋友會否比學校標籤??

我囡囡現在讀基督教幼稚園就無問題，學校不單止無歧視，仲好鍚我囡囡。不過，我報左間天主教小學，就有d擔心，可能會影響將來的面試結果。

lusita :roll:

私人傳訊

shuet_tam

複式洋房

積分: 455

11^#

發表於 05-10-1 09:23 |只看該作者

Re: 單親小朋友會否比學校標籤??

我已離婚2年多, 但仍沒有勇氣跟同事及仔仔學校說是單親, 因怕影嚮兒子, 亦怕別人的眼光 (因我比較敏感), 所以索性唔講, 認為這是私人問題.

加上仔仔讀緊九龍塘D較出名學校, 我更加唔會講啦.

私人傳訊

梓麒

大宅

積分: 3310

12^#

發表於 05-10-2 23:01 |只看該作者

Re: 單親小朋友會否比學校標籤??

[quote]
wingmonly 寫道:
贊成！單親唔係罪過，只要自己肯自強不息就冇人敢看小，我都係單親甚至係未婚重無親無故tim，咁又

私人傳訊

C.Y.

洋房

積分: 45

13^#

發表於 05-10-7 15:36 |只看該作者

Re: 單親小朋友會否比學校標籤??

To: Lusita

我都同我仔仔報了幾間私立小學, 現在是面試階段, 都唔知結果如何. 不過, 面試時都有點不自然. 因為大部份都是父母一起陪同, 只有我和仔仔單獨來. 我同自己講, 盡了自己的能力, 假如學校真的那樣看我們都沒辦法.

幸好, 有一間在中西區的私立小學收了仔仔, 而仔仔都好喜歡. 我交申請表時都沒有填父親的資料, 請問你們是否都是這樣?

私人傳訊