本帖最後由 wong_cat 於 13-8-16 14:14 編輯
交代下背景先：
我有一個6歲女, 同一個仔未夠2歲, 我先生嗰邊都係屬於敏感體質, 皮膚唔好, 鼻敏感, 而我姑仔直情係嚴重濕疹。
我女由差唔多2歲開始發濕疹, r 到爛, 第二朝床單有血 (但我相信佢相比呢度好嚴重的小朋友黎講佢算碎料)最嚴重嗰時塊面腫哂, 而且全身冇忽好肉, 全部鞋手
我都試過好多方法, 皮膚科, 中醫, 用咩沖涼, 椰子油, 介口等(因為老人家湊, 介口真係唔太成功)....... 數唔哂, 不過功效麻麻
好唔容易, 個女大個d, d 濕疹冇細個咁嚴重, 不過佢係敏感體質, 5歲幾突破又有哮喘....而鼻敏感嗰d一直都有
到我陀細仔, 比陀大女更小心飲食。
不過就響上兩星期, 突然我個仔都發濕疹......
其實我一直都繼續為個女搵方法醫好皮膚 (雖然佢冇細個咁嚴重, 但冇好哂), 咁啱我亞e 有跟嚴浩做油拔, 話好好, 所以我就去睇下嚴浩d 專欄, 無意間見到話亞麻籽油對皮膚好, 所以我就上iherb 訂左支返黎試, 啱啱支油到左hk冇耐, 個仔就濕疹到.....咁我就試下外用先啦,
兩姐弟一齊用, 其實細佬d 皮膚係比家姐好少少, 但前兩星期開始突然好乾, 所以佢係咁r係咁r, 用黎查皮膚之後明濕有潤左滑左 (兩姐弟都有), 但嗰d 濕疹位置依然r 緊.....
中間我仲有試過用香蕉皮, 我覺得都ok (卒嗰下好紅, 但之後佢就冇r得咁勁同夜晚會變左深色), 但係用左一星期之後佢又係咁r 返。
除左外用, 其實每朝細佬第一支奶我都有落一湯匙油落d 奶度, 但都係冇好轉, 直至前幾日, 我試俾佢直接食, 佢肯食, 神奇地佢冇再r, 夜晚就消左紅腫 (當然仲有個印), 如是者我呢幾日我都有keep住起身俾佢食一匙,touchwood 而家好左好多, 家姐都有一齊食, 但效果冇咁顯注 (可能因為佢冇細佬咁紅)
我會繼續又食又查, 睇下佢地會唔會再有進展
如果各位媽咪有興趣可以上IHERB ORDER, 我買EXTRA VIRGIN, COLD PRESS 的FLAXSEED OIL, 我冇記錯好似一百蚊鬆D, 如果BB 唔肯食大人自己食返都OK (我覺得陣味有D怪, 我老公就話佢覺得好香, 我仔LIKE 食, 我女麻麻地) 因為亞麻籽油仲可以減肥防癌 (我上網睇係咁講). 而且佢係天然嘢, 食左唔怕有害先
我唔肯定係咪個個食都有效果 (我一對仔女，都係仔見效D), 不過如果冇哂計都可以一試!!
希望各位BB同媽咪都可以皮膚靚靚!!
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
返回列表
