＋

國家地區媽媽會

收藏本版
發帖
返回列表
跳至頁

首頁
1

尾頁
   0
pennybilly


洋房

積分: 157


1#
發表於 06-6-6 13:24 |只看該作者

新八x伴--今時今日的服務態度

澳門新八x伴的服務態度極差?? 沒有服務承諾 ??

話說前两日佢地電器做promoto,我睇重咗一套sony音响,满心歡喜問咗响該公司返工的友人幫忙,買咗3千幾蚊cash coupon,咁就可以有九折,我用coupon落訂1000蚊,落訂前我再三問佢地職員那套音响是否有貨,佢地話收得你訂金就"一定有貨",無係唔會收你訂金的,請放心,職員再一次致電查詢,最後答我絶對有貨.
佢重話只係現在無現貨,但已問供應商佢地有貨,一定會寄貨黎,7日左右會送到府上,咁我就落咗訂啦..

到噚晚即佢地promoto已做完的後一日,佢地竟然打黎話sony無貨叫我去攞番d訂金就算,我就兴啦,咪話你地咁做嘢都得??落訂時又話絶對有貨無就唔收訂,咁你地依家叫做"灘訂",就叫我黎攞返錢就當算數??!!
我再問佢地咁我要部display得唔得,佢地話display都已經比咗另一位落訂客人,咁我話點算,佢地話:我地都想做你地生意,咁供應商話無貨,話呢件貨唔會出,我地都無得賣比你…

我好質疑點解供應商無貨佢地會唔知,連我落訂我都再三問多次,佢地重當住我面打電話,再回覆我絶對有我先落訂,佢地點同供應商溝通???
因為呢套音响音質好,好啱心水,又係sony,真係千金難買心頭好,我問佢地咁點處理,佢地叫我去佢地度,再睇下點處理,

我即刻就去啦,當時9點幾,去到又無人理我,我咪叫職員揾番同我電話溝通的人出黎啦,跟住同我通電的人出咗黎介紹咗一套6千幾蚊的sony音响比我,重話要問問經理睇下可唔可以比我有9折喎, 我咪同佢講我本來係以3千幾蚊買到我很满意的一套,依家就算你比9折我,都重要買另一套更貴的,根本唔係呢一回事,
佢又話唔到事,我就話叫佢經理出黎直接傾,依家係佢地問題,點可以咁樣..跟住佢又同個經理講電話,講足10幾分鐘,我足足等到佢地関門,當時10點8,我9點幾去到,足足個幾鐘重未搞掂

落訂的定義

好戲在後頭,注意電器部負責人同我的對話,以及佢的表情:
一個滿頭頭油中間分介的四眼肥男人走出黎,佢就係該部門的負責人,
一出黎就充滿自信高聲同我講:你就係x先生下話,咩事呢?
我再張呢件事講一次,說話還未講完,
佢竟然強詞奪理阻止我的說話,講佢地的"落訂意義":...唔係唔係,落訂的意思係我地收取客人訂金,代客人向供應商買貨品,供應商無貨我地都無法,是否有貨問題不是出自我地八x伴,而是供應商,你誤會”落訂”的意思..
聽到佢咁講重嬲,

我問:如果調轉今日係我落訂後唔要件貨,你地係咪都可以退訂比我?
佢再次強詞奪理話 :”理論上”我地未發生過呢種事,不過我地..應該係會比番錢客人..,絶對係有商量的餘地的..
你地就算去消費者委員會告我地都係咁話..

跟住佢見我唔屈服就威脅我,佢個樣化咗灰我都認得,
因為佢”勁”笑裏藏刀咁同我地講:你地係用咩黎落訂呢?好似係員工coupon喎?咁請問你地係咪我地公司的員工呢?

我明白佢响度暗示緊d嘢,佢再輕聲帶笑補充:"你地唔驚幫你地買coupon的員工 會有事咩? "呢句說話好可怕,完全係一副恐嚇的樣,我為免連累人,唯有唔再同佢理論,跟住佢擺出一副勝利的樣子,回復高聲自信地同我講 : x先生,真係對唔住啦,我地送番樣紀念品比你啦,你去做咗退款先啦….跟住佢就笑住口入咗倉攞個熱水壺出黎作紀念品,因為當時佢地己經関咗門,我唯有就咁好不情願及無奈地做咗退款,攞住那件"紀念品”深深不忿的走..


*呢種係咩服務態度?這麼一間大公司的服務承諾在那裏?

*不是員工就不能用員工coupon買東西,為何該公司又會接受當時我以員工coupon落訂?

*供應商是否有貨的顧慮要顧客自理?

*落訂的定義究竟是保障誰?大公司就可以這樣強詞奪理嗎?

*負責人看似已道歉,但以他的說話態度和表情,究竟歉意在那裏?

*這就是澳門一間大規模百貨公司對顧客今時今日的服務態度?!!



:evil:
[size=medium]**大家好,我係小軒軒**   [size=large][color=6600FF
私人傳訊

月希


珊瑚宮

積分: 119965

2024年龍年勳章 好媽媽勳章 畀面勳章


2#
發表於 06-6-6 14:27 |只看該作者

Re: 新八x伴--今時今日的服務態度

唉...咁澳門得佢一間百貨公司嘛..就好似ctm咁..我成日覺得打去佢地cs投訴..比我聽到d感覺..個語氣係咁"我d服務係唔好架啦..唔好用我囉..笨~"....講真...我唔係睇唔起澳門..不過係澳門住得耐..真係見過太多依d咁既服務態度啦 就連去7仔買野...佢明明禁機記數..都可以慢過我心算既 收左錢先話冇喎..大佬..果時我同駿駿買串魚旦咋=_=咁大眾既野...冇唔係應該即知既咩?之後等佢退番2蚊先攞命....又要等依個又要等果個..齊人先退錢...唉~

不過又講番八佰伴..有時佢地都幾好架...有次我同駿駿買左隻雙語vcd...點知返到屋企發現係冇雙語既..晚上再拎去換..係就係等得耐左少少..不過佢拎晒佢地有既存貨出黎..當我面一隻一隻試...有雙語先換比我...不過結果係冇..佢地就即時退錢比我啦...都算唔錯啦...不過我就有d奇怪佢地點入貨?個package同隻碟都唔岩既...package係雙語..但係隻碟係英文版架喎
私人傳訊

macaogirl


男爵府

積分: 6866


3#
發表於 06-6-7 10:01 |只看該作者

Re: 新八x伴--今時今日的服務態度

[quote]
pennybilly 寫道:
"一定有貨",無係唔會收你訂金的,請放心,職員再一次致電查詢,最後答我絶對有貨.
佢重話只係現在無現貨,但已問供應商佢地有貨,一定會寄貨黎,7日左右會送到府上,咁我就落咗訂啦..


佢見我唔屈服就威脅我,佢個樣化咗灰我都認得,
因為佢”勁”笑裏藏刀咁同我地講:你地係用咩黎落訂呢?好似係員工coupon喎?咁請問你地係咪我地公司的員工呢?

我明白佢响度暗示緊d嘢,佢再輕聲帶笑補充:"你地唔驚幫你地買coupon的員工 會有事咩? "呢句說話好可怕,完全係一副恐嚇的樣[quote]
冇貨就唔好應承人啦 仲話“一定有”貨添
“你地唔驚幫你地買coupon的員工 會有事咩”恐嚇嗎？cheap cheap死肥佬
唉~最慘係投訴冇門囉！係澳門做消費者真係慘！
pennybilly十分同情你的遭遇

私人傳訊

pennybilly


洋房

積分: 157


4#
發表於 06-6-13 10:38 |只看該作者

Re: 新八x伴--今時今日的服務態度

係啊,激死都無用,你知澳門係咁,尤其係八x伴係边個開,想投訢都無用,慘,

[size=medium]**大家好,我係小軒軒**   [size=large][color=6600FF
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy