0-6個月 今日: 0 | 主題: 37530

積分: 370

1^#

發表於 21-11-9 18:33 |只看該作者 |倒序瀏覽 |打印

BB兩個半月, 食完奶就放隻手入口不停喊, 以為未飽, 但再擺奶樽落口就用脷頂用手推樽，打咗幾個喊路估佢應該係喊眼瞓，俾佢啜乳頭氹佢訓拍佢pat pat，見佢對眼開始想合埋，幫佢包被後放落床，但隔一陣佢又睜開眼，然後又喊，氹極都氹唔到佢瞓著，已經幫佢換咗尿片，掃咗風，個肚無脹，唔知咩原因係咁喊。抱住佢都喊，只有啜住乳頭就唔喊，但我又驚唔知佢啜咗幾多奶，搞到下一餐唔知幾時餵好。

而家好困身，啜住乳頭先唔喊，放低又喊，搞到我去個廁所，食個飯，沖個涼都行唔開。

講返頭兩個月情況：

滿月前我日頭係埋身餵，有時餵完爆喊或未餵就用手推開我唔肯啜，老公就會幫手即刻沖奶粉。夜晚就直接餵奶粉。滿月前餵奶粉都瞓到幾個鐘，但係之後就唔得啦。

BB滿月後，老公要返工了，好彩BB埋身食奶沒推開我，但埋身餵完放落床冇幾耐唔夠一個鐘，有時唔夠十分鐘佢又喊，咁我又抱起佢埋身餵，好彩嘅佢會瞓到一陣間我去食個午飯，但係大部分時間佢都係好持續咁樣放低又喊我又餵，因為冇哂時間洗奶樽泵奶等等，我唯有keep住埋身，一路捱到老公放工返嚟接力，食晚飯都要同老公輪流食。

我都知自己唔夠奶，因為有時泵一次夠一餐，有時泵兩次夾埋先夠一餐，用手擠幾下才滴到一滴出來。但係去健康院磅重佢又夠重，而且由一出世生長線25跳到去50之後到兩個月都一直keep住50，我就諗佢應該係少食多餐最尾都夠食，但係諗返咁嘅模式其實佢成日都冇瞓過覺，夜晚合計都係訓得8個鐘。

跟住我就懷疑我啲奶出得慢搞到佢每餐都食唔飽所以訓唔到，不斷喊不斷食，搞到佢無得訓，所以由兩個月開始我試下泵出來餵，起碼肯定餵到佢飽而唔係冇奶出所以唔啜，我用奶樽餵飽佢咁就可以排除佢之後喊唔係因為肚餓而喊，而係其他問題。

兩個月，嘗試泵出來餵，頭兩餐食飽，佢都可以瞓到2-3個鐘，但之後整個下午到夜晚佢都唔瞓又食手又喊，問題又來了，如果泵出嚟餵唔埋身就要keep住泵奶，但佢而家成日唔瞓又喊搞到我冇得泵奶，所以下午又要俾佢keep住埋身啜，去到夜晚十二點幾食完奶粉都可以瞓到第二朝六點幾，以為情況慢慢好轉起碼都訓到多少少，但呢個情況只係維持咗兩日。之後嗰幾日佢連夜晚都唔瞓，一路喊一路擺隻手落口，搞到我通宵俾佢啜，但係清晨佢都瞓返幾個鐘的。總之佢就係不定時訓到少少，但係大部分時間都唔訓又喊。直至早幾日, 佢連續18個鐘冇瞓覺, 之後上網睇到呢個情況可能係BB過度疲勞又唔識自己入睡。於是餵飽奶後，老公抱住佢搖下，見佢想合埋眼就即刻包被擺佢落床，企在床邊睇住BB完全合埋眼才離開，神奇地一訓訓咗8個鐘，但唔係次次成功，一亂咗又唔知佢係喊肚餓定係其他嘢……

阿b由出世到而家兩個半月我一直都係好困身，直到而家真係困身到放低就喊，啜住先唔喊。下個月我放完產假就要返工啦，到時交俾奶奶湊唔知點算好。

大家有冇遇過咁嘅情況，如帶佢去睇兒科醫生有冇幫助？請問可以怎樣解決，請大家救救我，謝謝大家。

0 0 0

私人傳訊

uckukuku

男爵府

積分: 9071

2^#

發表於 21-11-9 18:45 |只看該作者

好長… 似乎佢一喊你就用自己對奶塞住佢把口
有時喊唔一定係餓呀，佢由朝啜到晚應該係想要安撫，有無試過奶嘴？

私人傳訊

clarissakwan

積分: 3578

3^#

發表於 21-11-9 21:07 |只看該作者

sordd 發表於 21-11-9 18:33
BB兩個半月, 食完奶就放隻手入口不停喊, 以為未飽, 但再擺奶樽落口就用脷頂用手推樽，打咗幾個喊路估佢應 ...

本帖最後由 clarissakwan 於 21-11-9 21:07 編輯

你有無試過用咩帶氹佢訓？我日頭用咩帶氹佢訓。佢每次係我心口訓3個鐘。
夜晚我咩都試過，有時放佢平訓，有時放佢係cocoon, 有時直接訓我隔離。
你有冇試過比奶嘴佢啜住訓？佢食手，可能係想搵野啜。
我覺得呢段時間好多時係bb腸胃唔好。你阿b有無成日放屁？我個b有時放屁會醒左。

私人傳訊

yorkshire_bean

別墅

積分: 799

4^#

發表於 21-11-10 11:31 |只看該作者

情況同我之前有少少似, 果時我個女差唔多個半月大已經戒左夜奶, 可以一覺訓到6,7點先醒, 點知去到我臨放完產假時無啦啦半夜喊醒要啜住我奶先訓得返, 晚晚喊醒2-3次, 有時仲4次咁多, 我係個無咩奶既人, 我知道佢唔係因為肚餓而喊, 只係要啜住我奶有安全感先肯訓返, 所以佢啜15分鐘左右已經訓返著, 但晚晚咁樣搞法真係好折磨人, 我試過俾佢食奶咀等佢習慣下用奶咀取代我奶, 但唔得, 佢完全唔肯食, 結果我唯有一直捱到佢差唔多1歲大時同佢戒人奶就無左呢個癮了。

私人傳訊

Bellahiih

積分: 1536

5^#

發表於 21-11-11 13:39 |只看該作者

哇我以為我BB難教，你小朋友仲勁

辛苦媽媽啦

私人傳訊

積分: 370

6^#

發表於 21-11-11 14:46 |只看該作者

uckukuku 發表於 21-11-9 18:45
好長… 似乎佢一喊你就用自己對奶塞住佢把口
有時喊唔一定係餓呀，佢由朝啜到晚應該係想要安撫，有無試過奶 ...

未試過奶咀, 雖然我都好想試下，但屋企人驚第時難戒又要煩多一樣嘢。而家暫時試用樽餵飽，再氹佢瞓覺，不過唔係次次得，但都好過之前。

私人傳訊

積分: 370

7^#

發表於 21-11-11 14:56 |只看該作者

clarissakwan 發表於 21-11-9 21:07
本帖最後由 clarissakwan 於 21-11-9 21:07 編輯

你有無試過用咩帶氹佢訓？我日頭用咩帶氹佢訓。佢每次 ...

等佢三至四個月大先敢用孭帶，不過如果訓係心口幾個鐘又行唔開做其他嘢。未試奶嘴呀，如果真係再搞唔掂再同屋企人傾傾先至試奶咀。阿b都有放屁，多數食食下奶就放屁，有時佢肚脹幫佢按摩個肚都會連續放幾個屁。

私人傳訊

積分: 370

8^#

發表於 21-11-11 15:11 |只看該作者

yorkshire_bean 發表於 21-11-10 11:31
情況同我之前有少少似, 果時我個女差唔多個半月大已經戒左夜奶, 可以一覺訓到6,7點先醒, 點知去到我臨放完 ...

我阿b琴日成個下午都冇瞓過，好彩夜晚氹咗佢訓就一覺瞓到今朝六點。

私人傳訊

積分: 370

9^#

發表於 21-11-11 15:14 |只看該作者

Bellahiih 發表於 21-11-11 13:39
哇我以為我BB難教，你小朋友仲勁辛苦媽媽啦

係囉，唔知點解氹極佢都瞓唔著，有時放落床見佢合埋眼幾分鐘之後行開，轉過頭佢又眼仔碌碌

私人傳訊

uckukuku

男爵府

積分: 9071

10^#

發表於 21-11-11 15:15 |只看該作者

sordd 發表於 21-11-11 14:46
未試過奶咀, 雖然我都好想試下，但屋企人驚第時難戒又要煩多一樣嘢。而家暫時試用樽餵飽，再氹佢瞓覺， ...

本帖最後由 uckukuku 於 21-11-11 15:17 編輯

為咗唔想戒奶嘴就做人肉奶嘴？
比較之下係咪24小時掛係媽媽嘅身上辛苦啲，咩都唔駛做
如果佢肯食奶嘴，都無乜唔好
兩歲前需要吸啜安慰係本能，佢係唔係都要搵啲嘢啜，係唔係都有一款嘢要戒，咁梗係唔好揀啜媽媽

私人傳訊

clarissakwan

積分: 3578

11^#

發表於 21-11-11 20:01 |只看該作者

sordd 發表於 21-11-11 14:56
等佢三至四個月大先敢用孭帶，不過如果訓係心口幾個鐘又行唔開做其他嘢。未試奶嘴呀，如果真係再搞唔掂 ...

奶咀呢樣野，有時我地諗太多。我同老公開頭都唔想比，但係真係頂唔順，有時佢就係想啜。咁我早排就比佢試，點知佢唔係咁鐘意。試左幾次得一晚係開頭啜住訓，所以，唔使太驚佢會難戒，可以試下先，剩係夜晚先比。
孭帶有d初生嬰兒可以用，你可以研究下。佢訓著左，我都會照行黎行去。切菜，煮飯，食飯，睇電視。我個b係孭帶可以訓3個鐘，有時孭住佢出街去餐廳，唔使驚佢嘈。
你可以搵下一d產品可以浪高個bb訓，咁佢就可以減低因為腸氣而整醒佢。

私人傳訊

seaseasorry007

積分: 180

12^#

發表於 21-11-11 20:40 |只看該作者

https://youtu.be/V1TQoHYZkFo
呢條片解釋得好好，你睇吓幫唔幫到手

私人傳訊

Bellahiih