吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› SOLD

心聲留言今日: 0|主題: 17573

收藏本版

發帖

返回列表

跳至頁

查看: 11596 | 回覆: 61

SOLD [複製鏈接]

12 3 4

Mrs·Cheung

伯爵府

積分: 19288

1^#

發表於 17-10-11 07:01 |只看該作者 |倒序瀏覽 |打印

本帖最後由 Mrs·Cheung 於 19-3-7 15:03 編輯

(多謝bk jm嘅開解，真心多謝，我好多了)

最近唔知因乜嘢事，撩起咗我情緒

不停反覆思想，諗返起種種唔開心既事，特別係枕邊人之前背叛自己嘅事，雖然已經過過了好幾年，已經係結婚前的事。

當初，以為放得低先結婚，婚後生活也算不過不失。幾年之間，也有3位小朋友陸續出世。

但最近發覺自己好攰，好唔開心，日日好似要戴住個面具做人，搵唔返自己。

起仔女面前，我必須要做到個盡職盡責嘅好媽媽，所以一直一湊三。

起c6面前，我必須要做到個持家有道嘅好老婆，又要體諒佢工作壓力大，始終一個人搵錢養全家。

對住6299，男家人，我就要做好新抱角色，幾難相處都要相處。無論我點做好自己，都有說話聽，都覺得我湊仔女湊得唔好，日日叫我比個男孫佢湊。

對住娘家人，自己過得苦與樂，都唔敢講真話。永遠報喜不報憂。最近也發覺一直以為娘家人真心誠意付出，原來背後也是私心，令我感到失落。

突然間覺得自己，好似孤立無援，眼前有一條坎，點都走唔過去，日日夜夜帶住個面具做人媽媽，老婆，新抱，個女。。。。。好似無咗自己，搵唔返自己，也都無人去在乎自己感受。

特別c6，我無限量去關心體諒佢，從不要讓佢擔心過，點知原來佢真係無擔心過我，一直以搵錢至上，認為生活改善得更好就可以令我開心，但從未問過我有沒有開心過。

最近，唔知係生完bb之後，荷爾蒙影響定c6應酬多咗，定湊小朋友有壓力。

令我偶然失眠，一瞓得差，個人又燥底。c6夜返，我又突然會諗返起佢去咗邊，會唔會有野瞞住我，突然間又會諗起以前佢呃我傷害我嘅事，不停浮起。

每次失落的時候，我一諗起3位小朋友，我就有返動力。

但半夜時分，我仍然有時侯落淚，連大聲想哭出來的機會也不敢有。怕嚇到小朋友。

c6雖然好好，也係一位好爸爸，但每次一諗起往事。我就心有不甘，覺得當然結婚，自己係咪為左一啖氣，點解婚後幾年時間，自己仍放不下。

0 0 0

私人傳訊

Mrs·Cheung

伯爵府

積分: 19288

2^#

發表於 17-10-11 07:05 |只看該作者

回覆樓主

而且也留意到自己情緒最近浮動好大，幾唔開心都假裝自己快樂。

也都時時刻刻，好想一走了之，乜都唔理唔想，電話唔接，任何人都唔想見。

唔知自己想點？

也都唔知自己想c6點做！？

好似困咗起個圈度，走不出去

BB你來咗啦？

私人傳訊

333s

象牙宮

積分: 240866

3^#

發表於 17-10-11 07:40 |只看該作者

小朋友多大了?

人是有情緒的, 有時 up & down。

想不開、就別想. 得不到、就不要. 失去了、繼續笑. 擁有了、要珍惜。
快乐不是拥有的多，而是计较的少。

生悶氣，發脾氣，煩躁，焦慮，失眠. 是指因生气（生闷气、怒气、着急上火生成的火气、思虑生成的郁气）。
理性討論交流者。

私人傳訊

Mrs·Cheung

伯爵府

積分: 19288

4^#

發表於 17-10-11 09:09 |只看該作者

333s 發表於 17-10-11 07:40
小朋友多大了?

人是有情緒的, 有時 up & down。

最大的4歲，最細剛出世。

我都係留意到自己原來一直都好壓抑，一直以為無事，一直都自己死頂死撐住。

點知原來有苦無路訴，都唔知同邊個講，想搵朋友傾下都難，好多朋友一係未結婚，一係就未有小朋友，好難明白我。

自己都好想搵人傾訴，但奈何都唔知從何說起。

好似自尋煩惱，同人講，個個都會話我有仔有女好幸福，一係就覺得我係ftm唔使出來工作，係好得閒，大把錢儲。

BB你來咗啦？

私人傳訊

Mrs·Cheung

伯爵府

積分: 19288

5^#

發表於 17-10-11 09:14 |只看該作者

回覆樓主

最無言係同c6傾，佢答我一句當佢抱起磚頭的時候，就要放下所有野。有情唔可以當飲水飽。

其實我想說有錢也不一定買到快樂，錢唔等於一切。

我好簡單，我都係個人，我都想有人關心一下我。

我一直以為自己圍住仔女，家庭轉，忽視咗c6。

原來一直以來，我都忽視咗自己，也從無人想起過我，關心過我

BB你來咗啦？

私人傳訊

Mrs·Cheung

伯爵府

積分: 19288

6^#

發表於 17-10-11 09:20 |只看該作者

回覆樓主

而我，其實都好愛c6，好愛仔女，呢個家。

我也唔怕同c6一齊挨，能同舟共濟。

但個腦，就好似有毒癮，每隔一段時間，一有少少事，我就會諗起c6的好與壞。

他好起上來，真的好好先生，好好爸爸。

但一諗起他的壞，我就覺得係背叛係致命打擊，即使已經過去了，但真的好痛，有多愛就有多痛，我都忘記當初係點走過來。

日子雖久，但每每想起，心依然寒風入骨的痛。

BB你來咗啦？

私人傳訊

cocoyang

男爵府

積分: 7649

2018復活節勳章畀面勳章

7^#

發表於 17-10-11 12:23 |只看該作者

饒恕別人,釋放自己!放下過去的傷痛,幸福就在不遠處.自己要尋找屬於自己的快樂! 加油!

私人傳訊

yanwendy

大宅

積分: 1305

8^#

發表於 17-10-11 14:07 |只看該作者

回覆樓主:

生活還不錯，唔好諗咁多，活在當下。
世事常變，以前我都系幸福人，大了，自己好冇助幾年，都冇人幫下，且落井下石人多的是。

私人傳訊

Mrs·Cheung

伯爵府

積分: 19288

9^#

發表於 17-10-11 14:51 |只看該作者

cocoyang 發表於 17-10-11 12:23
饒恕別人,釋放自己!放下過去的傷痛,幸福就在不遠處.自己要尋找屬於自己的快樂! 加油! ...

其實已經都放低咗一段時間，但每隔一两年，總會又突然想起來，庸人自擾

BB你來咗啦？

私人傳訊

Mr.漿糊筆

複式洋房

積分: 329

10^#

發表於 17-10-11 14:55 |只看該作者

Mrs·Cheung 發表於 17-10-11 07:01
最近唔知因乜嘢事，撩起咗我情緒

不停反覆思想，諗返起種種唔開心既事，特別係枕邊人之前背叛自己嘅事，雖 ...

一個人擔當住唔同嘅角色, 承擔住各種唔同嘅責任, 呢段時間真係辛苦你啦

雖然你話你呢段時間一直都好似要戴住面具做人, 但有無一啲時候, 你可以做返自己啊?

私人傳訊

Mrs·Cheung

伯爵府

積分: 19288

11^#

發表於 17-10-11 14:59 |只看該作者

yanwendy 發表於 17-10-11 14:07
生活還不錯，唔好諗咁多，活在當下。
世事常變，以前我都系幸福人，大了，自己好冇助幾年，都冇人幫下，且 ...

係，人越大，才發覺身邊的人都是過客。

出生來到世上，都是自己一個人，他朝長歸故土都係一個人。

最近呢段日子，又係發覺好多時候，都只有自己一個人支撐，無人相助，感到有些少吃力。

挨，我唔怕挨，唔係未試過窮。

但好似人生路上，難得搵到另一半，一齊攜手同行，但原來大家欠缺了溝通，漸行漸遠。

BB你來咗啦？

私人傳訊

Mrs·Cheung

伯爵府

積分: 19288

12^#

發表於 17-10-11 15:14 |只看該作者

Mr.漿糊筆發表於 17-10-11 14:55
一個人擔當住唔同嘅角色, 承擔住各種唔同嘅責任, 呢段時間真係辛苦你啦
雖然你話你呢段時間一直都好 ...

我就係突然發覺唔見左自己。

仲要唔見咗自己5.6年時間。

以前細個，家教已經算嚴厲，起屋企一定要乖，起學校一定要做個好學生。永遠只會yes，唔識去拒絕，默默接受。

到出身出來工作，拍拖，先叫搵返自己，可以做自己喜歡的事。而且c6係我人生轉折點重要嘅一人，識左佢我先有自信去做一切，以前唔敢做嘅事。

但結婚後，就好似回到以前細個咁，要做好新抱，好老婆，好媽媽，娘家的好女兒。一人分幾個角色，行錯一步都比人有位入，有說話聽。

有時候，都好討厭自己呢種性格行為，好難改變到。

永遠把自己放到最後，最低處。原來漸漸失去了自我。

所以有時候我都覺得自己有沒有選擇錯誤。c6帶比我一個新生的世界，但同時也帶有好多痛苦，除了以前的背叛之外，如果自己無結婚，可能也唔需要帶無數個面具，對任何人都要圓滑，明明豬頭骨都要照啃，死貓要照食

好女两頭矇，好老婆就一定要體諒犧牲

BB你來咗啦？

私人傳訊

Mr.漿糊筆

複式洋房

積分: 329

13^#

發表於 17-10-11 15:27 |只看該作者

Mrs·Cheung 發表於 17-10-11 15:14
我就係突然發覺唔見左自己。

仲要唔見咗自己5.6年時間。

咁你啱啱出黎工作, 拍拖嘅時候可以做自己鐘意嘅嘢, 搵返自己, 咁你果陣個生活係點架? 你做左啲咩令到你可以唔洗怕比位人入, 做返自己

私人傳訊

aptcan

男爵府

積分: 8997

畀面勳章

14^#

發表於 17-10-11 15:28 |只看該作者

不如考慮吓請姐姐幫輕吓你，你自己出去搵份正職或part time，有時離開吓屋企，對你都有幫助架﹗

私人傳訊

sweetpig_98

禁止訪問

積分: 2483

15^#

發表於 17-10-11 17:20 |只看該作者

提示: 作者被禁止或刪除內容自動屏蔽

私人傳訊

20150618bb

珊瑚宮

積分: 109628

2026勳章 2024年龍年勳章虎到金來勳章牛年勳章 2018復活節勳章開心吸收勳章

16^#

發表於 17-10-11 17:25 |只看該作者

Mrs·Cheung 發表於 17-10-11 07:01
最近唔知因乜嘢事，撩起咗我情緒

不停反覆思想，諗返起種種唔開心既事，特別係枕邊人之前背叛自己嘅事，雖 ...

其實有好多野,你都講左出來,如果有你張圖甘.................就唔怕

私人傳訊

Mrs·Cheung

伯爵府

積分: 19288

17^#

發表於 17-10-11 19:50 |只看該作者

Mr.漿糊筆發表於 17-10-11 15:27
咁你啱啱出黎工作, 拍拖嘅時候可以做自己鐘意嘅嘢, 搵返自己, 咁你果陣個生活係點架? 你做左啲咩令到你可以 ...

嗰下算係獨立生活，屋企得自己一個人住，無人管，自己有野做有粮出，人工雖小，但總叫有自己錢洗，也都儲到錢。

未結婚拍拖階段，少咗重擔，大家都仲可以去下旅行，睇下電影，自己都仲可以出下夜街，約朋友出去玩。

以前多了份自由身，而家做乜都要以仔女行先。

不過我從無覺得後悔，有仔女，我先有動力，讓我知道女子雖弱，為母則強。

BB你來咗啦？

私人傳訊

Mrs·Cheung