吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 基督家庭› 信仰不定

基督家庭今日: 0|主題: 9939

收藏本版

發帖

返回列表

跳至頁

查看: 5857 | 回覆: 12

信仰不定 [複製鏈接]

happy314

大宅

積分: 2064

1^#

發表於 17-6-21 17:27 |只看該作者 |倒序瀏覽 |打印

是咁的，我小學初時有同爸媽翻教會，但我可能有啲自閉所以唔鐘意去小朋友的主日學，而同媽媽去主日崇拜，因為太深奧啦，一個八九十歲的小朋友又點會明呢。後來爸媽無番，我都無番了，直到十多歲歲去了外國讀書。舅父一家去教會，我亦跟埋去，係嗰邊留學生團入面，我識到我老公，佢信仰係堅定的，但因為佢個人都好文靜，唔鐘意團內的遊戲和溝通方法所以都無去小組，只去主日，而我因該搬左去離教會很遠的地方，主日都無去，直到大三買了車，每星期日都會去主日，有試過去小組但我直係唔鐘意同人講嘢，所以好小去。係我腦內我覺得我認識的基督徒太熱情，熱情到八掛的地步。我自己係護士，我的職要求我保留個人私密，但教會的人唔係，常常話要代禱而要將私事一傳十十傳百咁。連傳導都係咁。我剛去澳洲時我有另一男朋友，教會一個peer知道左我拍過拖，然後同我男朋友(依家的老公)講我拍過拖，到底係咩心理?現在我去的教會，傳道又要我公告我有左bb，我同佢講係因為我想知camp有無啲唔岩我玩的games, 然後佢就打電話話我應話俾弟兄姊妹知叫佢地代禱。我唔講係因為頭十多週我真的好唔舒服都咩人都唔想見，而且身為護士我知道bb唔係一定健康的，到時我又要花一大輪時間解釋。加上呢個教會我去左無十次，啲人又全部未結婚，佢地係咪真係明白我的呢。傳道話打黎係想要我同意講俾其他組長同有bb的組員知等佢地幫我代禱，但bb係我的，你做咩要幫我拿主意呢？
我明白係應信神不是信人，但我心中有好多對宗教的問題好想有個明白事理的人同我傾。我認識的傳道都係大聲夾惡，無咩同理心，認為自己最大，岩晒，我應如何做
仲有我唯一的好朋友佢好似著左迷咁，每次同佢去街佢就滿口神和八街，又話誰人的信仰不夠不是真基督徒，你自己又有資格咁話人嗎？加上每次去街取笑我baby brain 同個肚大，我都唔想見佢了

0 1 0

私人傳訊

大食媽咪

大宅

積分: 3668

2^#

發表於 17-6-30 21:39 |只看該作者

回覆樓主:

可唔可以轉教會呀?我相信唔係間間教會啲傳道人都係咁。搵間啱自己既返?

私人傳訊

bigyanb

公爵府

積分: 25110

3^#

發表於 17-7-8 01:40 |只看該作者

happy314 發表於 17-6-21 17:27
是咁的，我小學初時有同爸媽翻教會，但我可能有啲自閉所以唔鐘意去小朋友的主日學，而同媽媽去主日崇拜，因 ...

我都好憎佢地八卦

私人傳訊

woodhopeso

大宅

積分: 2244

4^#

發表於 17-7-8 13:26 |只看該作者

回覆樓主

搵適合自己既教會同教友，搵到啱為止。吾須要咩都分享，始終有人既地方就係有是非，所以吾須要乜都攤開肚皮～
我返既教會都會有吾好幾教友，不過自己亦都唔一定係完美。主日學或崇拜完就會走～
你現在有BB？甘只要安定返崇拜，同天父祈禱就OK，吾好返個d個別聚會～

私人傳訊

lileikam

男爵府

積分: 6763

5^#

發表於 17-7-12 23:22 |只看該作者

回覆樓主:

穩間適合既教會

私人傳訊

770217

大宅

積分: 3498

2025勳章蛇年勳章畀面勳章

6^#

發表於 17-7-15 18:44 |只看該作者

回覆樓主：

本帖最後由 770217 於 17-7-15 18:45 編輯

搵間小型啲嘅教會，當你返耐咗同大家嘅關係好咗之後，你嘅心就會比較放開啲, 亦都會慢慢地願意分享自己, 因為你認定大家都好似兄弟姊妹咁親密, 到時你都可能冇咁介意同大家分享

私人傳訊

babyangie

大宅

積分: 4402

7^#

發表於 17-7-31 19:12 |只看該作者

回覆樓主

似係教會文化問題
搵過間

私人傳訊

Lambessie

複式洋房

積分: 456

8^#

發表於 17-8-2 20:02 |只看該作者

回覆樓主

我覺得你個傳道人有啲問題，轉過間吧，我自初中開始返教會，認識唔同牧師傳道人，基本上個個都好好，識得點樣關心人、尊重人，你唔想講嘅點都唔會迫你，所以我覺得係個別問題啫，再尋找下適合自己嘅教會！
至於你澳洲遇到嗰個教友，我只能講，唔係個個掛住基督徒嘅名嘅人，都係活得出信仰嘅人，總有一啲自視過高、批判其他人嘅基督徒（親身經歷），最重要做好自己，同埋帶眼識人，覺得對方奇怪嘅，小心啲囉，保持距離囉⋯⋯千祈唔好因爲呢啲人，而影響你對神嘅信心&自己嘅價值觀。

私人傳訊

gorky

伯爵府

積分: 16292

9^#

發表於 17-8-4 08:25 |只看該作者

只能說你與這個教沒有緣份，考慮其他宗教吧。

私人傳訊

mandysio

公爵府

積分: 25625

10^#

發表於 17-8-13 19:09 |只看該作者

Lambessie 發表於 17-8-2 20:02
我覺得你個傳道人有啲問題，轉過間吧，我自初中開始返教會，認識唔同牧師傳道人，基本上個個都好好，識得點 ...

好鐘意你的分享,大家都係主裡的家人.
上兩個星期先發現孩童奉獻禮的時間跟亞女的camp 撞左期
咁我一直都記錯時間,以為係奉獻禮之後先去camp.
咁我發現時, 馬上同牧師講.
就話兩姊妹都參加唔到, 咁岩個時另一個姊妹都話小朋友要參加考試,所以黎唔到.咁牧師都想改期, 咁佢同其他執事傾過話改唔到期,怕其他參加的父母會混亂.
咁我都明, 完全冇問題.鬼叫自己記錯時間.
好啦.上個星期,其中一位執事教大班的主日學.有四位小朋友,其中一位小朋友唔參加奉獻禮,我同另一位姊妹的小朋友去唔到.

佢係堂上同小朋友講,唔好去camping 同考試,佢完全冇解釋過奉獻禮係咩,得個十歲人仔, 我之前都冇同佢地講過奉獻禮,牧師都冇話要一定參加, 所以當落堂時, 我女同我講, 我知佢會發脾氣, 我只係講話, camping係六月時定左,童軍老師都一直confirm 你係去的.
我係唔會取消, 之後亞女去完練歌, 話咁可唔可以早d 去接佢返黎.

我話奉獻禮係2 點開始,我來回都用左三個鐘,開完車我真係要休息.我地又要咁趕, 我都係唔會.

好彩我聽到呢度, 我都同佢講, 而家我唔想係教會同你講呢件事.就同佢返左屋企
但另一位姊妹個女就喊住同佢亞媽講, 話老師一定要去奉獻禮,唔好去考試.位姊妹當時好嬲,牧師都話可以選擇性唔參加, 點解你要迫小朋友呢.
所以我同佢都好想換另一間教會.
我就比較好.因為老公唔去,但就係小朋友唔想轉環境, 但位姊妹的老公點都話唔想轉.

私人傳訊

Lambessie

複式洋房

積分: 456

11^#

發表於 17-8-15 13:43 |只看該作者

mandysio 發表於 17-8-13 19:09
好鐘意你的分享,大家都係主裡的家人.
上兩個星期先發現孩童奉獻禮的時間跟亞女的camp 撞左期
咁我一直都 ...

既然牧師係正常嘅，我自己就覺得唔需要因爲一位同工嘅問題而轉教會，始終係個別人士唔體諒，對方只企喺自己立場講嘢，無諗過家長各種考慮就講出呢啲說話，佢係無為意呢啲說話會令家長反感，但我相信係無惡意，唔係有心激嬲你地，所以既然耶穌原諒我地嘅罪、我地嘅過錯，你地都嘗試原諒呢位同工嘅「唔體諒」吧；
再者，雖然教會係屬神，理應係個充滿愛嘅地方，但記住，呢個地方亦聚集了不少「人」，所以教會有神性，也有人性，人就總有啲唔討人喜歡嘅性格，誠實講句我都曾經講一啲唔合宜嘅說話而自己當時未必知道，所以，就算你轉教會，唔擔保你唔會再遇到人性醜惡嘅一面，如果你係打工仔就會明白，間間公司都有人事問題，只係情度嘅唔同，性質嘅唔同⋯⋯
最後，小朋友建立圈子唔容易，要佢主動捨棄一個開心嘅群體、親密嘅朋友更唔容易，如果你要佢捨棄，便要有個非常合理而佢明白嘅理由；但，喺我角度睇，因為遇到「個別問題」，覺得對方唔體諒，什至提出一啲不合理要求而轉教會，會另小朋友覺得遇到呢類問題便應離開，呢個會係一個反面教材，讓小朋友養成「逃避」心態，第時遇到其他人事問題都選擇逃避，唔主動解決，唔考慮其他解決方法嘅可能性，什至覺得「逃避」就唔駛煩...

至於點解我俾你嘅意見同樓主嘅有唔同，係因為我覺得樓主所提嘅牧師係過份強迫教友做一啲佢自己認為啱嘅事，而呢樣嘢係無得傾架，樓主唔想講就唔想講，重點係牧師無視教友心情，什至責備佢，已經去到唔尊重嘅地步；
而你提及嗰位同工，雖然係強人所難，向小朋友無理要求，但我覺得仍然有彎轉，因為你係有原因而做呢個決定，可以攤開黎傾，或許對方有唔明白家長嘅地方，傾完可能解除誤會，又或者對方真係堅持己見嘅，你亦已經表明點解你有咁嘅決定。當然，對方態度惡劣、太自我嘅話，你都仲可以考慮搵牧師介入一齊傾（不過我相信無人想件事發咁大...)

不過，最重要係，將成件事祈禱交託俾神，求神幫你解決，引導你點去行。

私人傳訊

Lambessie

複式洋房

積分: 456

12^#

發表於 17-8-15 13:47 |只看該作者

mandysio 發表於 17-8-13 19:09
好鐘意你的分享,大家都係主裡的家人.
上兩個星期先發現孩童奉獻禮的時間跟亞女的camp 撞左期
咁我一直都 ...

Just share to you, 共勉。

「所以，你們既然是　神所揀選的，是聖潔、蒙愛的人，就要存憐憫的心腸、恩慈、謙卑、溫柔和忍耐。如果有人對別人有嫌隙，總要彼此寬容，互相饒恕；主怎樣饒恕了你們，你們也要照樣饒恕人。在這一切之上，還要有愛心，愛心是聯繫全德的。又要讓基督的平安在你們心裡作主；你們蒙召歸為一體，也是為了這個緣故。你們要有感謝的心。你們要讓基督的道豐豐富富地住在你們心裡，以各樣的智慧，彼此教導，互相勸戒，用詩章、聖詩、靈歌，懷著感恩的心歌頌　神。凡你們所作的，無論是言語或行為，都要奉主耶穌的名，藉著他感謝父　神。」 (‭歌羅西書‬ ‭3‬:‭12-17‬ CNV)