吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› （煩）我唔知仲可唔可以行落去

婆媳關係今日: 1|主題: 27782

收藏本版

發帖

返回列表

跳至頁

查看: 24556 | 回覆: 103

12 3 4 5...6

積分: 2125

1^#

發表於 17-12-20 21:33 |只看該作者 |倒序瀏覽 |打印

本帖最後由可樂餅於 17-12-20 22:50 編輯

本帖最後由可樂餅於 17-12-20 21:36 編輯

我同男友拍拖五年，一直以黎都係以結婚為目標，一直都有儲錢準備自己置業，組織自己嘅家。

點知佢阿爸阿媽話覺得依家間屋風水唔好，話要賣咗依家住個到，買過間，重點係佢兩個都無經濟能力，男友細佬又仲讀緊書，講到尾，姐係要我男友供。

我一直有係依到取經，一開始拍拖已經同男友講到明我係唔會同佢阿爸阿媽一齊住，佢都自己講明知道佢自己阿媽好麻煩，所以應承左我結婚後係唔會同佢父母住。依家我男友就左右做人難，時不時又會試探我如果咁咁咁可唔可以一齊住。我就都企到幾硬，因為依家有時候我會上佢到過夜，已經覺得佢阿媽好惡頂，唔敢想像真係一齊住會點，我肯定以我性格對住佢媽我實有抑鬱。

但依家佢父母要買樓，又要佢供，銀行貸款又肯定係要落佢名，我想知第時我同男友結婚後，如果真係想買樓，仲有可能嗎？銀行已經用左佢名落過一個貸款，咁我同佢仲可以再買樓再向銀行貸款？

買樓程序/規矩嘅嘢我真係唔熟，希望各位jm可以比d意見我，屈服去同99住嘅經驗都可以分享下

0 0 0

私人傳訊

lovececing

侯爵府

積分: 22319

2^#

發表於 17-12-20 21:56 |只看該作者

回覆樓主

如果第時你男友要負擔2層樓，銀行係睇你男友同埋你嘅入息（如果你係肯同佢一齊承擔嘅話），如果你男友入息唔多當然對你買第二層有影響啦，因為要過壓力測試，你男友要將收入扣左第一層樓嘅供款，如果都可以過到壓力測試未冇問題law

第一，本身層舊樓仲有冇爭緊銀行錢，想換樓嘅銀碼又係幾多

如果舊樓已供滿，可唔可以你地住舊樓，買過層可以負擔到嘅比父母住？

我沒有很多朋友, 但有你們就足夠~~~我沒有很多錢,但我所擁有的東西已經比別人多~~~我沒有很多老公, 但有一個把我寵壞就已經足夠

私人傳訊

美之選468

公爵府

積分: 26519

3^#

發表於 17-12-20 22:04 |只看該作者

回覆樓主:

佢地似防你多D wo ?

私人傳訊

bonbonbear

別墅

積分: 576

4^#

發表於 17-12-20 22:31 |只看該作者

回覆樓主:

如果層樓住左好耐，依家先無啦啦提風水唔好就有d怪。你男友點睇? 如果你堅持婚後唔同住，而你男友既能力又負擔唔到買2層樓/過唔到壓力測試的話。最好清楚表明立場，如果想結婚置業的話佢最好同自己父母講下。

如果真係諗唔掂，或者考慮婚後租樓。間唔中過夜都頂唔順，唔好諗一齊住。

私人傳訊

可樂餅

大宅

積分: 2125

5^#

發表於 17-12-20 22:36 |只看該作者

lovececing 發表於 17-12-20 21:56
如果第時你男友要負擔2層樓，銀行係睇你男友同埋你嘅入息（如果你係肯同佢一齊承擔嘅話），如果你男友入息 ...

舊樓已供斷，我同男友個間就緊係我都會一齊承擔，但佢父母要買個間我緊係唔會去幫手，大佬，佢地又一定唔會落我名。
我同男友搵得唔算多，佢搵25k我搵20k，照咁講，邊有可能佢負擔到一間同時繼續生活又同時同我一齊繼續儲錢，又同時去供第二層樓。
實無可能過到壓力測試

私人傳訊

可樂餅

大宅

積分: 2125

6^#

發表於 17-12-20 22:40 |只看該作者

美之選468 發表於 17-12-20 22:04
佢地似防你多D wo ?

依個我無特別去諗，不過佢阿媽會防我就緊嫁啦。所以我覺得好唔公平，我地兩個年輕人無話要d老人家幫手定點，我地努力去過自己想過嘅生活，你依家一個唔該，就要人買間新樓比你，要人一定要同你住。
越講越嬲！好想喊

私人傳訊

可樂餅

大宅

積分: 2125

7^#

發表於 17-12-20 22:45 |只看該作者

bonbonbear 發表於 17-12-20 22:31
如果層樓住左好耐，依家先無啦啦提風水唔好就有d怪。你男友點睇? 如果你堅持婚後唔同住，而你男友既能力又 ...

本帖最後由可樂餅於 17-12-20 22:49 編輯

不嬲有年年搵風水佬係屋企擺陣，今年佢媽身體真係發現有病，所以又攞出黎講，以前佢地無能力換樓，依家都無，但有個仔出身，個仔有能力咪話要換。其實我同男友出黎做嘢兩三年嫁咋。

我自己諗都覺得根本係無可能一個人供緊一層樓，再同第二個人借錢去供第二層，銀行點會批，但我男友話得，當然，其實佢乜都無查過，自己認為就話得，所以我就上黎問下意見，我唔想幾年後米已成炊先黎喊。

私人傳訊

heidys

子爵府

積分: 13212

母親節2025勳章 2025勳章蛇年勳章虎到金來勳章 HiPP勳章(1) 好媽媽勳章

8^#

發表於 17-12-20 22:47 |只看該作者

回覆樓主:

無啦啦咩事風水唔好先
覺得個仔好掂呀？
單憑佢一個過到壓力測試啦？

我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG

私人傳訊

可樂餅

大宅

積分: 2125

9^#

發表於 17-12-20 22:48 |只看該作者

lovececing 發表於 17-12-20 21:56
如果第時你男友要負擔2層樓，銀行係睇你男友同埋你嘅入息（如果你係肯同佢一齊承擔嘅話），如果你男友入息 ...

住舊樓問題，佢地唔賣樓根本無可能買樓，佢地無能力但又要求高高，依家樓市唔靚都咁貴，靚嘅更加輪唔到我地，而且我同男友都未係有十足能力入市，我地依家仲係準備階段，只不過係依家無啦啦比人打斷左

私人傳訊

可樂餅

大宅

積分: 2125

10^#

發表於 17-12-20 22:55 |只看該作者

heidys 發表於 17-12-20 22:47
無啦啦咩事風水唔好先
覺得個仔好掂呀？
單憑佢一個過到壓力測試啦？

佢地身體唔好，有重病，不過要迷信嘅，咩都講得嫁啦。
就係唔係勁，佢個仔一個人搵25k，其實供左個間屋就我地根本無可能再去買自己嘅家，租樓就我同佢都唔打算做嘅。
所以我覺得佢阿爸阿媽好自私

我地拍拖咁耐，一早大家知我地係結婚對象，男友以前都會有意無意提起第時唔會一齊住，依家佢地要咁樣買樓，佢擺明要我地一齊住，仲要完全唔諗人感受。

私人傳訊

muimui1013

大宅

積分: 3666

11^#

發表於 17-12-20 22:57 |只看該作者

如果男朋友幫父母供樓
之後日子就難捱
係我就會講明後果俾佢知
分手(emoji)

私人傳訊

bonbonbear

別墅

積分: 576

12^#

發表於 17-12-20 23:00 |只看該作者

回覆樓主:

以樓主同男友既收入再加上只係剛出來做野幾年，自己上車都吃力。要有舊首期加埋裝潢之類都要有將近過百粒流動資金先好諗。你男友幫屋企人供層樓基本就要斷左買第2層樓既諗法。如果佢話你知得，一係佢無知亂up...二係佢其實唔止搵25k...

建議樓主可以結婚前租樓同居，進可攻退可守。另外你自己都要自己keep住儲錢。有咩都可以靠自己

私人傳訊

做個靚太

水晶宮

積分: 51146

13^#

發表於 17-12-20 23:12 |只看該作者

回覆樓主:

傻的嗎？依加先尼負擔一層父母想搬嘅樓？
要同你男友講清楚，佢根本唔應該幫佢父母供樓，兩老想搬，應該要靠自己！叫佢父母做人貼地啲，唔好咁任性，無錢仲想搬就搬！你男友嘅責任，係負責好自己嘅將來同家庭，唔好仲要父母幫手！
你諗得岩，婚後一定唔妥協，唔同住係最基本，不過你男友父母咁任性，佢都可以覺得為難，我睇都唔方保護到你啦～

私人傳訊

可樂餅

大宅

積分: 2125

14^#

發表於 17-12-20 23:14 |只看該作者

bonbonbear 發表於 17-12-20 23:00
以樓主同男友既收入再加上只係剛出來做野幾年，自己上車都吃力。要有舊首期加埋裝潢之類都要有將近過百粒流 ...

應該係前者，佢覺得用舊樓嘅錢去買，好快可以供完，其次佢可能覺得父母嘅樓未供完都可以同我去買第二層

結婚前同居其實都無可能，如果佢係要同佢父母買樓，根本無錢剩到可以同我再去租樓。

我依家要確定嘅一樣嘢係，係唔係佢同佢父母買左樓，我兩個就無機會買到。睇完各位jm嘅回覆我諗我都知道答案，接下來我又要諗點應對。

私人傳訊

Summer_tsui

大宅

積分: 1606

15^#

發表於 17-12-20 23:15 |只看該作者

回覆樓主:

可以換間樓間比而家個間舊樓平嘅嗎？叫佢地住新界可以嗎？

叫男友同父母講: 反正我過2年結婚都唔同住, 換細間d都得啦～

同時你同你男友搬出黎住2年, 或同你住住先!!

私人傳訊

可樂餅

大宅

積分: 2125

16^#

發表於 17-12-20 23:18 |只看該作者

muimui1013 發表於 17-12-20 22:57
如果男朋友幫父母供樓
之後日子就難捱
係我就會講明後果俾佢知

其實我有提出過，但佢好嬲，覺得點解唔係兩個人去諗辦法去解決，其實我係睇唔到有咩辦法，因為佢父母要買樓搬依樣嘢應該係唔會改變，而我男友其實自都想搬，但問題係佢唔明白佢去負擔依層樓對我同佢將來嘅影響。

私人傳訊

Evildada

男爵府

積分: 7410

17^#

發表於 17-12-20 23:19 |只看該作者

回覆樓主

最好問清楚銀行
其實問題係你bf度，佢唔肯的話，根本佢父母都冇附㗎

私人傳訊

可樂餅

大宅

積分: 2125

18^#

發表於 17-12-20 23:22 |只看該作者

做個靚太發表於 17-12-20 23:12
傻的嗎？依加先尼負擔一層父母想搬嘅樓？
要同你男友講清楚，佢根本唔應該幫佢父母供樓，兩老想搬，應該要 ...

「要同你男友講清楚，佢根本唔應該幫佢父母供樓，兩老想搬，應該要靠自己！叫佢父母做人貼地啲，唔好咁任性，無錢仲想搬就搬！你男友嘅責任，係負責好自己嘅將來同家庭，唔好仲要父母幫手！」
你講得好好！完全係我心聲！自己住左咁多年，層樓住殘哂就話要搬，仲要自己都幾十歲，根本就無能力，就搵個仔黎供？講到好好聽個名係落個仔名，咁你有無問過個仔意願？你地當初自己後生個時自己可以儲錢買樓，你地父母有無要你供一層樓比佢？點解當初你地二人世界自己買樓，依家就要個仔供樓同你住？