吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好無奈, 奶奶要同我地住

婆媳關係今日: 0|主題: 27784

收藏本版

發帖

返回列表

跳至頁

查看: 7097 | 回覆: 77

好無奈, 奶奶要同我地住 [複製鏈接]

12 3 4

巴士

大宅

積分: 3971

1^#

發表於 09-6-16 12:15 |只看該作者 |倒序瀏覽 |打印

我地而家住緊間屋係奶奶的, 原本結婚後佢地兩老搬出去住(佢有2間屋), 但奶奶講明間屋係借比我地暫住, 一有能力買樓就要搬走, 我老公係獨仔又係佢唯一一個仔, 唔明點解佢要咁做

我地結婚兩年幾, 係呢兩年幾入面, 一旦有D咩居屋重售, 甲屋幾時有得賣, 奶奶都會提我地去睇去留意, 但以我同老公的收入要供一層樓並非易事...直至我舊年有咗BB佢先停止叫我地搵樓.....到咗今年我BB出了世, 佢叫我地請工人揍, 佢同老爺幫我睇住, 點知奶奶索性搬埋過黎同工人一間房, 老爺就係另一邊住, 本來原意都係好的, 但係佢搬了過黎不但夜晚唔同我揍仔, 仲要我服示埋佢就真係頂住度氣..........

日頭主要係工人揍, 佢就係度指手劃腳, 夜晚我返黎, 同啊B沖涼佢一d都唔幫手, q埋隻手坐係度睇電視, 工人10點上床訓後, 全晚我揍唔幫手, 要叫佢抱佢先會幫手抱啊b, 即使係抱都係一陣, 一我等閒即刻比返我, 每晚食完飯, 食生果時, 佢都會好主動咁講 "黎啦, 等我抱啦, 你食生果" 你地唔好以為佢真係咁好同你抱, 其實佢係想你"meet"橙比佢食, 因為工人唔識 meet橙, 等你一meet完, 佢知你實問佢食唔食, 你一問, 佢就話好, 我唔係介意meet比佢食, 而係佢好似老溤咁

我而家索性唔食生果, 佢就直頭連主動抱都唔抱...........唉.......對住佢真係好辛苦, 佢每晚11點睇完電視就上床訓, 我就揍住啊b至12點幾, 朝早6點半起身返工, 佢都唔體諒吓個新抱, 因為工人要一早起身煮飯比我老公帶, 所以我唔可以叫佢太夜訓, 唯有自己揍啊b訓.....

奶奶唔係度好過係度, 係度如同一個紙板公仔, 佢一d揍仔經驗都無, 因為我老公係佢啊媽揍, 唔識同bb沖涼, 未請工人時就連啊b賴屎佢都搞唔掂要我幫手, 仲要督眼督鼻乜都唔做, 好慘呀

又唔出得聲, 呢d咁既生活幾時先過呀????

0 0 0

私人傳訊

chaklongma

男爵府

積分: 5958

2^#

發表於 09-6-16 12:27 |只看該作者

佢無義務同你湊喎
點解工人咁早瞓?
我覺得你一廂情願99幫你湊咋喎
工人唔識"meet" 咪教佢囉

點解bb咁夜先瞓?
一個bb 10點就好去瞓啦
係你地d習慣唔好喎

私人傳訊

yvonne18

大宅

積分: 1276

好媽媽勳章

3^#

發表於 09-6-16 12:35 |只看該作者

不如申請公屋, 99間屋有沒有你或你老公個名, 如超過入"式", 你咪唔好請工人自己湊得唔得, 同老公講叫99返去同62一起住不用佢湊, 你老公知唔知佢冇幫手湊bb, 你老公都睇到都覺得冇問題? 你有冇同老公講出你的問題. 座底好好同老公講吓!

私人傳訊

c雅

大宅

積分: 1735

4^#

發表於 09-6-16 12:36 |只看該作者

而家擺到明你99叫你請工人返來..係服侍埋佢

..如你地有能力搬走...就最好快快走~但可能你99會跟埋你一齊搬=.=

私人傳訊

巴士

大宅

積分: 3971

5^#

發表於 09-6-16 12:37 |只看該作者

原帖由 chaklongma 於 09-6-16 12:27 發表
佢無義務同你湊喎
點解工人咁早瞓?
我覺得你一廂情願99幫你湊咋喎
工人唔識"meet" 咪教佢囉

點解bb咁夜先瞓?
一個bb 10點就好去瞓啦
係你地d習慣唔好喎 ...

我知佢係無義務一定要同我湊, 但佢唔湊就唔好搬黎住
點解工人咁早訓, 係因為佢要6點起身煮飯比我老公帶
BB要夜訓係控制唔到的

私人傳訊

巴士

大宅

積分: 3971

6^#

發表於 09-6-16 12:42 |只看該作者

原帖由 yvonne18 於 09-6-16 12:35 發表
不如申請公屋, 99間屋有沒有你或你老公個名, 如超過入"式", 你咪唔好請工人自己湊得唔得, 同老公講叫99返去同62一起住不用佢湊, 你老公知唔知佢冇幫手湊bb, 你老公都睇到都覺得冇問題? 你有冇同老公講出你的問題. 座 ...

我地唔合資格申請公屋啦, 即使我唔做野都超額, 因為佢的額太底啦, 我老公知, 但佢話無辦法, 因為佢係啊媽你想佢點..........

私人傳訊

770217

大宅

積分: 3498

2025勳章蛇年勳章畀面勳章

7^#

發表於 09-6-16 12:44 |只看該作者

寄人籬下係咁架啦!其實你地有無比返Ｄ家用兩老呢?咪當租緊佢地間屋囉,佢地就算收番間屋都係想租比人姐,養老金呀嘛!雖然你老公係唯一既兒子,但如果層樓不是你老公之前供的話,那真係不能話比就比個喎,依家唯有每個月比返租屋的錢(家用)99,等佢唔駛成日叫你地買樓,父母養到子女咁大要負咁責任都巳完成啦,就算仔女唔養自己都唔駛做返阿四來服待你地既,唯有靠你地自己啦...

私人傳訊

巴士

大宅

積分: 3971

8^#

發表於 09-6-16 12:46 |只看該作者

原帖由 c雅於 09-6-16 12:36 發表
而家擺到明你99叫你請工人返來..係服侍埋佢 ..如你地有能力搬走...就最好快快走~但可能你99會跟埋你一齊搬=.=

你講得岩呀, 佢真係洗慣工人架, 佢自己都有請開架, 不過佢個工人係今年8月就完約, 佢唔會續約.......

如果我可以搬, 我都想, 但仲未有能力.....

私人傳訊

wxxyxn

大宅

積分: 2339

9^#

發表於 09-6-16 12:48 |只看該作者

其實佢係咪想迫妳地搬呀? 咁佢可以將層樓租出去比人有錢收

私人傳訊

pomanlife

彩鑽殿

積分: 611566

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

10^#

發表於 09-6-16 12:51 |只看該作者

我覺得你已經好幸福, 奶奶借層樓你住, 你又有能力請個工人幫手湊B, 仲咁多埋怨??? 奶奶見你請工人, 黎埋你度食好正常, 而且你食完飯, 一切家務可以由工人負責, 你已經輕鬆好多啦.

依家你都放完產假, BB應該戒左夜奶, 就算未你都要快D幫佢戒, 等你返去都係湊幾個鐘姐. 唔明你放工返去湊嗰幾個鐘有幾咁辛苦囉, 又有工人. 我屋企冇工人, 放工返去都係我湊. 返到屋企, 我餵BB一餐奶, 跟住10點幾再餵多餐, 就俾佢訓覺, 我地亦都爭取時間休息. 我仲要洗奶樽, 烚奶樽, 整理自己野&BB野.

私人傳訊

巴士

大宅

積分: 3971

11^#

發表於 09-6-16 12:51 |只看該作者

原帖由 770217 於 09-6-16 12:44 發表
寄人籬下係咁架啦!其實你地有無比返Ｄ家用兩老呢?咪當租緊佢地間屋囉,佢地就算收番間屋都係想租比人姐,養老金呀嘛!雖然你老公係唯一既兒子,但如果層樓不是你老公之前供的話,那真係不能話比就比個喎,依家唯有每個月比返 ...

我都好明, 所以我都有比家用佢地架...........我老爺係退休公務員而家份長糧仲多過我份人工, 奶奶係教書的, 成2萬幾一個月..........佢地生活基本上係唔需要靠我地

私人傳訊

巴士

大宅

積分: 3971

12^#

發表於 09-6-16 12:55 |只看該作者

原帖由 pomanlife 於 09-6-16 12:51 發表
我覺得你已經好幸福, 奶奶借層樓你住, 你又有能力請個工人幫手湊B, 仲咁多埋怨??? 奶奶見你請工人, 黎埋你度食好正常, 而且你食完飯, 一切家務可以由工人負責, 你已經輕鬆好多啦.

依家你都放完產假, BB應該戒左夜 ...

我打呢編野既目的唔係要話比大家知我點辛苦, 只係想講吓個奶奶點袖手旁觀者..........

私人傳訊

michelle071180

水晶宮

積分: 72793

虎到金來勳章牛年勳章開心吸收勳章我的育兒心得勳章分享愛醒目開學勳章畀面勳章環保接龍勳章大廚勳章 BK猜猜猜慶中秋 BK Milk勳章

13^#

發表於 09-6-16 12:57 |只看該作者

我覺得你 99 " 得 " 係度 , 係想你地兩公婆知難而退比返間屋佢就真 , 有心睇 bb 既點都會幫下手喇 !
工人要6點起身煮飯比你老公帶飯 , 其實可唔以可以留返之前果一晚食既飯比你老公帶呢,未必要新鮮既o者,橫掂都係 " 叮 " 返熱o黎食.咁工人未有多D時間睇 bb 囉

私人傳訊

c雅

大宅

積分: 1735

14^#

發表於 09-6-16 13:00 |只看該作者

原帖由巴士於 09-6-16 12:55 發表

我打呢編野既目的唔係要話比大家知我點辛苦, 只係想講吓個奶奶點袖手旁觀者..........

其實我地都知樓主你辛苦~出邊要返工,入邊要湊b,仲要服侍99,但係,因為而家你住既屋係99借比你地,所以個心即使有幾唔服,都無辦法~或者同老公商量下,問99可唔可以返去自己間屋同62住,日頭先來「幫手」睇bb,咁你個心可能會舒服d~唔好咁down la~keep fighting~

私人傳訊

Siuchoi

珍珠宮

積分: 32052

15^#

發表於 09-6-16 14:03 |只看該作者

樓唔一定買~ 可以租架嘛~~

假如, 你99係冇屋既, 你地點做?

私人傳訊

巴士

大宅

積分: 3971

16^#

發表於 09-6-16 14:15 |只看該作者

原帖由 michelle071180 於 09-6-16 12:57 發表
我覺得你 99 " 得 " 係度 , 係想你地兩公婆知難而退比返間屋佢就真 , 有心睇 bb 既點都會幫下手喇 !
工人要6點起身煮飯比你老公帶飯 , 其實可唔以可以留返之前果一晚食既飯比你老公帶呢,未必要新鮮既o者,橫掂都係 " ...

佢公司無微波爐, 因為想慳d錢同健康d所以佢帶飯