＋
Baby Kingdom - 親子王國 香港 討論區 › 首頁 › 婆媳關係› 請大家盡述極品福建99

婆媳關係

收藏本版
發帖
返回列表
跳至頁
請大家盡述極品福建99 [複製鏈接]

首頁
12345...10

尾頁
   1
yuki0718


大宅

積分: 4441

爸B勳章


1#
發表於 09-5-1 22:39 |只看該作者
我99係極品中之極品，平時有佢講，冇人講。好似尋晚，佢打電話嚟，講完佢講嘅嘢，byebye都唔講就cut我缐。超級冇禮貌、冇家教、冇品。

話說99激嬲佢個仔，佢個仔揾我出氣，我同99講返，99叫我忍下佢個仔、買D嘢0氹佢個仔開心。

由頭到尾我都係受害者喔！點解要我幫佢0氹佢個仔開心啊？ 我99個腦一定係入咗水。講完99就cut我缐啦!

佢以後打嚟,我都唔會聽佢電話啊!
私人傳訊

yuki0718


大宅

積分: 4441

爸B勳章


2#
發表於 09-5-1 22:53 |只看該作者
母親節梗係同自己母親過啦！點會同人哋母親過？！如果人哋母親對我好，我都會考慮下，但人哋母親成日蝦我，我又點可能扮冇事同佢慶祝母親節啊？
私人傳訊

yuki0718


大宅

積分: 4441

爸B勳章


3#
發表於 09-5-1 23:00 |只看該作者
我奶奶份人好自私，成日叫我對佢屋企人好，但從來唔識對我屋企人好喔！仲話我老公唔識做人，叫我要識做人，多D關心老爺、奶奶。我奶奶都唔識做人啦！我媽來我哋屋企，我奶奶從來唔招呼我媽嘅。

講起生BB，我老公外鄉嘅表弟嘅老婆話想生BB，我奶奶就送一斤燕窩俾佢食。

我奶奶勁想我生BB，佢想我生BB，冇話平時會煲D咩湯水俾我飲，淨係叫人喺鄉下求籤，問下我幾時有得生.
私人傳訊

yuki0718


大宅

積分: 4441

爸B勳章


4#
發表於 09-5-1 23:04 |只看該作者
話說返到鄉下，我食完飯幫手撿碗，D親戚好熱情，話唔洗我撿。跟住我奶奶就用福建話講：“新抱咁唔識做人，冇禮貌，人哋客氣叫佢唔洗撿，佢就真系唔撿。”我唔識聽啊！老公翻譯俾我聽，真系激到我爆炸。不過我當時冇出聲喔！我心諗：奶奶想我洗碗，咪直接同我講咯，洗乜用我唔識聽嘅福建話同鄉下D親戚咁樣講我喔？奶奶真系唔識做人啊！

我到今日為止，對呢件事都僅僅於懷。我今朝瞓唔著，打電話俾福建嘅親戚，向佢述苦，佢居然幫住我99，佢話福建人係咁要面嘅，99講嘅說話只系客氣說話，唔係有心話我。

但講嘅冇心，聽者有意呢！都唔顧我感受嘅。

私人傳訊

chaklongma


男爵府

積分: 5958


5#
發表於 09-5-2 00:28 |只看該作者
咁介意做咩~~
你又唔同佢一齊住, 老公又唔like 佢亞媽
你大條道理唔使"so"佢啦
仲同佢返鄉下???
如果係我, sorry喎, 一定唔會同佢返去

仲有一句話:
你對唔好, 我一定對你唔好
你對我好, 我一定對你更好

同佢生個孫, 叫佢早d瞓
發夢果時可以夢到嘅
私人傳訊

ricecooking


水晶宮

積分: 55151


6#
發表於 09-5-2 11:31 |只看該作者
樓主不要勞氣, 我父母是潮洲人, 同福建一樣要面子, 佢地真係口不對心, 例如你請食飯佢話唔使, 推來推去, 之後就同人講我話唔使佢就真係唔請, 真係唔識做...唔生性....我地心諗大家自己人何必扮客氣? 我地係佢仔女佢地都係咁講野, 何況你係外人?

細個時試過哥哥以為自己整壞左部錄影機, 要搵人來整, 但原來無壞唔使錢, 父母話哥哥成日用機所以要教訓佢, 同佢收左幾百蚊話係維修費....潮洲人就是咁萌塞的...

惟有以後同佢鬥搶比錢同埋咩都要計返錢比佢地, 佢地話唔使都唔好信, 然後唔好理佢講咩先平衡倒自己, 不過我有時都會唔開心
私人傳訊

yuki0718


大宅

積分: 4441

爸B勳章


7#
發表於 09-5-2 13:37 |只看該作者
原帖由 chaklongma 於 09-5-2 00:28 發表
咁介意做咩~~
你又唔同佢一齊住, 老公又唔like 佢亞媽
你大條道理唔使"so"佢啦
仲同佢返鄉下???
如果係我, sorry喎, 一定唔會同佢返去

仲有一句話:
你對唔好, 我一定對你唔好
你對我好, 我一定對你更好

同佢生個孫 ...


如果我嬲我99，我C6就會扮孝子，同99有講有笑。如果我對99好嘅時候，我C6就會唔SO99，次次都係咁。 我下次醒目啊！嬲99唔俾C6知道，等佢都唔SO99。
私人傳訊

yuki0718


大宅

積分: 4441

爸B勳章


8#
發表於 09-5-2 13:45 |只看該作者
原帖由 ricecooking 於 09-5-2 11:31 發表
樓主不要勞氣, 我父母是潮洲人, 同福建一樣要面子, 佢地真係口不對心, 例如你請食飯佢話唔使, 推來推去, 之後就同人講我話唔使佢就真係唔請, 真係唔識做...唔生性....我地心諗大家自己人何必扮客氣? 我地係佢仔女佢 ...


嘩！你父母都算經典咯！自己一家人都咁計較。做佢哋仔女都咁辛苦，做佢哋新抱咪更加慘？（得罪曬）

我99超級重男輕女，我老公係獨仔，佢哋一定要我生仔。

有個福建親戚第一胎生仔、第二胎生女。生女時佢99一眼都唔望個孫女，更加唔好話抱啊！淨係攬實個孫仔。又鬧佢新抱點解要生女？連我99都咁鬧埋一份。

我99同佢99都忘記咗自己都係女人，自己都生咗兩個女。真系超級白癡。

所以我壓力都好大GA！99成日問我點解咁耐都冇得生，又問我系咪有問題。佢先有問題啊！
私人傳訊

ricecooking


水晶宮

積分: 55151


9#
發表於 09-5-2 21:05 |只看該作者
佢地真係好經典架! 做佢新抱都煩, 不過佢地只敢係背後批判, 表面就扮到好客氣咁lor;
佢地都好重男輕女, 例如我地做女的, 細個時暗示我地係蝕本貨, 如果係仔就咩都要留比佢, 話佢先係姓黃, 係黃家的長子嫡孫, 我老豆話如果個女(我)第時生仔/女就唔好比佢揍, 都唔係姓黃, 只係外孫; 我阿媽重勁, 佢話如果佢地揍, 個女(我)就會親佢地d, 比99揍就會黏左男家, 後尾重同我講比佢揍就每月比5k家用佢..我真係...好唔開心呀...好似咩都計算過咁, 所以有時都嬲佢地, 講真我地個個做仔女都好生性, 但佢地都係咁計較, 不過而家見倒佢地老左好多, 都內疚自己, 唔應該嬲

[ 本帖最後由 ricecooking 於 09-5-2 21:06 編輯 ]
私人傳訊

yuki0718


大宅

積分: 4441

爸B勳章


10#
發表於 09-5-2 21:26 |只看該作者
原帖由 ricecooking 於 09-5-2 21:05 發表
佢地真係好經典架! 做佢新抱都煩, 不過佢地只敢係背後批判, 表面就扮到好客氣咁lor;
佢地都好重男輕女, 例如我地做女的, 細個時暗示我地係蝕本貨, 如果係仔就咩都要留比佢, 話佢先係姓黃, 係黃家的長子嫡孫, 我老豆 ...


我暈啦！咩年代？仲有D咁嘅思想？！外孫唔好俾佢哋揍。福建都係咁GA，話生女係蝕本貨，嫁老公時要貼雙倍禮金俾男家。

聽講我老公鄉下（福建）有家人，男家借錢俾女家禮金100萬，女家又問人借錢回禮金俾男家200萬。冇咁大個頭，就唔好帶咁大頂帽啦！借嚟借去，不過計返男家都有賺啦！

你真系好脾氣啊！咁都忍得到，不過始終都係一家人，冇你父母就冇你，就算佢哋再計較、再衰都同你切肉不離皮。

我媽成日教我，要忍讓62、99，要孝順佢哋，我媽成日買禮物叫我送俾62、99，希望佢哋對我好D。但62、99成日都覺得收禮物係應份嘅。只有過年回一次禮。
私人傳訊

yuki0718


大宅

積分: 4441

爸B勳章


11#
發表於 09-5-2 21:32 |只看該作者
我99自己要面就算啦！仲要擺我上台，揾我著數。
例如：
1.有個親戚生咗BB，我99去探佢，探完返嚟，我99話：“我幫你封咗200蚊利是俾個BB做見面禮，你俾返我啊！”
問都未問過我，就自己揸主意做呢D嘢，仲要問我攞返錢。

2.99同我講佢部電話壞咗，叫我買過部新嘅俾佢，又多多要求，又要有影相功能、又要靚。善堂送嘢俾人，D人都唔敢有要求啦！佢叫我送嘢俾佢，仲咁多要求。最重要係99唔識字GA！教極佢都唔識用相機。

3.99叫我幫佢攞D相去洗，又多多要求，邊張要洗幾多份，邊張要寄俾邊個，成日點我做東做西。真系火都嚟啊！

我永遠都冇say no，點解99仲要俾氣我受？
私人傳訊

ricecooking


水晶宮

積分: 55151


12#
發表於 09-5-2 22:06 |只看該作者
吓!? 佢咁都好意思問你收返錢?? 仲要你買手機比佢? 講真, 係都叫返自己仔女送啦, 又要當你係外人, 又要不客氣咁洗你錢? 你都對佢都算唔錯啦, 可以話係無愧於心!我父母就不會向"外人"要求送野/收禮, 始終係人地仔女, 無養育過佢地嘛! 呢方面佢地都計得好清楚架! 都算係咁啦!



原帖由 yuki0718 於 09-5-2 21:32 發表
我99自己要面就算啦！仲要擺我上台，揾我著數。
例如：
1.有個親戚生咗BB，我99去探佢，探完返嚟，我99話：“我幫你封咗200蚊利是俾個BB做見面禮，你俾返我啊！”


問都未問過我，就自己揸主意做呢D嘢，仲要問我攞返錢。

2.99同我 ... [/quote]
私人傳訊

CHANLAILAI


男爵府

積分: 7653


13#
發表於 09-5-2 22:23 |只看該作者
yuki0718

我過來坐下架, 我99係唔係福建, 但婚前婚後我都唔係咁好過, 嗚....



原帖由 yuki0718 於 09-5-2 21:26 發表


我暈啦！咩年代？仲有D咁嘅思想？！外孫唔好俾佢哋揍。福建都係咁GA，話生女係蝕本貨，嫁老公時要貼雙倍禮金俾男家。

聽講我老公鄉下（福建）有家人，男家借錢俾女家禮金100萬，女家又問人借錢回禮金俾男家200萬。冇咁大個頭， ...
私人傳訊

CHANLAILAI


男爵府

積分: 7653


14#
發表於 09-5-2 22:25 |只看該作者
我上年都有買野比99, 叫做好來好去囉, 比d面佢囉, 等我自己將來既日子可以好過d, 雖然佢唔多當我係佢既一家人, 但我都會"孝順"佢既。



原帖由 yuki0718 於 09-5-1 22:53 發表
母親節梗係同自己母親過啦！點會同人哋母親過？！如果人哋母親對我好，我都會考慮下，但人哋母親成日蝦我，我又點可能扮冇事同佢慶祝母親節啊？ ...
私人傳訊

chowky


複式洋房

積分: 381


15#
發表於 09-5-2 22:30 |只看該作者
原帖由 yuki0718 於 09-5-2 21:32 發表
我99自己要面就算啦！仲要擺我上台，揾我著數。
例如：
1.有個親戚生咗BB，我99去探佢，探完返嚟，我99話：“我幫你封咗200蚊利是俾個BB做見面禮，你俾返我啊！”
問都未問過我，就自己揸主意做呢D嘢，仲要問我攞返錢。

2.99同我 ...


我想同佢講,"我有話要封利是咩?你封關我咩事?"
佢手機壞左要我買,好,我買,但我唔會按佢要求買俾佢囉,要面既,唔好用我d錢去充面子,自己買仲架勢呀!話俾人知自己大把錢呀嘛
私人傳訊

yuki0718


大宅

積分: 4441

爸B勳章


16#
發表於 09-5-2 22:33 |只看該作者
原帖由 ricecooking 於 09-5-2 22:06 發表
吓!? 佢咁都好意思問你收返錢?? 仲要你買手機比佢? 講真, 係都叫返自己仔女送啦, 又要當你係外人, 又要不客氣咁洗你錢? 你都對佢都算唔錯啦, 可以話係無愧於心!我父母就不會向"外人"要求送野/收禮, 始終係人地仔女 ...


我絕對冇講大話，99要求佢D女買電話俾佢，兩個女都唔SO佢，佢就叫我買。我62都一樣，62已經連續兩年要求我買手提電話俾佢啦！而且一部貴過一部。試問我老公（佢個仔）部電話壞壞哋，都唔捨得換過部電話，62部電話用咗1年就話部電話舊啦！要換新嘅。

62每年生日都鍾意我哋夾錢送金俾佢，好土啊！

99咁斤斤計較，成日叫我買嘢、洗相，成日叫我媽幫佢買嘢，又唔見佢俾返錢我？！真系啊！淨系識揾我笨。
私人傳訊

yuki0718


大宅

積分: 4441

爸B勳章


17#
發表於 09-5-2 22:41 |只看該作者
原帖由 chowky 於 09-5-2 22:30 發表


我想同佢講,"我有話要封利是咩?你封關我咩事?"
佢手機壞左要我買,好,我買,但我唔會按佢要求買俾佢囉,要面既,唔好用我d錢去充面子,自己買仲架勢呀!話俾人知自己大把錢呀嘛 ...


講得好啊！不過我冇勇氣講出嚟，如果講咗出嚟，佢一定喊住向佢D仔女投訴我。

我99係果D講嘢陰聲細氣，如果有邊句佢唔啱聽，佢就會喊果種人啊！

99平時做事陰陰濕濕，佢做過D嘢絕對唔會同人哋講嘅。都唔知佢心裡面打咩算盤。
例如：
1、佢明明放假，佢會呃人話佢返工；
2、我打電話去揾62，佢永遠都唔會講俾62知；
3、我辭咗職，話俾99知，99叫我唔好講俾62知；
4、返到鄉下，周圍同人講我喺銀行做（以前係）；
5、我媽咪嚟咗，佢永遠唔招呼我媽咪之外，仲永遠唔會講俾62知，驚死我媽咪癡佢金康咁。

好多好多講唔曬，我C6同姑仔仲話佢阿媽心地好善良，係活觀音喔！ 一D都唔覺。
私人傳訊

yuki0718


大宅

積分: 4441

爸B勳章


18#
發表於 09-5-2 22:43 |只看該作者
原帖由 CHANLAILAI 於 09-5-2 22:23 發表
yuki0718

我過來坐下架, 我99係唔係福建, 但婚前婚後我都唔係咁好過, 嗚....



多謝捧場啊！
私人傳訊

yuki0718


大宅

積分: 4441

爸B勳章


19#
發表於 09-5-2 23:13 |只看該作者
我老公又喺度扮孝子，聽佢老母電話啦！

真系谷氣啊！
私人傳訊

chowky


複式洋房

積分: 381


20#
發表於 09-5-2 23:35 |只看該作者
原帖由 yuki0718 於 09-5-2 22:41 發表


講得好啊！不過我冇勇氣講出嚟，如果講咗出嚟，佢一定喊住向佢D仔女投訴我。

我99係果D講嘢陰聲細氣，如果有邊句佢唔啱聽，佢就會喊果種人啊！

99平時做事陰陰濕濕，佢做過D嘢絕對唔會同人哋講嘅。都唔知佢心裡面打 ...


佢識喊,我唔識喊呀?
我d銀紙成日係我身上唔夠2個月就飛走哂,我喊得仲勁添呀...
佢吼準你唔敢出聲又無勇氣講先搵你著數者,我唔係話唔應該孝敬老人家或長輩,而係要適當孝敬囉~
以後我見親其他人(包括62,c6,姑仔,甚至自己屋企人)我都喊,問發生咩事,頭幾次都唔講,跟住慢慢先講d,跟住再講d,喊得仲激動,睇下同情邊個多d...邊個又死先呀喇?!
佢唔講俾你62知,咁你咪直接同你62講囉...預左係咁架喇~
同樣道理,佢唔識招呼你媽既,我都唔識招呼佢咋嘛...
哦,係銀行做咋...我仲以為開銀行添~
你叫阿孝子俾返錢你添呀,個老母係佢架,我有責任侍奉佢老人家,但冇責任俾錢佢去充炮艇!
咁心地善良,你做咩唔裝香呀?觀音呀,我想借庫呀...
私人傳訊


首頁
12345...10

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy