吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我想講吓我老豆

婆媳關係今日: 1|主題: 27784

收藏本版

發帖

返回列表

跳至頁

查看: 3377 | 回覆: 10

我想講吓我老豆 [複製鏈接]

kiki.kiki

珍珠宮

積分: 49031

醒目開學勳章環保接龍勳章

1^#

發表於 09-5-31 18:06 |只看該作者 |倒序瀏覽 |打印

唉...都好長吓......而且有D亂

我老豆讀書唔多, 後生時幫阿爺手做油漆(叫做有間公司仔), 成日以為自己係太子爺(當然唔係, 佢搵唔到食, 緊緊夠自己用, 最後執埋笠), 之後佢做信差..因為媽咪要返工(以前係要輪班), 所以我同細妹都係俾阿婆湊大, 我到中四時先搬返去同爸媽住...而所有供書教學生活費都係我阿媽俾晒, 我老豆只係負責供樓(當年樓價係1X萬), 後來換屋, 補嘅錢, 裝修傢俬全都係我媽俾, 佢之後一毫子都冇俾, 水電煤差餉家用全都冇俾

我老豆好大男人(其實我地覺得係自卑心作祟變成自大),佢咩都認叻, 咩都識, 樣樣野都有自己嘅見解, 仲要响人面前會扮成好好先生, 愛錫妻兒, 其實响屋企只係不停飲酒(係咩酒都飲, 煮飯用嘅燒酒都偷嚟飲), 飲完只要話佢一兩句, 甚至只係問佢係咪飲咗酒, 佢就會大發脾氣, 發晒癲咁鬧人. 之但係佢從來唔會俾佢D屋企人知佢酗酒(已經係咁十幾年, 最近呢幾年我D姑姐阿叔有次見過佢發癲, 先信我同媽咪講嘅野)

我老豆冇錢拎返屋企, 冇積蓄, 我媽咪支持晒成頭家, 之但係佢仲成日以為自己係大爺, 唔會幫手做家務, 叫佢做好多時都"嘰嘰gut-gut", 又話我地要求高, 總之唔願做...而且成日自以為是, 唔聽人講, 只有佢啱晒, 一唔順佢意就"敦"起個老豆款, 話不分尊卑....佢重要天真到以為我同個妹唔知佢冇錢拎返屋企....

佢做野又冇sense, 一D屋企維修野都唔識, 樣樣都係搵我阿媽, 揸螺絲批唔識, 廁所冇水唔識整, 連開錄影機都唔識...

我由坐月開始搬咗返媽咪度住方便湊BB, 已經6個月, 所以同老豆磨擦又多咗, 佢個廁所"禁"水制不嬲都有D問題, 會有時"kick"住, 師傅睇過話冇咩辦法, 不過輕力D"禁"會好D, 之但係佢淨係識得一鋪牛力, 啱啱又响度發癲係咁嘈我阿媽話樓下個師傅掛住洗車都唔上嚟幫佢睇個廁所...係咁鬧...但係佢又唔落去叫人上嚟, 淨係响我媽面前不停咁話個師傅唔好, 冇責任, 得閒洗車都唔上嚟......最後我忍唔住同佢講, 你好多時都得閒瞓覺唔得閒洗碗架啦, 你一係就落樓鬧個師父做咩得閒洗車都唔幫你整, 一係你就唔好再响媽咪面前咦咦哦哦...最後我開埋大門叫佢出去搵個師父, 佢就話我手指拗出唔拗入...

我而家冇理佢, 入咗房打呢篇野.....

唉...我好唔鍾意我老豆, 佢飲酒飲到入過幾次醫院, 十字車都叫過幾次, 佢仲要醒少少時不停用粗口鬧我媽咪....之前有諗過用舊磚扑濕佢......

我媽咪有諗過離婚, 但係我老豆死都唔肯, 仲同我媽講就算係都要分一半(但係佢冇貢獻過, 只係十幾萬嘅樓佢供過一部份, 而家層樓都值一百萬)...咁我地冇理由益佢, 而我阿媽有時又心軟驚離咗婚老豆冇人冇物, 好慘...而家只係睇佢邊日發癲邊日正常....

佢好錫我個仔, 但係佢又會得閒發吓癲, 我怕個仔大D識性會有壞影響, 而家都心大心細幾時會自己湊返BB

唉....講完......

0 0 0

私人傳訊

chowky

複式洋房

積分: 381

2^#

發表於 09-5-31 21:22 |只看該作者

傻啦,你媽真係想離婚既,以上一代既思想,一定會搬走,惡D既,執哂你爸D衫褲換門鎖,唔俾佢入屋啦...

而家要離婚,單方面都可以申請離婚啦,邊個話一定要你爸簽字者...

私人傳訊

傻媽媽2007

複式洋房

積分: 386

3^#

發表於 09-5-31 21:56 |只看該作者

算啦, 我屋企都有件極品, 同你老豆差唔多, 忍下啦, 佢始終系你老豆, 你無得揀.

私人傳訊

alicemic

翡翠宮

積分: 92604

2025勳章蛇年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

4^#

發表於 09-5-31 23:51 |只看該作者

我好明白你既感受，因為我有一個更加極品既老豆！上一代既女性唔係好想離婚架，佢哋會覺得好無面，好多時忍到都忍！我阿媽當年都係咁！至於你老豆我都好忍同佢你自卑變自大，仲要成日覺得自己應該好富貴，唔應該搞成咁，憤世嫉俗果隻，所以成日借酒澆愁！

不過我都勸你可以忍到忍下啦！因為我已經有幾年無同我老豆聯絡，有時諗起佢我個心好痛！但係再聯盟，自己又放唔低佢對全家人既傷害！呢個感覺好難受！所以你不如放鬆d，諗多d你同佢一齊開心既野你會好過d！

私人傳訊

ml628

大宅

積分: 2654

5^#

發表於 09-6-1 13:30 |只看該作者

要怨,要呻好似係你阿媽,唔係你,你仲可以搬走,而你阿媽呢,點啊!算啦,0個個係你老豆,如果弄到關係唔好,你阿媽味仲難受...........

私人傳訊

kiki.kiki

珍珠宮

積分: 49031

醒目開學勳章環保接龍勳章

6^#

發表於 09-6-1 13:51 |只看該作者

我都知老豆係冇得揀, 只係有時見佢發癲, 難為我媽咪仲要對住佢, 佢冇養過我地, 仲要食同住我媽咪, 仲要伸手攞錢兼扮大爺, 我先頂佢唔順

佢冇飲酒時會好D, 係正常人, 飲咗酒就真係...:;pppp: :;pppp: :;pppp:

其實我媽咪唔怕離婚冇面, 而係心軟怕我老豆會好慘, 冇屋住.....所以都忍佢..

我老豆仲好笑, 佢D古老十八代思想仲根深柢固, 成日望自己長命百歲

我阿媽同我講, 老豆早幾日先學柴九講, 人生有幾多個十年吖, 我已經68, 不過都仲有3個十年....我媽聽完之後即刻心諗...OMG! 你想有成100歲命...

我都想諗同佢D開心事, 不過真係冇咩...唔開心嘅就一籮籮

私人傳訊

anson2007

伯爵府

積分: 17964

7^#

發表於 09-6-1 15:02 |只看該作者

我老豆都差吾多咁衰,佢超級大男人,
有＄係身就身痕,成日賭＄,
佢做三行嫁,有工開都成6,700蚊
一日,成日吾比家用呀媽,
出左糧(佢名既支票)就叫呀媽入去佢户口,
叫佢比＄先比3,4000,幾个月先比,
有＄就蘿比大6呀叔(佢吾做野,重養埋佢全家)
而家成60歲人,都無＄係身,
舊年我細佬買樓(同父母一齐住),
細佬比首期,呀媽就比廿万裝修,
我老豆一毫子都無比,
又話要咁又話要咁,超支成十万,
又要呀媽比.
而家我地幾姐弟大哂(个個廿幾三十歲)
,又話要管要教.我地細个又吾理.
佢Ｄ衰嘢講三日都講吾完,
我重同呀媽話,尼個男人係你先要,
比我晨早就同佢離婚啦.
等佢重以為自已有宝.

私人傳訊

3bng

別墅

積分: 599

8^#

發表於 09-6-1 16:17 |只看該作者

Kiki,
你老豆已算過得去比起我老豆.

惡行1.
佢經常飲酒,醉左就發癲罵人,重打亞媽,打到手肘斷骨,醫反好左但就彎彎地,叫過亞媽搬出去住,但佢驚老豆吾識照顧自己,亞媽就係甘古老,嫁左就要從一而終

惡行2.
賭錢,經常去澳門賭到比人挾反屋攞錢還債,吾夠就要亞媽問親戚借,叫仔女問朋友/銀行借. 擾到亞媽同d親戚面面左左,佢死左d仔重要继續幫佢還錢(債吾會因人死左吾洗還).

惡行3.
係佢未賭得太嚴重前,佢都重有d錢係身時,佢借錢比個姪都吾借比個仔,原因仔吾還比佢,佢冇得追,但個姪吾還可追佢亞爸.

惡行4.
對老婆仔女姑汗,對D姪,叔伯就大方豪爽

惡行5.
係屋企就大隻講,話點叻點幫人,但當佢有雖要時個d所為被佢幫過d人冇幫反佢,有d重遠離佢潻

惡行5.
係屋企就長開著電視,就吾係睇,佢用來聽著睡覺,佢話吾開電視佢睡吾到(勁浪費電)

我老豆未死前,我地就勁僧佢,但佢死左就回想反哩d可能係我地前世欠左佢,要還反比佢,所以e家冇再僧佢

私人傳訊

kiki.kiki

珍珠宮

積分: 49031

醒目開學勳章環保接龍勳章

9^#

發表於 09-6-1 20:08 |只看該作者

Kiki,
你老豆已算過得去比起我老豆.

我老豆都不相百仲, 仲有好多野冇講啫...

惡行1.
佢經常飲酒,醉左就發癲罵人,重打亞媽,打到手肘斷骨,醫反好左但就彎彎地,

佢日日都飲, 朝早一起身就飲, 仲要衰到"lei"响房/廁所飲, 飲完D啤酒罐收响衣櫃入面, 廁所污衣籃, 廁所窗出面水渠, 掛响廁所嘅遮入面....你諗唔到嘅地方都有

. 你搵到問佢咩, 佢就發老脾.....佢唔止飲啤酒, D大陸酒好平(7仔都係幾蚊支), 咩三蛇酒, 補酒, 紅酒, 白酒, 總之係酒就飲, 總之聽到個酒字就雙眼發光, 連D有酒煮嘅餸(好似醉雞)都會係咁..

叫過亞媽搬出去住,但佢驚老豆吾識照顧自己,亞媽就係甘古老,嫁左就要從一而終

我阿媽都係因為呢樣而唔同佢離婚

惡行2.
賭錢,經常去澳門賭到比人挾反屋攞錢還債,吾夠就要亞媽問親戚借,叫仔女問朋友/銀行借. 擾到亞媽同d親戚面面左左,佢死左d仔重要继續幫佢還錢(債吾會因人死左吾洗還).

咁我老豆就唔賭錢, 一來佢唔好, 二來佢冇錢

惡行3.
係佢未賭得太嚴重前,佢都重有d錢係身時,佢借錢比個姪都吾借比個仔,原因仔吾還比佢,佢冇得追,但個姪吾還可追佢亞爸.

惡行4.
對老婆仔女姑汗,對D姪,叔伯就大方豪爽

佢都係架, 成日响"外人"面前充豪爽, 不過咪又係問我媽咪攞錢...

惡行5.
係屋企就大隻講,話點叻點幫人,但當佢有雖要時個d所為被佢幫過d人冇幫反佢,有d重遠離佢潻

exactly!!!!!!!!!!!!!!成日得把口, 屋企野要點點點整, 要佢幫手就發脾氣, 用死蠻力, 俾佢搞過嘅都會壞...咪又係我媽咪出錢出力整返好...

惡行5.
係屋企就長開著電視,就吾係睇,佢用來聽著睡覺,佢話吾開電視佢睡吾到(勁浪費電)

佢就好慳, 我地一行開就熄晒我地D電視, 燈...之不過佢就成日唔記得熄自己廁所嘅燈...有口話人冇口話自己

我老豆未死前,我地就勁僧佢,但佢死左就回想反哩d可能係我地前世欠左佢,要還反比佢,所以e家冇再僧佢

我都唔想成日同佢嘈架, 我而家多數都唔理佢, 不過佢好煩, 成日1句說話repeat 幾十次, 係咁同我媽咪講, 成日批評人(新聞D人又講, 電視個D又講, 咩人都講, 成個維園阿伯咁), 佢有時仲用粗口又或者D好刻薄嘅說話, 我媽咪一叫佢唔好咁話人地/叫佢唔好再repeat, 佢就鬧我媽咪..所以我有時先忍唔住話佢...

我都知係我地前世欠佢架啦, 而且分分鐘仍仲長命過我...

私人傳訊