＋

婆媳關係

收藏本版
發帖
返回列表
跳至頁

首頁
1

尾頁
   0
kikigal


大宅

積分: 1697

好媽媽勳章


1#
發表於 09-4-10 00:23 |只看該作者
我07年底結婚至今, 同99關係一向沒兩句.
結婚前已經知道99'唔係人咁品'...嫁左入門後...
我呢個新抱一定跟到足, 什麼門面功夫真假說話都說盡了...有時見到適合o既禮物仲會買多份俾99...
最怕過年生日特別節日...吃飯本來高高興興就可以...但C6家習慣以cash做禮物....結果我呢個新抱一樣奉陪, C6同我各自一份現金禮物~

不過...呢個世界竟然係'正正得負'...我受盡冷言冷語.
每次收拾心情, 在晴朗的一天早上坐好遠車出去同6299飲茶...得來的是無盡的訓話和批評.
最怕聽到呢句:"你知唔知你而家好幸福架啦? 你一定好似我以前細個嫁人果陣咁, 十下十下, 乜都唔識, 什麼人情世故呢D野更加唔知係乜啦...我唔係要話你..."..."乜你咁得閑黎飲茶呀, 唔好勉強自己呀"...[太多佳句, 不能盡錄]

聽得十次八次, 大庭廣眾都照鬧...心也酸.... 我也有尊嚴的.

畢竟我是個朝9晚6的師奶, 放工仲要煮飯, 預備飯盒, 家裡大小事務.....仲想生BB...

我係好難忘記聽返來的說話...更何況是讓我傷心的說話.

我採取的方法, 就是少同99見面. 近來也沒有打電話給99.
希望呢個''少磨擦, 少argue''的方法, 對大家都好D...至少呢排我哭少左~最慘係我唔可以同老公投訴, 因為老公夾在中間...聽兩個女人的說話已經好慘.

如果要係幸福, 如果能夠同99融洽相處就perfect啦.
私人傳訊

060905


男爵府

積分: 6052


2#
發表於 09-4-10 01:04 |只看該作者
我都未過30, 我05年結婚, 06年生左個女, 原本今年6月為佢地生多個孫仔, 點知......

呢4年黎不斷為6299, 姑9, 姑仔嗌交..... 我老公因為佢地總共講過兩次離婚..... n次話分房訓...... 呢一刻我想離婚, 唔想再咁辛苦, 以為上次我好絕咁對佢, 見佢改變, 原來唔係......
私人傳訊

Anntang


大宅

積分: 1454


3#
發表於 09-4-10 01:07 |只看該作者
你太林善啦, 第日有BB仲有排你受, 同你C6攤牌啦, 話佢知你有幾難受, 你唔去見佢亞媽, 叫佢自己受返佢亞媽D刻薄說話, 呢D刻薄嘢, 真係聽得多都無仔生.


原帖由 kikigal 於 09-4-10 00:23 發表
我07年底結婚至今, 同99關係一向沒兩句.
結婚前已經知道99'唔係人咁品'...嫁左入門後...
我呢個新抱一定跟到足, 什麼門面功夫真假說話都說盡了...有時見到適合o既禮物仲會買多份俾99...
最怕過年生日特別節日...吃飯 ...
私人傳訊

elaine815


大宅

積分: 1390


4#
發表於 09-4-10 01:23 |只看該作者
我係剛剛2字開頭...細個D

D99係敢嫁...你對好佢又係唔收聲敢話你
你對佢好..佢就會諗你一定唔知係到想點搞佢
最好就係唔理佢唔彩佢..當佢透明

我隻99都係敢....得佢講冇人講

私人傳訊

卓言


大宅

積分: 4279


5#
發表於 09-4-10 01:24 |只看該作者
我係○４年結婚，生ＢＢ，嗰陳時同９９為改名嗌交！到我生完ＢＢ在医院，佢都冇探我，好彩我媽媽日日放工煮飯俾我食，我坐曰都在媽媽家，所以之後除咗做節，生日飯之外我都唔會同佢地食反，不過而家関係好好多了，因為Ｏ６年生完細女後，我同佢地見多左，９９６２都好 我兩個女，所以你亦都不需要太不開心，始終大家需要時間！
私人傳訊

kayingivy


伯爵府

積分: 18129

好媽媽勳章 醒目開學勳章


6#
發表於 09-4-10 01:24 |只看該作者
咪傻啦，自己唔係咁人，仲乜要迫自己去做自己唔願做
我同c6阿媽，同都無兩句，過時過節先見，平時一定唔會有電話來往，有乜事佢兩母子自己拆掂佢，出到黎，我只會顧住自己兩個仔，佢問我，答一句就算，c6唔鐘意都無法，傾唔埋就傾唔埋，我唔係公關，唔得罪佢阿媽or黑口黑面對住佢地咪得囉，總之相熟程度係︰一定連朋友都不如，好過街外陌生人dd

私人傳訊

HangPig


別墅

積分: 517


7#
發表於 09-4-10 01:39 |只看該作者
或許我c6知我性格,所以不會勉強我去些不喜歡的事,因此由拍拖到結婚這2x年時間都可以和99開心相處
私人傳訊

wings080905


別墅

積分: 519


8#
發表於 09-4-10 05:04 |只看該作者
我age27,上年9月結婚,同老公一齊4年,未結婚之前同99嘅関係都ok..係小見d,但見到時都冇咩野,都仲有傾有講....
但到講結婚時関係就改變...一陣又話咁,一陣又話咁.係邊區擺酒又講一大餐....又話人地d仔拍拖就多左半個女,我就連個仔都冇埋(因為老公一早就搬左出嚟同我住,但我隻佬仲有每月比家用,dayoff有搵佢飲茶之類...)
擺酒時又話要分兩圍主家席...好啦..就佢.....之後佢仲連我女家主家席點坐同坐咩人都講一餐....同我講叫我d兄弟姊妹唔好坐主家...好煩.好煩....
----------------------
令到我完全僧佢嘅係呢樣....(我都係擺完酒果晚先知,嬲都我爆....
話說果一晚我99已經不停咁要我同佢d親戚(串雲)每個人,每家人,仲要每套3咁影相,...(大佬呀!新人得一對,你都要留返d空位比我女家同我影)....
我呀媽等佢地影左一輪之後叫定d女家出嚟啦,點見我99聽到之後就自己口up up話(今晚我地係主,等我地影曬先啦....)
嘩...呢伴事我都係擺完酒收緊行李果時個(姊妹)講比我聽,我問佢點解唔一早講我知..我一早知佢咁講的話,真係叫佢(99)自己影飽佢...我個(姊妹)話驚我會即場爆....
--------------------
老公第二日問佢點解講埋d咁嘅野..99話係咩,我有講過咩?我唔係咁嘅意思...
------------------------------
就呢件事我就同佢冇咩野講...結婚到依家都係再見過佢3次..冇咩事我都唔係咁想見到佢,就連佢生日我都話我病左冇去到...因為我唔想做戲扮冇野...
私人傳訊

我愛Corina


瑪瑙宮

積分: 139604

2025勳章蛇年勳章 2024年龍年勳章 好媽媽勳章 醒目開學勳章 環保接龍勳章


9#
發表於 09-4-10 07:32 |只看該作者
我今年25,我奶奶好好ga...我冇做乜野門面功夫ga...佢好體諒我地既...唔洗我地比家用(3兄妹都唔洗),話大+2姑奶要供樓,我地要養女喎...
過時過節比1-2k佢都話多,叫我地唔好比錢佢...
佢唔洗我做家務,有時我媽咪過黎話我唔幫手做野,奶奶聽到就話,'後生女係咁ga啦,唔鍾意做呢d野ga'...

總之,奶奶真係好好,盡在不言中...
私人傳訊

KoyeBaby


子爵府

積分: 12904

醒目開學勳章 畀面勳章


10#
發表於 09-4-10 11:09 |只看該作者
我24,06年結婚,同6299+叔仔住咗2年幾,呢段時期係我人生過得最辛苦嘅日子...當初我真心想做個好新抱,但係一直俾人打沉,本來係想高高興興咁閒話家常,都可以俾人冷嘲熱諷!直到我大肚,都得唔到佢哋關心...餐餐都食唔飽!感冒都仲要俾人鬧!作小產都要做家務!臨作動前幾個鐘仲洗緊碗...呢d我都忍,從來唔會話同佢哋作對鬧交,但係到bb出世之後,佢哋無當過我係媽媽,只當我係保姆...餵奶換片沖涼就會叫我做,但係就唔俾我抱!見親我抱住一係就鬧我,一係就夾硬搶!!

直到有一次99話要自己帶bb出街,講真佢唔識餵奶唔識換片,仲要bb喺佢手上受傷過好多次,我實在唔放心就拒絕咗,佢當時已經口噏噏講咗好多嘢,不過我無理到~第二日c6出咗街得我,6299同叔仔食飯,叔仔未開飯就攞盒壽司出嚟食(佢不嬲都唔鍾意食99飯),bb扭計我就帶咗佢入房玩,99突然問我有壽司剩食唔食,咁我咪話好囉!點知出到去見到只有一碟魚喺62面前(餐餐有一碟魚係62嘅,我同c6都唔會掂),跟住99就話"無煮飯喎,你食剩低d壽司啦!唔夠就自己煮麵食!",我嗰刻真係呆咗,佢當我係咩呀?我真係完全唔想食,咁啱bb喊我就話照顧bb先,點知99就好惡咁喝我"唔好理佢啦!咪由佢喊囉!!",結果我唯有好委屈咁哽,99仲要喺我一路食,一路同叔仔(喺房)講"仲有幾舊呀!出嚟食埋佢啦!",我直情覺得自己係執荒者咁折墮!!

我好清楚99係趁c6唔喺度向我報復,呢次事件之後我就知道自己無可能當99係親人(當然仲有好多好多事發生),直到依家我都只能夠當佢係"一個識嘅人"...
私人傳訊

望月


男爵府

積分: 6751

好媽媽勳章 BK Milk勳章


11#
發表於 09-4-10 13:23 |只看該作者
見到你地咁,原來我6299都幾好喎!!我地05年結婚到而家個囡都成歲,呢咁多年黎我地都無比錢佢兩老(過年過節生日),因為佢地知道我地要交租,得我老公一個搵錢好辛苦,有時62都會扮下野話比錢個孫買野食,其實係比我地,咁多年我都無主動打電話問候下關心下佢地,只有佢地打比我,但我就係做唔到當佢兩老係我家人,因為我唔鐘意佢地屋企污穢,c6阿哥講野不知所謂,成日吩咐人做野,c6家姐生咗個仔(細過我囡),成日話我囡呢樣個樣,個囡我架,佢幾時瞓食幾多我最清楚唔使你係到嘈,c6最細既細佬,考完會考都成年幾,日日都係屋企打機,c6叫佢搵工,佢只係話有呀有打電話架,叫佢去招聘會,聽完就算,又唔會幫手做下家務,廢人一個!!
有時我都係到諗6299咁辛苦返工,不如我比囡囡99湊啦,我返工,99又唔收我錢,我返工有錢咪當比d錢佢買下野食囉,但一諗佢地屋企污穢,講說話唔清楚,又無人教囡囡讀書,最重要係佢地住得太遠,比佢地湊我就見唔到個囡.
私人傳訊

芝士腸


男爵府

積分: 6690


12#
發表於 09-4-10 14:02 |只看該作者
我就快24歲03年結婚，我奶奶未走果陣都對我好好，我老爺簡直加零一，因為我生兩胎都係老爺煲薑醋同煲野俾我補身，平時都係佢老公家煮飯我地食。
私人傳訊

arcaar


子爵府

積分: 14979

好媽媽勳章 醒目開學勳章


13#
發表於 09-4-10 14:11 |只看該作者
我22歲~07年結婚有一個仔仔...以前同奶奶住同一區..佢成日上我屋企..又比d說話你聽又黑面上黎淨係睇電視搞到我仔訓唔到晏教..見到我c6o係屋企態度又唔同晒~對我好有禮貌又成日笑電視都唔敢睇幫我做晒家務..咁既人都有?
而家佢搬左啦~見面少左..關係都好左....
私人傳訊

cc0202


男爵府

積分: 6160


14#
發表於 09-4-10 14:53 |只看該作者
原帖由 KoyeBaby 於 09-4-10 11:09 發表
我24,06年結婚,同6299+叔仔住咗2年幾,呢段時期係我人生過得最辛苦嘅日子...當初我真心想做個好新抱,但係一直俾人打沉,本來係想高高興興咁閒話家常,都可以俾人冷嘲熱諷!直到我大肚,都得唔到佢哋關心...餐餐都食唔飽! ...

嘩!你99真係衰到爆,比我就唔會食話之巨食到夠.
私人傳訊

Cat1218


大宅

積分: 1690


15#
發表於 09-4-10 14:56 |只看該作者
其實我都係30以下的新抱....我有99,大姑9,二姑9,62自己有另一頭家,所以都好少見面,因為老公唔鍾意佢.最好的是二姑9,我同99&大姑9住果陣俾佢地蝦到無地自容,雖然二姑9嫁左,但佢經常同我傾計,開解我,仲試過開家庭會幫我教訓99&大姑9,所以我好感激佢,而家我地一家三口搬左出來住,我地都有同二姑9去街,有傾計,有咩事佢都會同我分擔,我知道佢好錫我地一家三口,佢對我好即係對佢細佬好,佢唔想我地兩公婆好因為99佢地鬧離婚之類,佢真的超好......比任何一個人都更錫我
私人傳訊

KoyeBaby


子爵府

積分: 12904

醒目開學勳章 畀面勳章


16#
發表於 09-4-10 16:26 |只看該作者
原帖由 cc0202 於 09-4-10 14:53 發表

嘩!你99真係衰到爆,比我就唔會食話之巨食到夠.



我都唔想食架,我直頭委屈到想喊!但係因為62在場,佢雖然同bb玩時會好過份,我都唔多鍾意佢,但係佢唔會好似99咁煩咁陰濕,佢已經係喺我大肚時最留意我嗰個(係佢話俾99知我有咩唔食得,99竟然話唔識!),所以佢喺度我都會盡量遷就佢同99!
私人傳訊

MinnieLi


大宅

積分: 1558


17#
發表於 09-4-10 17:29 |只看該作者
我老爺奶奶都好好哦.我結左婚六年.唔一齋住.佢地好錫我.過去食飯.佢地就會買我中意食嘅海鮮,又買雪糕.e+同家姐老公婆一齋住左幾年了.大家都相處的好好.沒問題.我o岩o岩有左bb.奶奶就過來煲野我食.尋日我同d friend去左迪士尼玩.八點半返到屋企.發現奶奶專登來幫我"鄧"定雞湯,又幫我抹左地板.仲買左d野俾我添.真系好感動.覺得唔好意思.要佢老人家幫我做咁多野.即刻打電話多謝佢.
私人傳訊

kwan1981


伯爵府

積分: 15422

好媽媽勳章 醒目開學勳章


18#
發表於 09-4-10 18:23 |只看該作者
我就好好彩，62、99、姑奶都唔係難相處既人，唔會要求多多，我的性格係唔識討好人的人，又唔識得反抗，我見呢度有咁多麻煩99、姑9，所以我覺得自己真係好好彩
私人傳訊

celery_wwk


別墅

積分: 502


19#
發表於 09-4-11 07:07 |只看該作者
好坦白講...真係好睇人...我都建議樓主唔好為咗99所講的話而喊...因為睇來你已經盡咗力...但佢依舊的作風...佢過咗咁多年人...d性格都定晒....反而你同自己講...同佢食飯...過時過節等活動未當應酬...佢講什麼未...係咁意應下佢...因為唔係一齊住有好多野佢都無我地辦法...right?

開心d啦...因為當初係因為同你老公夾先結婚/...實在無謂為咗d無理取鬧的人而失去了同老公的關係...但你都可以同你老公分享下你的感受...你強調唔一定要你老公處理99的問題...有時只要老公明白或知道件事...其實對我地已經係支持...因為有時堅持要佢選擇其中一方去幫...亦好明白好難選擇...

d老人家有時好似小朋友咁....對唔同性格的小朋友...就要用唔同的方法與佢地相處...
私人傳訊

szecicici


大宅

積分: 2660


20#
發表於 09-4-11 08:52 |只看該作者
我都係３０以下的,舊年年底畢業後結婚.我老爺,奶奶,老公同姑仔都對我好好,結婚前同老爺,奶奶一次都未見過,佢地見過我張相,同姑仔就0係老公的MSN 傾過,就係咁變得好FD (我在外國讀書). 到番左HK,因為想結婚,所以雙方見面,係一次開心的會面. 之後,到結左婚, 老公一家都對我好好, 同奶奶&姑仔好多野都傾, 奶奶都成日同我講:雖然我唔係佢親生,但佢都會當我係親生女咁, 同埋佢唔想有任何婆媳問題搞到成家唔開心,最終搞到自己個仔做磨心, 家和萬事興. 我都好開心佢咁講, 我亦都希望同佢開心咁相處, 因為我唔想老公難做, 佢同奶奶感情好好. 加上奶奶好好客下,成日約我媽咪傾計,有時佢地會煲下電話粥,講下D 8婆野.
因為我堂嫂佢地唔係咁LIKE ME, 所以奶奶在中間時,都會幫我出下氣,話番佢地. 咁奶奶對我好,我自然就對番佢好. 因為我老公工作不定時,佢最早收9點半,最夜都11點幾,未結婚前,奶奶都會煮好宵夜等埋個仔番黎,跟住兩母子傾計. 結婚之後, 我唔想奶奶覺得,我搶左佢個仔,同改變佢地的相處時間,所以煮宵夜同等門E個任務都係留番比奶奶,一黎我要番早,2黎個人有D累,但有時會陪奶奶等下(放假),但有時平尸通常我會自己在房等,等佢地傾完,等老公番房同我傾,HAHA. 所以,奶奶都好開心佢同自己個仔D相處冇咩變.當然,老公放假就梗係留比我啦.
其實,我覺得自己都幾幸福, 同老公一家相處得唔錯,真係一家人咁. 不過,奶奶成日煮好多野比我地食,食唔曬就要我同姑仔包底, 有時真係飽到食唔倒,仲要係咁食.
樓上的太太講得冇錯, 人夾人緣,有D人完全唔講道理時,真係好難去溝通,即使你好想同老公/老婆一家搞好關係,但若任何一方出現霸權主義,係永遠冇得溝通,只會令件事更衰.
所以各位太太,有時同男家關係唔係咁好,都唔好勞氣, 要不是自己會唔開心, 會將D唔好野銘記在心.一笑置之比凡事上心,會活得開心D.各位太太,要比D心機,努力D,盡量令自己開心.
PS: TO 盈盈媽咪,
唔好因為同老公家人相處唔倒,而想離婚呀,好好咁同盈盈爸爸傾下,試下再傾下啦,,盈盈咁細同咁可愛,你都唔想佢在單親環境下長大的, 同埋為左果D人唔值得架!
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy