4)
到結婚，99話要大排延席，但我地無$，叫99借住先，一講到錢，完全當無事發生過，我地亦見慣不怪，我地按原定計劃旅行結婚，99屈左$5000話同長輩食飯，最後咩都無食，連同住的大伯和姑9都唔知我地結咗婚，
初一過年去太公到拜年，99亦以阿仔個女朋友，跟住初二、三，99都幫c6豆利是，儲齊再c6要唔要，c6話唔要，跟手立即袋落袋。
點解大伯和姑9唔知，因為3兄姊弟零交流，只有99作中間人，後來發覺是99專登做成，因為結婚第二年過年，在年廿幾99問c6要$3000過年用，但到初二又問c6要錢，藉口是買件衫都千幾拉！我好嬲，當住99及c6面前call大伯，問点解淨係問我地要錢過年，大伯話佢都比左$3000，姑9比左$2000，共$8000，99知道無錢攞，就聲大大話：唔比就算，咪咁多嘢講。
結左婚頭2年，我好努力去了解99一家關系，去修補3兄姊弟感情，因為當時我覺得佢地唔會好似99咁差，始終後生一輩，亦與太62有聯絡，但原來99極度唔喜歡我咁做，好似有1次同太62食飯，事後99知道左，仲鬧我地做咩野同太62食飯唔通知佢，仲指明以後見親太62，太公等各親朋都要99在場，但有99在場，根本同幾位老人家傾唔計，好多時講講下，99就用福建話搭傘，之後D老人家就耍下耍下我，最閉係c6唔識福建話，所以c6都唔知佢地講乜。
話事話由買樓到生仔，前後6年，99第5年左右才正式到我地屋企，果次`仲要係因為有班福建親戚 (99的老表)到香港，果到大伯去左台灣傾婚事，姑9例牌玩失蹤，99一直叫c6請班親戚食飯，99食親都要好野，扮上等，c6避得就避，拖得就拖，勢估唔都99拉大隊入來，到我地條村先call c6接佢地，來到就彈3彈，仲講句：華！得果300鬆尺，点住呀！華！華！個厨房細成咁架，都唔係人住，買過另一間。但佢自已前住個間咪仲細，我火到立即好大体還牙：边個唔想買大D呀！首期問政府借，連埋銀行，個個月供8千，仲要比3千零用你，供唔起大間D啦！算啦！將來就算生一個，一家三口夠住。
到大伯結婚，99無啦啦有話要2萬蚊，話欠租3個月，我地想同大伯、姑9確認，但始終揾唔到佢地，心諗知道99想屈錢姐！因為我講價講到萬5，唔夠1個月後，大伯回香港，唔記得因咩事，我地同佢搭MTR時，大伯舉起隻手話：你地睇下隻鑽石介子靚唔靚，媽子送咗架，佢比左萬5蚊我去揀，另一隻我老婆載緊。我嬲到立即拉住c6走，同c6講：你亞媽有無搞錯，我地結婚，佢扮傻，一毫子都無出、仲唔認我，都算！e + 問我地攞錢去買鑽石介子送比你大佬，你叫佢立即還錢，我地結婚就慳到帶7百幾蚊一對K金介子，你大老用我即錢買萬5蚊一對鑽石介子！c6知道自已老母唔啱，99亦唔會嘔返D錢出，c6為左令我降火，又走去買對3千幾蚊鑽石介子比我，点知仲加油，因為c6碌卡，卡數要我還，c6真係個個月清袋，佢比6千蚊我，比3千99，自已洗4-5千，應該有$淨，不過99週不時1千幾百咁問c6要錢，睇医生、去飲人情、白事白金，總之3千蚊零用即後平時吃喝玩樂，有咩額外要再比。
所以自從結婚後，若果要將支出平均分，c6只不過剛剛夠比自過個份，衫褲、鞋、食等未計。
懷孕
健康
煮意
遊樂
熱話
學校
管教
移民升學
理財
潮流
使用意見
故障報告
下載APP
關注我們
發表於 
<---我睇完想
返回列表
