吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 忍得好辛苦, 好想離婚, 好想死, 但我無用... ...

婆媳關係今日: 1|主題: 27784

收藏本版

發帖

返回列表

跳至頁

查看: 16728 | 回覆: 152

忍得好辛苦, 好想離婚, 好想死, 但我無用... [複製鏈接]

12 3 4 5...8

KiuShaBB

珍珠宮

積分: 31492

1^#

發表於 09-3-2 12:34 |只看該作者 |倒序瀏覽 |打印

我本來都唔想再講, 前晚c6又發神經, 我真係好辛苦, 好想開窗跳落去, 我真係好無用...

自從c6上次鬧過我, 以後唔准上去99屋企, 中秋同做冬都無再去. 但係新年時, c6反口要我去拜年, 仲話如果我唔帶對孖女(1歲半)同99拜年就要脅要同我離婚, 我唔想佢以為要脅我會有用, 所以我堅持唔去, 但係俾佢帶2個女去. 點知唔夠10分鐘, 佢地就返落嚟(我喺樓下等, 因之後要去附近拜年). 原來大b由離開我雙手開始狂喊, 直至再見我至收聲, 細b初頭都無喊, 後尾跟埋大b一齊喊. 點知c6咁都發我脾氣, 鬧我, 仲要第二日都仲喺街度一路行一路鬧:"都係你啦, 成日抱住2個女, 等佢地淨係掛住你, 要你抱, 連我同呀媽抱都唔得, 係你縱壞佢地呀, 攪到呀媽唔開心呀". 又係為咗你呀媽開心? 佢地要喊, 我都控制唔到架? 又唔係我要佢地喊? 我鍚自己2個女都唔得? 抱自己個女都唔得? 要佢地淨係鍚你老母? 又話要返去呀媽到瞓, 又話要唔理我... :-(

到年初三, 太99 80大壽, 我地全家都有去酒樓食飯, 一去到就叫人, "太99, 6299, 各位好, 新年快樂", 叫做交咗人交咗功課. 成晚都係得姑仔同我講野, 講吓2個b, 到差唔多9點, 2個b開始不耐煩, c6抱咗細b出去行一陣. 大姑9(佢一向同我唔妥, 當我透明, 我叫佢都唔會啋我)挾咗舊魚, 咀郁郁, 但我聽唔到佢講咩, 我以為佢挾俾c6, 咪攞起c6個碗接咗舊魚, 放番喺c6個位. 走時99行埋嚟撩吓大b, 大b擰轉頭, 99話"佢唔鐘意喎". 行去撩細b想摸細b塊面, 細b仲推開佢隻手, 99話"佢都唔鐘意喎", c6即刻好緊脹咁話"唔係, 細b無野架, 佢見大b喊, 至跟佢喊啫"(99鐘意細b多d). 跟住99好不滿咁走咗. 我都有主動放大b隻手喺62隻手到(62雙眼盲咗), 俾佢地接觸吓.

返到屋企都無事, 臨瞓前, c6無啦啦講咗句:"咁小器, 嬲一個月吖, 嬲一年吖, 呀唔係, 嬲一世啦". 原來佢話我唔食佢家姐挾果舊魚, 我唔啱, 我去到無指名叫埋佢家姐, 我唔啱, 仲話:"家姐都肯喺d親戚面前扮吓野, 挾舊魚俾你, 你都唔可以學吓佢, 扮吓野, 食咗佢咪可以同佢地好好相處囉?, 呀媽撩吓2個孫, 你都唔幫手, 攪到呀媽以為2個b唔鐘意佢, 呀媽又唔開心, 家姐又唔開心, 你都唔識做."

果一刻我真係好傷心, 我同佢講:"我已經盡量相就, 我點努力都唔夠你家姐一舊魚? 我都唔知佢係挾俾我. 我以前所做, 所講全部白費. 喺你心目中, 只有2個人, 就係你呀媽同家姐. 我心目中都係有2個人, 我以為, 我地2個人好好相處就夠, 我以為照顧好我地2個女就夠, 原來都唔夠你家姐一舊魚咁重要? 你呀媽同家姐對我唔好, 又要我忍. 2個女見到你呀媽喊, 又入我數, 你家姐識扮野, 既然你知, 都要我學? 就算我食咗呢舊魚, 我唔覺得你家姐以後會對我好, 佢一樣會喺你媽面前挑撥離間. 我一定做唔到你的要求, 我以為過咗去唔再講, 我地自己一家人開開心心就得, 原來唔得."c6話"唔得, 一定要同我d屋企人好好相處. 佢地無問題, 係你難相處, " 我:"既然我地對婚姻要求唔同, 我亦做唔到你要求, 你話同唔到佢地相處就離婚, 好, 咁離婚囉." 佢唔出聲. 我要佢親口講"離"定"唔離" 唔可以唔出聲. 到最後佢至話:"唔...啦"(即係唔離).

之後都好似無嘜事, 到上星期六, 佢又為咗佢d工作, 對我好差. 又係呼呼喝喝. 我好唔開心. 條氣亦唔順.

[ 本帖最後由 KiuShaBB 於 09-3-2 13:40 編輯 ]

0 0 0

私人傳訊

A.C.C.

大宅

積分: 3786

2^#

發表於 09-3-2 12:51 |只看該作者

唔好做傻事, 你跳咗落去, 就係你輸啦.
而且你死咗, 你兩個B點算? 到時一定係奶奶湊, 以你奶奶嘅為人, 你放心個女交俾佢?
依家唔係你做錯事, 點解要選擇最不利自己嘅決定? 你老公發癲發爛渣, 你忍到咪當佢透明, 忍唔到就反擊, 再唔係就帶埋兩個B走人, 睇下你老公仲會唔會咁大聲.....

私人傳訊

芝士腸

男爵府

積分: 6690

3^#

發表於 09-3-2 12:52 |只看該作者

成日睇到你咁真係唔開心，人地話寧教人打仔莫教人分妻，我覺得你c6一次又次咁傷害你，離婚你同兩個女一齊生活都會開心架，唔好再諗埋一邊啦？

私人傳訊

123!@#

伯爵府

積分: 16607

4^#

發表於 09-3-2 12:57 |只看該作者

唔好咁傻自己去自殺.
要堅強咁生活落去, 你越唔開心, 佢地就越快樂.
我好少叫人離婚的. 但若然真係相處唔到, 就放棄吧!!!
講真, 如果個c6係欣賞自己既, 我可以忍囉, 但你c6........

堅強呀!!!!!

私人傳訊

鈍豬925

男爵府

積分: 5959

5^#

發表於 09-3-2 12:58 |只看該作者

你嘗試下同孖女返外街住一排,大家冷靜下,亦等佢知道老婆既重要性,等佢以後唔敢咁對你

私人傳訊

060905

男爵府

積分: 6052

6^#

發表於 09-3-2 12:59 |只看該作者

都唔明點解d男人咁鐘意用「離婚」呢兩隻字黎要脅老婆同佢屋企人妥協！

我老公曾經都用個呢兩隻字黎迫我, 第一次我屈服, 點知愈黎愈過份, 到佢再講第二次時, 我真係帶埋個女走, 佢先知死, 先死死氣黎氹番我, 咁當然我都有做下戲, 係佢屋企人面前扮無野, 面就俾足佢, 遇到不平等對待, 我老公都會幫我, 唔會再幫佢屋企人, 唔駛我麻木咁遷就佢一家！

千祈唔好咁傻去死, 你死左咪益左你99囉, 我記得我老公同我講離婚時, 我從來都無諗過死, 因為我唔可以俾佢地掂我個女, 所以我個時係即刻搵法援, 點樣爭到個女既撫養權(雖然我個時知我贏面好大, 我個女婆婆湊, 我學歷又高過我老公)。

俾個時間大家冷靜下, 佢會發覺無左老婆唔得呢, 哈哈哈！
加油！

[ 本帖最後由 060905 於 09-3-2 13:03 編輯 ]

私人傳訊

KiuShaBB

珍珠宮

積分: 31492

7^#

發表於 09-3-2 13:32 |只看該作者

c6唔識電腦, 佢有d貨單會email去我度, 我幫佢印出嚟. 上星期六佢又有單到, 但公司好忙, 我唔可以即刻印出嚟, 遲d先印, 佢就開始悔氣, 又係呼呼喝喝咁同我講野.

直到夜晚, 我問佢有咩得罪佢, 成日咁對我. c6話:"你都做唔到我要求, 又要我對你好?" 我話:"我公司好忙, 唔通要我對人講, 唔做野住, 因為我要印私人野俾老公咩? "

佢話:"咁我唔駛做咩? 唔止呢d, 你都令唔到我開心, 又唔同我屋企人好好相處."

我話:"咁我都要做野架, 公司嚟架. 我有盡力架, 係你呀媽唔鐘意我咋, 第一次見我已經話唔鐘意個仔娶廣東人, 我做嘜都唔鐘意, 話我唔啱, 點解你唔聽你呀媽話, 娶個福建妹咪大家開心囉, 唔駛喺度拆磨我. 你家姐大晒, 睇我唔起, 叫都唔啋, 唔關我事啫. 我地大家都唔想見對方, 咪唔見囉, 點解要逼我? 我已經盡量就你, 你講咩都唔出聲, 你要我做野, 唔係即刻做就鬧我? 你都對我唔好啦, 我又應該點對你呀? "

佢話:"同我屋企人相處唔到, 對我好都無用, 就算佢地對你唔好, 你都要去見佢地, 佢地講咩, 唔出聲咪得囉. 你有責任去令佢地開心."

我:"吓, 有咩責任呀? 佢地對我好就話啫, 你呀媽又無養大我. 你對我好, 我都話扮吓野啫, 你又對我唔好, 又係你話我以後唔好上去. 你呀媽病咗, 你自己都唔去探佢, 我都提你打話問候佢老人家, 你自己都做唔到, 但係要我做?"

佢竟然話:"嫁咗我就要對佢地好, 我對你唔好, 你都要對佢地好, 我唔做, 你都要做. 我要你點做, 你就點做. 佢地對你唔好, 你都唔識做, 氹番佢地, 係你唔啱. 你要令我開心, 我至會對你好, 唔係, 我不如叫雞?" 我真係咁賤? 不如叫雞?

我即時叫佢執野走, 連起碼既尊重都無. 我叫佢以後唔好返來, 以後唔准再見2個女, c6話:"我點解唔可以見佢地, 佢地係我既女". 我話:"無理由我同我屋企人湊到佢地肥肥白白, 你就得閒返嚟玩吓. 無理由咁著數, 最多等個官判." 咁佢又話為咗2個女唔走.

我好無用, 為咗2個女, 無趕佢走. 我真係好想開窗跳落去. 但我無勇氣, 我好鍚我對女, 佢地都好鍚我, 上次為咗舊魚同c6嘈, 佢地都有抱住我對腳, 拍番我, 好似安慰我咁.

我唔係為咗話咁就係完整家庭, 我都知成日喺對女面前嘈, 其實對佢地仲唔好, 但我好怕, 好驚以後唔知會點, 好想對女多個人鍚, 唔想我屋企人咁辛苦(我返工已經係我媽嚟幫手湊, 同睇住個工人直至我地放工), 唔想夜晚大家咁辛苦. 唔知點萛.

[ 本帖最後由 KiuShaBB 於 09-3-2 14:06 編輯 ]

私人傳訊

芝士腸

男爵府

積分: 6690

8^#

發表於 09-3-2 13:38 |只看該作者

要死果個係你c6，而家睇你打既野出黎真係好想殺左佢，你個直情唔係男人黎架唔死都冇用，講真你唔離婚你自己一路唔開心，呢d咁既男人唔要都擺。

私人傳訊

boey

男爵府

積分: 8888

9^#

發表於 09-3-2 13:46 |只看該作者

原帖由 KiuShaBB 於 09-3-2 13:32 發表
c6唔識電腦, 佢有d貨單會email去我度, 我幫佢印出嚟. 上星期六佢又有單到, 但公司好忙, 我唔可以即刻印出嚟, 遲d先印, 佢就開始悔氣, 又係呼呼喝喝咁同我講野.

直到夜晚, 我問佢有咩得罪佢, 成日咁對我. c6話:"你 ...

點解要咁委屈自己呀

而家咩年代,做女人做得有尊嚴d啦

佢真係為左兩個女就唔會成日為佢屋企人去同你嘈去迫你啦

呢d男人唔要都唔使恨,叫佢返佢亞媽到同佢亞媽家姐過人世啦

睇到你咁委屈真係鄧你心痛

老婆娶番黎係要黎鍚嫁,唔係娶番黎氹佢屋企人開心

[ 本帖最後由 boey 於 09-3-2 13:47 編輯 ]

私人傳訊

KoyeBaby

子爵府

積分: 12904

醒目開學勳章畀面勳章

10^#

發表於 09-3-2 13:50 |只看該作者

原帖由 KiuShaBB 於 09-3-2 13:32 發表
c6唔識電腦, 佢有d貨單會email去我度, 我幫佢印出嚟. 上星期六佢又有單到, 但公司好忙, 我唔可以即刻印出嚟, 遲d先印, 佢就開始悔氣, 又係呼呼喝喝咁同我講野.

直到夜晚, 我問佢有咩得罪佢, 成日咁對我. c6話:"你 ...

你c6咁講嘢架,過份!!就算係火遮眼都唔應該咁樣話個老婆!!講真~依家主要係你同你家人照顧對小朋友,如果真係相處得咁唔愉快,不如帶埋對女行開下!唔一定要去到離婚呢步,但係當大家有空間冷靜下,諗清楚以後應該點相處,如果唔係日日家嘈屋閉盞嚇親d細嘅!歲半已經識好多嘢,我個女都係差唔多大,一見到我同c6鬧交就喊,所以對佢哋唔多唔少都有影響架!

我諗你c6都唔係真係想同你離婚,但係佢唔識得同你互相遷就囉(大男人一個)!如果佢唔肯去改變下,你哋好難再一齊生活...

私人傳訊

060905

男爵府

積分: 6052

11^#

發表於 09-3-2 13:51 |只看該作者

雖然中國人有句說話, 寧教人打仔莫教人分妻, 但你個果咁既老公, 唔死都無用！我係你一定離左婚, 唔駛自己同對女咁辛苦！

我睇你d post咁耐, 完全唔覺得你老公好鍚對孖女喎?????!!!!! 一個好爸爸先要對個老婆好, 對老婆都唔好一定唔會係一個好爸爸。

咩你認為咁樣勉強有個家, 就會俾到對孖女幸福?????? 佢兩姊妹成日見到你地嘈, 媽咪又唔開心, 佢地會開心咩????

有d事唔一定要一刀切, 分下居冷靜下, 睇下你c6會唔會覺得自己有問題, 如果佢都肯改咪俾個機會佢羅, 如果佢唔肯改, 呢d男人唔要都唔駛喊！

加油呀, 你個女你全職一定攞得番, 小朋友年紀愈細多數都會判俾媽咪架, 除非媽咪精神有問題, 或者吸毒架先唔判俾媽咪架咋！

原帖由 KiuShaBB 於 09-3-2 13:32 發表
c6唔識電腦, 佢有d貨單會email去我度, 我幫佢印出嚟. 上星期六佢又有單到, 但公司好忙, 我唔可以即刻印出嚟, 遲d先印, 佢就開始悔氣, 又係呼呼喝喝咁同我講野.

直到夜晚, 我問佢有咩得罪佢, 成日咁對我. c6話:"你 ...

[ 本帖最後由 060905 於 09-3-2 13:52 編輯 ]

私人傳訊

Ashley0605

別墅

積分: 516

12^#

發表於 09-3-2 13:51 |只看該作者

佢有冇尊重過你呀? 咁無尊嚴嘅日子點過

私人傳訊

maelouise

禁止訪問

積分: 328

13^#

發表於 09-3-2 13:52 |只看該作者

提示: 作者被禁止或刪除內容自動屏蔽

私人傳訊

123!@#

伯爵府

積分: 16607

14^#

發表於 09-3-2 13:52 |只看該作者

嘩, 我好少睇呢版睇到想拎刀殺人, 你c6係第1個呀.

咩責任要令佢老母開心呀? 你生我定養我呀?
都痴 "能"線.

[你要令我開心, 我至會對你好, 唔係, 我不如叫雞?" ]
咩人黎架, 咁鍾意叫, 叫飽佢囉.

樓主, 你係第1個俾我叫離婚既人, 唔駛驚喎, 1定有出路架.好過成日唔開心, 囡囡見到都會有陰影啦.

私人傳訊

CLK-MB

伯爵府

積分: 16090

15^#

發表於 09-3-2 14:00 |只看該作者

千祈唔好做傻事呀..你仲有對女要照顧架. 你地有無同其他人傾過呢個問題? 當然唔係男家果邊d人喇..有無朋友咁可以幫下手..又或者去下d 婚姻輔導咁...
雖然照睇你老公應該都比阿奶奶同姑奶洗左腦..做咩都無效. 但起碼去試過先喇..真係唔work 既..咁大家都無謂勉強.
依家間屋係邊個名架?? 你次次叫佢走, 佢都唔走...

私人傳訊

KCKmom

伯爵府

積分: 15151

hashtag影視迷勳章醒目開學勳章畀面勳章環保接龍勳章親子達人勳章

16^#

發表於 09-3-2 14:00 |只看該作者

原帖由 KiuShaBB 於 09-3-2 13:32 發表
c6唔識電腦, 佢有d貨單會email去我度, 我幫佢印出嚟. 上星期六佢又有單到, 但公司好忙, 我唔可以即刻印出嚟, 遲d先印, 佢就開始悔氣, 又係呼呼喝喝咁同我講野.

直到夜晚, 我問佢有咩得罪佢, 成日咁對我. c6話:"你 ...

睇你個 post 真係睇到我又嬲又眼濕濕
點解有 d 咁蠻不講理/橫 baan baan 既大男人
咩都以佢屋企人行先
佢當你係咩呀? 小丑呀?
要氹佢屋企嗰 2 隻嘢!
不如叫佢搬返去佢亞媽度等佢自己氹飽佢啦
再同埋佢地過人世

同埋你千奇唔好比佢鬧慣
要反擊呀!
如果唔係佢以為你真係好好蝦

其實你 2 個女女都知道爸爸對媽咪唔好
唔好再令佢地弱小心靈受傷害

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

17^#

發表於 09-3-2 14:15 |只看該作者

次次睇你d post,我睇一次嬲過一次!
真係好想一腳伸你c6落街!!!跳落街嗰個應該係佢而唔係你!!
佢心目中只有佢老母同家姐,唔好話你,連對女佢都唔多錫,企硬d離婚把啦!

私人傳訊

siufai

民房

積分: 56

18^#

發表於 09-3-2 14:17 |只看該作者

好明顯你老公己講出心中所想一個太太有的條件，你接不接受到呢,佢可能tum 番你幾天week又會復發。正常人都會煩死la..更何況你要看住兩個bb。現在小朋友細.ok...佢為左小朋友會下氣求下你..拖下。到小朋友大，除了工作，二人仲要有感情才能走下去。再下去，什麼情都蝕光la。到佢找到第二個對佢好人，你仲慘。所以你們垷在是要為來的自己打算,不要以小朋友做藉口，乜都忍..應該大家的將來著想，分開下去家住..想清楚。

私人傳訊

小泳

大宅

積分: 1118

19^#

發表於 09-3-2 14:24 |只看該作者

咁既 c6, 吾死都無用, 係佢死, 吾係你死呀,

對囡囡好需要你~

原帖由 KiuShaBB 於 09-3-2 13:32 發表
c6唔識電腦, 佢有d貨單會email去我度, 我幫佢印出嚟. 上星期六佢又有單到, 但公司好忙, 我唔可以即刻印出嚟, 遲d先印, 佢就開始悔氣, 又係呼呼喝喝咁同我講野.

直到夜晚, 我問佢有咩得罪佢, 成日咁對我. c6話:"你 ...

佢竟然話:"嫁咗我就要對佢地好, 我對你唔好, 你都要對佢地好, 我唔做, 你都要做. 我要你點做, 你就點做. 佢地對你唔好, 你都唔識做, 氹番佢地, 係你唔啱. 你要令我開心, 我至會對你好, 唔係, 我不如叫雞?" 我真係咁賤? 不如叫雞? ................