＋
Baby Kingdom - 親子王國 香港 討論區 › 首頁 › 婆媳關係› 其實我介意

婆媳關係

收藏本版
發帖
返回列表
跳至頁
其實我介意 [複製鏈接]

首頁
12

尾頁
   0
kchy


複式洋房

積分: 418


1#
發表於 09-2-19 07:15 |只看該作者
其實好想同你兩老講, 對於你地所做既野, 我真係好介意..
我介意:
囡囡一出世時, 就係因為佢係你地第一個孫, 所以你地就想成日擁有佢, 湊住佢, 咁有無諗過我?? 佢都係我第一個女, 亦係我係度唯一既親人(唔計老公), 我知你地想我好, 但係咪都要諗下我既感受呢?
囡囡食人奶, 醫生講明唔使飲水, 飲奶就OK, 就成日叫我俾水佢飲, 已經同你地講左好多次, 人奶就已經夠, 你地都仲係煩我, 你知唔知道真係好煩??
囡囡未夠1歲, 就已經俾橙佢食, 攪到佢咳到病, 完全無唔好意思, 同你地講過有D野係唔可以俾佢咁快食, 你地就答我一句, 三個我都係咁湊啦, 咁我仲有咩好講~
都已經一齊住架啦, 每次同囡囡出街, 都好似必定要帶埋你去咁, 俾返D空間我地好唔好?? 仲要同你個仔投訴, 攪到我又說話聽.. 而家同個女出街就好似走私咁~
到而家有左第二個BB喇, 又係我面前同個女講, 唔好再媽咪抱.. 你顧下自己仲好啦.. 明知唔夠力抱個孫, 就唔好抱啦.. 我就係唔想俾個女覺得, 媽咪有左BB, 就唔可以抱佢, 唔可以同佢玩.. 你就偏偏係佢面前講..
最介意既就係, 你地教我個女, [你係DADDY生既..], 好老實講句, 我唔知大家點睇呢句說話, 講者無心, 聽者有意.. 你地係咪應該教佢, [你係DADDY MAMMY生既], 而唔係淨係DADDY呢? 學緊講野既小朋友對第一句教佢既說話係最入腦, 你教佢呢D說話, 有無諗過佢媽咪既感受? 真係好想講句, 一D都唔好笑..
有時候知道, 係, 佢地唔係對我差, 但我只不過覺得, 已經一齊住左4年喇, 第二個BB都有埋, 係咪應該自動自覺, 俾個仔一家有自己既生活, 有自己既屋企呢? 係, 你地想同個仔住.. 但都已經4年啦.. 我係呢邊無人無物, 唔開心都唔知可以同邊個講, 有時候, 你知唔知道, 我真係好想有自己既家.. 同你地住, 壓力好大, 好似所有野都要同你地交代咁, 我真係好討厭呢種感覺..
到最後, 老公, 我知道你好難開口, 同佢地講搬出去好似好不孝咁, 但你都要為我同兩個寶貝諗下, 要有返自己既空間.. 希望有朝一日, 你會明白我既感受..

講完.. 希望自己會快D無咁唔開心..
私人傳訊

小小太陽


大宅

積分: 2301


2#
發表於 09-2-19 09:10 |只看該作者
好可憐.......

你可唔可以同老公反映下呢d 問題呀?
私人傳訊

八婆仔@


水晶宮

積分: 53079

最關心BB問題熱投勳章 環保接龍勳章 大廚勳章 BK Milk勳章


3#
發表於 09-2-19 09:18 |只看該作者
睇完後,只有一個感覺~好委屈呀!~
樓主,不如你 send 番呢番說話,by e-mail或者 by letter也好,比你老公知道喇!
支持你呀!
私人傳訊

123!@#


伯爵府

積分: 16607


4#
發表於 09-2-19 09:41 |只看該作者
在你老公而言, 住左4年都ok呀, 點解要搬呢?
但男人真係唔想理, 唔想煩, 問題1拖再1拖, 亦都唔會諗做老婆既感受, 只係想個老婆忍得就忍.
好老實, 你以上既問題其實只係因為你唔喜歡佢地, 所以你可以睇到天咁大. 亦都只係個句, 相見好同住難.
支持你同老公好好傾下自己應該有頭家. 做得2公婆, 應該要多d溝通, 切勿大吵大鬧.

私人傳訊

anita0725


大宅

積分: 1250


5#
發表於 09-2-19 09:54 |只看該作者
唔好唔開心啦!! Send 個e-mail 比老公仔, 等佢知道你個心意同感受啦!!
你99同個女講-你係daddy生
-你同個女傾吓計, 話佢知你大肚, 會生bb, 而你都係媽咪懷胎10月生出嚟播, 如果囡囡答你-嫲嫲話我係daddy生, 你可以話-男人&女人嘅構做, 係女人會大肚生仔, 而你係daddy&mummy嘅寶貝...爸爸都係嫲嫲生ga, 唔係爺爺生ga, 再輕描淡寫咁同6299&C6講-第時佢話比人知佢係爸爸生, 比人笑佢時, 你爸爸點識生bb呢? 佢點大肚呢? 咁佢以後就唔信你地講嘅嘢啦.
食嘢方面-你要話比佢知, 而家d食物嘅成份同以前唔同咗, 病都多咁多啦. 有d嘢唔可以比細路食住, 如果佢地食咗之後唔舒服, 病咗, 咁以後你請佢食佢最鍾意嘅嘢, 如果你地想食咪買囉, 仲有食物敏感呀, 我朋友個仔係花生敏感 !!
你仲陀住個細b, 個人要開心d 呀!!
私人傳訊

hinhofion


大宅

積分: 4120


6#
發表於 09-2-19 10:19 |只看該作者
原帖由 kchy 於 09-2-19 07:15 發表
其實好想同你兩老講, 對於你地所做既野, 我真係好介意..
我介意:
囡囡一出世時, 就係因為佢係你地第一個孫, 所以你地就想成日擁有佢, 湊住佢, 咁有無諗過我?? 佢都係我第一個女, 亦係我係度唯一既親人(唔計老公), 我 ...


我好明白你心情,雖然我唔係同隻99住,但佢真係好煩,次次飲完荼我地自己想行街,佢例必跟埋黎或者自己話晒事要去邊,我地就好似跟班咁跟住佢行,同c6反應過,c6知我唔鍾意,佢求我當幫下佢忙,做下戲,我見c6咁求我,我先至免為其難咁,跟住隻臭99街一陣街 ,仲有,我細女未出世前,成日同我大仔講:媽媽生左呀妹唔錫你ga la,真係好銀想打爆佢個咀,初初攪到我呀仔信以為真,成日問我會唔會唔錫佢,仲眼濕濕咁問,攪到我心都痛埋 ,好彩,時間証明左比呀仔睇,媽媽一樣咁錫佢,佢e+不知幾錫呀妹,仲幫我手睇住妹妹tim
隻死人99成日想霸佔我對仔女,佢唔係咁黑心ga話,我都會比對仔女同佢見多少少面,不過e+唔洗旨意,一個月只可見一次,未夠一個月都唔洗見
私人傳訊

naviegirl


男爵府

積分: 7509


7#
發表於 09-2-19 13:52 |只看該作者
原帖由 hinhofion 於 09-2-19 10:19 發表



... 我都會比對仔女同佢見多少少面,不過e+唔洗旨意,一個月只可見一次,未夠一個月都唔洗見


你好勁, but how? 請指點.
私人傳訊

TobyChung


大宅

積分: 4057

畀面勳章


8#
發表於 09-2-19 13:54 |只看該作者
原帖由 kchy 於 09-2-19 07:15 發表
其實好想同你兩老講, 對於你地所做既野, 我真係好介意..
我介意:
囡囡一出世時, 就係因為佢係你地第一個孫, 所以你地就想成日擁有佢, 湊住佢, 咁有無諗過我?? 佢都係我第一個女, 亦係我係度唯一既親人(唔計老公), 我 ...


KAREN, 恭喜妳有咗第二胎呀~~ 有咩唔開心忘記佢啦, 而家最緊要係妳同肚裡面個BB呀~~ 如果再唔得嘅咪上黎呻下LOR, 我相信呢度有好多媽咪會SUPPORT妳GAR~~ RENEE而家幾多歲呀??^^
私人傳訊

060905


男爵府

積分: 6052


9#
發表於 09-2-19 13:56 |只看該作者
哈哈哈, 我都想知, 講真一個星期見佢地一次, 我都覺得好難頂, 如果可以一個月見一次, 我相信我唔洗受咁多委屈！
原帖由 naviegirl 於 09-2-19 13:52 發表


你好勁, but how? 請指點.
私人傳訊

060905


男爵府

積分: 6052


10#
發表於 09-2-19 13:58 |只看該作者
樓主, 你既遭遇十分同情, 你好好地同老公講下啦, 不過一定要心平氣和, 如果太激動反而會令老公覺得你計較, 知麻！
私人傳訊

hinhofion


大宅

積分: 4120


11#
發表於 09-2-19 14:33 |只看該作者
原帖由 naviegirl 於 09-2-19 13:52 發表


你好勁, but how? 請指點.


e+逢飲完荼見完面,我會係月曆到寫低佢,未夠期就唔去飲茶,c6開頭有d微言,後黎都習慣左我咁做,因為我係唔迫得ga人,佢越迫我見99,我越係忟,而且我有時都好識做,間中比d甜頭比c6,個排心情好ga話會,會比99見多次,咁我識做時,c6都唔敢太過強迫我見99
私人傳訊

hinhofion


大宅

積分: 4120


12#
發表於 09-2-19 14:53 |只看該作者
原帖由 060905 於 09-2-19 13:56 發表
哈哈哈, 我都想知, 講真一個星期見佢地一次, 我都覺得好難頂, 如果可以一個月見一次, 我相信我唔洗受咁多委屈！


受左好多99 ga迫害,我先有今日咁硬淨咋 ,以前比佢蝦到死呀,又唔識反抗,又比c6食住,後尾又有埋抑鬱tim,都幾大劑 ,同c6撐左3年,佢先明白到唔可以勉強我見99,所以到最後同佢協議,一個月先見一次,見少左,我就好返好多la,c6都明白我係唔迫得,所以就由個時開始到現在,都係去完飲荼後,寫低日期,到期先再約隻99 ,咁有時我心情好ga話,會比d甜頭比c6 ga,見多一次面咁大把lor,c6都好開心ga la
私人傳訊

wendyaupooh


伯爵府

積分: 17923

馬年勳章 2026勳章 父親節2025勳章 母親節2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章


13#
發表於 09-2-19 14:58 |只看該作者
樓主...我同你經歷緊同一樣既野....唔同既係你已經過左...我e+仍然受緊...
我呀b差唔多半歲la...我隻99仍然要佢"痴"晒佢...
e+我斷埋腳佢重上晒位添...我岩岩先同呀女關係好返d..佢唔抵得又唔比我同個女玩la....
私人傳訊

maelouise


禁止訪問

積分: 328


14#
發表於 09-2-19 15:07 |只看該作者
提示: 作者被禁止或刪除 內容自動屏蔽
私人傳訊

肥肥地


大宅

積分: 1309


15#
發表於 09-2-19 16:23 |只看該作者

回覆 # 的文章

我未有細路....都同62住...勁想死......完全沒有手尾......污穢不堪........
私人傳訊

maelouise


禁止訪問

積分: 328


16#
發表於 09-2-19 16:51 |只看該作者
提示: 作者被禁止或刪除 內容自動屏蔽
私人傳訊

doggle


大宅

積分: 1650


17#
發表於 09-2-19 17:07 |只看該作者
男人系咁ga,
尤其系老人家tim~~~
私人傳訊

Cat1218


大宅

積分: 1690


18#
發表於 09-2-19 18:43 |只看該作者
原帖由 kchy 於 09-2-19 07:15 發表
其實好想同你兩老講, 對於你地所做既野, 我真係好介意..
我介意:
囡囡一出世時, 就係因為佢係你地第一個孫, 所以你地就想成日擁有佢, 湊住佢, 咁有無諗過我?? 佢都係我第一個女, 亦係我係度唯一既親人(唔計老公), 我 ...

好明白樓主感受,我以前都擺脫唔到佢地,去親街都要跟住我地一家人,都唔緊要,但次次都嚮街度搞到我地一家人唔開心,99成日黑面,真的好討厭,老公放一日holiday,當然要開心relax下,次次都比佢地破壞曬d氣氛.我同bb都係唔可以單獨出街,好似禁固我咁,超辛苦.
我唔識點安慰你,因為我知道好辛苦,希望你老公快d同你搬開住,始終一山不能藏二虎.
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


19#
發表於 09-2-19 18:48 |只看該作者
你真係好委屈....可唔可以好好同老公傾下?
私人傳訊

kchy


複式洋房

積分: 418


20#
發表於 09-2-20 09:27 |只看該作者
其實有時候, 我知道佢地係錫個孫, 亦都對我好, 只不過, 有時佢地既好, 會令我有種無形既壓力, 呢種壓力, 就算係唔出聲, 只係見面, 都已經夠.. 更何況係日日都見住呢?!
我都曾經想同老公講清楚一切, 但最後到講既時候, 都失去左呢份勇氣, 而每當老公提出類似既問題既時候, 原本有好多野想同佢解釋既, 到最後, 都只會變左一個聽佢講野既人, 亦都係因為咁, 佢覺得我唔出聲, 而令佢覺得無奈~ 因為每次都只係聽佢父母講, 而我又無作出任何回應, 然後, 佢又覺得, 我係佢父母面前, 毫無笑容, 所以佢覺得問題在於我身上.. 其實, 好多時候, 真係相對無言.. 講真, 對住佢地, 講乜者~ 真係無野好講架喎~ 我真係唔明, 老公覺得, 我應該同佢父母傾下計, 咁掉返轉黎, 佢都無同我父母傾計.. 唉.. 總之問題愈黎愈多, 到第時細B出世既時候, 問題只會愈黎愈多.. 唔係我唔想傾, 而係, 我唔知應該由邊度可以傾.. 可能我真係唔知點去同老公表達我既感受.. >__<"

TobyChung,
Renee下個月2歲半喇~~ ^^"
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy