婆媳關係 今日: 0 | 主題: 27783

積分: 11716

1^#

發表於 08-12-29 13:29 |只看該作者 |倒序瀏覽 |打印

各位媽媽，我同男朋友打算結婚，但佢呀媽由我地拍拖開始一路反對我地，用盡好多傷害我地既手法同行為，連佢個仔都唔中意，佢依家越來越過份，２年以來，佢做的事包括

１．因為我揾錢多過佢個仔，咁佢就要我地分手，佢個仔表示唔肯，佢就發火話個仔食軟飯
２．打去比佢個仔ｄ朋友，唱佢，話佢食軟飯，叫佢ｄ朋友勸佢同我分手
３．我同佢個仔曾經嗌交分手，之後一齊返，佢話我有前科，到中年個陣會唔要佢個仔，叫佢個仔分手
４．佢話我自小冇左老豆（父母離婚），性格怪難同人相處，有問題（係當面同我講）我呢ｄ咁有問題既人佢屋企接受唔到咁話
５．話我唔識ｃｏｏｋ，唔識照顧佢個仔
６．話我自閉，唔識對佢地好，唔識大方得体
７．話我地成日出街食飯晒錢，話我霸住佢個仔，唔比佢個仔返去食飯
８．打比我媽咪，話我纏住佢個仔唔放．

等等不能盡錄．其實為左佢，我地已經嗌過好多次交，我真係好唔開心，佢不嬲係有躁狂症，講野成日大大聲，郁ｄ就郁手郁腳，拍門拍枱咁，總之係要人聽佢支笛．我男朋友自小比佢咁樣高壓都好反感，但一唔聽佢講佢就會發癲，聽我男友講，佢曾經試過比佢老公話佢打麻雀而拎菜刀玩自殘．上次佢竟然迫佢個仔同我分開，否則話要跳樓．

點都好，最後我地一齊返，佢個仔都冇再聽佢講，佢都冇乎仲生勾勾，不過唔代表佢收聲，佢仲周不五時撞門入房，要個仔迫我做呢樣個樣，否則就要分手．其實我好反感，不過我一直忍冇回口過一句．點解要我學ｃｏｏｋ？我唔認為我既私人生活佢可以干涉，佢淨係講一句，我係長輩你就要聽，我真係頂到上心口，好惡頂，我亦明白我男友好辛苦夾係中間，佢明白我冇錯佢又唔係要個老婆為煮飯，但佢又係唔激得個類人，佢媽一嘈，佢地就吵到好大鑊．佢成日揾借口想我上去食飯，其實想當面同我攤牌，想揾個機會嘈我（我男友話），但我根本不想見佢，我唔會忍到口唔出聲．

0 0 0

私人傳訊

女王大人

積分: 2657

2^#

發表於 08-12-29 14:00 |只看該作者

原文章由 mimi26 於 08-12-29 13:29 發表
各位媽媽，我同男朋友打算結婚，但佢呀媽由我地拍拖開始一路反對我地，用盡好多傷害我地既手法同行為，連佢個仔都唔中意，佢依家越來越過份，２年以來，佢做的事包括

１．因為我揾錢多過佢個仔，咁佢就要我地分手，佢個仔表示唔肯，佢就發火話 ...

咁既準99超難頂
你媽媽有咩意見?
講真話, 依家呢刻你男友對你幾好都唔及你媽媽對你咁好, 咁為你著想(我覺得媽媽真係好錫女架)
如果結左婚, 你99日日都以死相迫.....你會好辛苦囉
仲有...你地結婚都3人行?
唔駛搵鐵板神算, 都算得出冇幸福啦.
(可能偏激左少少)

私人傳訊

Anntang

積分: 1454

3^#

發表於 08-12-29 14:14 |只看該作者

佢有精神病?

聽你講你99好似有d精神病, 如果你要同佢個仔結婚, 有以下建議:

1.千祈唔好俾佢知你外家住邊. 有bk媽咪話佢個痴線99走去跟蹤親家, 嚇死人! 佢分分鐘走上門罵你父母唔識教女, 電話可以唔接, 但唔通搬屋避佢咩?!
2.死人都唔好住咁近, 仲千祈唔好俾鎖匙.呢點都唔洗多講.
3.一定要男女家分開擺酒, 到時你99擺酒發顛最多失禮佢d親戚.自己女家擺酒一定要開開心心.

祝你好運!

原文章由 mimi26 於 08-12-29 13:29 發表
各位媽媽，我同男朋友打算結婚，但佢呀媽由我地拍拖開始一路反對我地，用盡好多傷害我地既手法同行為，連佢個仔都唔中意，佢依家越來越過份，２年以來，佢做的事包括

１．因為我揾錢多過佢個仔，咁佢就要我地分手，佢個仔表示唔肯，佢就發火話 ...

私人傳訊

123!@#

伯爵府

積分: 16607

4^#

發表於 08-12-29 14:15 |只看該作者

男友有無其他兄弟姊妹, 可以幫下你口呢?
有無試過叫你男友帶佢睇e生.

私人傳訊

OneOneMa

積分: 1038

5^#

發表於 08-12-29 14:19 |只看該作者

如果你地真係打算結婚, 希望你地唔會同呢個99一齊住, 否則遲早你老公會頂唔順同你分開。
其實, 你搵錢多過你男友, 佢會話個仔食軟飯, 但係如果你地點佢話佢個仔搵錢多過你, 佢一樣會話你襯佢個仔唔起, 所以, 佢唔鍾意你係唔需要理由的, 佢跟本就係覺得你霸咗佢個仔, 所以先至冇中生有。
佢搵你亞媽, 你亞媽點答佢丫? 你未來老公又點睇丫? 如果你未來老公都頂佢唔順, 你就得閒加多兩錢肉緊, 佢亞媽發癲迫你老公時, 你就扮野叫老公順吓佢意, 為咗唔想佢夾響中間, 你自己行開吓, 佢見得多, 會更加覺得你先係為佢好, 唔想佢難做, 個心會再向你多D...
我而家只係諗, 如果你地真係結婚, 佢當日唔知會發咩癲咋, 你仲好搵個有威嚴又壓得住佢的人事先傾吓, 叫佢壓住佢好D勒, 如果唔係, 到時你地兩個搵櫃 lay 都得勒~

私人傳訊

OneOneMa

積分: 1038

6^#

發表於 08-12-29 14:21 |只看該作者

Anntang 提議都唔錯... 分開擺酒...

hehee... 計我話響唔同地點擺仲好, 唔好俾佢知邊日同埋響邊度擺就最穩陣~

私人傳訊

mother904

翡翠宮

積分: 82255

畀面勳章

7^#

發表於 08-12-29 14:50 |只看該作者

如果真係要結婚，婚後一定唔可以同呢位99來往，如果你bf想你做個孝順新抱，咁你要考慮清楚。

私人傳訊

積分: 11716

8^#

發表於 08-12-29 14:55 |只看該作者

結婚係我地共識黎,係一早講好左,但係梗係未同佢個邊講啦,點敢開口呀,

不過佢反唔反對都結架啦.我媽較為開明,佢明知呢個女人好惡頂,但佢話我中意佢唔會阻既,不過預告之後有排挨!
佢係好寶貝個仔個d人,佢個仔廿幾歲人,係會check住佢去左邊,試過有一排check下佢係咪同我出左街,要佢個仔比朋友聽證明自己同frd一齊.佢咩都管住晒,連咁大個人,過12點仲打機,佢可以絕到關左全屋總掣.佢個仔嬲到震.
但佢又會做d好傷害佢個仔既野,例如打比佢個仔d frd,話佢做左我"奴隸"喎,日日斟茶第水聽晒我話喎,等佢個仔係朋友前冇晒面!

其實我有時上去佢家,佢個仔幫我裝飯,斟水係咪好正常呢?過門都係客呀!佢咁就話我當佢個仔係奴隸喎(??)佢黎我家我都有做架!

私人傳訊

芝士腸

男爵府

積分: 6686

9^#

發表於 08-12-29 14:56 |只看該作者

你咁樣好難同她她相處，除非少D見如果唔係一定離婚。

私人傳訊

積分: 11716

10^#

發表於 08-12-29 14:59 |只看該作者

總之真係好惡頂,成家都惡頂,但以佢為最.
依家我男友成日想我同佢當面傾,因為佢知佢呀媽好想同我開火,但我根本唔想,次次都得佢講架啦,我駁半句咩又話我冇家教,我好憎佢咁話我,佢自己個女夠成隻生番咁,大大聲罵佢白痴佢又可以笑笑口.根本雙重標準,
但我男友話0願我地面嗌交,唔好要佢係中間成日比佢媽煩煩煩,佢話我唔認同佢既,覺得佢媽講錯既,當面同佢講,唔使理佢喎.但我覺得我照直講會好大鑊

唔知點好,唔敢見佢

私人傳訊

積分: 11716

11^#

發表於 08-12-29 15:04 |只看該作者

男友有個妹,又係好衰格,把口好衰好刻薄

有次同佢呀媽一唱一和係電話話我.佢個妹仲叫我去睇精神科話我有病,纏住佢呀哥

個次已經喊左我好耐

私人傳訊

Cat1218

積分: 1690

12^#

發表於 08-12-29 15:18 |只看該作者

原文章由 mimi26 於 08-12-29 14:59 發表
總之真係好惡頂,成家都惡頂,但以佢為最.
依家我男友成日想我同佢當面傾,因為佢知佢呀媽好想同我開火,但我根本唔想,次次都得佢講架啦,我駁半句咩又話我冇家教,我好憎佢咁話我,佢自己個女夠成隻生番咁,大大聲罵佢白痴 ...

我讚成你男友講法,既然男友唔介意,你咪同佢上戰場囉,仲好啦,可以鬧佢發洩咁耐以來的心頭恨~不知幾多媽咪想同隻99嘈,但c6唔幫自己,真係有口難言,你要勇敢面對佢,有d人以為你唔出聲好好蝦,可能見過你真本領後反而對你有好轉~好過你而家係度煩都解決唔到問題架~我不知幾想三口六面同隻99講清楚呀,可惜嘈左一兩句就被老公stop左~真係個心頂住頂住呀!!!

私人傳訊

積分: 11716

13^#

發表於 08-12-29 18:09 |只看該作者

我怕嘈嘈下,我男友唔幫我呀,雖然佢唔係好愚孝,但佢都唔係冇前科架喇,佢之前又係為左佢呀媽要分手呀,後來諗清楚先冇咋,佢又黎多鑊點算

始終人地先一家人,我覺得好孤立無援

私人傳訊

kawing210

複式洋房

積分: 334

14^#

發表於 08-12-29 18:33 |只看該作者

不如搵日你上去同佢媽媽平心靜氣講~講你點諗~話你中意佢個仔就吾會諗搵$多同少~話如果介意既你地一早分左手~講哂你既感受~講真~好多野都系系道理就聽吾系道理就吾理咖啦~將心比己<--呢個道理佢牙媽一定要明囉~始終你地想結婚就要傾好哂所有野~佢牙媽再接再(聞)(失)都好~只要你有行出第一步就算結果系點~你都冇錯囉我覺得~同佢牙媽傾之前同你男朋友夾定先會好D~你地有共識到時先好做咖~同佢牙媽講~講完如果佢發顛就系佢吾岩~大條道理以後吾理佢牙媽~

私人傳訊