＋
Baby Kingdom - 親子王國 香港 討論區 › 首頁 › 婆媳關係› 係就係搬開咗...但係...

婆媳關係

收藏本版
發帖
返回列表
跳至頁

首頁
1

尾頁
   0
KoyeBaby


子爵府

積分: 12904

醒目開學勳章 畀面勳章


1#
發表於 08-12-2 09:40 |只看該作者
因為只係隔幾座,99日日都走上嚟,呢樣都算啦!我媽咪幫我買日用品,呢個星期都隔日上一次,我都知要公平d,所以無出聲...但係99次次過嚟都唔會幫手or問候下,都唔緊要,始終唔係奉旨要嘅!但係都唔好日日好寸咁話"仲未執哂?有咩要執啫!","你仲有d xx喺我嗰邊又唔攞?"...etc,平時c6工作好忙,我又要睇住個女,我哋又無搵人幫手搬,所以一早都知道要分好多次慢慢搬,99都知架!但係佢又要俾說話我聽!!

尋日佢夜晚8點幾上嚟,一上嚟就同我個女講"好耐無見啦!有無掛住嫲嫲呀?錫啖嫲嫲先!"我聽到真係想嘔!!好耐無見??佢日日都走上嚟架噃!我無出聲,之後99講講下話要帶囡囡過去佢度,嗰時已經8:40pm,囡囡一向都9pm食奶瞓,99知道不過依然堅持!佢猛話"過去玩半個鐘返嚟啦!"...結果...佢9:30pm先帶返囡囡返嚟...我同個女洗埋面換衫之類都搞到差唔多10pm先瞓到,囡囡仲因為太攰連支奶都唔肯飲!

今晚仲要過去食飯,但係要我煮囉!分分鐘煮到出嚟兩老又唔肯食,都唔知為乜!!c6無啦啦又好溫情咁話覺得99好唔開心驚佢亂諗嘢要多d陪佢,又話好唔捨得隻貓,講到眼濕濕咁...依家好似我變咗衰人,拆散人哋兩母子咁!好唔開心...本來前幾日都仲好開心有自己嘅家,依家反而周身唔自然...c6當初應承我嘅嘢都係假嘅...真係好灰...
私人傳訊

Cat1218


大宅

積分: 1690


2#
發表於 08-12-2 10:24 |只看該作者
原文章由 KoyeBaby 於 08-12-2 09:40 發表
因為只係隔幾座,99日日都走上嚟,呢樣都算啦!我媽咪幫我買日用品,呢個星期都隔日上一次,我都知要公平d,所以無出聲...但係99次次過嚟都唔會幫手or問候下,都唔緊要,始終唔係奉旨要嘅!但係都唔好日日好寸咁話"仲未執哂? ...

樓主,你唔洗灰,因為你要諗下想搬嗰個係你,唔係你老公,佢肯為你搬已經好好了.雖然係相距幾座,但佢同阿媽住左咁耐始終有D唔捨得,你要俾D時間佢適應下,係呢段時間裡面你要盡量提D開心嘢,多D攬住佢話佢知你好開心終於有自己一個家了,多謝佢.有時佢自己係度講唔開心野,你就當聽唔到,可能佢都係想你知道佢感受,但起碼佢無要搬番去住,(真係有D咁嘅男人架)...多D同佢一齊佈置自己新居,令佢有多D歸屬感 ,慢慢佢就會感受到有自己屋企的好處,我老公都係咁吖,而家無事了,不之幾開心
私人傳訊

KiuShaBB


珍珠宮

積分: 31492


3#
發表於 08-12-2 10:41 |只看該作者
我99以前成日都鬧c6, 仲係一d都唔俾面, 唔客氣果隻, 叫佢食屎, 話佢嘜得唔識.... c6都好嬲架. 到唔係一齊住, 特別係要幫手做家務時, 以前99嘜都唔駛佢做, 見少咗, 佢就梗係話好掛住呀媽啦, 你c6都要一段時間至可以適應到新的生活, 等吓啦, 遲d會好d.

你99唔俾說話你聽, 俾邊個聽吖? 佢唔抵得你c6肯同你搬走, 梗係要報吓仇啦, 如果佢唔衰, 你地都唔駛搬啦. 到佢講得多時都會無穩, 唔駛唔開心, 搬得走已經係好開始.
私人傳訊

KoyeBaby


子爵府

積分: 12904

醒目開學勳章 畀面勳章


4#
發表於 08-12-2 12:28 |只看該作者
我都知道佢要適應期,佢自己都識講遲早都一定要搬,但係佢尋日個樣真係好陰公咁,我嗰刻真係好心痛...我自己都經歷過離開父母去個新環境生活,我都知道會唔習慣,但係如果繼續同6299住我自己又會唔開心...呢幾年差唔多所有唔開心嘅回憶都係6299俾我嘅,我知道自己已經到極限,唔想同佢哋反面先叫c6搬...依家就變咗我搞到c6唔開心...我尋晚無同c6講過嘢,一陣都唔知自己對住佢笑唔笑得出...不過多謝你哋意見,我會盡量令c6住得舒服開心,俾佢覺得搬得有價值!!!

私人傳訊

christy0604


禁止發言

積分: 3097


5#
發表於 08-12-2 12:54 |只看該作者
提示: 作者被禁止或刪除 內容自動屏蔽
私人傳訊

KoyeBaby


子爵府

積分: 12904

醒目開學勳章 畀面勳章


6#
發表於 08-12-2 14:59 |只看該作者
原文章由 christy0604 於 08-12-2 12:54 發表



佢係咪戀母情意結果d...

佢有冇30歲？ 孝順係好, 但如果依賴....果d就叫群腳..



咁佢肯定唔係,只係99個阿媽係抑鬱自殺,c6怕99都會啫...我同c6都後生架,可能係咁99覺得我照顧唔到佢個仔啩,咪下下都"教"我點做,又話我做得唔好囉!但係我認為自己起碼乾淨過佢,同起碼煮到餐似樣嘅飯俾c6食先囉~我真係有嘢唔識都問自己媽咪啦!絕對唔會搵佢!!
私人傳訊

mikitten


子爵府

積分: 11724


7#
發表於 08-12-2 16:42 |只看該作者
我老公又係一到放假，就話好耐冇見阿媽，好掛住佢，跟住又要同99，又時仲要加埋62食飯，之後99一定全日跟實我地，有時仲要應酬埋99D妹........我心諗，你放假陪阿媽冇所謂，但係可唔可以唔好預我同阿仔，我已經差唔多日日都見到你阿媽，放假俾我抖下都得掛..........

私人傳訊

ABBC


子爵府

積分: 13533


8#
發表於 08-12-2 19:06 |只看該作者
樓主~我就覺得事實你已經搬左~就算點都好都唔使理個老公講咩喇~講咩都由佢喇~因為果個始終都係佢阿媽~~佢都係擔心佢姐~!!咪俾佢講下囉~一於左耳入右耳出~~無謂放o係心整到自己唔開心~同埋將果日件事講返出黎~為左個囡既健康同埋都想佢肥肥白白~你c6同99應該都明白既~再唔係咪留99多一陣囉~你已經唔同佢住喇~有自己空間就俾佢陪多o的個孫囉!唔似得我99咁..見都唔想見d孫好丫~
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


9#
發表於 08-12-2 19:30 |只看該作者
你咪鬼俾佢上黎啦~日日咁樣走上黎,又帶走你個女,我睇到都覺得佢好煩!
私人傳訊

Cat1218


大宅

積分: 1690


10#
發表於 08-12-2 22:18 |只看該作者
原文章由 晞玥 於 08-12-2 19:30 發表
你咪鬼俾佢上黎啦~日日咁樣走上黎,又帶走你個女,我睇到都覺得佢好煩!

我都唔鍾意佢99帶走個女...
私人傳訊

wmpl


大宅

積分: 3000


11#
發表於 08-12-3 03:51 |只看該作者
慢慢嚟啦,,我同C6初初搬開嗰陣佢都係咁,,不過當佢發覺原來唔一齊住係對大家都好,,現時嘅生活又過得比以前開心嘅話,,就唔會再想咁多,,佢講就由得佢講,,唔好回應佢太多,,分散佢注意力,,用其他事令佢開心啲就可以,,你愈同情佢只會令佢更加認為自己好似做咗不孝子咁,,盞佢仲亂諗嘢,,個過渡期仲拖得更加長!!
私人傳訊

BananaCupCake


複式洋房

積分: 356


12#
發表於 08-12-3 13:02 |只看該作者
I think every 99 is the same. We moved out for more than a year. Usually she will come over when I am not home. So when she came over and I am home she would just stay for a short time. And she ask my bun bun what did we do, where did we have dinner, did I go back to my parents' place etc etc. I don't understand why she has to spy on us. She just has nothing better to do and have to mind the other ppl business. And one time, my c6 heard my 99 asking my bun bun again for where did we have dinner, my c6 said "why didn't you ask me directly?" then she said, "nothing, I just wanna know.". Then my c6 said, "then you should ask my directly rather then asking my bun bun!" Then my 99 was so angry and said "you only care about your wife's family!!!" then she stormed out the door.....I dunno what usually she will ask my bun or what my bun tell her, but this just made me mad since why she have to judge or control our lifestyle???
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy