吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 求救!! 薑醋到底幾時派, 同埋派到幾時??? ...

婆媳關係今日: 2|主題: 27783

收藏本版

發帖

返回列表

跳至頁

查看: 44224 | 回覆: 18

求救!! 薑醋到底幾時派, 同埋派到幾時??? [複製鏈接]

kaede

男爵府

積分: 8186

1^#

發表於 08-11-10 10:42 |只看該作者 |倒序瀏覽 |打印

我真係坐月坐到就嚟癲!

因為我99喺外國好多嘢做, 唔返到嚟"幫"我坐月, 我話唔緊要啦! 我媽咪會過嚟我呢邊瞓, 幫我手, 老公又請咗假, 攪得掂架喇!

於是佢就"遙距"吩咐我有乜做得, 有乜唔做得!

eg. 唔好掂生水呀, 12朝前唔好食牛肉呀, 出街要包到實一實唔好入風呀!! (下刪百字....)

(我都知佢係為我好, 所以佢講乜我都跟足了, 只係煩到我呀媽啫........)

不過佢嗰啲講完一套又唔記得, 跟住過幾日又叫您做另一套嘅嘢真係激c我.....
生之前佢叫我頭12朝唔好食菜, 我話: 吓?? 唔食得菜, 會去唔到便便架喎!! 咁佢就話, 咁您都可以食節瓜嘅! (跟住到我生咗又話唔食得!)
生之前佢叫我最好就淨係食雞同豬, 咁我就問: 淨食肉片呀? 好寡架喎!! 咁佢又話: 咁可以食梅菜肉餅囉, 都係菜心嚟嘅啫! (我梗係好開心啦!

因為我至愛食梅菜肉餅, 真係可以食一個月都唔會悶! 點知生咗之後, 佢同我老公講坐月唔可以醃製嘢! 即係唔食得梅菜!!!

)
生之前話過12朝可以食菜, 依家就只可以食菜心, 其他粟米仔呀, 竹笙呀, 全部都唔得!!

之前因為知道佢哋返唔切嚟滿月, 咁就同佢哋講, 不如擺雙滿月啦, 阿b又大啲, 唔怕咁多菌嘛! 依家因為阿b早咗出世, 所以雙滿月嗰時佢哋會去咗大陸, 於是到依家阿b16日人仔都未決定幾時食飯...........
人哋個個都係12朝or滿月剃頭, 我99佢就要100日.
(其實結婚嗰時都有好多嘢佢講完唔認數架喇, 不過佢係99, 我唔想同佢拗, 但係跟住嗰樣, 就真係唔知點算好!)

生之前問過佢要唔要派薑醋俾親戚, 要的話就等我媽咪煲多啲, 佢就話唔使啦, 佢返得嚟都過咗阿b滿月囉! 咁好啦, 咁咪煲10斤薑就算啦! (因為我媽咪多朋友派!) 點知依家到我老公問佢要唔要幫佢攞俾我太99同埋其他親戚嘅時候, 佢又話, 唔使啦, 使乜急呀, 薑醋滿咗月先至派家嘛, 派到100日呀, 等我哋返到嚟先拎去派俾佢哋啦!!
我當堂O晒咀!

mouth: 我老公其實都聽過滿咗月就唔派出街,雖然我老公都有話: 不過我外母話過咗12朝就派得! 但係佢就唔識即場喺電話同佢講滿咗月就唔派出街, 因為我哋兩公婆都唔知點解唔派得出街, 怕俾99反咬話我哋唔識嘢.....

麻煩大家幫下我, 話我知到底薑醋幾時派, 同埋派到幾時??? 同埋點解滿月後唔派出街吖!!

THANKS!!!!!

0 0 0

要BB沖上雲霄，努力中!我呢個仔呀玩就最叻！

私人傳訊

short

大宅

積分: 2440

2^#

發表於 08-11-10 11:02 |只看該作者

12朝派完酸薑紅雞蛋之後就可以派,我記得
滿左月只可以叫朋友回家食, 吾會派出街,

私人傳訊

cherry1498

大宅

積分: 3008

3^#

發表於 08-11-10 11:17 |只看該作者

唔係丫~我覺得你99幾好呀…起碼唔會叫你食D陰質野先丫…我個陣坐月…日日都係食燉雞…好似真係只可以食菜芯…正氣喎…瓜個D涼，唔好食…醃製個D真係唔好食住…你可以考慮擺百日宴丫~另外，我仔都係12朝剪一小束頭髮…你怕咪到到都跟LOR~你99滿月剪少少，12朝又剪少少…真係剪10-20條都可以叫係剪左架啦…派薑醋係12朝後，滿月前派出街俾人既，滿月後就唔可以拎出街架啦，呢D叫老公搞掂得啦…坐月唔好出街算啦…

[ 本文章最後由 cherry1498 於 08-11-10 15:13 編輯 ]

私人傳訊

hanghangkwok

男爵府

積分: 5111

4^#

發表於 08-11-10 11:18 |只看該作者

12朝派薑醋派到滿月係一般做法
未聽過派到100日o咼.坐月補身補到100日
就聽過.老人家話滿左月細佬哥叫出蘇即係快高長大.滿左月重派薑咪係<唔大>唔好意頭.你都係為左呀B咪派.再同99講話問過D70幾80歲老人家再解釋返咪好Do羅.

私人傳訊

kaede

男爵府

積分: 8186

5^#

發表於 08-11-10 13:33 |只看該作者

係呀, 我媽咪都係咁講, 但係佢淨係知道唔派得出街, 唔知有乜唔好.

原文章由 short 於 08-11-10 11:02 發表
12朝派完酸薑紅雞蛋之後就可以派,我記得
滿左月只可以叫朋友回家食, 吾會派出街,

要BB沖上雲霄，努力中!我呢個仔呀玩就最叻！

私人傳訊

kaede

男爵府

積分: 8186

6^#

發表於 08-11-10 13:40 |只看該作者

唉, 您睇埋我之前嘅post就知佢唔係成日都係咁"好"架喇!
http://forum.baby-kingdom.com/viewthread.php?tid=1311533&extra=&page=14
佢都係知道咗我個b係仔之後先同我講咁多"吩咐"咋!
其實就算係百日宴都唔得, 因為佢哋已經返咗去外國了.

原文章由 cherry1498 於 08-11-10 11:17 發表
唔係丫~我覺得你99幾好呀…起碼唔會叫你食D陰質野先丫…我個陣坐月…日日都係食燉雞…豬潤雞飯…好似真係只可以食菜芯…正氣喎…瓜個D涼，唔好食…醃製個D真係唔好食住…你可以考慮擺百日宴丫~另外，我仔都係12朝剪一小 ...

[ 本文章最後由 kaede 於 08-11-10 14:52 編輯 ]

要BB沖上雲霄，努力中!我呢個仔呀玩就最叻！

私人傳訊

OneOneMa

大宅

積分: 1038

7^#

發表於 08-11-10 13:48 |只看該作者

按照傳統, 十二朝產婦第一個食薑醋(佢未食所有人唔食得, 亦唔派得), 產婦食咗之後就可以開始派, 直至到滿月, 就唔會再派出街, 人地可以黎你屋企食, 亦可以自己帶走。
挮頭就冇咩所謂, 十二朝又得, 滿月又得, 100日都得。
你補身, 當然唔好亂食野, 菜類以菜芯係最正氣, 節瓜都食得, 不過最好每樣都加薑去煮。
雞 / 豬都可以食, 你有傷口, 最好唔好食牛住, 就算佢話 12 朝之後食得, 你都係唔好住, 因為個傷口未好晒嘛。
坐緊月係最受得補, 12 朝後惡露冇嘜就可以大補, 滿月之後最好係溫補, 直至100日。
有時99講的野, 你聽咗咪算囉, 除非冇人幫到你就話焗住聽遮, 你媽咪如果幫到手, 而佢又識, 你咪聽晒媽咪講, 99咪聽吓就算囉, 唔好太上心... 滿月幾時擺, 你同你老公先係 BB 你父母, 應該係你地去決定幾時攪, 而唔係俾人拉住黎行囉, 如果唔係, 日後你地點保護 BB?