婆媳關係 今日: 0 | 主題: 27783

積分: 1871

1^#

發表於 08-11-3 12:06 |只看該作者 |倒序瀏覽 |打印

點解先生咁鍾意咩都同奶奶商量!
以前都有呢個情況，不過無而家咁嚴重......

而家每個星期六、日，先生都會陪奶奶晨運
(自從我有左之後!)佢話終於體會到母愛既偉大wor!
咁我都無理佢，因為果個時間我都未「訓」醒!

不過，之後就會出現好多既提議，
例如﹕
1.我想等BB出左世先請工人，佢就話奶奶話之前一個月請定好D!
2.我唔想飲白蓮鬚，佢地就一定要我飲!(有左之後我好易嘔!)
3.之前講好叫工人決定左邊日放假就通知我地，尋日工人講左一個日子，先生已經應允左，先生再同我講，我都覺得無問題，果日係bb出左世12朝(如預產期正確的話!)但先生陪完奶奶晨運後又話唔好，因為話到時會好忙，想叫工人係我生之前放假!

其實唔係話奶奶既提議有咩問題，只係有無需要事無大小都通知佢，佢又事無大小都有意見!

係呢件事上，我覺得先生好似好無口齒，叫工人自己選擇邊日放假，ok左之後又想反口!而且工人想放假果日先生都會係度(佢有大假)，奶奶都肯定會係度(因為佢一定會過黎!)

我唔鍾意既原因係覺得好似咩都要向人報告，而先生吓吓都覺得奶奶好有經驗、好精明，先生覺得佢樣樣都理都係出於好心，佢講既都係「對」!

我最唔鍾意奶奶keep住條門匙，隨時上黎又唔打電話!
結婚初期我唔知佢有門匙，失驚無神上黎擺低d湯及生果!咁我其實無咩所謂，只係叫先生同佢講下次如果上黎早d講，因為屋企有貓貓，驚佢開門時d貓貓走左，如果佢講定話會黎，我會綁住貓貓，限制貓貓既活動範圍。點知先生私底下同佢講完，佢既反應係「你唔鍾意我黎，我咪唔黎law，咁我俾返條key你地law!」先生當然話唔係咁既意思，於是不論我是否在家，佢就繼續anytime上黎!因為咁，我每日返工前都要綁住我既貓貓!

我唔知其他家庭係點既，但係我自己一向都無諗過生活會係咁!我覺得私人空間係好重要既，而且成家立室後就係一個新既家庭，唔應該樣樣都俾人干涉!可能我思想比較西化，我覺得西方人對已婚子女好似朋友既關係先係最舒服既相處之道!

0 0 0

私人傳訊

Cat1218

積分: 1690

2^#

發表於 08-11-3 14:09 |只看該作者

樓主,
你咁諗係正確嘅,係人都唔想人管住曬,話曬我地都係成年人啦,自己既事自己意見會開心d,唔係結婚搵老公做咩吖,想自己成為屋企嘅女主人,而唔係佢阿媽,正所謂一山不能藏二虎

私人傳訊

積分: 30295

3^#

發表於 08-11-3 14:37 |只看該作者

其實你99已經唔算好過份, 佢有些提議其實都係正確的~

例如早一個月請工人, 可能佢以前生bb時, 到最後一個月已經好辛苦, 想如果有個工人幫下你手, 你就可以多d時間休息, 而且最後一個月隨時生得, 你老公又返緊工, 你99又未必住在附近, 作動時都有個工人幫手丫麻!

另外白連須聽聞會幫助產婦產程短d, 都係想你痛少d姐~

工人放假果度, 12朝通常係親友黎探望bb既時候, 有多個人幫手招呼下親友梗係好d啦!

其實最大問題係你先生乜都同99講, 雖然你99好為你著想, 但呢d提議唔係直接同你講, 同埋可能佢唔係提議, 而係好似落order咁, 你就一定唔好受~~

你可以試下同老公講, "唔想99仲要煩我地咁多野, 有d小事我地2公婆商量好就算, 唔好煩到佢老人家, 等佢開開心心等抱孫咪仲好!"

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

kellyly

侯爵府

積分: 24623

好媽媽勳章畀面勳章

4^#

發表於 08-11-3 15:07 |只看該作者

我諗有la
但佢唔敢講比我知
因試過一次佢想講我家既野比佢媽知
我即話佢洗唔洗呀,呢d事關佢地咩事呀.
你媽佢地有咩都唔會同我講la,做咩要比佢知我家事呀.

私人傳訊

碟碟

男爵府

積分: 5839

5^#

發表於 08-11-3 19:04 |只看該作者

其實你99既意見有的都岩既, 好似幾時請工人同埋十二朝唔好比工人放假...不過我諗佢既話事人態度同埋自出自入呢兩樣野就真係唔係咁好...可能你老公慣左你99個種"關心"既方式, 佢唔覺得99係干涉你兩個人既野, 只係出於好意同鍚你地.....有時真係好慘, C6係佢個仔, 佢點會覺得有問題....調轉係外母咁做, 可能C6就會冇咁自在.....呢樣野我估一樣apply 到係我地身上, 始終99同阿媽/ 阿媽同外母真係有好大分別...

再者的c6同阿媽出黎無野講時, 硬係好鐘意講下自己同老婆屋企的野黎講下, 又或者係99問起時佢時, 佢覺得冇所謂所以咩都講....唯有好好教育下c6, 話比佢知的小事唔好成日煩麻老人家, 你地自己攪掂就得, 同埋間接的同c6講你唔想自己的野樣樣都講比其他人聽, 咁會令你好唔自在...希望耐左佢唔好樣樣都報告長官啦.......

p.s.飲白蓮鬚個part 要小心,唔好太早飲,32週前都唔適宜, 小心小心...

私人傳訊

積分: 1871

6^#

發表於 08-11-3 19:21 |只看該作者

其實呢個情況都好難改變!
以前未有BB，佢既意見及過黎既次數會少D!
BB就黎出世，我係驚佢既意見及過黎既次數更多

，
到時就有排煩!
我要係度呻，因為已經諗唔到其他既方法!

我先生永遠都係用同一句既句式答我!
先生話想買樓，
我問﹕你阿媽會唔會一齊住?
佢答﹕阿媽話要，唔通唔俾咩?

結果---我反對買樓!

我問﹕BB出左世，你阿媽會唔會成日黎我地度(奶奶住隔離果座)，佢會一星期黎幾多次?每次黎幾耐?
佢答﹕你自己問佢啦!
唔通佢想黎睇孫仔，唔俾佢黎咩?

結果---我都費事問!我只係想先生探吓佢阿媽既口風，等自己有個心理準備姐，我好明白我根本無可能限制到佢既次數及時間，因為佢一定唔會理我!更加唔會打左電話通知我先上黎!

係呢個時間，我真係要套阿嬌果句﹕我太天真!太傻!
唔知道結婚後會面對呢D問題!
呻完!舒服左D!

原文章由碟碟於 08-11-3 19:04 發表
其實你99既意見有的都岩既, 好似幾時請工人同埋十二朝唔好比工人放假...不過我諗佢既話事人態度同埋自出自入呢兩樣野就真係唔係咁好...可能你老公慣左你99個種"關心"既方式, 佢唔覺得99係干涉你兩個人既野, 只係出於 ...

[ 本文章最後由 catlover2001526 於 08-11-3 19:25 編輯 ]

私人傳訊

mikitten

子爵府

積分: 11724

7^#

發表於 08-11-3 21:21 |只看該作者

我老公都係好多野都會同佢阿媽講，不過我都明，因為我都好多野都同阿媽講，尤其有時有D激氣o既事，一定同阿媽講，所以如果有D野我真係唔想俾99知o既話，我會同老公講定，我亦知佢係好口疏o既人，所以會搵D野威脅佢講左就知死~

有時D野俾99知都冇所謂，不過99又係好鍾意乜都同人講，到時好快所有親戚又知道晒，所以有野唔想俾人知，我又會叫99唔好講，總知乜都出定聲先，唔係講左都收唔返。

私人傳訊

積分: 30295

8^#

發表於 08-11-4 01:23 |只看該作者

我都會講我老公, 甚至男家d野比我媽咪聽, 但, 我唔會講返比我老公聽我講左出去, 雖然通常都係d普通野, 有d大秘密我一定唔會講, 但寧比佢知就莫比佢見~ 其實老公多數都知我講左d野比我媽咪聽, 但我唔會兜口兜面同老公講話我講左你地男家d野比我媽咪聽呀!
更加唔會話:"我媽咪話咁樣咁樣做好d喎!"
搵交嗌咩!!!

樓主, 你探口風都好, 千祈咪剩係講話你阿媽會唔會點點點! lai野架!!!

你下次, 問呢d敏感問題時, 除左問完你的主要問題, 就要講下d氹人既說話啦~

例如, 買樓, 你應該講:"99會唔會一齊住呀? 洗唔洗預多間房比佢呀? 咁樣我地要買4房以上既樓啦, 唔係唔夠地方啊! 但咁大地方好貴架, 老公, 我怕你擔子太重呀, 不如先買間2房, 一家3口住住先, 到第時儲到多d錢, 再買間大d既接埋99黎住丫!!"

總之, 先講到你好接受同99住, 然後就誇大同99一齊住所須既地方size, 然後再深情地同老公講好擔心會令佢太重負擔, 然後提出買細d, 但就要遲d先黎接99住!!

從頭到尾, 你都冇拒絕過同99住, 但老公聽起上黎就會覺得你好好, 乜都為佢著想晒, 即使要委屈自己都肯!!

但實際上呢, 從頭到尾你都冇須要同99住, 但就攞晒彩!!

當然啦, 你要諗定多d唔同既情況, 你老公會點樣講呢, 佢會點諗呢, 你都要諗清楚先好提出黎!!

凡事3思而後行!! 就係呢個道理!! 尤其是關於99既野, 好敏感架~~

[ 本文章最後由小寶貝兒於 08-11-4 01:26 編輯 ]

私人傳訊

積分: 30295

9^#

發表於 08-11-4 01:36 |只看該作者

至於探孫, 我雖然到而家都未有bb, 但我早就已經同老公傾呢個問題, 真係由結婚前傾到結婚後2年, 先有共識!!!

我起初都好似你咁問, 我老公又係咁樣答!!

之後當然氣氛唔係太好啦~

後尾隔左好耐, 我又再提, 今次我婉轉d咁, 先由邊個幫我坐月呀, 請唔請工人, 定鐘點, 再講到99黎探孫呢個核心問題!!!

我同老公分析左好耐, 用詞好小心, 千祈唔好比佢覺得你話緊佢阿媽好煩(雖然呢個係事實!!!!)

今次我同佢講, 我怕我生bb前後, 情緒不穩, 會好易發脾氣, 若果我一時忍唔住爆發左就唔好啦! 到時關係唔好, 你夾係中間會好辛苦架!
而且你都知產後抑鬱好危險, 你都知99把口比較直, 以前唔覺得d乜野, 有產後抑鬱時就好大件事架啦!

當時我老公仲係唔信會咁嚴重, 後尾幾個月後不幸有幾單產後抑鬱的新聞, 佢上網睇新聞見到, 又睇埋d專家點樣講, 返到屋企就同我講, 到時我想點樣, 同佢講聲就得, 唔想99上黎, 等佢擋晒就ok!!

佢話之前太睇小呢樣野, 佢唔想因為一時大意, 冇左個老婆呀!!

你都要慢慢同佢溝通, 一步步慢慢黎, 有時send下d新聞比佢睇, 去檢查時拉埋老公去, 而家健康院d姑娘好醒架, 會代你教訓教訓下個老公架啦~~~ 有時我地呢d枕邊人講既野, 佢未必會聽, 但旁人講一句, 有時真係好過我地講100句架!!

私人傳訊

KiuShaBB

積分: 31492

10^#

發表於 08-11-4 10:50 |只看該作者

我c6又係嘜都聽晒佢屋企人講, 不過係大姑9而唔係99, 同一件事我一早已經講咗點做, c6唔理. 到佢家姐同佢講同我一樣的答案, c6會好似發現新大陸咁走嚟同我講要點做.

雖然好似唔係咁大問題, 要做既係同我所想的一樣, 但係次次都係咁, 就會覺得c6唔尊重我, 唔信我, 久而久之, 就會覺得要得到佢屋企人認同至得咁, 好討厭. 或者d男人少見咗呀媽/家姐之後會掛住佢地, 寧舍就佢地, 但係我地就好難受.

私人傳訊

積分: 1871

11^#

發表於 08-11-4 11:10 |只看該作者

無錯!

真係俾佢地激到嘔電，
自己又唔係18、22，
人生既路都行左一半啦!
樣樣都有咁多人加意見，
感覺上好似嫁埋俾佢屋企人咁!:;pppp:

原文章由 KiuShaBB 於 08-11-4 10:50 發表
我c6又係嘜都聽晒佢屋企人講, 不過係大姑9而唔係99, 同一件事我一早已經講咗點做, c6唔理. 到佢家姐同佢講同我一樣的答案, c6會好似發現新大陸咁走嚟同我講要點做. 雖然好似唔係咁大問題, 要做既係同我所想 ...

私人傳訊

積分: 1871

12^#

發表於 08-11-4 11:17 |只看該作者

To﹕小寶貝兒
唉!你既講詞係好聽好多

，
但對住佢地呢種人係唔work嫁!
仲會中招添呀!

因為而家我地兩房，
佢阿媽已經想搬黎一整住，
只因間客房太細，
我先幸免於難!
如果買一d大d既兩房，
佢一定話唔介意，
我吊頸都黎唔切呀!

唉!點解d奶奶成日一廂情願

，
唔諗吓人地想唔想同佢住，
大佬呀!
一齊住wor!即係室友啦!
唔對咀型點一齊住呀!

[ 本文章最後由 catlover2001526 於 08-11-4 11:22 編輯 ]

私人傳訊

http://hk.rd.yahoo.com/blog/mod/art_title/*http:/hk.myblog.yahoo.com/h22sake/article?mid=3935

積分: 1871

13^#

發表於 08-11-4 11:25 |只看該作者

我係呢個討論區度發現既，
我諗你send埋呢篇俾你老公睇，
佢會更明白我地既感受!

原文章由 小寶貝兒 於 08-11-4 01:36 發表
至於探孫, 我雖然到而家都未有bb, 但我早就已經同老公傾呢個問題, 真係由結婚前傾到結婚後2年, 先有共識!!!

我起初都好似你咁問, 我老公又係咁樣答!!

之後當然氣氛唔係太好啦~

後尾隔左好耐, 我又再提, 今次我婉 ...

私人傳訊

KiuShaBB

積分: 31492

14^#

發表於 08-11-4 11:45 |只看該作者

原文章由 catlover2001526 於 08-11-4 11:17 發表
唉!點解d奶奶成日一廂情願，
唔諗吓人地想唔想同佢住，
大佬呀!
一齊住wor!即係室友啦!
唔對咀型點一切住呀!

非常同意, 我99屋企有3間房, 62, 99, 姑仔各1間, 但係都成日想我地搬返去住, 我地連埋工人1家5口, 點住呀? c6都好想搬返去呀, 佢又可以做大少吖嘛, 話62同99一間房, 我地一間房喎, 咁工人同2個b呢? 碌架床都唔得啦, 痴住自己呀媽都要諗吓實際情況至得架. 就算同99好friend都住唔落啦, 何況唔啱?

[ 本文章最後由 KiuShaBB 於 08-11-4 11:51 編輯 ]

私人傳訊

積分: 30295

15^#

發表於 08-11-4 15:53 |只看該作者

唉~ d男人成日覺得, 婆媳問題, 係由少相處而起, 所以成日夾硬逼老婆去同佢老媽子相處, 咪lai晒野囉!!

婆媳問題, 正確黎講, 呢2個女人係冇問題, 如果係普通場合之下認識, 可能仲可以好fd添!!

幣就幣在, 呢2個女人, 愛上左同一個男人, 正如家陣阿大瘤事件, 你話女小姐同金脾, 有冇可能和平共處?!

死結黎架!! 2個女人愛得越深, 佢地既仇就結得越深, 加上個白痴男人以為相處多d, 了解多d就冇事, 你睇大瘤單野, 女小姐同金脾有幾何相處過丫? 咪一樣lai野! 要佢地住埋一間屋? 六國大封相兼日日舞刀弄槍添呀!!

所以, 男人, 想要家和萬事興, 一係是但一個女人不再愛你, 一係就2個女人一年只見一次, 冇咩事唔好再見, 咁就乜事都冇啦!! (見都冇得見, 仲點睇對方唔順眼呀!!)

至於有d男士會諗, 我日日同老婆一齊, 但阿媽一年先見一次, 好不孝姐! 但睇清楚, 我只係話2個女人一年先見一次, 冇話你唔可以自己去探阿媽架麻!! see?

私人傳訊

bpwwp