吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我62唔係好鐘意我--後篇

婆媳關係今日: 0|主題: 27782

收藏本版

發帖

返回列表

跳至頁

查看: 2414 | 回覆: 11

我62唔係好鐘意我--後篇 [複製鏈接]

小寶貝兒

珍珠宮

積分: 30295

1^#

發表於 08-10-22 18:46 |只看該作者 |倒序瀏覽 |打印

之前我曾經開過POST, 話覺得我62唔係好鐘意我~
http://forum.baby-kingdom.com/viewthread.php?tid=1687677

我一直都以為, 係因為佢覺得我冇用, 配唔起佢個仔, 先會成日黑口黑面咁對我!

62對我同其他新抱真係好唔同, 對住其他新抱, even係2少奶, 成日問佢攞錢又打佢個仔又打佢個孫, 好多野都令到6299唔高興, 但62仍然一見到佢就好開心, 笑晒咁!

反而對住我就黑口黑面, 好似我欠左佢d乜野咁, even當我幫佢做野, 打字又好, 畫圖又好, 佢都覺得我係應份, 仲要踩我做得差!! 62, 我冇收你錢架...... 免費同你通宵趕起d野, 仲要嫌3嫌4..... 我真係做得咁差, 被你嫌惡得咁西利, 你就唔好一次又一次, 隔3幾日就搵我幫你手啦!!

唉~ 唔好講呢d, 其實我想話, 前陣子, 有日我同老公傾開計, 講左以上既野, 我問佢係咪佢阿爸覺得我配唔起你?

點知, 我老公話:"其實可能係因為佢由細到大都唔多鐘意我!"

我當時真係好諤然!!!
唔係我賣花讚花香, 我老公唔止係4兄弟裡面讀得最多書果個, 亦係搵錢搵得最多, 最孝順, 最聽話, 最唔令父母煩惱果個!! 咁點解62會由細到大都最唔鐘意呢個仔呢?!

果一刻, 我覺得自己好衰, 亦為老公覺得好心痛!!

62唔鐘意我, 在我心中已經變成小問題, 我真係為左我老公好傷心, 我一諗到, 如果係我, 做左咁多努力, 明明係最乖最叻最好果個仔女, 希望得到父親既認同, 但我爸都仲係唔鐘意我, 我會有幾傷心同無奈!!! 諗到呢度, 我就覺得心都痛埋!!

難怪我總係覺得佢地2父子的相處有d奇怪, 好似有d陌生咁.....

0 0 0

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

Vca

男爵府

積分: 5681

2^#

發表於 08-10-22 19:41 |只看該作者

原文章由 小寶貝兒 於 22/10/2008 10:46 AM 發表
之前我曾經開過POST, 話覺得我62唔係好鐘意我~
http://forum.baby-kingdom.com/viewthread.php?tid=1687677

我一直都以為, 係因為佢覺得我冇用, 配唔起佢個仔, 先會成日黑口黑面咁對我!

62對我同其他新抱真係好唔 ...

係架! 父母偏心~ 同仔女中邊個最叻最孝順...係完全無關架!

咪同我老公一模一樣囉 - 我老公係大伯 + 姑仔3個之中最孝順 (唔知佢另外果2個孝唔孝)、最成熟懂事 (果2個直情係幼稚)、最叻仔本事 (依點唸起果2個就好想大笑!)、仲係3個之中最靚仔四正~~~

但偏偏6299 就好偏心，最唔鍚就係我老公! (不過99好好多!)

但其實我覺得係好事來架! 因為凡事有好有唔好~ 當然我有為老公感到難過，但我覺得係因為佢地偏心，我老公先turn out 成為一個有本事 + 有骨氣既叻仔! 反觀大伯 + 姑仔就係2條生骨大頭菜......我好為我老公驕傲架!

而且我自己媽咪爹哋而家鍚老公仲多過鍚我.....

，當係補償返少少比老公囉~~~~

至於62會因為咁而唔鍾意我...我又唔care 喎! 我最緊要係老公鍚哂我既啫!

私人傳訊

wmpl

大宅

積分: 3000

3^#

發表於 08-10-23 03:29 |只看該作者

在親情中,在人情人中,在世情中,也許從來努力付出與得到的不能成正比,但那些自我內心對親情真誠付出的修為卻沒有任何可取替~~

你丈夫如何努力也許總得不到你老爺的認同,或許內心會缺了一角,但現在有你如此支持他的妻子,這些也是沒有其他可取代的,總不枉他努力生活到現在~~

你老爺顯然是舊派思想的人,生兒育女對他可能只是一個傳宗接代的責任,並不是天性喜歡小孩子的人,所以當自覺人生的責任完了,便可任性地憑感覺選擇討自己喜歡的兒女來愛錫,以前年代的人很多都這樣,養兒只為防老,覺得把你養大已是天大的恩賜,如若年老時還有能力照顧自己,更會盲目及無後顧地嚴重偏袒某些子女~~

這都是上一代的文化守舊問題,錯不在誰,我只知道,不論父母或誰人,有時,那人喜歡你便喜歡你,討厭你便討厭你,從來....不需要一個合理的理由!!

私人傳訊

艾莉

子爵府

積分: 14437

4^#

發表於 08-10-23 09:30 |只看該作者

唔好講上一代, 到我地呢一代, 我身邊都大把偏心都出哂面,...但偏心個一個偏偏又係頂心X黎, 乖既聽話既, 反而..
偏心呢D野跟有孝心, 生性無關..
不過呢D 都唔重要喇..學VCA 話齋老公錫自己先至係最緊要!

私人傳訊

kkttssng

侯爵府

積分: 23466

玩具勳章畀面勳章 wyeth冷知識勳章環保接龍勳章大廚勳章 BK Milk勳章

5^#

發表於 08-10-23 11:28 |只看該作者

我個個都係呀..佢樣樣都為屋企諗..樣樣都考慮屋企人既感受..但原來佢屋企人諗野係最唔顧佢感受....

私人傳訊

leechanrr

別墅

積分: 952

6^#

發表於 08-10-23 11:58 |只看該作者

我99一向鍚大伯多過我老公, 我老公一向比家用99多過大伯直到現在. 我同老公幾年前結婚我99只比7千幾禮金比我媽咪, 現在大伯結婚佢居然比3萬8千幾 , 而且金器仲可以在金行自己選 , 之前佢以為自己有條14両重999的金lin, 佢話溶咗佢(一來買金器比大伯個老婆, 二來分比2個仔的老婆, 我老公醒目問定佢比我買幾多錢, 佢居然話1両only, 我立即好唔開心同老公講我唔會去選(99未知我唔會去的),結果他們第2日就靜雞雞去咗溶金&選金器 - 我估99唔想比我知佢買咗幾多比大伯個老婆呱! 原來佢條金lin值3萬幾only 我個心先平衡番d. 但一諗起d禮金的出入, 我就好唔開心, 我老公雖然話佢媽媽一向偏心, 佢都習慣晒,叫我唔好嬲, 嬲即係將人哋的錯發洩係自己身上, 傷神&傷身, 我雖然覺得佢有道理, 但個心真係好唔舒服, 因為呢件事係好似降低咗我的價值, 亦看低咗我的娘家, 絕對不只是錢的問題, 錢我自己有, 亦一向靠自己earn, 我現在仲要一個星期返去吃一次飯, 仲要辦無嘢, 真係血都嘔埋出來
我62都係, 佢話大伯結婚, 佢比10萬大伯, 我同我老公結婚嗰陣, 1圍酒席都無呀!

私人傳訊

kantanjin

大宅

積分: 1272

7^#

發表於 08-10-23 12:06 |只看該作者

原文章由 kkttssng 於 08-10-23 11:28 發表
我個個都係呀..佢樣樣都為屋企諗..樣樣都考慮屋企人既感受..但原來佢屋企人諗野係最唔顧佢感受....

我c6咪又係咁, 仲要我同佢一齊為佢家人犧牲, 我真係唔會.
從來生性那個都係得不到家人尊重既...

私人傳訊

wmpl

大宅

積分: 3000

8^#

發表於 08-10-23 17:36 |只看該作者

原文章由艾莉於 08-10-23 09:30 發表
唔好講上一代, 到我地呢一代, 我身邊都大把偏心都出哂面,...但偏心個一個偏偏又係頂心X黎, 乖既聽話既, 反而..
偏心呢D野跟有孝心, 生性無關..
不過呢D 都唔重要喇..學VCA 話齋老公錫自己先至係最緊要! ...

我哋哩一代嘅偏心問題,我都有同我家姐討論過,我家姐成日都同我講話見到有啲媽咪好偏心,明明係自己唔想理個仔女,就話係個小朋友唔聽話先至唔理佢,但係佢哋偏心嗰個又唔見得好聽話,可能係曳好多潻~~

但係我就只係答佢,"雖然十隻手指有長短就係人都知,養貓養狗都會有偏心,但係我未生,我唔能夠知點解,而你都有個仔咁大都唔知點解,所以生一個嘅又唔會明生幾個嘅嗰啲人嘅真實想法係點?但係我就只係知人總係有私心,唔理係咩理由都係假,有啲父母,佢哋以為自己生兒育女就係好偉大,時時刻刻都要仔女感恩,做仔女嘅應該事事都順佢意,當小朋友係自己嘅附屬品,唔當佢係一個獨立嘅個體嚟睇,

如果有咁嘅思想嘅人,得一個嗰陣,佢都仲會容忍吓自己個小朋友,[係容忍,唔係體諒!]如果生多一個,佢覺得自己有得選擇,就會好自私咁以為自己可以揀鍾意錫邊個就錫邊個,而當自己嘅感情付出咗之後就唔係咁易放手,同埋有時承認自己縱嗰個先至係唔好,就等於承認自己失敗或錯誤,好多人都唔會反省自己,或明知自己錯咗都唔會認唔會改,所以就會盲目地縱容,希望有日會有証明自己係啱嘅,哩個可以講話係自我欺騙,

不過,各人有各人生路,人兒人女,人哋父母點對待佢嘅子女外人係好難亦唔應該隨便插手,因為有時啲人死牛一邊頸,愈話就愈唔聽,俾人話完就只會更堅持自己偏心係冇錯,更加埋怨個小朋友累到佢俾人話就仲衰,有時又要配合時機勸解,總之,都要睇個父母係咩人,同埋係因為啲咩原因而偏心先至可以對症下藥幫到佢哋啦!!"

私人傳訊

Vca

男爵府

積分: 5681

9^#

發表於 08-10-23 21:48 |只看該作者

原文章由 wmpl 於 23/10/2008 09:36 AM 發表

我哋哩一代嘅偏心問題,我都有同我家姐討論過,我家姐成日都同我講話見到有啲媽咪好偏心,明明係自己唔想理個仔女,就話係個小朋友唔聽話先至唔理佢,但係佢哋偏心嗰個又唔見得好聽話,可能係曳好多潻~~

但係我就只係答 ...

本來我唔係好知，父母偏心而被忽略既感覺係點...因為我係獨女~ 自從我老公既出現，我就感受得到嘞!

私人傳訊

wmpl

大宅

積分: 3000

10^#

發表於 08-10-24 05:06 |只看該作者

原文章由 Vca 於 08-10-23 21:48 發表

本來我唔係好知，父母偏心而被忽略既感覺係點...因為我係獨女~ 自從我老公既出現，我就感受得到嘞!

唔試過又真係領略唔到架....,不過我相信你同小寶貝兒一樣會為自己老公被佢自己嘅父母咁樣對待而非常心痛!!

不過佢哋都好好彩,各自有你哋兩個咁識為自己老公著想嘅老婆,都算係執到啦,哈哈!!

私人傳訊

小寶貝兒

珍珠宮

積分: 30295

11^#

發表於 08-10-24 12:33 |只看該作者

多謝大家同我討論啊~~

自從老公話左比我聽之後, 我冇再係佢面前講62點點點, 99點點點啦!

最多提下, 今日62叫我幫佢整fax機之類囉.....

其實我都唔知點樣去攞平衡(又或者點樣去討2老歡心!)
因為我發覺, 真係佢地2個都唔鐘意我, 真係唔係我份人唔夠好呀...

99好鍚, 超鍚, 勁鍚我老公, 所以, 係佢潛意識係覺得我搶左佢個仔, 搶左佢最愛既人! 咁, 我做乜都冇用啦!! 即使我靚過李嘉欣, 讀書讀到博士學位, 年薪幾百萬, 我99都一樣唔會鐘意我!!

而我62.... 我老公唔係佢最鍚既仔, 咁我做任何野, 佢都唔會比我有好面色睇!!

所以~~ 我發覺~ 原來放棄唔好理佢地, 唔好再期望, 或妄想佢地有日會比好面色我睇, 先至係王道啊!!!