＋
Baby Kingdom - 親子王國 香港 討論區 › 首頁 › 婆媳關係› 唔開心, 只想呻下...

婆媳關係

收藏本版
發帖
返回列表
跳至頁

首頁
1

尾頁
   0
kantanjin


大宅

積分: 1272


1#
發表於 08-10-23 11:26 |只看該作者
我99不嬲慣左自出自入, 我用左好多年時間勸c6, 叫99先比電話我地先. 起碼唔好等佢摸門釘 , 我只係講"得體"d, 我愚孝c6先會受. (實則我個心不知幾討厭佢來搞搞震) 我只係想99預先通知聲, 我覺得唔算過份呀

99怕大伯個老婆 (大新抱) 佢就唔敢自出自入佢地家. 大伯直頭叫99唔好去佢地家. 唔准佢掂個孫. 365日都唔得閒, 99真係唔敢去. 唔敢掂個孫. 唔會搶抱. 所以99驚我會係大新抱既翻版, 所以我一入門, 佢就擺99款, 成日聯同姑9一齊自出自入我家, 單打又鬧我, 明洽我

之前99都有改善, 因為c6叫佢要比電話先. 但佢只會在樓下大堂打電話, 收線後門鐘又會即響, 根本無意思.

後來我bb出世, 當然99大條道理衝上來, 我明我無得阻止, 初時99都有比電話先, 但就成日無那那上來, 次次都係嘈醒我個仔(明明訓著左) 仲要抱住係咁搖, 當bb係玩具佢先開心, 仲要老作話仔仔好歡迎佢來而醒 我仔仔90%見完99後, 夜晚就會發惡夢喊醒喊好耐

昨日原來99扮晒"偶遇" 拿住串食剩既提子(得10幾粒) 又衝上來, c6昨日放假在家, 唔知點解c6又咁岩叫工人姐姐帶bb落街, (平時c6唔會比工人帶) 工人話一落樓出lift, 就見到麻麻(99)在大堂"迎接", 根住99就死跟住工人及bb, 但工人話, 麻麻無爭住搶抱. 只係跟住工人姐姐尾, 之後一齊上來我家. (平時我抱住bb, 佢同姑9係一手搶走, 一係在我耳邊命令我分比邊個抱, c6話要比晒男家各人抱先岩. 總之有99在場, 我唔准抱咁)

呢件事係我放工回家, 工人講比我知我先知. c6無出過聲, 在日間都無通知我麻麻來 (我要求如麻麻上來, 唔該同我講一聲, 我有權知, 我唔會唔比, 亦都唔可以唔比) 我聽到後, 我已好聲氣問c6, 原來麻麻來過咩, c6先講一句:係呀. 根住我黑面...但工人在場, 我唔可以話佢點解麻麻上來後, 唔通知我一聲, c6見我黑面, 知衰佢無通知我, 但佢全晚當無事發生. 照睇電視, 食零食, 晨早走去訓. 逃避算數

我覺得c6及99完全唔尊重我, 今次我係嬲c6多d, 其實我知99好多次都係無比電話衝上來, 有次我咁岩放半天緊急事假, 99又係唔比電話衝上來, 見到我佢都O晒咀. 不停口問我點解唔返工, 我講左話請了半天事假, 佢仲係唔信, 不停咁問, 那次我要出門口返工時, 佢先收口唔再問.

可能好多姊妹覺得我小氣. 但我在男家不受尊重都算. 連c6都唔尊重我, 我地已傾過好多次(好聲氣面對面評論試過, 我用sms講又講過, 發爛渣又試過, 笑笑口扮詐嬌投訴又試過) 但最終c6都係怕佢亞媽, 寧願佢亞媽開心, 要我唔開心. 仲逃避算數, 佢想唔到我只會愈來愈憎99

我已唔想再嘈. 所以昨晚我唔問c6, 走去msn同朋友訴算數, 因為愚孝c6無得救..

謝謝比我訴....唔好意思, 好長...
私人傳訊

sophinalam


複式洋房

積分: 216


2#
發表於 08-10-23 12:32 |只看該作者
其實最主要睇你c6點...可能你c6覺得你99鍾意你個b係好事..天經地義之事...你可以同佢再講清楚d..你最唔鍾意既係佢無通知你哋....你可以叫你c6再同你99講聲..你可以同佢講...再係咁,..你同99的關係會比依家仲差...我唸你c6都唔想架...希望可能會改善吓...best wish
私人傳訊

happy_cow


大宅

積分: 1451


3#
發表於 08-10-24 00:25 |只看該作者
其實我明白你心情，唔係小氣，而係專重，因為我都有類似情況，我都會嬲，當然都有嬲奶奶的行動，但實際係嬲老公，點解男人咁鐘意採取唔出聲，扮冇事的政策！？
私人傳訊

peggy@_@


男爵府

積分: 5707


4#
發表於 08-10-24 02:45 |只看該作者
我都好嬲真係唔係小氣,而係專重,我嬲到次次都黑晒面對住99,之後仲要拿返條key,坐月時c6仲叫佢媽上嚟唔駛抹嘢過嚟坐吓,我即時講坐都係佢屋企坐啦,駛咩過嚟坐呀!!!

私人傳訊

wmpl


大宅

積分: 3000


5#
發表於 08-10-24 04:37 |只看該作者
我覺得你老公好似將佢自己童年嘅希望投射落囝囝度咁,希望囝囝代替佢得到家人嘅重視.....

唉,太執著,心結難解~~
私人傳訊

kantanjin


大宅

積分: 1272


6#
發表於 08-10-24 16:18 |只看該作者
原文章由 wmpl 於 08-10-24 04:37 發表
我覺得你老公好似將佢自己童年嘅希望投射落囝囝度咁,希望囝囝代替佢得到家人嘅重視.....

唉,太執著,心結難解~~


wmpl~

妳真係會明白我地姊妹及c6最心底既想法....
私人傳訊

scottmum


民房

積分: 24


7#
發表於 08-10-24 17:00 |只看該作者
本人非常...非常....非常明白,因為我身同感受呀!(我仲多個老爺添呀....哈...哈...)
我奶奶有我屋企key 架,我地剛剛結婚佢倆成日失驚冇神走上黎(因為我地住得好近),有時我老公唔響度得我一個,佢上黎做乜啫,我直情火都黎埋呀!!!當然,之後我老公同佢地講過,叫佢地唔好成日上黎,上黎之前一定要打電話咁囉.
到我生左BB,就日日都見到奶奶,根本同一齊住冇分別,我地已經有工人,我奶奶又唔識湊bb(連沖涼,換片都唔識),成日只係識抱住bb,聽我講電話又加把咀,夜晚睇電視又問我li d 問我o個 d ,攪到我差D顛呀....hehee.好彩,我老公好庝我,佢同我奶奶講,如果再係咁我地就搬喇,我地搬去出就係要空間麻,唔想冇左個老婆.
之後,我奶奶開始識驚,我唔係屋企先上黎,我放工前佢一定走,到而家bb已經返K1喇,所以佢每日都只係上黎一陣.
我同我奶奶其實感情都好好架,大家有傾有講,佢同我講野仲多過同佢兩個仔,所以都係要互相忍讓啫,再加上我老公真係對我好好,所以我都唔想令佢難做麻.....呵呵.
其實你都可以試下自己多D同奶奶溝通下,再諗下自己老公點庝你,唔想令佢難做,試下當佢半個亞媽,可以條氣會順返D呢!!!
私人傳訊

wmpl


大宅

積分: 3000


8#
發表於 08-10-24 17:36 |只看該作者
原文章由 kantanjin 於 08-10-24 16:18 發表


wmpl~

妳真係會明白我地姊妹及c6最心底既想法....

我記得你,因為你童年同我一樣,都唔係咁開心,而你老公都係乏家人嘅關懷先至會變到咁極端愚孝,而我c6都係差唔多......,所以我好明白你嘅感受~~

最近,我在看一本書,令我釋放了很多,可能你都會看過,但不知你有否興趣知道?如有,可在此留言或PM我都可以!!
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy