＋
Baby Kingdom - 親子王國 香港 討論區 › 首頁 › 婆媳關係› 雙面人99.............好長

婆媳關係

收藏本版
發帖
返回列表
跳至頁

首頁
1

尾頁
   0
Joanna.L


複式洋房

積分: 172


1#
發表於 08-10-17 04:51 |只看該作者
我同B女,c6,6299,叔仔一齊住,我實在頂唔住呢個99,所以想係度打出黎發洩,

1. 差唔多生個時我成日失眠,咁我起身睇電視(我有校細聲),點知99佢出黎鬧我:都唔知人定鬼,
由有左到生之後一個月,我99佢每星期至少打一次麻雀,仲係打到兩點先收,我唔係人,佢都唔係啦!

2. 我出院個日,c6俾99點左返大6接太99,我同c6講好等佢返黎再接我出院,誰不人知6299走黎接我出院,我覺得好奇怪返入床位打俾c6問點解你阿爸阿媽走黎接我出院,原來連c6都唔知(62個日放假都唔去接佢老母,應該都係99意思),跟住我就同99講: 我要等埋c6黎接我先出院
99: 佢都唔知幾時返
我: 你地返去先,我係度等
99: 到唔知等到幾時,BB唔可以咁夜返(個時係十二點)
我: 我嫁喇,我會等c6返,
99: 咁你係度等,你俾BB我,我同佢返去先,(仲伸埋兩隻手)
我: 唔得喎,BB唔可以俾你帶走
之後我轉身入返床位
以上對話99全程望我後面,我估佢係望緊BB係邊度
我再打俾c6,c6叫我唔好等既然佢阿媽黎左,咁我就叫個fd陪我出院,係辦手續期間,護士推左BB黎,我做阿媽好自然伸手抱,99就話我坐月唔抱得等佢抱,由踏出產房到落車全程無望過我同問我有冇事,一味抱住BB行得勁快,我同朋友係後面要追住佢,我地同99距離二十步有多,好彩我有朋友fu住我,唔係暈左都無人知,天氣熱佢抱住BB行快啲都算,但佢無回頭睇下我係米後面,簡直間接話俾我知我生完可以唔洗係度,直頭想將個孫當係女,佢呢招雕虎離山得左

3. 99中午唔煮飯,就算佢兩個仔放假都唔煮,只會出去飲茶,未生前平時中午唯有食麵,由出院個一星期中午都有飯食,直至太99返左大6,99再無煮飯,我餵人奶消耗好多體力同要大量營養,(仲話佢兩個仔食人奶),之後o既中午只有三文治or egg tart or 吉x家 beef rice or 酒樓點心, 我同c6講99唔煮俾我食,我坐緊月要食飯,c6幫住99話我平時瞓得晏,話佢阿媽怕煮左無人食,凍晒,試過有日c6買左下午茶俾我食,因佢有事出去,咁叔仔又出左街,99連 dinner都唔煮,叫62放工(十二點返到)買兩串curry fish egg俾我食,

4. 頭一個月我全人奶,99成日入黎唔銬門,試過幾次俾佢見到我餵奶咁我決定銷門,結果佢鬧我成日lock住道門,仲話餵奶都唔洗要lock門架,有次c6係度,99走黎睇BB,咁BB肚餓喊,我撿起衫準備餵奶,99直程企係我面前唔走,好彩c6出聲話餵奶有咩好睇呀, if not 我都唔知點算囉

5. 有次佢同c6,叔仔去飲茶,我唔去,99叫c6帶埋BB去,c6就入房問我,我話唔得,我唔去,BB都唔去,c6行出房門我就聽到
99: BB呢?
c6: BB唔去
99: 成日"穩"係屋企,"穩"都"穩"傻囉!
聽完我火都著埋,自己個孫都咁講佢把口都唔收,c6仲話佢阿媽唔係咁o既意思,我知佢想帶出去攞威,99唔忿氣我前兩日帶BB返娘家,所以佢要帶BB出街,成日想霸住我BB,有次佢趁我去廁所,帶BB出去,問都無問過我,等佢返黎我問佢去左邊,佢話帶BB落大堂涼冷氣,我又唔係唔俾佢同BB玩,洗唔洗咁唔見得光,c6話俾我聽佢同BB去樓下個鄉里度因為個度都有BB

6. 99煮啲野好難食,連叔仔都成日投訴佢,佢煮埋啲三色蕉(綠+紅+黃蕉炒埋一碟,涼瓜炒egg,豆腐+青豆,連我唔鍾意食meat o既人都覺得dry,咁米親c6放假出去食囉!佢又俾說話我地聽,佢對c6講:有錢啦!發達lu,又話要"草"錢,有錢唔俾我(c6有俾家用)

太多了,不能盡錄,多謝你地肯睇
私人傳訊

wmpl


大宅

積分: 3000


2#
發表於 08-10-17 05:23 |只看該作者
睇嚟你99對你步步進迫,不過你都唔駛太精神緊張,反而你要留意你C6嘅心態,如果佢係阿媽唔犯到佢就由佢繼續咁落去,日後就仲難搞,而你而家同佢講咩佢阿媽唔啱啲嘢,在於男人嚟講都係好濕碎嘅事,一來佢都慣咗自己阿媽係咁,二來佢又唔係感受到嗰個,佢會覺得又唔係冇彎轉,人性都係拖得就拖,譬如你唔鍾意佢阿媽煮嘅嘢,由男人嘅直接思維就覺得,唔鍾意食你可以自己煮,一係就落街食,總之佢認為有解決辦法嘅事都咪鬼煩佢~~

同佢講乜嘢唔夠營養或冇益,又話BB需要啲咩,除非佢本身都係好有健康意識嘅人,如果唔係就多數都係對係對牛彈琴,不如老老實實,如果可以嘅話就出街食,一係就自己煮自己食,不過我諗你都係唔好煮,免得有說話聽,再唔係就你99賴皮叫你順手煮埋俾佢一家食,到時你就仲谷氣,唔係教你要斤斤計較,不過你如果情緒太過唔好,咁啲人奶都會變味,到時B女都唔肯食就唔好,而且佢哋阿媽煮得難食佢自己仔女食返係心甘命抵,你都唔駛為佢諗咁多~~

另外,你有咩唔開心都上嚟呻吓啦,有時啲嘢又唔係話一定冇轉機嘅,有啲媽咪都會有啲唔傷害大家嘅計仔嘅,咁就算你99佢哋唔變,但可能有日你自己因為有得發洩又慢慢會睇化咗,咁起碼你都唔駛成日屈住屈住咁唔開心!
私人傳訊

honeybear0207


子爵府

積分: 11353

好媽媽勳章 醒目開學勳章 畀面勳章 環保接龍勳章 大廚勳章


3#
發表於 08-10-17 06:23 |只看該作者
佢唔煮咪你自己煮囉！反正你都話佢煮得難食！

一齊住就係咁煩！
私人傳訊

cherry1498


大宅

積分: 3008


4#
發表於 08-10-17 08:46 |只看該作者
樓主…如果你同佢有正面衝突，你老公都只會覺得係你錯…你小器…你要做弱者…引導佢去幫你出聲…等你老公黎保護番你，你老公先明白你99係點對你…

私人傳訊

kkw0816


別墅

積分: 931


5#
發表於 08-10-17 10:38 |只看該作者

有時覺得同自己成長環境唔同既人相處一定係好難架, 我現在巳經睇到好淡啦, 佢地真係唔係自己人黎架, 唔會好似娘家錦對自己好, 唔好錦上心, 對佢地千萬唔好有祈望, 你就唔會失望, 如果可以既話快D同C6計劃搬出黎, 一定會開心好多, 到時真係得閒先見啦, 聽唔到睇唔到就最清靜, 如果見到時聽到奇怪野, 我就帝國反擊架啦, 不過要高朝d笑住黎駁回, 唔好唔出聲, 會抑鬱症

私人傳訊

siufai


民房

積分: 56


6#
發表於 08-10-17 12:15 |只看該作者
d 99是好愛搶住同bb玩，你要令你老公覺得bb同你一起好過同佢亞媽。而且，你不開心，你老公是不會明，就會同你講，多ｄ人錫　ｂｂ不好ｍｅｉ
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


7#
發表於 08-10-17 14:53 |只看該作者
唉~本身一齊住已經夠煩,個99會同你搶bb就仲煩!你地有冇可能搬出黎住?
私人傳訊

catlover2001526


大宅

積分: 1871


8#
發表於 08-10-17 19:09 |只看該作者
唔好一齊住!
好煩呀!
我唔駛一齊都覺得煩!
私人傳訊

Joanna.L


複式洋房

積分: 172


9#
發表於 08-10-17 23:20 |只看該作者

回覆 #2 wmpl 的文章

你講中我c6&我99真係有同我c6講話我呢樣唔食個樣唔食(我有食,只不過食得少),咁叻煮俾佢地食喎,就算我想煮個送俾自己食,個雪櫃空架,99日日買送,我唔會落去買架,咁米益左99俾佢抱住我個女,以前就可以食公仔麵,依家生完要補下身唔食得

搬出去開支好大,c6把口答應但之後又兜個灣暗示佢唔想搬,雖然我會出去做野,但c6覺得咁會"草"唔到$,我寜完慳D洗,有幾多$都買唔返我D眼淚!

以前未一齊住時,我放啲M巾係廁所,到我下次用時打開個櫃竟然唔見在,我在廁所叫c6問佢阿媽,之後c6攞返俾我話佢阿媽以為係自己喎!我心諗會唔會連自己用邊隻M巾都唔知丫,如果你攞幾塊用我是沒問題的,反正用左我都唔知,我又唔會check住有幾塊,不過唔明99點解要拎埋走,自始之後我唔再放廁所

99連護膚品都用我,又係未一齊住個時放係廁所,我肯定自己用唔超過十次,但俾我發現少左三份二,,我同c6講: 你阿媽用左我啲護膚品
c6: 我阿媽點會攞你啲野用
我: 成屋得佢一個女人, 唔係佢用邊個用丫
c6: 你咁驚俾人用,你唔好放係廁所囉!
我: 我放係廁所方便自己, 唔係俾人用
c6: 洗唔洗計得咁清丫, 咁啲沖涼洗頭水丫你自己買返黎用啦!
我: 我想丫, 我係屋企不嬲都係咁, 每個人都有唔同需要,係你屋企人咁無衛生啫
c6: 嘩然我講一句,你講十句
(好彩我放啲平o既係廁所)

仲有佢地好興去廁所小便唔閂門, 有次叔仔企係廁所方便緊,我經過好彩佢背住我,我咩都睇唔到,唔係懢介死,之後有人入廁所我都要留意聽唔到閂門聲都唔敢出,因為c6間房必經廁所, 連佢阿媽都試過,因為有次我打開房門,佢先閂門, 之後佢阿媽再無係咁喇!

c6話我成日記住以前啲事, 我想唔記架,不過99對我步步進迫,由前日佢整蠱我熄左個煤氣爐總掣開始,我唔想再睬佢,係一眼都唔想, 當然佢都無睬我, 佢連同b女沖涼都抱住bb去校水,以前係我幫bb除衫,依家佢係廁所幫bb除埋, 99鍾意點,我話之佢, 但佢抱住bb去校水咁危險, 真係 short short地, 我入廚房沖奶佢直情唔讓位俾我,要我攝入去, 佢又矮又肥,成個冬瓜咁, 好呢度你屋企, 等我搬走之時, 你都唔c旨意我得閒帶個孫返黎,我一定大把藉口!:;pppp:
私人傳訊

alphabetagamma


珊瑚宮

積分: 108856

環保接龍勳章


10#
發表於 08-10-17 23:46 |只看該作者
其實, 佢都好似係做返自己. 你最多可以講佢唔係顧家的好女人, 佢老公同仔都接受到. 你嫁到入去, 我估佢為你改, 為你煮飯, 為你煮好食d, 打少d牌, 都幾難.

現在只有睇開d囉.
私人傳訊

wmpl


大宅

積分: 3000


11#
發表於 08-10-18 02:13 |只看該作者
回覆 #9 Joanna.L 的文章

你講果啲嘢,男人係唔會明架la,大家係女人先至會明,所以我同我啲fd都係咁講,就算真係要同個老公講佢屋企人啲咩嘢唔好嗰陣,都係一句起兩句止就好,唔好成日"e e吟吟",掉返轉我係女人都覺得你好煩,同男人講嘢要講重點,同埋講埋俾佢知你想點,唔係佢個腦一轉牛角尖諗唔到解決辦法就實發你脾氣,到時就講乜都嘥氣,因為大家都火燒心,說話冇理智,都變咗唔係討論個問題,只變咗係意氣之爭~~

唉,當一個人決定要唔妥你嗰陣,你做乜都係唔順眼架啦,好似我咁,初初都係將啲嘢擺晒喺厠所,又俾人哋阿媽話我鬼死咁多嘢,又懶矜貴咁,話我做咩要分開嚟用,講明先,我絕對唔係懶係嘢同一定要用貴嘢,而係我嘅皮膚係好敏感嗰隻,雙手曾經一段好長嘅日子爛到十指不能伸直,連沖涼都要戴手套,C6阿媽都好清楚,但係都依然會話我做乜一定要用哩啲嗰啲,又話我駛唔駛用得咁貴,又話我咁多嘢擺喺度阻住晒,其實,我都只係擺咗一支沐浴露,一支洗頭水同一支護髪素加一支牙刷,牙膏同潄口杯咁大把,咁佢阿媽話我啲嘢阻定,咁我都明寄人籬下就梗係唔好阻人地方架la,都冇話開唔開心,都知啲老人家係咁多嘢講,咪算數囉~~

但到我收返啲嘢入房之後,C6又嚟話我做乜收埋晒啲嘢入房咁鬼自私咁樣?仲話佢阿媽問佢我點解唔擺出去喎,又話間房都唔係多位,驚我哋逼喎,佢阿媽仲話佢係唔會用我啲嘢喎,我都O晒咀,心諗幾時話過驚你屋企人用我啲嘢啫,直情係諗都冇咁諗過,同埋,佢阿媽啲皮膚唔都唔係咁好,我仲主動叫過佢好多次唔好成日用埋啲九個九大大支嘅沐浴露,會洗壞啲皮膚,叫佢用我嗰支潻,不過係佢阿媽講話嫌我嗰啲唔夠香之嘛,但都費事同C6嘈,因為一來我都知好多老人家都係咁silver hand,又成日都發口痕鍾意乜嘢都話吓人但話完人又當自己冇講過,同埋當時我都仲好無知,以為都唔係啲咩嘢咁大件事,所以就都算數~~

咁經過好多事之後,到後來我就梗知,C6阿媽根本就係有心玩嘢,但仲要同佢住我都費事出聲,因為好多嘢一講出嚟就實俾人話我斤斤計較,就連我屋企人同好朋友都唔知,都唔係怪佢哋,因為唔明就係唔明,講嚟都嘥氣,盞令到自己更加唔開心,我都係無意中上到嚟哩度先至有知音人,係哩度啲人先至明白我講咩!!

你話啦,連自己家人同好朋友都唔明自己嘅處境,咁啲男人又點會明吖,同埋佢哋真係對哩啲嘢好鬼死遲鈍,分分鐘唔做到出面,唔講到出口佢哋都以為風平浪靜冇事發生,又或者係佢哋覺得自己冇辦法解決,所以就唔想去面對啦,而無論點都好,對於啲唔明嘅人,真係唔駛同佢講咁多,又唔係邊個嘅錯,枕邊人都係咁話,冇咁嘅經歷就係冇!

咁你就唔好再咁大火氣la ,想同老公傾偈之前,就上嚟哩度又話者揾人聽吓你講嘢先,自自然然就可以冷靜啲諗吓同執行一啲辦法去令到你老公肯搬,記住,要以目標為本,唔好太意氣用事,搬咗出去又係另一個天地架la!
私人傳訊

icyling


大宅

積分: 1072


12#
發表於 08-10-18 03:01 |只看該作者
快d搬喇...
生完bb要照顧bb已經好大壓力,又驚湊得阿b唔夠好...
如果仲要同99相處得咁唔開心既,我真係驚你會有產後仰鬱呀...
搬左出去,鐘意咪帶阿b返去比佢見下囉...
好過你依家生活得咁唔開心喇...
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy