＋
Baby Kingdom - 親子王國 香港 討論區 › 首頁 › 婆媳關係› 姑仔好貪心

婆媳關係

收藏本版
發帖
返回列表
跳至頁
姑仔好貪心 [複製鏈接]

首頁
123

尾頁
   0
碟碟


男爵府

積分: 5839


1#
發表於 08-10-8 16:09 |只看該作者
話說我同姑仔一向冇咩兩句,因為佢一直係美國生活, 後尾仲嫁埋o係o個邊長住, 最多只會o係msn傾兩句, 第三句都開始有deadair同埋一年佢番黎先見一兩次, ....咁佢依有左,今年年尾生, 本來都好替佢開心,因為佢之前小產過一次...但係佢開始令到我覺得佢好貪心...佢o係一,兩月前已經開始問我有關bb既野, 有冇bb衫可以俾佢等等...我個女依家歲半左右, 但係姑仔o個個係仔黎, 咁我就問佢介唔介意女仔衫, 佢話咁細個冇咩謂...ok, 咁我都執左一大箱比佢, 仲用courier 寄比佢用左成8百幾蚊...但係佢仲唔心足, 仲想謀埋我個b架bb車...佢之前都有問我邊個牌子既bb車好, 講真, 我點知美國有咩牌子丫, 佢個時已經問我我o個架點, 咁我話bb車好個人, 最好都係自己試過先買, 而且美國個邊的車仔好好, 我見的遊客用o個的車仔一般都靚過香港個的...佢當時冇出聲, 但過唔夠幾日我上去62屋食飯, 62又同我講,問我係咪比架車仔佢拎比姑仔(佢12月會同隻9過去美國探姑仔)

我呆左三秒鐘O左咀.....跟住我話"吓,冇喎, 唔係喎...架車仔好重架(成十幾磅), 好難拎喎....." 62就話"哦冇, 我諗住撘飛機時手提推去O者"..... 佢冇BB但推住架BB車上機, 仲要坐頭等...唔知佢覺唔覺得異相呢? 而且姑仔老公又唔係揾唔到錢, 唔知點解硬係"侯"住我架車仔.....

好勒, 本來都算啦, 點知前兩日我同C6講開唔知姑仔收到的衫未, 講下講下C6話佢個妹仲"侯"住我地架車仔, 雖然佢地都買左部, 但係多部做spare都好喎

我個一刻無出聲, 但係我真係幾嬲...大佬, 我講左唔比啦, 點解佢死心不惜要問咁多次呢? 架車仔我買左5/6千蚊,我夠知好野黎啦(本來隻9話送, 後尾都係C6自己比錢)...最過份係佢地一路都知道我打算呢一兩年會生多一個, 咁講真, 我留番比自己都好應該o者, 如果唔係當日我唔使買咁貴啦...唔知點解的人會咁貪心.....

其實一路以黎姑仔都好縮骨, 我地結婚時佢毛都無條比我, 到佢結婚我同c6做到足, 仲要特登飛過去飲佢個餐....到我個女出世, 佢都冇咩表示過, 依家到佢有bb, 又呢樣又個樣, 仲講定要我地一家三口同6299出年年尾去美國探佢....大佬, 真係好熟咩....我唔知係咪我小器, 但我真係覺得佢都好過份下囉......

[ 本文章最後由 碟碟 於 08-10-8 16:28 編輯 ]
私人傳訊

juicypig


珍珠宮

積分: 30278

環保接龍勳章 hashtag影視迷勳章


2#
發表於 08-10-8 16:17 |只看該作者
比著我就直接同佢講架車仔要留番下個bb出世用喇, 佢咁鬼cheap, 你都唔駛咁比面佢啦:;pppp: :;pppp: :;pppp:
一個人之所以快樂,不是因為她擁有得多, 而是因為她計較得少
私人傳訊

mother904


翡翠宮

積分: 82171

畀面勳章


3#
發表於 08-10-8 16:25 |只看該作者
原文章由 <i>juicypig</i> 於 08-10-8 16:17 發表 比著我就直接同佢講架車仔要留番下個bb出世用喇, 佢咁鬼cheap, 你都唔駛咁比面佢啦


遇著d咁cheap既人，咁樣講都冇用。

我果時有個朋友有bb，已經成日問我拎bb衫，咁有d衫我個女已經唔岩著，俾佢都冇所謂。但係佢有一次見到我個女著左件外套，要成千元一件，佢已經問我要，話我個女唔岩著。我當時真係唔想俾佢，一來我覺得佢老馮咁問我要左好多野，二來件外套係朋友送，我想留俾第二個bb。

我話想留俾下個bb用，佢仲不停問我要，後來我企硬話一定唔會俾，佢竟然話：咁你借俾我bb著住先，到佢著完唔岩俾番你啦！對住呢d人，係咪想
私人傳訊

mother904


翡翠宮

積分: 82171

畀面勳章


4#
發表於 08-10-8 16:27 |只看該作者
言歸正傳，樓主你對住呢種人，只可以講一句唔俾，唔駛解釋。

反正你俾幾多野佢，佢都只會覺得係老馮，你俾少一樣就一定係你唔岩。

私人傳訊

juicypig


珍珠宮

積分: 30278

環保接龍勳章 hashtag影視迷勳章


5#
發表於 08-10-8 16:31 |只看該作者
嘩, 你個朋友咁經典既mouth: mouth: mouth:
原文章由 mother904 於 08-10-8 16:25 發表


遇著d咁cheap既人，咁樣講都冇用。

我果時有個朋友有bb，已經成日問我拎bb衫，咁有d衫我個女已經唔岩著，俾佢都冇所謂。但係佢有一次見到我個女著左件外套，要成千元一件，佢已經問我要，話我個女唔岩著。我當時真係唔想俾佢，一 ...
一個人之所以快樂,不是因為她擁有得多, 而是因為她計較得少
私人傳訊

ip1236hk


大宅

積分: 1553


6#
發表於 08-10-8 16:38 |只看該作者
我有個fd未有bb都問我拎定bb床同bb衫添呀,,
仲要十一月先結婚
上年先落左個b
跟落完個b話會結婚,,plan左今年2月再話11月
早幾個week托我另一個fd問我張床要唔要,,跟著我話個look爛左無比
跟著過幾日又托我個fd問我拎3仔囉=="佢婚又未結b又未有,,仲要唔親自問我要托人問我囉..
我個仔先得7個月，張床仔有排用啦
私人傳訊

carylce


大宅

積分: 2015


7#
發表於 08-10-8 17:27 |只看該作者
嘿...
我生B時送果D野..借左俾個FD用..
點知她問都唔問...俾左人..
大佬我仲要用架..
私人傳訊

tungtsz


大宅

積分: 2183

好媽媽勳章


8#
發表於 08-10-8 19:20 |只看該作者
嘩嘩嘩...咁既人都有...

佢地咁鍾意你架車仔...而且你6299都會過去探你姑仔...咁你未比架車仔D資料佢地...叫佢地買過架新既比佢地個女囉...

你都有打算再生BB...咁緊係留返架車比個細B啦...做嘜係都要攞你架車仔啫...?? 係未佢地迷信想用人地D舊BB用品呀....??

講真...你個姑仔又唔係HK住...唔比架BB車佢都唔怕見到面會唔好意思...仲有...去唔去美國探佢唔係佢話事囉...大既要返工...細既要返學...過一轉美國...無10日8日都唔得啦...有假期都留返比自己同小朋友喇...

[ 本文章最後由 tungtsz 於 08-10-8 19:43 編輯 ]

私人傳訊

KimB


男爵府

積分: 7268


9#
發表於 08-10-8 20:46 |只看該作者
唔知係唔係大部份既姑仔都係唔好呢?? 我既姑仔唔係貪心想要我d野, 但佢就好孤寒, 樣樣野都根根計較。


佢大左個肚先嫁俾佢老公，但我 62 99就唔係好鍾意個男仔, 不過冇辦法啦, 因為生米已經成熟飯。由於佢老公做sales, 冇咩本事賺得唔多, 所以我62 99勁錫佢呢粒外孫, 佢地話如果唔係個小朋友好可憐。正因為咁既background, 所以我c6同其餘4兄弟姊妹都要幫吓呢個冇咩本事既細妹。

由佢個仔出世至今8年, 佢都不斷係度呃飲呃食, 個仔樣樣野都扮曬冇錢俾, 咁62 99就會幫佢俾, 每逢星期六、日都一定去外家呃飲呃食, 出去街食飯冇一次會俾錢。仲有個仔想買野，佢就會叫個仔同d舅父阿2講，等我地買俾佢, 而佢自己d錢就用係自己身上，因為佢知道62 99會唔捨得個孫，你話佢係唔係超過份呀??

仲有呀, 佢租屋住d錢，都要我62 99俾一半。佢仲要成日扮到好慘, 等我62 99同c6講，你地可以就盡力幫吓個妹啦!! 我c6連個電話都唔捨得換, 佢個妹個電話竟然係最新型號, 你話有冇搞錯！！我地慳埋慳埋，唔該都冇聲，就要俾我62 99及姑仔呢班吸血鬼吸曬, 激死我啦.....
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


10#
發表於 08-10-8 20:57 |只看該作者
死都唔好俾佢呀!!
你6299咁有米長途機坐頭等就自己買一架送俾你姑仔啦!嗰個話晒都係佢個女黎喎!
私人傳訊

晞玥


珍珠宮

積分: 34110

hashtag影視迷勳章 好媽媽勳章 畀面勳章 BK Milk勳章


11#
發表於 08-10-8 21:02 |只看該作者
原文章由 mother904 於 08-10-8 04:25 PM 發表


遇著d咁cheap既人，咁樣講都冇用。

我果時有個朋友有bb，已經成日問我拎bb衫，咁有d衫我個女已經唔岩著，俾佢都冇所謂。但係佢有一次見到我個女著左件外套，要成千元一件，佢已經問我要，話我個女唔岩著。我當時真係唔想俾佢，一 ...


呢D人面皮幾萬尺厚!!人地都拒絕左仲要不停"where"爛塊面問人攞!成個乞衣咁!
私人傳訊

JFL


伯爵府

積分: 17193


12#
發表於 08-10-8 22:09 |只看該作者
原文章由 晞玥 於 08-10-8 20:57 發表
死都唔好俾佢呀!!
你6299咁有米長途機坐頭等就自己買一架送俾你姑仔啦!嗰個話晒都係佢個女黎喎!

咪係,亞婆亞公咁有米坐頭等機就唔好慳果百多美元買架新比個孫喇!重有你寄Ｄ舊衫比佢,淨系郵費都賣過在呢边買喇,去Gap都可以買到平嘅ＢＢ衫!Ｄ姑仔成日覺得亞哥屋企Ｄ嘢系佢有份咁,好似我姑仔見到我屋企Ｄ嘢都眼見心謀,但佢只系問佢亞哥至喎,唔須問下當事人,佢亞哥就多數話Ｄ嘢系我嘅,叫佢問我!
私人傳訊

星星123


民房

積分: 48


13#
發表於 08-10-8 22:32 |只看該作者

回覆 #9 KimB 的文章

我隻 8 號賤姑仔又係這樣衰，在這十多年中，成日扮可憐﹑扮慘，借錢唔還，賣了佔一半股份的樓宇給老爺 ( 其餘一半是老爺 的)，取了支票後，但又唔轉名，仲飛了去加拿大 ....

之後，說沒錢 ( 是有錢，但唔會取出來 )，但係都要在加拿大買樓，結果又是男家父母及女家 3 號姑 9借錢出來 .......

up up 騙騙10多年，現在已經剩埋唔少，最蠢最慘係男家的父母及女家單身的 3 號姑9，十多年來不知被騙了多少 ? 現在人地香港有樓，加拿大有樓，大陸又有樓 ......唔知呢d人晚訓唔訓得著 ? ? 還夠膽同我講佢係讀書人，以為我唔知佢d衰野 !!
私人傳訊

星星123


民房

積分: 48


14#
發表於 08-10-8 22:42 |只看該作者

回覆 #13 星星123 的文章

仲有 ..... 出街食飯扮慘唔夾錢 ..... 見你一入shop 買野就會跟住，當你一比錢就即痴住你話擺佢d野落收銀機附近，博我地話等我地比埋啦........... 超討厭!!
私人傳訊

shannnb


水晶宮

積分: 59166


15#
發表於 08-10-8 23:34 |只看該作者
你唔想咪唔好俾佢囉
你同6299講 要佢用舊野唔好呀! 新bb 買新野先得架 唔係bb唔開心~:;pppp: 你6299坐頭等咁有錢 咪買新車俾bb囉!
私人傳訊

cherry1498


大宅

積分: 3008


16#
發表於 08-10-9 10:09 |只看該作者
你個女仲細…得人個歲半…個BB車仲用得著架…咪一句答佢，俾左佢，你個女坐咩呀？
私人傳訊

碟碟


男爵府

積分: 5839


17#
發表於 08-10-9 10:17 |只看該作者
呢樣正正係我最嬲既地方....6299佢地有錢要貼邊個唔關我事, 但係唔知點解99仲成日仲覺得我地欠左佢,成日借頭借路屈C6,仲要覺得個仔對佢唔夠好, C6買親野比我佢都唔抵得, 成日上我屋企就好似抄家咁,連個孫既生菓餅餅都唔放過要食番的先安樂.....仲要夠胆同我個女講係咪少見媽媽所以唔扭媽媽抱 ,正PK, 佢唔使做日日走上黎攪我個女以為自己好鍚個孫(但係佢成日整親我個女), 講到我好似成日丟低個女唔理..大佬, 我出去返工賺錢養自己o乍, 我同C6結左婚幾年, 我冇收過佢一亳子家用, 咁耐都係公一份, 婆一份, 而我亦從來冇希冀o係6299身上得到任何好處...但係佢地成日以為佢地自己好巴閉, 我出去做野係賺錢買花帶,可做可唔做反正都係佢地養, 到依家仲要連姑仔都咁貪心, 真係好想死....mouth: mouth: mouth:
...
原文章由 JFL 於 08-10-8 22:09 發表

咪係,亞婆亞公咁有米坐頭等機就唔好慳果百多美元買架新比個孫喇!重有你寄Ｄ舊衫比佢,淨系郵費都賣過在呢边買喇,去Gap都可以買到平嘅ＢＢ衫!Ｄ姑仔成日覺得亞哥屋企Ｄ嘢系佢有份咁,好似我姑仔見到我屋企Ｄ嘢都眼見心謀,但佢只系 ...

[ 本文章最後由 碟碟 於 08-10-9 10:29 編輯 ]
私人傳訊

Lilo


大宅

積分: 2536


18#
發表於 08-10-9 10:37 |只看該作者
樓主，你姑仔都只係開口問你要，我表弟同佢老婆仲經典。話說我個囡未過12朝，佢兩公婆掛名來探我，當時表弟婦只係有左2個月，佢地話入房睇bb，點知入到去房係開我d櫃，"抄"晒d bb衫出來，跟住話表姐我要呢件呢件同埋xxｙｙ，你記住留比我，我話好多我個b都未着點比你(記住我個b未過12朝！)佢話唔緊要，你亞b咁多衫，呢幾件咪唔好留比我，仲想即刻攞走！老實講如果佢地唔係咁貪心，比d衫仔佢地無所謂，不過一來當時我地衫自己都未着，二來佢地又唔知個肚係男定係女，三來我個b冬天出世,佢個就夏天，d衫都唔合，都唔知佢地上來搶乜！之後仲出動埋佢亞媽即係我舅母上來，又係"抄"衫同埋玩具，又係話亞b咁多玩具都玩唔晒，不如比佢個孫。你話呢d咩人啦！仲話係親戚！樓主，唔好咁火，貪心親戚一街都係，好似7-11咁梗有一個係身邊！

[ 本文章最後由 Lilo 於 08-10-9 10:38 編輯 ]
私人傳訊

mother904


翡翠宮

積分: 82171

畀面勳章


19#
發表於 08-10-9 11:18 |只看該作者
原文章由 <i>Lilo</i> 於 08-10-9 10:37 發表
樓主，你姑仔都只係開口問你要，我表弟同佢老婆仲經典。話說我個囡未過12朝，佢兩公婆掛名來探我，當時表弟婦只係有左2個月，佢地話入房睇bb，點知入到去房係開我d櫃，"抄"晒d bb衫出來，跟住話表姐我要呢件呢件同埋xxｙｙ，你記住留比我，我 ...


嘩！你既親戚仲經典！

李嘉誠夠大把錢用唔哂，叫佢地去問李生攞呀笨！
私人傳訊

Lilo


大宅

積分: 2536


20#
發表於 08-10-9 11:59 |只看該作者
原文章由 mother904 於 08-10-9 11:18 發表


嘩！你既親戚仲經典！

李嘉誠夠大把錢用唔哂，叫佢地去問李生攞呀笨！


如果李生係佢親戚，我估佢都會問李生攞番層樓住下！ 講真我有個表哥係某大電腦軟件公司到做高層，表弟每次見佢都屈佢送d軟件比佢地,又係個句親戚麻。 佢地仲出動舅母係我亞媽面前話我咁孤寒，唔着都唔送比佢地，搞到我亞媽係咁話我！亞媽仲成日話表弟無乜錢,幫到咪幫下佢地囉！其實我表弟兩公婆都唔知幾好戲，佢地成2萬幾蚊個月(嘻嘻！佢唔知我識佢人事部經理，所以我知佢幾錢收入)，個囡仲學幾廿樣野(學英文$200+個鐘仲話唔貴)，住係舅父屋企又唔使比錢，分分鐘仲多閒錢過我！以前對我地唔秋唔彩，係想攞着數先至叫下我地，都我老公開聲叫佢地過主，又立即變回唔識我地咁，你話係咩人！
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy