婆媳關係 今日: 0 | 主題: 27782

積分: 595

1^#

發表於 08-10-10 11:41 |只看該作者 |倒序瀏覽 |打印

我老公係大陸開廠, 咁上年就跟左老公一齊返大陸住, 同叔仔一家住係廠既宿舍 .
係同一層度, 分左2個單位, 一家人一個單位, 但平時就都會自由出入對方屋企. 老公一去到就堅持二家人都係我地屋企食飯.
一齊食飯問題唔大, 只係工人煮多幾個人既份量(連工人共有8個人食飯)! 買餸都係廠訂, 唔駛比錢. 但其他野好似油呀, 鹽呀, 早餐, 或者日用品, 都要自己買. 初時問題唔大, 但耐左就發覺好有問題, 除左新鮮既菜肉之外, 所有野都係我地比錢買. 叔仔一個仙都唔比! 次次叫老公同叔仔講, 佢又話好難做, 好難講! 最嬲係個死老成日叫我慳D洗, 生意唔好, 點解要我慳比人地一家用!

1) 廚房用品 – 油, 鹽, 雞粉, 總之廚方要用到既野都係我地買. 尤其係油先用得利害, 大陸既油一d都唔比香港平, 都要成百幾蚊一枝5L既. 一開始就買芥花子油(叔仔以前係大陸住都係買芥花子油), 但叔仔既外母唔知點解係我地黎左後, 話無油既菜好難食, 所以我地由芥花子油改成買花生油. 如果唔係就一枝油用一個星期, 因為要落好多好多油.

2) 生活用品 – 洗衣粉佢地一定要買進口貨! 柔順劑自己又唔買,見到你買左就一定會用, 有時無曬佢就會攞自己屋企私人珍藏既進口洗衣粉去洗自己既衫. 初時係買盒裝紙巾, 唔知係咪大陸人無乜環保意識, 乜野都用紙巾去抹. 幾日換一盒! 但如果係佢屋企食野, 佢老婆就會好小心咁, 係佢自己房度攞幾格紙巾出黎, 比佢自己同老公用. 成個廳一張紙巾都無, 次次要用都要走去洗手間攞.

3) 早餐 – 8個人既早餐, 其實真係唔少錢. 買水餃, 面包, 火腿, 腸仔….2個星期就要入貨一次, 次次3,4百蚊唔少得! 自己又無車, 攞到隻狗咁. 叔仔有車, 又成日放工同老婆出去遊車河, 都唔會買D返黎! 去到超級市場, 係買, 咪淨係買佢地屋企要食既野, 大家要食既野就當無事發生!

今個星期屋企已經清曬倉, 早幾日叔仔去左超級市場, 佢賤到只係買曼頭比佢個寶貝仔做早餐, 其他野一樣都唔買! 我實在太火滾, 就同老公講, 我地乜都唔買, 阿女既早餐, 我包佢日日有新鮮既野食就算! 大家累鬥累!

0 0 0

私人傳訊

Melody_Che

積分: 4192

2^#

發表於 08-10-10 12:10 |只看該作者

做得好岩, 最憎人甘自私, 成日諗住有大食大, 黑人憎

私人傳訊

KimB

男爵府

積分: 7268

3^#

發表於 08-10-10 12:11 |只看該作者

樓主，我支持你呀！ d c6梗係話算數，佢地都唔知依加d物價幾貴, 既然你叔仔一家都有份食，點解唔洗俾錢先，都唔知咩野道理???

唔講食啦, 因為開頭係你c6話要兩家人一齊食，但我覺得佢地最過份係連用既都要貪。連洗衣粉、柔順劑、同紙巾都唔放過。

樓主，我見過之前有個BK姊妹post出黎既方法幾好，不如你試下啦！佢個方法係用黎對付個c6既，因為c6成日唔俾錢佢，但我覺得都不防一試！

當你用曬屋企既日用品之後，千祈唔好像平時一樣買番曬d家庭裝，你所有野都買試用裝，或者係最細size既，因為容易收藏。要用既時候先拿出黎用，平時就要收埋係d係叔仔一家都搵唔到既地方，等佢地冇得隨便攞黎用。仲有呀，用完既空樽唔好掉左佢，因為可以當道具，佢問黎借用，你可以大條道理話冇。久而久之，我諗佢地都應該知道咩事啦！

私人傳訊

jaycee_mami

珍珠宮

積分: 48846

好媽媽勳章

4^#

發表於 08-10-10 13:30 |只看該作者

我都係好憎縮骨叔仔, 你老公乜都唔理, 你做阿嫂就要企硬.

你而家做得好好呀, 大家鬧唔買, 累鬧累, 記住要堅持!

唔好同佢地去超級市場, 我驚佢地買野入你數. 最好晚飯都係分開食, 久而久之, 佢地就會無咁依賴你地.

不要成日在你老公面前唱衰叔仔, 你老公一定唔鐘意 (我老公都係咁, 埋怨佢細佬就黑面), 你做野要暗地裡做, 表面客客氣氣, 屋企物資要收藏好.

私人傳訊

積分: 595

5^#

發表於 08-10-10 14:57 |只看該作者

原文章由 jaycee_mami 於 08-10-10 13:30 發表
我都係好憎縮骨叔仔, 你老公乜都唔理, 你做阿嫂就要企硬.

你而家做得好好呀, 大家鬧唔買, 累鬧累, 記住要堅持!

唔好同佢地去超級市場, 我驚佢地買野入你數. 最好晚飯都係分開食, 久而久之, 佢地就會無咁依賴你 ...

我已經試過啦! 之前有一次出街食完飯, 順手去超級市場行下, 咁我無帶會員咭(因為有成9折), 乜都唔想買, 都只係買最急既野, 我只買左枝洗頭水, 咁佢地就乜鬼都去買, 唔貴果樣唔買, 雖然比錢唔係好多, 但係就好火滾, 平時我地出去, 你叫順手買番黎無乜問題, 但點解出到去都唔自己比錢, 個死老仲自自動動走去排隊比錢, 等人地一家三口行下先, 睇下仲有無野買, 咁我地呢一家三口就係度等比錢, 等送野比人地用!
返到屋企我攞支洗頭水問老公, 點解我枝洗頭水要成百幾蚊咁貴! 佢就死死下咁話無下次!

私人傳訊

KimB

男爵府

積分: 7268

6^#

發表於 08-10-10 15:18 |只看該作者

原文章由 mimibebe 於 08-10-10 14:57 發表

我已經試過啦! 之前有一次出街食完飯, 順手去超級市場行下, 咁我無帶會員咭(因為有成9折), 乜都唔想買, 都只係買最急既野, 我只買左枝洗頭水, 咁佢地就乜鬼都去買, 唔貴果樣唔買, 雖然比錢唔係好多, 但係就好火滾, ...

樓主，你真係要再教育吓你c6, 如果唔係中六合彩都唔掂呀！

私人傳訊

heidiyhthm

積分: 2058

7^#

發表於 08-10-10 15:28 |只看該作者

樓主我同您的情況差不多好明白您. 我哋住在99旁邊.我9962不是常常在,一般只有叔仔一個.初時c6話佢細佬晚上會過來吃,我想一日一餐都沒什麼所謂.點知佢細佬,日日放工回來,都不過來幫手開枱,就在他那邊要人好像大少請過來,再不是要人送過去差沒喂.
吃完要不就拿到廚房但不用水泡住,會好難洗.再不是直接放在他那邊. 我們都沒人跟他拿伙食費,他還要我們幫他買日用品,自己放工回來都不買.我們次次出去都要買很多東西又要照顧個仔都很不方便.有一次他就給幾拾蚊我c6幫他買日用品,我很生氣,現在我們是佢工人,比少少錢就要幫你買.反過來我給你,叫你去買可不可以.
從此之後他不過來吃飯,自己買飯盒.

私人傳訊

積分: 595

8^#

發表於 08-10-10 15:36 |只看該作者

原文章由 heidiyhthm 於 08-10-10 15:28 發表
從此之後他不過來吃飯,自己買飯盒 ...

咁你都算守得雲開見月明. 我阿媽都不停叫我唔好再一齊食飯, 但我老公好似要分隔佢2兄弟咁, 死都唔肯. 我一直都覺得呢個決定係我老公單方面要求, 可能叔仔佢地跟本就唔想同我地一齊食!

私人傳訊

juicypig

珍珠宮

積分: 30278

環保接龍勳章 hashtag影視迷勳章

9^#

發表於 08-10-10 15:49 |只看該作者

你叔仔係唔係幫你老公打工架????

一個人之所以快樂,不是因為她擁有得多, 而是因為她計較得少

私人傳訊

yuet

積分: 1154

10^#

發表於 08-10-10 16:59 |只看該作者

聽樓主講, 好似連叔仔個外母都要養埋,
比我都覺得分番開好.
買左野返黎除二,大家分擔,
再唔係各有各食,唔好一齊喇!

私人傳訊

邱吉爾

等待驗證會員

積分: 506

11^#

發表於 08-10-10 17:12 |只看該作者

我有個同事又係老溤搵著數, 次次我地去超市買嘢, 佢都會擺埋一齊等我地找數, 有次我真係好唔想再比佢搵苯, 佢又一次咁老溤擺嘢落嚟要我地找數嗰時, 我咪同收銀講, e, 前埋呢堆先係我ge, 後面呢樣係呢位太太ga, 你分番開單啦咁囉, 我同事後尾咪面幪幪咁找數囉

私人傳訊

wxxyxn

積分: 2339

12^#

發表於 08-10-10 17:45 |只看該作者

但我又咁睇，如果唔係真係負擔唔到
養埋佢成家都冇所謂啦
一家人係大陸做野
又住埋一齊
和氣d好

私人傳訊

kellyly

侯爵府

積分: 24623

好媽媽勳章畀面勳章

13^#

發表於 08-10-10 17:58 |只看該作者

原文章由 邱吉爾 於 10/10/08 17:12 發表
我有個同事又係老溤搵著數, 次次我地去超市買嘢, 佢都會擺埋一齊等我地找數, 有次我真係好唔想再比佢搵苯, 佢又一次咁老溤擺嘢落嚟要我地找數嗰時, 我咪同收銀講, e, 前埋呢堆先係我ge, 後面呢樣係呢位太太ga, 你分 ...

我之前都有個咁既同事
我地唔係買野係搭車
我地番工嗰到就只有的士可去到,就咁我同幾個同事會搭的士番工
其中一位同事佢日日都扮野話無散紙,之後追佢佢又話無
咁我同其他同事夾計逼佢坐車頭,一到就即落車
有時一係唔等佢等佢自己一個搭
之後就死死地比番錢

樓主你千其唔好再買,再買即供佢地食ja.

私人傳訊

cc0202

男爵府

積分: 6160

14^#

發表於 08-10-10 22:34 |只看該作者

你叔仔簡直係縮骨精,我叔仔都差唔多,我老公有幾架車有一架係借比叔仔長期用的(每星期起碼用5次),我老公一個月都用唔到3次,叔仔用完又唔入番油(因為明知我老公第二日要用),停車場費又唔比搞到我老公成曰比人追,成家人出街食飯永遠唔比錢,我同老公識左14年叔仔只係比過2次錢,三十幾歲人成曰話無錢,叔仔份工係工程師月入最少3皮,所以我好鬼死憎巨.:;pppp:

私人傳訊

elmamama

積分: 4945

15^#

發表於 08-10-11 00:24 |只看該作者

我叔仔最近都有此情況.....唔知係咪有左新女朋友(現在是老婆)開始改變左......

話說有一天, 叔仔話介紹佢女朋友俾我地識(包括99), 咁第一次見就去吃晚飯.....我以為, 我真係以為係叔仔請食飯....點知埋單都是我老公. 唔請都 AA 啦.

仲點知, 之後每次見面食飯, 佢從未伸手俾過$$ law, 老公俾得幾次, 我就覺得奇怪啦, 唔請都aa啦, 係咪先? 之後我同老公哦 law, 卒之有次去飲茶, 老公冇再立即拿$$, 睇下佢識唔識做, 原來都係冇反應law, 最後99俾.....

到叔仔結婚果日食午飯, 一定要俾啦, 冇得走喇掛. 老公彈左一句 : 嘩, 難得xx請食飯, 食盡佢la....真小有之類啦.....

唉, 佢同以前個女朋友一齊, 唔請都有aa架, 自動自覺, 而家真係....

私人傳訊

積分: 595

16^#

發表於 08-10-11 09:23 |只看該作者

原文章由 wxxyxn 於 08-10-10 17:45 發表
但我又咁睇，如果唔係真係負擔唔到
養埋佢成家都冇所謂啦
一家人係大陸做野
又住埋一齊
和氣d好

我都明白呢個道理, 如果財政係鬆動, 或者你係需要人地幫既, 我都唔會咁扯火.
叔仔仲有錢過我地, 可以話係衣食無憂果種! 老公就將d錢放曬入間廠度, 無乜錢! 都係食老本!
我唔係要求, 乜都一人一半, 只係你都要識做扮下野, 十次買野中, 你都買三次呀! 咁我都算呀! 可惜呀, 十次買野十次都係我地比! 去到見我黑曬面, 先走去買一次咁大把! 你話點和氣呀!

私人傳訊

積分: 595

17^#

發表於 08-10-11 09:25 |只看該作者

原文章由 juicypig 於 08-10-10 15:49 發表
你叔仔係唔係幫你老公打工架????

唔係幫我地打工, 間廠佢都有份. 2兄弟既股份係一樣, 分錢都係平分2份! 點解要做到咁縮骨姐!

私人傳訊

A.C.C.

積分: 3786

18^#

發表於 08-10-11 11:33 |只看該作者

當年叔仔(外加佢D貓狗)同我地住, 我地都係"豪華全包宴"

屋企嘅所有伙食水電煤氣管理雜費當然一律係我同老公俾, 連佢房嘅寬頻都入埋我張信用卡條數, 理由係佢唔得閒去做登記

最離譜係狗糧啤酒同煙都要我地買, 次次跟去超級市場都借D意行最尾唔駛俾, 大佬呀, 佢日日飲兩罐生力食半包煙, 狗糧要買最好, 個個月剩係狗糧啤酒同煙都2千幾

最火滾係, 唔出錢仲要嫌三嫌四, 買錯啤酒會臉黑, 我無煮飯大家食飯盒佢又臉黑, 總之就當正自己係大少, 我老公同我係佢嘅工人

私人傳訊

星星123

民房

積分: 48

19^#

發表於 08-10-11 12:53 |只看該作者

叔仔一家好自私

QUOTED :
最火滾係, 唔出錢仲要嫌三嫌四, 買錯啤酒會臉黑, 我無煮飯大家食飯盒佢又臉黑, 總之就當正自己係大少, 我老公同我係佢嘅工人
UNQUOTE

我的 8 號賤姑一向恃細﹑扮慘﹑食飯唔比錢唔夾錢 ........話說有一回在加拿大，表哥請食飯，食完表哥找數，賤精夠膽話表哥 tips 比得太少了，佢地同這間食店好熟嫁。

超 ! 人家請食飯，仲話別人tips比得少 ?累佢地沒面子 ! 賤 !

私人傳訊