吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 好嬲好頂氣呀!!! (長篇...)

婆媳關係今日: 0|主題: 27782

收藏本版

發帖

返回列表

跳至頁

查看: 1999 | 回覆: 6

好嬲好頂氣呀!!! (長篇...) [複製鏈接]

KoyeBaby

子爵府

積分: 12904

醒目開學勳章畀面勳章

1^#

發表於 08-10-11 14:02 |只看該作者 |倒序瀏覽 |打印

尋晚囡囡瞓唔好,2個鐘醒一次,我自己身體又唔舒服,已經好忟憎,仲要俾我半睡半醒之間聽到c6同佢朋友講電話...

佢哋講開婆媳關係,c6就話"我要做磨心好辛苦架,如果我唔喺屋企,實嘈到拆天!","依家佢哋都係咁啦!我出街食飯囉,食飯分開食架!"

第一,我從來唔會同99鬧交,忍無可忍暗寸佢一兩句都會,但係一定唔會同佢"嘈到拆天"!!況且我已經好多嘢都唔同c6講唔駛佢理,我自己搞掂或者忍咗佢算,c6喺朝早先話過我睇唔順眼要出聲,但係依家就同佢d朋友咁樣抹黑我,咁我平時忍氣吞聲為咩呀?

第二,依家我哋同6299係分開食飯,c6同我食,62同99又自己食,但係唔關我事!係c6自己同99鬧交反面,c6話唔食99嘅飯,要我煮!我開始時有叫99一齊食,但係佢哋鬥氣唔領我情仲嬲埋我,依家佢日日都有說話俾我聽...咁c6係好硬頸嘅人,唔通我唔理佢咩?咪唯有我煮俾佢食囉...佢晚餐先食完我煮嘅飯,轉個頭就同人講佢"出街食"!我聽到真係好頂氣!!!我又要湊女,又要煮飯,試過煮煮下囡囡夠鐘要沖涼瞓覺,我煮好哂都無得食,要個女瞓咗先,我食飯嗰時都10點幾啦!

佢咁樣同人講搞到我好似好野蠻又懶懶閒咁!我做得幾多做得幾好,佢一句說話就抹煞哂我嘅努力!!!真係好嬲!!我到呢一刻都仲頂住道氣!!!!可能你哋覺得係小事,可能係男人嘅面子要踩個老婆,但係我真係好介意,好唔開心...99已經對我越嚟越差,依家個c6又...

0 0 0

私人傳訊

alphabetagamma

珊瑚宮

積分: 108856

環保接龍勳章

2^#

發表於 08-10-11 14:16 |只看該作者

原文章由 KoyeBaby 於 08-10-11 14:02 發表
尋晚囡囡瞓唔好,2個鐘醒一次,我自己身體又唔舒服,已經好忟憎,仲要俾我半睡半醒之間聽到c6同佢朋友講電話...

佢哋講開婆媳關係,c6就話"我要做磨心好辛苦架,如果我唔喺屋企,實嘈到拆天!","依家佢哋都係咁啦!我出街食 ...

第一,我從來唔會同99鬧交,忍無可忍暗寸佢一兩句都會,但係一定唔會同佢"嘈到拆天"!!況且我已經好多嘢都唔同c6講唔駛佢理,我自己搞掂或者忍咗佢算,c6喺朝早先話過我睇唔順眼要出聲,但係依家就同佢d朋友咁樣抹黑我,咁我平時忍氣吞聲為咩呀? <<我覺得佢係講緊你99. 唔好多心. 仲有, 你有不滿可以用平淡的話氣講佢知, 唔洗佢表明立場支持邊一個. 主要目的係你要發洩之嘛. 因為佢做磨心好慘. 可能佢阿媽就係咁迫佢, 你唔迫你就係winner!

第二,依家我哋同6299係分開食飯,c6同我食,62同99又自己食,但係唔關我事!係c6自己同99鬧交反面,c6話唔食99嘅飯,要我煮!我開始時有叫99一齊食,但係佢哋鬥氣唔領我情仲嬲埋我,依家佢日日都有說話俾我聽...咁c6係好硬頸嘅人,唔通我唔理佢咩?咪唯有我煮俾佢食囉...佢晚餐先食完我煮嘅飯,轉個頭就同人講佢"出街食"!我聽到真係好頂氣!!!我又要湊女,又要煮飯,試過煮煮下囡囡夠鐘要沖涼瞓覺,我煮好哂都無得食,要個女瞓咗先,我食飯嗰時都10點幾啦!<<佢又係同朋友發洩下... 佢同人講當然有咁慘講到咁慘, 目的唔係抺黑你, 而係話自己幾慘.

佢咁樣同人講搞到我好似好野蠻又懶懶閒咁!我做得幾多做得幾好,佢一句說話就抹煞哂我嘅努力!!!真係好嬲!!我到呢一刻都仲頂住道氣!!!!可能你哋覺得係小事,可能係男人嘅面子要踩個老婆,但係我真係好介意,好唔開心...99已經對我越嚟越差,依家個c6又...<<個人意見: 做女人一定要兩頭瞞. 估下和事佬. 咁起碼99會無咁憎你, 因為你幫佢. 你暗地又要幫老公話佢無錯, 當就下老人家囉. 搞耐左人地只會話個仔唔啱啫.

唔好嬲啦~ 諗方法搞返好關係. 仲要讚下老公大方, 全靠佢顧全大局, 家庭才和諧. 你讚佢, 耐左, 佢心知肚明, 佢一定都會讚返你架.
仲有可能佢只係想搬朋友的約會吧...
我有同老公講過, 有人想教壞佢, 要叫去玩去溝女, 講句"我老婆會發癲的, 佢自殺都有之" 我唔介意食這個死貓. 有人問佢借錢, 唔好立即任借唔還, 同人講句"我老婆好貪錢, 睇得好緊, 我諗下辦法". 我成日叫佢搵我食死貓. 我唔介意架

.

[ 本文章最後由 alphabetagamma 於 08-10-11 14:21 編輯 ]

私人傳訊

A.C.C.

大宅

積分: 3786

3^#

發表於 08-10-11 16:27 |只看該作者

會唔會你老公唔講緊你, 而係佢同阿媽嘅事？

而且男人同男人講嘢就係咁, 吹水會吹到泥鯭變鯨魚都夠膽架~ 既然唔係你面前講, 你唔好嬲住, 先睇下佢有無再亂講......可能佢個friend呻緊自己老婆同阿媽嘅事, 你老公為咗安慰佢, 所以誇張自己都係咁慘

私人傳訊

JFL

伯爵府

積分: 17193

4^#

發表於 08-10-12 00:05 |只看該作者

佢都系呻下啫,每個人在自己的位置都覺得自己啱架喇,你６２９９夠會覺得自己啱晒,你都會上黎ＢＫ呻喇,咪有得佢囉,聽咗咪當聽唔到!

私人傳訊

onon1022

子爵府

積分: 12600

好媽媽勳章

5^#

發表於 08-10-12 00:12 |只看該作者

其實你老公唔係有心抺黑你...只係同朋友傾偈...諗住投入對方既話題...先會咁講...而且佢可能唔開心...先藉題發揮...

[url=http://lilypie.com][img]

私人傳訊

KoyeBaby

子爵府

積分: 12904

醒目開學勳章畀面勳章

6^#

發表於 08-10-12 14:46 |只看該作者

我明白你哋意思,但係我知佢同邊個朋友傾,佢朋友都未結婚又未拍拖,佢講嗰時個語氣係好慘咁,我心諗"乜你原來覺得咁辛苦架咩?",講真我已經好耐無要求佢做中間人同6299講d乜,我自己默默食哂佢就算!就算99過份到趁c6唔喺屋企,專登煮飯唔煮我嗰份,我都無同99嘈過一句!我係覺得自己好唔抵啫...又或者我係唔想c6嘅朋友認為佢娶咗我好不幸...算啦!我都唔嬲佢啦,當佢只係同朋友閒話家常啦!