吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 99死都要搬到我地樓上住!

婆媳關係今日: 0|主題: 27782

收藏本版

發帖

返回列表

跳至頁

查看: 3826 | 回覆: 23

99死都要搬到我地樓上住! [複製鏈接]

joeydesu

複式洋房

積分: 419

1^#

發表於 08-9-1 00:28 |只看該作者 |倒序瀏覽 |打印

自從我有咗, 99已經話要搬過嚟我地附近住, 其實我都無咩所謂, 但大前提係唔可以影響我地嘅生活。

到我5個月左右, 我老公發現樓上有個單位出租, 99即時話要租, 我心諗, 唔駛咁快係嘛, 仲有成4個月先至生, 況且佢住緊果度無租約限制。加上樓上個單位獅子開大口, 比起平時嗌價多3成, 有咩理由要租呢? 我咪同老公講話唔好囉, 因為要我老公比租架, 一個月要萬幾蚊, 當時距離BB出世仲有成4個月, 白白俾5萬蚊出嚟, 留番嚟買野俾BB好過啦! 但99就話一定要住樓上樓下, 咁先至叫做"方便", 先"做到野"! 又話如果宜家唔租到時可能會比人租咗。老公為咗呢件事, 同我嗌交嗌咗幾次, 因為佢好怕佢阿媽......。

直至最近 (距離BB出世2個月), 我地覺得係時候搵樓比99, 於是周圍睇, 我地嘅目標係walking distance, 大約2-3分鐘, 隔條街或者馬路。其實都係好近, 因為始終唔想6299行咁遠, 而且我地總算私隱度高D。老公禽日搵到個單位, 正正喺隔一條街, 2分鐘步行距離, 價錢合理, 近街市(99鍾意煮野食, 雖然唔啱我胃口), 一切都好適合, 於是老公打電話俾62, 諗住叫佢同99過嚟睇, 62話OK. 點知99打嚟話唔睇, 又話唔係樓上樓下根本無作用, 一D都唔"方便"。老公同佢講話我地好想保留番少少私人空間, 加上我99係一個"控制狂"!　如果佢住喺樓上樓下, 肯定自出自入, 到時咩都無晒.... 點講佢都唔明, 成日話: 要什麼"私人空間"? 大家都係一家人.....blablabla諸如此類......... 又話我地根本唔需要佢, (講真, 我地真係唔係咁需要佢, 話晒我同老公都係成年人, 而且我細細個已經好獨立, 自己照顧自己, 嫁咗人, 梗係要照顧埋個老公啦) 而家我地係為咗唔想佢唔開心, 所以叫佢搬埋過嚟, 點知佢會咁樣理解我地。佢而家吊高嚟賣, 話要考慮下先搬過嚟...... 而家老公成日屈住屈住, 好容易發脾氣, 我大住個肚, 仲要受佢氣, 我真係好辛苦!

0 0 0

私人傳訊

Anntang

大宅

積分: 1454

2^#

發表於 08-9-1 00:47 |只看該作者

唔黎仲好啦.

如果你唔係真係要佢幫手, 佢"話"唔黎仲好,
同你C6講, 佢未黎已經攪到你兩公婆嘈交,
黎埋肯定家無寧日, 佢想見到佢亞媽先煩,
定係每日返到屋企都家嘈屋閉呀?
嘈到你產後"益屈"點算, 你要陪佢行幾十年,
你真係唔想自己有乜嘢病痛照顧唔到佢同BB.

mouth:

私人傳訊

HelenW

複式洋房

積分: 319

3^#

發表於 08-9-1 01:48 |只看該作者

其實將心比心，你奶奶都係想第時多D見下個仔同個孫啫...
人老佐，好多嘢打橫嚟...
好過有D人嘅奶奶喇...

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

4^#

發表於 08-9-1 10:18 |只看該作者

你個肚八個月大仲要受你老公氣,有冇搞錯呀? 佢怕佢亞媽係佢自己愚孝仔, 點可以委屈個大肚老婆. 而家未生都咁對你, 生咗你冇"定"企啦.
你99再吊高黎賣, 你就直接而客氣同佢講你自己識照顧c6同bb, 真係唔洗勞煩佢. 如果真係要嘈, 咪嘈一鑊, 最好反埋面以後唔洗見. 否則, bb出世後佢成日黎煩你, 你一定產後抑鬱架.

私人傳訊

pomanlife

彩鑽殿

積分: 610656

馬年勳章 2026勳章 2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

5^#

發表於 08-9-1 12:07 |只看該作者

你地唔係咁鐘意99住你地樓上, 你地可以揀請陪月呀, 好過你地俾左咁多錢出黎, 又傷左你地兩公婆感情!

原文章由 joeydesu 於 08-9-1 00:28 發表
自從我有咗, 99已經話要搬過嚟我地附近住, 其實我都無咩所謂, 但大前提係唔可以影響我地嘅生活。

到我5個月左右, 我老公發現樓上有個單位出租, 99即時話要租, 我心諗, 唔駛咁快係嘛, 仲有成4個月先至生, 況且佢住緊 ...

私人傳訊

catherineleungg

男爵府

積分: 5884

6^#

發表於 08-9-1 18:20 |只看該作者

你個C6咁怕佢阿媽, 如果你C6唔肯聽你講, 你生完BB之後一定會超煩, 一定會成日家嘈屋閉, 所以你趁而家大肚要企硬.

私人傳訊

晞玥

珍珠宮

積分: 34110

hashtag影視迷勳章好媽媽勳章畀面勳章 BK Milk勳章

7^#

發表於 08-9-1 19:10 |只看該作者

咁事實上你地真係唔需要佢喎!唔黎咪把Q就囉~仲好啦!
你老公唔識諗唔明啫,你睇住黎啦!你99而家只不過喺度玩野,因為你仲未生,到你生左你慌你99唔會仆到過黎住咩!

私人傳訊

joeydesu

複式洋房

積分: 419

8^#

發表於 08-9-2 02:06 |只看該作者

多謝您地聽我呻。我99真係一個大管家咁, 咩都要跟佢果套, 如果唔係就話我地唔需要佢。大佬! 而家咩年代呀! 好似佢上次叫老公個表姐燉乳鴿代替燉雞 (因為前一排無活雞), 但係表姐想餵人奶.... 咁您地話佢可以幫到幾多忙呀? 仲有佢喺我個肚個零月果陣, 煮蟹、蚌、同咪蝦俾我食, 話鄉下興, 食咗BB會手腳靈活d。係人都知咁早食蟹好容易出事架啦! 我唔係唔想有人幫, 但佢真係幫唔到手不突止, 仲好心做壞事, 我成日都要打醒精神, 睇下佢有無做錯, 您地話係咪好麻煩呀?

最近佢又煲咗冬瓜豬手湯俾我飲, 我聽都未聽過, 唔好話飲啦...... 冬瓜本來好清, 點知俾佢加咗隻豬手落去, 整到成碗都係油, 佢話有膠質喎!

我而家企硬, 睇下佢點俾自己落台!!!

私人傳訊

peggy@_@

男爵府

積分: 5707

9^#

發表於 08-9-2 03:49 |只看該作者

你99點止麻煩,直頭係精神"約代"啦,比我睬佢都傻!!!

私人傳訊

joeydesu

複式洋房

積分: 419

10^#

發表於 08-9-2 18:50 |只看該作者

為咗避免不必要嘅爭呦, 我已經自掏腰包, 請咗個陪月, 費時佢到時煮埋d唔知咩野俾我食, 幫我唔覺意收咗奶,..... 我覺得我自己可能有產前恐懼症, 因為99嘅行為, 令到我好怕佢搶咗阿囡。佢曾經提過話要買bb床擺喺佢間房, 叫我地自己唔好買, 而家都無人話要俾阿囡佢湊! 又成日話佢而家有一仔(我老公)一女, 佢真係恨女恨到矇咗! 我真係好驚呀! 我可以點呀?

私人傳訊

shannnb

水晶宮

積分: 59166

11^#

發表於 08-9-2 19:20 |只看該作者

唔好激親啊!
想租邊度咪租度囉,,
第時99佢想見個b 自然會過黎架la,,

私人傳訊

Anpanmama

珊瑚宮

積分: 102644

馬年勳章 2026勳章父親節2025勳章母親節2025勳章 2025勳章蛇年勳章 2024年龍年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

12^#

發表於 08-9-2 21:05 |只看該作者

Tell her that there was no more flat in your building lor.

2 mins walking distance is very ok wor...ideal location for both.

[ 本文章最後由 Anpanmama 於 08-9-2 21:12 編輯 ]

私人傳訊

Amanda2025

男爵府

積分: 9786

2018復活節勳章畀面勳章 BK Milk勳章 hashtag影視迷勳章

13^#

發表於 08-9-2 21:17 |只看該作者

絕對同意#2 Anntang 所講佢未黎已經攪到你兩公婆嘈交，99黎埋肯定家無寧日家嘈屋閉呀?重會影響你哋感情，一於同99保持距離好d

私人傳訊

joeydesu

複式洋房

積分: 419

14^#

發表於 08-9-3 23:39 |只看該作者

99話唔睇, 今日終於咪仆過嚟睇樓, 佢見我地無咩反應, 可能驚我地縮沙...... 睇完仲話要即時簽租約..... 個單位喺對面街, 過一條馬路, 總好過喺樓上...........

私人傳訊

JessBB

大宅

積分: 1003

15^#

發表於 08-9-4 01:04 |只看該作者

我可以話你知, 就算隔幾遠, 呢D99都係好似隻寃鬼咁

, 揮之不去, 佢會成日無啦啦出見, 自出自入, 仲成日係你身邊, 我99就同你99一樣呀!!! 當初我同佢住喺一街之隔, 佢又係成日嚟, 但嗰時我未有BB, 都唔知成日嚟做咩

, 到我有咗, 又係煮蟹, 蝦, 綠豆沙, 西瓜, 芒果等等我唔食得的我食, 佢又係話鄉下係咁, 都發癲的

!!! 後來我有咗五個月時賣咗樓, 心諗可以搬遠D, 但係老公又唔肯, 話唔想住咁遠佢老母, 我真係無話可說,

咁就搬咗去地下鐵前一個站, 我心諗隔咗一個站, 都好過無, 但可惜, 佢都係咁成日嚟, 我生咗之後餵人奶, 佢又係話煲乳鴿我飲, 又話炒蟹我食, 我真係好怕佢

, 我未生時已經同老公講咗唔好坐月時99日日嚟, 否則我會發癲, 點知, 我住遠一個站, 佢都日日嚟, 仲要同D三姑六婆嚟

, 我日日咁比佢精神"約代", 攪到我坐月時日日喊, 我老公仲幫住佢老母, 攪到我同老公嘈交, 我仲話要離婚, 我老公先叫佢老母唔好成日嚟

, 我先有機會可以休息下咋!!!! 到依家我個仔都八個月, 佢地一樣成日嚟, 但無日日咁離譜, 但都要一星期兩三日, 我真係好憎佢地, 因為我真係好唔想見到佢地, 一見到佢地講埋D唔咸唔淡廣東話同我個仔玩, 真係好想車巴佢地嘆

, 佢地成日嚟攪到我無晒私人空間, 以前我有返工時仲自出自入, 攪到我無晒私穩

, 為咗呢件事, 我同老公嘈咗好多次, 但都無改善, 直到我唔做嘢, 日日喺屋企, 佢地一嚟我就黑面, 佢地先識按鐘, 唔自出自入, 但嚟緊我都要出返嚟做嘢, 真係怕佢地又嚟, 所以你要堅持, 有自己底線, 否則你真係無啶企呀!!! 我都係過來人呀!!!

私人傳訊

joeydesu

複式洋房

積分: 419

16^#

發表於 08-9-4 14:16 |只看該作者

原文章由 JessBB 於 08-9-4 01:04 發表
我可以話你知, 就算隔幾遠, 呢D99都係好似隻寃鬼咁 , 揮之不去, 佢會成日無啦啦出見, 自出自入, 仲成日係你身邊, 我99就同你99一樣呀!!! 當初我同佢住喺一街之隔, 佢又係成日嚟, 但嗰時我未有BB, 都唔知成日 ...

JessBB, 我99同您99的真係一模一樣喎! 點解會有D咁嘅鄉下? 蝦蟹西瓜綠豆沙, 我同佢講話唔可以食, 佢仲話佢地鄉下想食都無得食..... 西瓜咁涼, 佢話咩您唔夠膽食呀? 果陣我得4個月.... 佢自己曾經小產過, 我好懷疑個原因..... 當然我唔會care..... 佢自己食D咩, 佢自己嘅事, 唔好攪到我阿囡就得喇。

我就係因為唔想我坐月果陣佢成日上嚟, 所以自己俾錢請陪月, 起碼陪月唔會煮D我唔啱食嘅野囉! 仲有件經典事, 因為佢驚我唔識湊B, 所以我地話俾佢聽, 我地報咗D產前講座, 加上以前我幫我阿姨湊過表妹, 諗住叫佢放心, 點知佢話佢要去聽產前講座, 佢都short short 地, 我話俾佢聽D產前講座係俾準爸爸媽媽聽架! 佢一咁講, 您就知佢識幾多湊仔野喇, 我老公都係佢阿婆湊到一歲, 佢先敢湊咋!! 佢咩都唔識, 淨係識聽D三姑六婆講D舊料俾佢聽, 我迫於無奈諗住遲咗份工去湊阿囡囉........

私人傳訊

pomanlife

彩鑽殿

積分: 610656

17^#

發表於 08-9-9 14:48 |只看該作者

原文章由 joeydesu 於 08-9-4 14:16 發表

JessBB, 我99同您99的真係一模一樣喎! 點解會有D咁嘅鄉下? 蝦蟹西瓜綠豆沙, 我同佢講話唔可以食, 佢仲話佢地鄉下想食都無得食..... 西瓜咁涼, 佢話咩您唔夠膽食呀? 果陣我得4個月.... 佢自己曾經小產過, 我好懷疑 ...

唔知d 9點解咁鐘意買埋呢d野俾新抱食, 我啱啱有左時只9就成日整件超大西瓜(起碼十幾磅), 擺係廳度, 又買芒果, 又買蝦, 老公知道我唔食得西瓜, 個西瓜放左十幾日, 有日我地放假, 99就鬧我老公, 話買左個西瓜擺左十幾日你地都唔食呀, 跟住老公就切開左個瓜, 食左一啖, 話俾佢知個瓜苦架, 跟住就掉左, 芒果又趁99唔係屋企時掉晒, 99返黎以為我地咁快食晒d西瓜芒果, 老公同佢講:"唔係食晒, 係掉晒姐" 跟住佢就唔買返黎喇!

私人傳訊

joeydesu

複式洋房

積分: 419

18^#

發表於 08-9-29 19:50 |只看該作者

62終於出聲喇!

話說99之前唔肯過嚟睇樓, 後來見我地無咩反應跟住就仆過嚟, 睇我地屋企斜對面果層樓, 仲話要即刻簽約, 點知個業主臨時封盤, 話想賣, 唔想租。我99即時頹晒, 我諗個業主見到我99咁嘅款, 唔想租俾佢就真!

我C6話有其他租盤, 不過可能要行4-5分鐘。跟住靜靜雞同62講, 話其實有時住得太近, 都驚之後婆媳關係唔多好, 62一聽到即刻明晒, 因為佢都頂唔順佢老婆, 唔想個仔難做, 所以特登睇個遠少少嘅單位, 仲話好鍾意。99當然話唔好啦! 鬼死咁遠, 要行成5分鐘!

跟住猛咁叫C6同佢地睇其他單位, 今次輪到62話唔睇, 佢仲同99講:"我去睇嚟仲咩呀, 睇完都唔到我話事, 你地自己決定啦!" 99初時無理佢, 後來睇極都唔啱, 唔係細得滯, 就嫌舊得滯, 又驚62睇中果個單位會俾人租咗(個單位其實都好ok, 對住個好大嘅公園, 62鍾意行公園)。

終於我地租咗果個單位, 仲請埋個印印, 佢真係無咩藉口可以成日係度hae......