＋
Baby Kingdom - 親子王國 香港 討論區 › 首頁 › 婆媳關係› 我好攰...........!! V-V

婆媳關係

收藏本版
發帖
返回列表
跳至頁
我好攰...........!! V-V [複製鏈接]

首頁
1

尾頁
   0
kimmama


子爵府

積分: 13298


1#
發表於 08-9-19 10:17 |只看該作者
我好攰….
我係一個唔完全既基督徒, 但我絶對相信世上萬物都係由神而來, 生埋小朋友之後, 就更加覺得唯有天父先有咁既能力去做一個咁精細既小生命出黎

我唔希望每一日都犯罪, 唔希望有憎恨, 唔希望自己有妒忌心, 唔希望自己鬧人, 因為作為一個基督徒, 應該懂得點樣去”愛”

但我真係做唔到, 好辛苦, 每次見到我99, 佢都會做一d令我反感既事出黎, 每次我都會好憎佢

佢到底做左咩會令到我咁唔開心呢?
其實都係一d生活上既瑣事, 可能大家都會覺得我太睇唔開, 或者, 你地鬧下我啦, 等我覺得自己衰d, 可能我都會改變我既立場, (其實我一直都有內心struggle, 覺得世上冇”老奉”, 冇”應份” 四個字, 我從來都唔希望向親人身上求”老奉”)
***************************************************

我06年12有左, 我地都未決定生左先結婚定結左先生仔, 我奶奶就迫我要向2月1日搞哂所有野, (包括提議向筲箕灣既街坊酒樓求其擺酒, 我當然冇咁做) 所以我同姑9變左同一年嫁人, (佢07年12月), 我決定生完仔先擺酒 (同年10月), 我擺酒時,99一個都唔請, （解釋係請唔到人，人地唔鐘意奉子成婚）所有酒席我地自己搞掂, 1圍都冇比過我阿媽, 當時2月既禮金, 佢冇同我阿媽商量過, 同我老公開價9000算數, 我話一定唔得, 根本唔洗講, 佢最後比18888.


但另一邊廂, 99同人地(姑9老公個面)就攞60000加唔知几多十圍酒, 我地擺完酒既兩個月後, 即12月, 我99連十年冇見既舊街坊都請埋去飲姑9個餐
(佢d喜帖全部都係11-12月先派比人)………. 到我出席姑9既婚宴, 99有個老朋友, 突然走埋黎話:”哎, 真係唔好意思呀, 我都唔知潻!” 隨後比左封利是我地, ((我都唔知佢講乜鬼, 之後我地開封利是, 竟然有成2000蚊, 諗番轉頭, 原來呢位auntie係想話, 佢唔知我地擺左酒, 而家補番封利是比我地)) 為左呢件事, 我好唔開心…..
點解佢個女係女, 我阿媽個女就唔係女…………?
點解佢想比人就９０００，佢自己又唔收人９０００？？要人６萬？
點解佢可以講咁多請唔到人黎自己個仔既喜宴既大話，但其實一個都唔請，就係為左唔想分薄左個女１２月個餐，自己收禮就收小左！

某年某日（我生完仔之後），同佢飲開茶，佢無端端向佢個手袋入面攞左條手鍊出黎（連袋仔都冇，真係得條鍊），係都要我收，不停話係專登買比我，要成千蚊，講左好多次，我番屋企一睇，條鍊又花又殘，好明顯係帶過好多次，係舊既！　天呀，佢到底有冇尊重過我？明明係舊既，就話係專登買比我既新鍊，（一千蚊，我不如比番你啦！）仲做到好似對我好好咁，我比番ｃ６，叫佢比番佢阿媽，點知佢阿媽仲講到自己好慘，“阿媽我身無長物，呢條鍊係最值錢家啦”．．．夠啦，你唔好玩啦，有心對人好既，５００－８００蚊向金鋪都買到條好幼既金鍊啦．．．你由頭到尾唔搞咁多野咪好地地囉，點解要講咁多大話？？

佢一ｄ都冇付出過，但就成日話要我地咩一星期番去飲一次茶，食一次飯，仲同我老公講，佢冇個種“弄孫為樂”既感覺

你咁怕人地知你個仔“奉子成婚”，咁你咪唔好認個孫囉，弄咩孫啫？？

由我個仔出世都而家為止，佢只係四維揾人攞ｄ二手既車仔，玩具比我個仔，而家佢屋企都有一袋！上個星期食飯，佢攞出黎比我個仔玩，ｃ６明知故問，問佢“做咩有咁多玩具既，你買家？”，佢仲答“緊係啦”．．但所有玩具都係好殘好殘！

我地啱啱買左樓，佢又要求要一張會所既證比佢，我已經決斷地同我老公ｓａｙＮＯ～
**************************************

其實仲有好多好多99同姑9既討厭野, 不過已經太長嘞...

真係好辛苦, 我唔想再為左佢, 搞到自己不其然犯罪

[ 本文章最後由 kimmama 於 08-9-19 10:19 編輯 ]
私人傳訊

hunghungb


男爵府

積分: 6822

育兒性格勳章


2#
發表於 08-9-19 10:48 |只看該作者
好多人嫁女同娶新抱standard都唔同的。嫁女收人錢更係識收多d，要自己出來娶新抱就更係愈少愈好。
唔好俾d電視劇扼左。今日今日唔會再有老爺奶奶俾禮金女家架啦。而家個個結婚都係2公婆自己蓄，老公俾自己呀媽架咋。所以好多人6299都冇出錢的，唔洗太唔開心。
我結婚時酒席禮金全部我老公一個人出，反而我地唔洗睇人面色，我地話俾幾多圍佢就幾多圍，冇得反駁，仲好。

至於你話怕佢俾人講奉子成婚，其實上一代點都有d介意，中國人好多時寧俾人知莫俾人見，你都唔好太放係心上。你想下，而家件事過左，你要興幸當時唔洗大住個肚去見d三姑六婆，俾人問長問短。如果個日佢地係會場講你閒話，你做新娘都做得唔開心。
我表妹大住個肚成7個月先擺酒，個日因為要摺位，我一個人被逼同我家人分開坐，佢地坐番親戚家，我就坐左係d唔知乜水既席啦。佢地唔知我係邊個，講我表妹咁大個肚先嫁，呢樣個樣，d說話真的好難聽。
所以你奶奶唔想俾人講係可以理解，唔代表佢唔接受你。你老公同你個仔，同佢同一條腸出，點會話唔錫個仔同孫，有時唔好太放係心。
同埋唔好成日比較都好架。我岩岩結婚時我都有好嬲男家，我老公平時俾好多家用，又供埋佢地層樓，搞到我地結婚冇得買樓。我嫁時佢龍鳳扼都冇一對俾我，得條頸鍊仔，我個時真係想喊出來。我對手戴既扼都係我女家親戚送，婆婆麻麻呀e 姨媽我媽2個舅父姑姐都有扼俾我，反而奶奶就冇，仲要話我送客冇帶番d金俾佢d親友睇我有幾多對扼。
我番屋企同我媽講，我媽就話過左就算，因為我唔開心只會令自己難受，因為佢都唔會買番俾我，唔通叫佢買番咩，奶奶只會覺得呢個新抱冇家教，連累埋自己呀媽。
有時你愈大方，人地就唔會對你點，係真架。
希望你會開心d，有咩唔開心，上來呻下算，我相信好多人會支持你既。
私人傳訊

tantanmama


公爵府

積分: 28711

虎到金來勳章 牛年勳章 HiPP勳章(1) 2018復活節勳章 環保接龍勳章 wyeth冷知識勳章 BK Milk勳章 DHA勳章 育兒性格勳章 開心吸收勳章


3#
發表於 08-9-19 11:03 |只看該作者
你唔好咁唔開心啦. 遇著個唔夾嘅99, 大家少d來往囉.
你講果幾件事都唔係大事件, 只係你累積埋嘅怨氣, 搞到自己唔開心啫.
1. 禮金: 其實話就話傳統係99俾, 但係而家多數人都係C6俾, 唔洗睇99面色. 你99俾錢人梗係想俾少D, 收人嘅就梗係想收多D, 人之常情啫. 而且佢收咗姑仔男家嘅禮金, 可能都係俾返姑仔兩公婆, 佢自己冇袋到呢.
2. 擺酒:99唔俾酒席你媽咪, 咁咪你同C6自己俾囉. 唔一定99要俾錢擺酒架. 為免睇99面色, 最好唔好同男家有任何錢銀瓜葛, 全部自己俾晒仲好. 你都知佢唔鍾意你地奉子成婚, 你又唔肯未見肚時擺酒, 換轉你係佢都會嬲啦. 佢唔請男家嘅人飲你地果餐, 唔一定係怕分薄佢個女嘅人情. 因為講真, 自己飲親戚喜酒都係逐餐計, 唔會話俾咗阿哥果餐就俾少D個妹果餐架. 我諗你99純粹怕你地奉子會俾親戚講閒話啫. 你試下喺佢立場諗, 就唔會咁嬲.
3. 金鍊: 雖然冇誠意, 但都係佢主動送俾你丫, 佢又唔係一定要送嘢俾你嘅. 老人家有時好講面子, 唔想話俾人知佢送舊嘢俾人. 你唔鍾意咪放埋一便, 當冇收過囉. 唔洗感激佢亦唔洗勞氣.
4. BB嘢: 都係同上一樣. 你地又唔係等佢D嘢救命, 佢唔買你地都唔恨架啦. 佢有幾錫個孫係佢自己出心啫, 你地做父母嘅都控制唔到架. 如果係我, 佢俾舊嘢我個女玩, 我唔好客氣咁拒絕, 話自己屋企有好多, 唔洗佢破費.
5. 住戶證: 如果你C6同意, 你唔想俾咪唔好俾囉.
6. 飲茶見面: 你C6都知你唔鍾意99, 你咪開心見誠同C6講唔想見99, 叫C6代你拒絕囉.

其實你唔係同99一齊住, 已經少好多煩惱, 比好多BK mami幸福. 唔好為結婚時唔開心嘅事搞到幾年後嘅今日都仲唔開心. 你放開d先可以令自己開心d架.
私人傳訊

prettysnow


男爵府

積分: 6132


4#
發表於 08-9-19 11:27 |只看該作者
我99都係咁上下,我同c6結婚時,由始至終,佢每樣野都話唔識唔知,完全無問過我呢邊關於禮金,餅,過大禮......等等,淨係話我地自己搞掂,
但買衫又識得要人陪同俾錢,又識得要飲茶,拜祖先.....等等:;pppp: :;pppp: :;pppp:

私人傳訊

kolezs


複式洋房

積分: 293


5#
發表於 08-9-19 12:35 |只看該作者
Totally agree ar.

我同C6結婚時, 乜都係我地兩個攪. 6299一直話你地有$$,就攪啦..... 連比幾多禮金都係C6比的....

我又覺得幾好喎.至少咩都可以自己兩公婆拆掂, 唔使就埋6299.

開心又係咁過, 唔開心又係咁過. 佢地係你6299已經是事實. 既然係事實, 就既來之則安之. 唔使日日見已經好好ga la.


原文章由 tantanmama 於 19/9/2008 11:03 AM 發表
你唔好咁唔開心啦. 遇著個唔夾嘅99, 大家少d來往囉.
你講果幾件事都唔係大事件, 只係你累積埋嘅怨氣, 搞到自己唔開心啫.
1. 禮金: 其實話就話傳統係99俾, 但係而家多數人都係C6俾, 唔洗睇99面色. 你99俾錢人梗係想 ...
私人傳訊

A.C.C.


大宅

積分: 3786


6#
發表於 08-9-19 12:56 |只看該作者
你奶奶咁厚此薄彼, 你唔鍾意奶奶係正常嘅

你係嫁佢個仔, 又唔係嫁俾你奶奶, 做新抱無責任一定愛屋及烏; 人對你好你對人好, 你奶奶唔識做, 你亦唔需要俾個心佢, 唔好俾咁多壓力自己, 強迫自己一定要E起棚牙對住你奶奶

我結婚時都係兩公婆自己搞掂, 老爺奶奶一蚊都無俾, 連龍鳳鈪都無, 轉頭仲偷偷袋晒男家D利是.....不過, 咁有咁好, 我唔覺得自己受過佢地乜恩惠, 有唔妥佢地時, 我可以照直講, 而我大伯個老婆就好慘, 因為寄人籬下+靠老爺奶奶津貼, 所以同樣嘅情況佢只有被人罵個份, 一D反抗都唔敢
私人傳訊

lingwu


公爵府

積分: 25855

hashtag影視迷勳章 畀面勳章 BK Milk勳章


7#
發表於 08-9-19 18:23 |只看該作者
全世界既奶奶都係咁架啦,佢地根本都唔當我地D新抱係自己人,所以有好多野都同我地斤斤計較,你唔駛佢架,最好同佢少D聯絡,咩都唔好理佢話鬼之佢死,:tongue:

我就係咁樣對我既奶奶架啦:lol ,因為我擺酒個時佢都係咩都冇幫個我地兩公婆,所有既錢都係我地自己出,不過咁樣仲好,唔駛欠佢既人情,講咩野同做咩野都可以唔駛理佢呀媽:lol
私人傳訊

elkykit


子爵府

積分: 10503


8#
發表於 08-9-19 18:35 |只看該作者
原文章由 kimmama 於 08-9-19 10:17 發表
我好攰….
我係一個唔完全既基督徒, 但我絶對相信世上萬物都係由神而來, 生埋小朋友之後, 就更加覺得唯有天父先有咁既能力去做一個咁精細既小生命出黎

我唔希望每一日都犯罪, 唔希望有憎恨, 唔希望自己有妒忌心, 唔 ...

嘩...妳99開$9000比妳咪算好囉...我隻99呀...叫我C6比$5000咋...我唔係有咗結婚架...所有嘢都係我哋兩公婆比架!!! 又一次証明所有99都係咁黑人憎呀...自己D仔女永遠都係寶, 人哋嗰D就係草...唔通人哋無亞媽生架:;pppp:
私人傳訊

lingwu


公爵府

積分: 25855

hashtag影視迷勳章 畀面勳章 BK Milk勳章


9#
發表於 08-9-19 18:46 |只看該作者
原文章由 A.C.C. 於 08-9-19 12:56 發表
你奶奶咁厚此薄彼, 你唔鍾意奶奶係正常嘅

你係嫁佢個仔, 又唔係嫁俾你奶奶, 做新抱無責任一定愛屋及烏; 人對你好你對人好, 你奶奶唔識做, 你亦唔需要俾個心佢, 唔好俾咁多壓力自己, 強迫自己一定要E起棚牙對住你奶 ...


下~~佢羅晒你地d地錢你都唔同佢吵:evil:

你點解唔問佢羅番呀,d錢係你地自己出呀媽,有咩理由d錢就係佢袋呀!!!!!


我個時擺酒都係我同我c6俾晒,佢地都係一蚊都冇同我地出過,
同你一樣又係龍鳳額都冇對,擺酒個日佢幫我收住先,但反到屋企佢都未俾番我,想靜靜鶢自己袋喎,佢就真係想呀!!
我未叫c6去羅番羅,咩都唔幫我地,有錢就想袋佢都想壞腦?-(
私人傳訊

A.C.C.


大宅

積分: 3786


10#
發表於 08-9-19 19:25 |只看該作者
原文章由 lingwu 於 08-9-19 18:46 發表
下~~佢羅晒你地d地錢你都唔同佢吵:evil:

你點解唔問佢羅番呀,d錢係你地自己出呀媽,有咩理由d錢就係佢袋呀!!!!!

我個時擺酒都係我同我c6俾晒,佢地都係一蚊都冇同我地出過,
同你一樣又係龍鳳額都冇對,擺酒個日佢 ...

我地結婚個排, 大伯俾大耳窿追數, 佢已經同奶奶講到明, 唔幫手還債就捉埋個仔跳樓, 我奶奶怕佢去死, 所以"刮得就刮"

佢後來迫我地連我D嫁妝都俾埋大伯還錢, 男家D利是?少事啦
私人傳訊

catdog123


大宅

積分: 2659


11#
發表於 08-9-19 23:01 |只看該作者
我結婚果陣d禮金都係同c6自己儲, 係聯名戶口攞出黎比,6299點會出丫, 係我地兩個結婚,梗係我地自己出錢啦, 但擺酒6299就堅持一定要佢地比錢, 因為可以收番d人情, 一定有錢賺, 所以我地結婚佢地係有錢賺, 我地自己比禮金之外, 又怕99話金器少寒酸, 自己又要攞錢出黎買金器, 都好傷架
奉子成婚真係唔係個個老人家可以接受到架, 如果我隻99去飲, 知人地係奉子成婚, 佢同d三姑六婆會係度講人架, 話人地買大送細, 好難聽既說話都翕得出架, 所以你99想係你未見肚前擺酒, 可能都係為你好, 你唔洗唔開心啦
私人傳訊

豬仔包包


複式洋房

積分: 491


12#
發表於 08-9-20 05:12 |只看該作者
樓主~唔好唔開心,呢度有好多mama撐妳架!!~
妳以後都唔好再諗99既野,
諗吓自己食d乜/買d乜仲好啦!~
私人傳訊

理想師奶仔


男爵府

積分: 9593

畀面勳章 陪月勳章


13#
發表於 08-9-20 15:04 |只看該作者
原文章由 prettysnow 於 08-9-19 11:27 發表
我99都係咁上下,我同c6結婚時,由始至終,佢每樣野都話唔識唔知,完全無問過我呢邊關於禮金,餅,過大禮......等等,淨係話我地自己搞掂,
但買衫又識得要人陪同俾錢,又識得要飲茶,拜祖先.....等等:;pppp: :;pppp: :;pppp: ...

係呀...我隻賤99又係咁呀....隻賤99每樣野都話唔識唔知, 咩都話冇所謂, 淨係話我地自己搞掂, 但買衫又識得要人陪同俾錢,又識叫我幫佢搵人SET頭化妝, 又識得要飲茶,拜祖先.....等等, 其實最Q有所謂果個就係佢呀.:;pppp:
同埋最攪笑係我媽咪同99跟本係兩類人, 我媽咪係潮+開通, 99係傳統+老土, 咁話說我地擺酒果晚, 一去到酒樓, 99就衝入新娘房搵我媽咪件晚裝黎睇, 因為佢驚我媽咪靚過佢, 但事實真係冇得比, 我媽咪係5尺4寸高, 108磅既潮C9, 99就係5尺2寸, 130~140磅既肥矮C9, 得有比喎, 如果有件勁靚既衫俾賤99, 隻賤99都著得唔靚啦.:;pppp:
私人傳訊

kimmama


子爵府

積分: 13298


14#
發表於 08-9-22 10:50 |只看該作者
多謝你地咁多位mami呀...

其實我唔係介意到底結婚時有几多乜几多乜...

如果大家攞個心出黎, 禮金既野, 真係多有多比, 小有小比...

但佢自己都係同一年嫁女啫, 唔通佢既養育之恩就係恩, 我阿媽就冇? 我嫁時,佢講到好多野都冇所謂, 但佢個女嫁既時候就咩都有所謂..

佢個女大拿拿收人地男家30萬買樓做首期係天經地義? 我得9000做禮金又係天經地義??

................................................

佢個賤家姐除左識得打量我, 搶我隻手去睇下我帶咩錶, 踩個細佬(c6)冇用, 話個細佬大洗但自己去買lv之外, 仲識做d咩???? 衰d講句..佢狗眼看人低, 但自己都係住公屋大咋... (我並唔係睇唔係公屋既人, 只係佢太鐘意扮上等)


好在我老公對我既唔開心完全明白.....咋! 所以我唔想見佢地, 佢都會將就我... 唔洗我見!
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy