＋

論盡家傭

收藏本版
發帖
返回列表
跳至頁

首頁
1

尾頁
   0
c6a4a527afb944


民房

積分: 13


1#
發表於 25-1-23 02:19 |只看該作者
本帖最後由 c6a4a527afb944 於 25-1-23 02:21 編輯

第一次請工人，我同c6都係比較和善既人，好多人包括agent 都話一開始唔好對佢好好，不過我哋都係當佢朋友咁相處，有時送啲唔要既衫俾佢，小禮物，同埋出街見到工人想食零食c6都會買，有時都會同佢講下笑，雖然唔太溝通到(係印尼有學廣東話)

佢第一次黎香港，我又貪佢係處女座(好似比較完美性格做野應該唔錯)我都係想佢主要做清潔，執頭執尾，煮飯都係我自己搞，第時Bb 我都自己湊返，佢過左黎一個星期都執到屋企幾整齊值得讚

不過過左個半月，開始有啲磨合期，發現佢有啲蠢，又有啲懶醒，又有啲性格

1. 例如叫佢洗菜切肉，佢答我好，我整其他野，佢未做哂會走過黎問我睇我做緊咩要幫手，叫佢將啲蝦洗完開邊(俾埋圖佢睇，佢又成隻剝殼)，我留左蝦米水又會幫我倒哂

2.c6叫佢攞工具洗車，佢淨係攞梯同桶，海綿/布/洗車水逐樣提先攞(之前洗過幾次，仲答你唔洗攞啦！)

3.今晚我煮蕃茄焗雞扒飯，佢中午自把自為攞左條急凍魚解凍，我問c6係咪今朝出門口同佢講想食魚，c6話冇(每晚都係我諗食咩)我就話奇怪做咩唔問我就自己攞出黎(佢仲蒸完唔食-_-)c6開聲叫佢問左我先

4.佢係打理屋企算唔錯，但係當眼處有污積又睇唔到咁，要提，叫佢抹雪櫃又抹一格…跟住日日同我講啲野做哂叫我俾野佢做，阿b又未出世，得我哋2條友又真係暫時俾唔到啲咩佢做

C6成日話我啲小事成日呻，但係我自己又唔知點同佢講，我語氣重啲佢又驚，驚又做錯，溫柔講又唔記得，有少少煩惱
多謝各位jm 指點下迷津點樣教好一個工人
私人傳訊

shirley_chiang


伯爵府

積分: 16849

2023年兔年勳章 BB防敏心得分享勳章 開心吸收勳章 美好大世界2017勳章 DHA勳章 陪月勳章 BK Milk勳章


2#
發表於 25-1-23 23:40 |只看該作者
本帖最後由 shirley_chiang 於 25-1-23 23:41 編輯
c6a4a527afb944 發表於 25-1-23 02:19
第一次請工人，我同c6都係比較和善既人，好多人包括agent 都話一開始唔好對佢好好，不過我哋都係當佢朋友咁 ...

你唯有遂一遂一提醒佢。最好你叫她用紙寫下來提佢。同埋當你生BB 後的工作，教她做一做，因為我聽同事講，佢朋友請個工人姐姐返來照顧初生 BB，竟然抱 BB去沖涼餵奶和掃風完全唔識做。工人姐姐話佢自己生完後，自己阿媽照顧 BB，佢真係唔識做㗎！結果唯有炒了。
私人傳訊

aalemon123


別墅

積分: 697


3#
發表於 25-1-25 03:09 |只看該作者
好似我前印尼工人（昨天已炒，爽！），有顯眼位置污糟次次都要我叫先清潔，因為佢無乜記性有時我叫完都唔記得做，要我提多幾次，然後佢就好似好驚我，有時叫下佢都嚇到跳起，日日返工黑曬面我見到都煩。我前工人同樓主你個工人好似啊，成日話無野做，叫我俾野佢做,但佢湊仔同家務都唔掂真係唔知俾咩佢做。姐姐湊小朋友返學就自己掛住睇電話撞柱，小朋友的同學都見到，搞到小朋友係學校俾人笑啊。湊bb去公園呢，就用零食氹bb坐係凳到喂蚊，姐姐自己就長衫長褲（印尼姐姐係比較保守夏天都長衫長褲）坐係到發呆或者玩電話，我媽咁岩經過見到話俾我知。仲有帶bb出街經常帶唔齊野，唔記得帶水或者濕紙巾etc…咁湊小朋友唔掂，就叫姐姐煮飯做家務啦，企係個爐隔離睇住都可以煎噥曬d雞扒浪費曬。昨天炒了姐姐，心情真舒暢！
私人傳訊

苦腦人


複式洋房

積分: 480


4#
發表於 25-1-26 00:17 |只看該作者
回覆 aalemon123 的帖子

我個新工人來咗幾日，每樣工作（例如浸菜）我會做一次比佢睇，第二次同佢一齊做，第三次只是從旁觀察佢點做，唔啱便提佢，如覺得第三次佢做得ok, 第四次就放手比佢做，但之前都會提佢幾次，問佢明唔明，唔明就問，
例如浸菜，但上次，當日是第4日，之前3日都有浸菜（同一款菜），之前都同佢講咗菜要浸1小時，佢有寫低，但當天（第4日），我在同一日提咗佢3次菜要浸1小時，佢話知，但過咗1小時，佢都冇拎起d菜
同agent講， agent,話只是到咗我屋企5日，唔熟，但我覺得，同一件事，之前做咗3次，又有寫低，之後又再提佢，佢又話知，但最後都錯，其實係有沒有用心記著，唔關來咗幾日

私人傳訊

aalemon123


別墅

積分: 697


5#
發表於 25-1-26 07:32 |只看該作者
本帖最後由 aalemon123 於 25-1-26 08:11 編輯

回覆 苦腦人 的帖子

無錯啊，姐姐係無心做唔係無記性。我前工人姐姐一開始我都以為係記性差，要不斷重複提，同中介反應就話印尼姐姐係要提多幾次，做耐少少就會有進步了。之後發現姐姐其實無心做，講咗n次魚湯要隔渣再俾小朋友飲唔可以直接倒落碗都係唔做，俾我發現姐姐就話唔記得咗，後來俾湯小朋友飲我都自己親自隔渣。姐姐湊小朋友又成日黑口黑面，小朋友就以為自己係咪做錯野姐姐唔開心。我一開始以為姐姐唔適應，8個月過去都係一樣無心記野，然後我終於決心炒了姐姐，心情真係舒暢，終於唔洗俾錢買難受！炒姐姐時個姐姐要求機票係最後工作日後的第14日，因為要係香港搵工，咁岩果日機票比較貴，不過我唔想再同佢吵俾多少少錢快d送走個瘟神，開心過新年，再迎接新姐姐。
私人傳訊

苦腦人


複式洋房

積分: 480


6#
發表於 25-1-30 01:52 |只看該作者
回覆 c6a4a527afb944 的帖子

姐姐初初入屋我都對佢友善，但第4日開始，發現佢同一件事日日都做，我仲有提住佢，問清楚佢明唔明，佢話明，佢都可以唔記得，當時我趕著去接個女，簡直火都黎埋，之後佢抹嘢求其，洗布求其，話佢，佢又“鞋”，仲講印尼文自言自語，都唔知係米鬧我，同中介講 ，中介話佢好乖，唔多信佢係咁
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy