吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我好憎我62，佢完全係唔理一個孕婦健康嘅人！ ...

婆媳關係今日: 0|主題: 27783

收藏本版

發帖

返回列表

跳至頁

查看: 10766 | 回覆: 78

我好憎我62，佢完全係唔理一個孕婦健康嘅人！ [複製鏈接]

12 3 4

LaiKayan0323

大宅

積分: 1003

1^#

發表於 17-8-2 16:22 |只看該作者 |倒序瀏覽 |打印

我62佢係一個心腸勁黑而且撲街嘅人

事源是咁：今朝早我瞓到11點幾(因為我個肚都幾大，每晚根本冇覺好瞓)，老公今日都唔洗返工所以一樣瞓到呢個鈡數。我哋起身就整佐餃子食，食完老公就陪我去產檢，約佐1:30PM。產檢完都已經三點幾，我返到屋企都三點半了。老公話我哋整個芝士雞蛋三文治食啦，一陣六點又食晚飯。我都OK，返屋企路上我諗住尋日成日都冇食過青菜，屋企又冇，我就買佐D青菜返屋企。返到屋企我62見到我哋整嘢食同我拎佐一大袋青菜就開始閙了：你哋有冇搞錯啊！呢個鍾數煮嘢食，咁你哋系咪夜晚唔洗食啊？你做咩又買青菜啊？屋企都有大把餸啦！又買！”

我就同佢解釋話我一點產檢到三點幾中間一直響健康院裏面都冇食嘢，全日凈係食佐幾粒餃子。我又諗住尋日冇食青菜，見屋企今日又冇青菜想買D今晚食。

我62即刻黑口黑面話：你哋就唔應該依家食嘢！同埋今晚都三個餸啦！仲要加多碟青菜！都食唔曬la！

我：我哋已經冇食過一條菜了，醫生都叫我食多D青菜生果。咁產檢到三點唔係我想ga！(有微笑，但我承認我當時好夾硬笑)

我62：你12點鍾果餐就應該係晏晝啦，依家仲要食，夜晚真係可以唔洗預你哋啦！

我：我哋都可以食啊，我哋依家只係食個蛋治咋！同埋我哋朝早其實食得好少。

我62(勁窿面)：唉我唔理你哋，今晚你來煮飯！你搞掂晚飯！(佢知我條腰傷到完全彎唔到，冇辦法長時間企，加上我個肚好大，其實係廚房煮飯好危險)

咁係咪要我朝早12點食完一直挨到夜晚先可以食嘢！！？

我冇講嘢即刻入廚房，C6係廚房整緊蛋治。我同C6講之後，佢都話佢老豆不嬲就咁無理，叫我唔洗理。點唔理？住埋一齊日日對住佢。我真係勁想搬出來住！呢個62完全冇理會過我嘅健康，我唔奢望佢會照顧我，但係我靠我自己照顧我自己，佢都要鬧。覺得我買青菜，吃多餐係嘥佢屋企嘅錢！我用嘅係我同我老公嘅錢，關佢咩事！同埋我買青菜係諗住屋企大家夜晚果餐一起食，佢都可以唔妥！

0 0 0

私人傳訊

LaiKayan0323

大宅

積分: 1003

2^#

發表於 17-8-2 16:24 |只看該作者

BTW，我奶奶呢排出去返工，所以一日三餐都係我哋自己搞掂。我已經好耐冇飲過有營養嘅湯了。唯有有時我自己整D簡單湯水飲。我都覺得自己每日食到嘅營養唔夠～！我真係好想翻我自己屋企啊！！！但係我阿媽又叫我粗身大細唔好行来行去，我之前每次話翻我阿媽屋企，呢個62都要多口問，做咩翻去啊？我翻去都唔得咩？！果度我屋企，我翻去需要理由？？痴孖筋！

私人傳訊

yui1625

男爵府

積分: 5702

3^#

發表於 17-8-2 16:45 |只看該作者

UM...只可以話, 文化差別問題
係D老人家既世界, 佢地字典係冇「Flexible」呢個字
12點一定係LUNCH, 6點一定係食夜晚
話左3樣餸就3樣餸, 唔可以有一D out of 佢地planning既野出現
所以你點解釋其實都冇用, 根深柢固左

衰D講，你個62已經係萌塞到咩都聽唔入耳個隻
正如你會唔會同個精神病人鬧交丫?
你都明知佢痴痴地 (恕我咁樣黎比喻)
所以你C6句「唔好理佢」, 其實講堅架, 佢唔係HEA你

JM, 寄人離下係慘D架喇
而家既社會~都唔使太擔心BB冇營養既
我個陣陀BB, 因為自己住, 但屋又細
唔係成日有湯飲
返而多去中醫調理下身體清下熱
BB都平安出世呀!
唔好勞氣啦~開心迎接BB!

私人傳訊

hkgra

公爵府

積分: 26016

2024年龍年勳章

4^#

發表於 17-8-2 16:48 |只看該作者

講堅,唔好理佢,佢講哂你都話係啊,好啊
點做你自己睇啦~
認真,你就輸喇

私人傳訊

chengkayan

男爵府

積分: 5408

5^#

發表於 17-8-2 17:09 |只看該作者

LaiKayan0323 發表於 17-8-2 16:22
我62佢係一個心腸勁黑而且撲街嘅人事源是咁：今朝早我瞓到11點幾(因為我個肚都幾大，每晚根本冇覺好瞓)，老 ...

你62都幾野蠻，點解62鬧你地，你C6完全唔幫口，咪氣都由你一個孕婦受？

私人傳訊

LaiKayan0323

大宅

積分: 1003

6^#

發表於 17-8-2 17:19 |只看該作者

yui1625 發表於 17-8-2 16:45
UM...只可以話, 文化差別問題
係D老人家既世界, 佢地字典係冇「Flexible」呢個字
12點一定係LUNCH, 6點一定 ...

佢尋晚同我講話今晚要食湯粉，跟住今朝話要我負責煮，fine！冇問題，我煮。咁我啱先4點幾嘅時候咪落樓諗住睇下買D豬肉同青菜。順便落去行下，唔想同佢係屋企。佢見我出門即刻問我落去買咩？我話買d豬肉煮粉，佢即刻又窿面話，屋企仲有吃剩半只鷄，洗乜買豬肉煮啊？我咪話咯，我唔識用鷄煮湯粉。

佢就黑曬口面話，容乜易啊！清水加D雞精and鹽咪就係湯底咯。將只鷄斬開擺係面咪得咯！你買D青菜上來就得了。

跟住我落去買佐一袋青菜上來，佢就同我講，屋企雪櫃仲有半袋青菜(何謂半袋？百佳一袋袋pack好曬果D菜心嘅半袋，只有8條青菜)夠我哋三個食啦！(我，C6 仲有佢) 唉你又買多袋上來浪費！

我聽到真係好想發火！8條菜心，三個人食。你咁嘅說話都講得出口！！

我答佢話：青菜吃多D冇所謂嘅(微笑)

佢：係嘅，你咪要食多D咯！(個態度唔知點形容)

私人傳訊

LaiKayan0323

大宅

積分: 1003

7^#

發表於 17-8-2 17:21 |只看該作者

hkgra 發表於 17-8-2 16:48
講堅,唔好理佢,佢講哂你都話係啊,好啊
點做你自己睇啦~
認真,你就輸喇

我C6返工，我99都返工。我日日係屋企單獨對住呢個人，真係就來痴線。我本身大住個肚已經好唔舒服，仲要睇佢面色！

私人傳訊

ycbbluvbb

複式洋房

積分: 289

8^#

發表於 17-8-2 17:29 |只看該作者

我62都係野蠻無理既人!
佢自己唔記得白蘿蔔寒涼煲左白蘿蔔湯,
就話白蘿蔔補氣岩大肚婆飲!
我當然彩佢都傻, 好在唔同住,
但每次要應酬佢都好辛苦, 又要聽佢廢up 佢d 大道理,
我之前仲差d 產後抑鬱, 所以都比唔到意見你可以點開解自己,
我而家都係避得就避, 可唔見就唔見

私人傳訊

LaiKayan0323

大宅

積分: 1003

9^#

發表於 17-8-2 17:29 |只看該作者

chengkayan 發表於 17-8-2 17:09
你62都幾野蠻，點解62鬧你地，你C6完全唔幫口，咪氣都由你一個孕婦受？

佢閙我咋，因為果陣我係客廳汁緊係超市買翻來嘅嘢。我C6係廚房整緊豬柳包，佢唔知我62閙，係之後我哋入房食包嘅時候，我忍唔住喊佐出來，我C6問我咩事，我先話佢知。佢安慰我叫我唔洗理佢老豆。到佐尋日夜晚，我99翻來煮飯嘅時候我62都係廚房，我C6就去廚房同佢地講起呢件事，大肚婆要食多D blablabla… (我當時係房冇關門，都聽到佢地UP乜) 我62就話：餵，我晏晝都只系食餅乾咋！
我99即刻出聲：你可以咁唔代表人哋可以！

我62呢句即系，你挨餅乾唔食嘢。我就要跟你一樣唔食嘢。

我C6整緊豬柳包嘅時候，我被佢閙完都問佢要唔要整一份佢食。佢自己窿面唔彩我咋

私人傳訊

豬吉

伯爵府

積分: 15954

10^#

發表於 17-8-2 17:33 |只看該作者

回覆樓主

乜3個餸幾個大人食叫好多？
仲有兩個男人

私人傳訊

yui1625

男爵府

積分: 5702

11^#

發表於 17-8-2 17:34 |只看該作者

LaiKayan0323 發表於 17-8-2 17:19
佢尋晚同我講話今晚要食湯粉，跟住今朝話要我負責煮，fine！冇問題，我煮。咁我啱先4點幾嘅時候咪落樓諗住 ...

其實真係唔洗太認真答佢D問題好衰地你當佢真係SHORT SHORT地咁
你會好好多

下次問你去邊買咩: 買胸圍呀

叫你乜乜要點煮: 哦, 我唔識喎, 你黎喇一係
話你做咩買咁多: 多咩? 唔多呀?

總之扮傻答佢
我覺得佢有少少刷存在感, 想搵野黎講
所以.. 認真你就輸了

私人傳訊

LaiKayan0323

大宅

積分: 1003

12^#

發表於 17-8-2 17:38 |只看該作者

ycbbluvbb 發表於 17-8-2 17:29
我62都係野蠻無理既人!
佢自己唔記得白蘿蔔寒涼煲左白蘿蔔湯,
就話白蘿蔔補氣岩大肚婆飲!

有冇搞錯啊你62，唔識唔好廢up啦，真係靠害！同我62 一擔擔，乜都唔識又扮曬蟹。唔buy佢又話我哋唔尊重佢。明明唔識煮飯炒餸，日日都掙住炒！之前整嘅蝦仁炒蛋，D仲係流質嘅。佢話D蛋要半生熟，大佬啊！我大肚婆唔可以食半生熟蛋ga！果一餐就一碟蝦仁炒蛋，一碟白灼芥蘭（芥蘭都白灼，真係癲），兩條臘腸。我99夜晚OT，所以得我同佢仲有我C6三個人食！

跟住佢唔想煮飯嘅時候，就會命令我果日我來煮。我想食得營養少少，煮嘅款式多一兩個，佢就會話我嘥嘢。
真心頂佢唔順！