＋
Baby Kingdom - 親子王國 香港 討論區 › 首頁 › 婆媳關係› 你哋個99迷唔迷信??

婆媳關係

收藏本版
發帖
返回列表
跳至頁
你哋個99迷唔迷信?? [複製鏈接]

首頁
1

尾頁
   0
蜜棗


子爵府

積分: 11426

睛靈勳章 畀面勳章 BK Milk勳章


1#
發表於 08-2-5 14:16 |只看該作者
我已經開口同佢講我唔信.佢都係咁嚟.前幾日同我講話要早D瞓因為有胎神.(我唔知佢想講乜?佢如果係想開口話我夜瞓,咁平時佢又會要求我幚佢曬埋D衫先瞓,咁即係點?).有次我出咗街,佢幚我換床單,一換完就好緊張咁打嚟第一句就問:『你有冇事??』我搭緊車嗰吓比佢嚇咗嚇.(咁樣仲更加嚇親D大肚婆)我即時開口話佢迷信.之後又話唔好喺張床度勾嘢(我已經冇勾)成日迫我飲鮮奶,我知有咗飲鮮奶係好,但佢嘅原因係因為『飲咗個BB會白D』我飲倒我飲啦,我飲咗會嘔嘛.咁唔飲鮮奶仲有好多嘢可以取代鮮奶,好聲好氣同佢解釋(唔知幾多次)都係咁我,仲叫埋62一齊嚟我,搞到有一之我發火同佢哋講『都話飲咗嘔咯,要迫先嚟飲就飲咗都唔生肉啦!』之後我再拎本孕婦書比佢睇,裡頭寫【飲鮮奶BB皮膚會白D係冇科學根據】佢哋就無再迫.仲有好多,不過係結婚之前D嘢我都唔再講..我開始覺得99佢迷信到我驚佢,我係驚佢將來因為迷信對我BB不利,例如:燒符水比BB飲,帶BB去喊驚.我宜家都咁硬對佢.將來為咗亞B我同佢死過都得.
其實同佢關係一直麻麻.我同佢思想有好多分歧.我唔會迫佢信我認為啱嘅嘢,但我都唔想佢迫我信佢講嘅嘢.大家喺呢方面應該互相尊重.況且一直佢做D嘢都係為個孫.唔係為我,佢為邊個我冇得管.但唔好迫我做埋D無稽嘢先得架!!
爆愛車縫作
私人傳訊

evashao


大宅

積分: 2165


2#
發表於 08-2-5 14:36 |只看該作者
有時d99做既野又真係多此一舉左少少,有邊個媽咪唔會為自己個bb著想架丫?o係我陀囝囝/坐月既時候,雖然我99唔係話迷信到十足果種,但佢都有叫我有d野唔好/可以做!如果有根據或者比較講得通既我都會聽佢講既,畢竟大家都係為個bb著想(有無人為下個大肚婆著想既呢 )!
記得有一次好搞笑,我地同屋有個朋友個煲既煲蓋鬆鬆地,我叫極老公佢都唔肯去整(上實d螺絲),卒之就我99自己走去整,我本來都唔知架,係咁啱比我聽到門外面有打爛野既聲,我行出去睇吓,先知我99拎左個煲蓋出門外上螺絲 ,點之拎唔穩跌落地爛左(玻璃蓋)!佢咁做唔多唔少係因為我大住肚,佢唔想o係我面前上螺絲囉,點知佢就越幫越忙,當時真係唔知好嬲定好笑 ?
私人傳訊

tokwawan


大宅

積分: 1864


3#
發表於 08-2-5 14:58 |只看該作者
我個隻賤人99又係好迷信, 但佢鍾意就信, 唔鍾意就唔信, 唔Q知佢的準則:

1) 我有左時, 佢話唔可以用剪刀, 刀, 總之所有利器都唔得, 佢話如果本來係仔會剪左變了係女....大佬呀, 我返工點都會用到剪刀的...

2) 叫我放工唔可以去街, 要馬上回家, 因為入夜後, 會有好鬼怪攪個胎(但那時不時農曆七月)

3) 夏天時, 叫我着大褸出街, 佢話會凍親個肚, 會令個BB係肚裡面出疹

總之, 好多好多, 不能詳述...但最離譜係我有第二胎時, 佢話要返郷下移墳, 那個師傅話我有左唔得, 佢話唔驚, 佢唔迷信喎...點知到最後, 我係小產左, 但佢死都話唔關事喎...
私人傳訊

舞秋月


複式洋房

積分: 229


4#
發表於 08-2-5 15:08 |只看該作者
我奶奶係超級迷信, 我成日都話佢就黎走火入魔架啦 !!

(1)老公想轉份工, 本來有份岩心水0既, in 完之後人地都話可以等佢quit左而家呢份先返工, 跟住同奶奶傾啦, 佢就拎左人地老闆的卡片去算命, 算出黎話呢個老闆份人好"閹尖﹑度縮" 話做呢份工好辛苦又無出途架! 唔好轉

(2)結婚時買左層樓, 奶奶上過我地屋企, 大發脾氣, 話張餐台點可以放係窗邊, 搵人算過命啦 ! 對個仔的運氣唔好 ! 盞燈唔好放呢邊 ! 影響事業 ! 又嘜嘜物物! 總之佢話事啦 ! 奶奶 you win　

(3)每曰2次早上晚上"五體投地去拜神" 係成個人訓係地下個隻 wor ! 岩岩婚婚住埋一齊, 我仲未知佢有呢味習慣! 朝早訓醒去廁所, 我又深近視無戴眼鏡, 佢成個人訓係地下我仲以為係嘜野添, 嚇到我大聲叫左 !! 跟住啊奶奶同老公講我啦 ~

(4)我最忍受唔到奶奶就係連我幾時生仔都要管 ! 佢話算過命啦! 阿仔30歲生仔係最好架! 佢30歲前唔好生仔 ! 對將來個運有影響!

(5)呢次輪到我! 我條命又俾佢搵人算過! 話我將來對會虐待仔女, 佢一睇我唔順眼又或者做錯咩野就係咁單單打打, 鬼食泥咁口 up up, 全家人都知佢係度話緊我 ! 好彩呢次老公+老爺都企係我呢邊幫我 ! 起碼呢個家終於有番個正常人啦 !

不過最憎0既唔係奶奶, 我知道佢都係為屋企人好而搵人算命, 只係佢太太太太迷信 !!! ! 我最Q憎就係呢個算命婆 , 佢係奶奶的好朋友, 唔好俾我見到佢, 有朝一日我實打鑊金0既俾佢嘆 ! 我已經口頭同老公+老爺講到明, 呢個仇我一定報架!!

私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy