我都係topkids嘅家長
連日黎 我一係喺學校睇下有冇可以做
一係停希望揾到幫助嘅資訊
再唔係就撲暈天水圍元朗揾學位
邨同邨之間 學校同屋企停來來回回
仲要照顧我最愛嘅兩隻小魔星 處理屋企嘅事務
好耐冇感覺過身心咁疲憊
當然 我預左撐
因為做得父母 我就知道教孩子唔係一條短暫同平坦嘅路
我只係一個婦孺小市民
當我地勞心勞力捍衛 不免不休捍衛緊自己子女嘅時候
竟然有人出黎話我地係怪獸家長
質疑我地有冇必女要非德怡不可
我明白總有人針唔入肉不知痛
但大家可明白
而家唔係單一事件
如果今次真係霸權同黑箱作業殺校
係全港所有小朋友讀書都冇保障
而家唔止我地一間學校被逼
同樣事情不停發生嘅話意味住
大家小朋友隨時都會返返下學冇書讀
我地而家捍衛嘅除左係我地嘅小朋友
仲幫緊所有哩一刻咩都冇做嘅人/家長
捍衛埋你地現有嘅小朋友
什至未黎到哩個世界嘅小朋友嘅教育
話我地千方百計要嬴在起跑線既人
有冇先了解哩一間係點既幼稚園?
德怡係一間著重小朋友多方面發展, 唔係催促成績傳統學習既學校
我就係唔希望小朋友一定要嬴在跑點,
著重佢身心發展, HAPPY LEARNING先報讀德怡
以我個人立場, 要嬴起跑的話不如就快快轉校,
新界區起跑線唔夠, 咪跑出港島區囉
, 比錢啫, 辛苦D小朋友搭校車囉!!!
唔需要浪費爭取咁多 , 係咪?
點解我地要明知機會咁少咁難爭取都做咁多野呢?
係咪因為我地既情呢?
對小朋友既情..
對用心教育既教育者既情..
對相信香港, 相信財團, 相信其他市民仍然有同情心, 有良心既情...
係咪到我地大人冇得揀之後
連小朋友都冇選擇？
發表於 
返回列表
