＋

母乳餵哺

收藏本版
回覆 發帖
返回列表
跳至頁

首頁
1

尾頁
   0
JRBB


複式洋房

積分: 483


1#
發表於 07-9-14 19:37 |只看該作者
各位媽媽有以下的經驗嗎?可否分享一吓。
  • 我嘗試餵人奶有一個星期，因為上奶未咁好所以都有補奶粉，我嘅BB剛則出世，仲好鍾意瞓覺，通常餵人奶10分鐘就會瞓著，之前我會由佢含住乳頭，因為佢間中又會吮吓，但我發覺BB好似當咗奶咀咁，吮住仲瞓得好D，咁我依家當佢一瞓就會拔番個乳頭出黎，等佢醒少少或者喊先再黎過，啱唔啱呢!
  • 如果係咁，我會餵差不多1hr.，但可能我上奶未咁好，BB通常間一陣又想要吮，咁咪即係可能係每15mins就要餵1hr.會唔會太密?
  • 如果佢停嗰15分鐘通常會有屋企人幫我抱住，但不久B又會喊，無論抱佢嗰個係男定女，BB個咀都會靠近佢地胸前又想吮，咁係咪代表佢食唔飽? 咁即刻又餵過定係由佢喊(因屋企人安撫唔到BB唔喊)。
  • 如果抱上手餵得太密，我發覺BB當等候餵奶時不願睡在床上，總要人抱著才稍為收聲，這會唔會形成佢扭人抱? 因為屋企人話我抱得BB太多，令BB開始扭人抱。好似我咁夜晚等BB隨時有需要就餵奶，可以成晚抱著BB嗎? 因為怕BB喊聲嘈住屋企人瞓。
  • 初生BB需要為佢set餵人奶時間表嗎? 定還是當BB喊就即餵?
這些問題困擾我成個星期，希望大家可以幫忙幫忙!!!
私人傳訊回覆 引用

cherry0907


男爵府

積分: 8471


2#
發表於 07-9-14 23:55 |只看該作者
我個BB剛剛出世幾天,都係餵10min就想訓,姑娘教好似掃風咁拍小B佢就會立刻醒!!!!最好唔係食奶就唔好抱小B,我只會在食奶既先抱,同如食完奶就立刻放佢上牀訓,如訓訓下又未夠鐘食下一次‘我會比個奶咀佢食,佢就會好快訓返!:lol: :lol: :lol: 姑娘話約2-3小時餵一次人奶,所以在坐月期間小B訓你就同佢一齊訓,要爭取時間休息呀!!!!
私人傳訊回覆 引用

JRBB


複式洋房

積分: 483


3#
發表於 07-9-16 11:18 |只看該作者
原文章由 cherry0907 於 07-9-14 23:55 發表
我個BB剛剛出世幾天,都係餵10min就想訓,姑娘教好似掃風咁拍小B佢就會立刻醒!!!!最好唔係食奶就唔好抱小B,我只會在食奶既先抱,同如食完奶就立刻放佢上牀訓,如訓訓下又未夠鐘食下一次‘我會比個奶咀佢食,佢就會好快訓 ...


cherry0907,
多謝你嘅分享，你個BB好叻呀!咁快可以隔兩個鐘餵一次，我個囡囡尋日開始好咗，由每15分鐘要我一次增長到每30分鐘先要我一次，不過因為尋日囡囡12朝，好多鄉親黎探BB，又攪到D餵奶時間亂哂!囡囡又勁攰，又要俾人攪提醒抱，我惟有補咗D奶粉俾佢，驚佢太長時間要「招呼人」會肚餓。真係唔明點解D人覺得BB唔駛休息，同埋唔駛休息，囡囡喊吓又話我縱壞佢扭抱，咁佢肚餓梗係喊啦!但又唔肯俾番個囡我餵喎! 又話我地依家D媽媽太緊張，BB喊少少都咁緊張，又話以以前DBB粗生粗養，嘩!我個囡把聲都喊到沙哂!，D親戚仲講埋D咁嘅野，見到個女尋日咁攪到我同我老公都心痛死! :-( 又驚佢夜晚瞓得唔好，所以我成晚都無瞓，因為要ready隨時餵奶。如果第日我去探初生BB都唔會太早去，起碼滿月先，都費時咗住休息。
遲D滿月時仲慘:-( (其實我同我老公唔想擺滿月，但奶奶係都要) 囡囡就要做人肉佈景係要同人影相，仲要喺酒樓咁長時間，囡囡一定會好辛苦，點解D老人家為咗自己開心、答謝親友就要攪到D小朋友架!因為我諗住頭6個月都唔會帶囡囡出太多人地方，覆診除外。
私人傳訊回覆 引用

TFMOM


別墅

積分: 654


4#
發表於 07-9-16 12:01 |只看該作者
時間關係, 我只能簡短答你.

bb一兩個小時想食奶, 食下睡下, 像你所說的情況都發生在我的兩個bb身上. 甚麼上奶未上奶你不用管, 喂奶就得了. bb哭特別是想食咁, 你就抱住bb喂奶, bb剛出世, 他/她需要安全感. 多抱bb, 不會抱到佢'扭人抱', 只會令bb有安全感, 大些佢就愈乖, 期實bb即使'扭計'都只是不舒服, 我們要更加錫bb.

喂母乳需要慢慢上手, 你們下下想住補奶粉就只有失敗收埸 (不好意思, 我心急要去買米做飯給我家人, 没有時間慢慢解釋)

媽媽必需要對自己及母乳有信心. 你們產前的知識去了那裡. 還有, 在講自己的問題前, 先去參考之前其他媽媽的經驗(類似topic)可能已經可以解決你們的問題了, 因為人人都差不多.)

(以上意見只作參考. 語氣重了請多多包涵.得罪了.)


原文章由 JRBB 於 07-9-14 19:37 發表
各位媽媽有以下的經驗嗎?可否分享一吓。

我嘗試餵人奶有一個星期，因為上奶未咁好所以都有補奶粉，我嘅BB剛則出世，仲好鍾意瞓覺，通常餵人奶10分鐘就會瞓著，之前我會由佢含住乳頭，因為佢間中又會吮吓，但我發覺BB好似當咗奶 ...

My mission in life is to promote, protect and support breastfeeding.

希望每位媽媽都可以享受喂奶的樂趣!  每位bb都可以在媽媽懷裡享用媽媽的奶奶和感受媽媽的愛!

更多母乳資訊或哺乳支援
http://www.breastfeeding.org.hk/
私人傳訊回覆 引用

kleinpunkt


大宅

積分: 3170

好媽媽勳章 醒目開學勳章


5#
發表於 07-9-16 12:52 |只看該作者
JRBB遇到o既問題, 都係我所遇到o既, 而家亞b都係個零鐘就要食一次, 食完唔肯訓, 又要啜下抱下, 搞好耐至肯訓著, 有時搞成幾粒鐘...我認同TFMOM, 亞b要多o的安全感, 所以佢喊我就會抱佢, 畀佢食/ 啜下...有個朋友講開, 話亞b肯畀我o地抱o既時間唔係好多, 好快佢就會大, 唔再需要扭我o地抱, 要珍惜而家呢段時間, 我覺得都o岩o既...
私人傳訊回覆 引用


首頁
1

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy